Цифровой целковой

Википедиясто материал - аорев содамкундосто
Цифровой целковой
Digital ruble red logo.svg.png

Цифрово́й целко́вой (руз. Цифрово́й рубль) — те Центральной банконь цифровой валюта (CBDC), конань теизе Россиянь Банкось (РФ-нь ЦБ-сь), ярмаконь наличной ды наличнойтеме улиця форматненень поладомга Россиянь раськень валютань колмоце форма. Цифровой целковоенть карми нолдамо Россиянь Банкось цифровой лувсо. Цифровой целковоесь карми кирдеме эсензэ эйсэ Россиянь наличной ды наличнойтеме целковойтнень[1].

Историязо

2017-це иень ожоковсто криптовалютань (руз.) (эрз. бойкасто кастомань шкасто анокстазель «криптоцелковоень» технологической теемань топавтомга Правительствань кармавтомань теварсевкс[2].

Раськеютконь ловомань банксо кортасть, 2020-це иентень центральной весе банктнень 80%-нэ важодсть эсь цифровой валютань тееманть лангсо[3].

2020-це иень ожоковсто РФ-нь Центральной Банкось нолдась яволявтома, кона алтазель цифровой целковоень теемантень (Центральной банконь цифровой валютантень, ЦБЦВ)[4]. Тешкставкшновсь, Центральной банконь цифровой валютась а тееви криптовалютакс, секс мекс весементь карми нолдамо Россиянь Банкось, кона карми ловоматнень зыянтомочинь юрокс. Цифровой целковоень единицатне кармить вейкеть лия ёнов а молиця цифровой кодонть марто. Центральной банконь цифровой валютантень карми эрявомо вейсэндямс наличнойтеме ды наличной ярмаконь тевдеематнень — эйсэнзэ мереви ютавтомс пандоманть дистантонь лувсо ды офлайн-ярмаконь кирдемань вельде; Цифровой целковоесь карми полавтомо наличной ды наличнойтомо ярмакс вейке вейкентень (1:1) курсонть коряс. Яволявтомасо невтезь Центральной банконь цифровой валютань топавтомань учовикс 4 модельтне, весемесь карми аштеме сень эйстэ, кие, кода ды кинень панжи ярмаконь кирдематнень ды ютавты ловоматнень. Сестэ Дмитрий Песков (руз.) (эрз. Президентэнь пресс-секретаресь ёвтась цифровой целковоень тевс нолдамодо мель 3—7 иень перть[5].

2021-це иень чадыковсто Россиянь Федерациянь Центральной банкось ёвтнесь теварсевксэнть важодеманзо ланга. Кочказель истямо лув, косо Россиянь Банкось панжи ды вети кошелёкт финансонь институттнэнень, конатне, эсест пельде, панжить ды ветить кошелёкт клиенттнэнень. 2021-це иень прядовомантень арсевсь теемс платформа, косо сы иестэ ушодоволь цифровой целковоень важодеманзо варчамось[6].

2021-це иень аштемковсто Центральной банкось кочкась 12 банкт, конат варчамонь лувсо кармить ваномо цифровой целковоенть мельга 2022-це иень якшамковсто: «Ак Барс Банконть», «Альфа-банконть», «ДОМ.РФ Банконть», «ВТБ Банконть», «Газпромбанконть», «Тинькофф Банконть», «Промсвязьбанконть», «Росбанконть», «Сбербанконть», «СКБ-банконть», «СОЮЗ Банконть», «ТКБ банконть»[7] Варчамось ушодозель 2022-це иень якшамковонь 19-це чистэ[8]. 2022-це иень даволковонь 15-це чистэ Россиянь Банкось ды рынкань участниктне кундасть цифровой целковоень платформань варчамонь важодемань ютавтомантень ды пек парсте топавтызь эрицятнень ютксо цифровой целковойсэ васенце ютавтоматнень, седе тов те системанть вельде варчить пандомс товарт ды услугат[9][10].

2022-це иень чадыковонь 21-це чистэ Эльвира Набиуллина (руз.) (эрз. Россиянь Федерациянь Центральной банконь прявтось Госдумасо отчётонь невтемань шкасто ёвтась, масторонть потсо ды омбомастортнэсэ варчамонь лувсо пандоманть ушодыть ютавтнеме 2023-це иестэ саезь: «Сы иестэ карматано аламонь-аламонь ютавтнеме цифровой целковонть марто пандоматнень реальной экономикасо. Арсематнень коряс цифровой целковоесь тейсынзе ловоматнень седе дёшовасто. Минь арсемтяно, сон карми тевс нолдавомо раськеютконь пандоматнесэяк»[11].

2023-це иень эйзюрковонь 16-це чистэ цифровой целковойде законопроектэсь ютась Государственной Думасо васенце ловнома[12]. 2023-це иень аштемковонь 20-це чистэ РФ-нь Госдумань кемекстызе теварсевксэнть, конась максы ловомс цифровой пандоманть договоронь, собственностень ды наследованиянь объектэкс[13], медьковонь 11-це чистэ омбоце ды колмоце ловномасо кемекстазель цифровой целковоень тевс нолдамодо законось[14].

2023-це иень медьковонь 24-це чистэ Владимир Путин Россиянь Президентэсь тешкстась цифровой целковойде ды эрявикс платформадо закон. Закононь прявт ёнкстнэ кармасть важодеме 2023-це иень умарьковонь 1-це чистэ саезь[15]. Те макссь Центральной банконтень ушодомс цифровой целковойтнень марто варчамонь теварсевкс, конасонть ульнесть 13 банктнестэ зярыя клиентт[16]

2023-це иень умарьковонь 3-це чистэ Россиянь Банкось кемекстызе цифровой целковоень прявт тешксэнть[17] ды невтсь видео[18].

2023-це иень умарьковонь 15-це чистэ саезь цифровой целковоесь варчневи алкуксонь тевтнесэ[19].

2024-це иень умарьковонь 17-це чистэ Владимир Путин ёвтась, цифровой целковоень тевс нолдамонь варчамосо ульнесть 12 банкт, физической 600 ломанть, 11 ошсто микшнемань-сервисэнь 22 предприятият. 2024-це иень медьковонь даннойтнень коряс, цифровой целковоенть вельде теезь 27 тёжадо ламо ютавтыцят, товаронь ды услугань сисем тёжадо ламо пандомат. Тень пингстэ Россиянь Президентэсь макссь кармавтома келей гавтомс цифровой целковоень тевс нолдамонь сфератнень[20].

2025-це иень якшамковонь 28-це чистэ кармась содавомо, Россиянь Банкось Россиянь Федерациянь финансонь министерстванть ды Россиянь казначействанть марто вейсэ бюджетной процессэнть лувсо ютавтсь цифровой целковоень коряс васенце варчамот. Цифровой целковоень келейстэ тевс нолдамось арсевсь 2025-це иень медьковонь 1-це чистэ, ды Россиянь Банкось корты, кредитной весе вейсэндявкстнэ те шкантень кармить анокт[21].

2025-це иень даволковонь 4-це чистэ Россиянь Банкось мессенджертнэсэ ды социальной сеттнесэ цифровой целковойде тешкстась ламо эрьва кодат аволь виде кортамот. Регуляторось тешкстась, истят сёрмань кучнематнень прявт смустесь — теемс тандадома ды сеземс од формань ярмактненень кемеманть, ды а кемевтемс сень, цифровойс целковоенть ютамс карми эрявомо эрьванень. Центральной банкось истят кортамотненень вешсь а кемемс, тень пингстэ тешкстась, цифровой целковойтне кармить нолдазь наличной ды наличнойтеме ярмактненень поладомакс, сынст тевс нолдамодо арсемась кадови эрицятнень мельга[22].

2025-це иень даволковсто Центральной банкось кадызе лия шкас ды эзь карма келейстэ тевс нолдамо цифровой целковоенть, кона арсевсь 2025-це иень умарьковонь 1-це чистэ[23].

2025-це иень чадыковонь 11-це чистэ Центробанкось ёвтнесь ярмаконь саламонь од лувдо: салыцятне тейнить аволь виде интернет-сайтт ды цифровой целковоень арасьчинь программанть вельде инвестициянь путомань лувсо манчить эрицятнень пельде ярмакост[24].

2025-це иень аштемковонь 30-це чистэ Центральной банкось ютавтсь васенце цётамот цифровой целковоень варчамонь важодеманть коряс, кона ушодовсь 2023-це иень умарьковонь 25-це чистэ. 2025-це иень панжиковонь прядовомантень цифровой целковоень платформасо улицятне, конатнень марто операторокс ульнесь Центральной банкось, тейсть 63 тёжадо ламо ютавтомат, товартнэнь ды услугатнень кис малав 13 тёжат пандомат, топавтсть 17 тёжадо ламо смарт-контактт, кортави регуляторонь отчётсо. Платформасо весемезэ панжозь физической ды юридической лем марто ломанень малав 2500 кошелёкт — операциятне ютавтовить эрямонь 150-де ламо таркатнестэ 15 банконь клиенттнэнень[25].

2025-це иень медьковонь 15-це чистэ РФ-нь Госдумась колмоце ловномасо кемекстась пельксэнь-пелькс цифровой целковоень тевс нолдамонь коряс закон, теде башка кемекстызе товартнэнь ды услугатнень пандоманть туртов эрьва ков маштови QR-кодонть. 2026-це иень таштамковонь 1-це чистэ саезь банктне кармить клиеттнэнь туртов ютавтнеме ярмаконь операцият. Иезэнзэ 5 миллиононь целковойде аламо выручка марто микшницятненень аволь свал карми эрявомо сайнемс пандоманть цифровой целковойсэ[26]. Од закононть лувсо 2026-це иестэ саезь цифровой целковоенть мереви тевс нолдамс федеральной бюджетстэ эрьва кодамо пандоматнень туртов. Те сюлмазь пенсиянь, пособиянь, стипендиянь ды бюджетниктненень ярмаконь пандоманть марто.

Цифровой целковоень прявт тешкс

Цифровой целковоень васенце прявт тешксэнть, кона аштесь целковоень тешксстэ ды эйсэнзэ куродыця кирьксстэ, конась моли кшнинь ярмаконь ды Россиянь Федерациянь Центральной банконь прявт тешксэнть ёнов, невтизе Россиянь Банкось 2023-це иень умарьковонь 3-це чистэ башка видеосо ды сайтсэ[18][27][28].

Цифровой целковоень прявт тешкс

Мелень-арсемань ёвтамо

Эксперттнэ ловить цифровой целковоень паро ёнксокс ярмаконь аволь закононь чаравтомань марто бороцямонть, секс мекс транзакциятнень коряс весе информациясь карми ванстовомо Россиянь Банксо; сынст мельга ваномга седе тов а карми эрявомо пшкадемс эрьва банконтень, банконь рисьмень ёнксонтень[29].

Антон Силуанов РФ-нь финансонь министерствань прявтось лемдизе цифровой целковоенть пек парокс. Министрась сонзэ кемечинть сюлмизе Цетробанконь валютань эмитентэнть марто. Силуанов арси, бюджетэнть туртов паролгавтоманть кис теврасевксэсь карми марявомо мельстуицякс[30].

«Яков ды Партнёртнэ» (руз. «Яков и Партнеры») (икелень «McKinsey») компаниянь эксперттнэ арсить, бизнесэнть ды банктнень туртов раськень цифровой валютанть тевс нолдамодо мейле экономикань вейсэнь эффектэсь эрьва иестэ касы паряк 328 миллиардт целковойс — васняяк эквайрингень операциятнень лангсо экономиянть кис[31].

Сялдома

«Сбербанкось» (руз.) (эрз. сялдызе докладонть, ловизе цифровой целковоень кастоманть лангс ютавтоманть 2—4 триллионт целковойсэ, мезесь паряк карми ветямо кредитэнь ставкатнень касомантень. Се шкантень малав пелест банктне ловсть цифровой целковоень тееманть смусттемекс[32]. Теке марто «Сбербанкось» ёвтась икелепелень рисктнень ланга, конат сюлмазь валютань од формань киберэнь ёнксонь лавшочинть марто. Станислав Кузнецов банконь правлениянь прявтось арси, лавшочинть виевгавтомга эряви теемс лия ёнов а молиця лув, конань лангс карми эрявомо ютавтомс 20-25 миллиардт целковойть[33].

«Сколкова-РЭШ» куншкакуросо паро ёнкстнэнь марто невтнесть, цифровой целковоень тевс нолдамонть марто Центральной банкось паряк чопавти финансонь услугань рынкас. Паряк те карми ветямо регулирующей функциянть ёндо олячинь статусонь ды кемечинь ёмавтомантень[34].

Макроэкономикань анализэнь ды нурька шкас прогнозированиянь куншкакуронь эксперттнэ ёвтасть стака мель, паряк цифровой целковоесь карми ветямо банктнень ёндо ликвидностень ёмамонтень. 2024-це иень прядовомантень ули риск физической ды юридической статус марто ломантнень счётсо ютавтомс 9 аволь аламо триллионт целковойть[34].

Цифровой целковоень тевс нолдамонь апелема Центральной Банконь Цифровой валютанть (CBDC-нть) тевс нолдамозо сюлмазь эрьва кодат рисктнень марто — РФ-нь финансонь системань монополизация, эрицятнень, организациятнень ды государственной, муниципальной учреждениятнень туртов ярмаконь тевс нолдамонь коряс кардамотнень аравтомань варчамот, таштамонь тевенть — ярмактнень прявт тевенть ёмавтома[35]. Цифровой целковоень тевс нолдамонь прявт стакачитнестэ вейкесь сюлмазь эрьва ков пек ламоксть ладямонть марто[36].

Тешкставкст

  1. ↑ Цифровой рубль | Банк России. cbr.ru. Дата обращения: 20 Умарьковонь 2025.
  2. ↑ Цифровой суверенитет. Зачем правительству понадобился крипторубль(руз.). Forbes.ru. Дата обращения: 25 Умарьковонь 2025.
  3. ↑ Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.
  4. ↑ Цифровой рубль. Доклад ЦБ РФ от 13 октября 2020
  5. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  6. ↑ ЦБ наполнит кошельки цифровыми рублями. Коммерсантъ
  7. ↑ ЦБ выбрал 12 банков для тестирования цифрового рубля (руз.). Forbes.
  8. ↑ Некоторые российские банки уже тестируют платежи между физлицами с цифровым рублём // ТАСС
  9. ↑ Цифровой рубль: старт тестирования | Банк России. cbr.ru. Дата обращения: 20 Умарьковонь 2025.
  10. ↑ В пилотном режиме: в России начались первые испытания цифрового рубля // RT, 15 февраля 2022
  11. ↑ С 2023 года в России планируют начать расчёты в цифровых рублях (руз.). ИА REGNUM. Дата обращения: 20 Умарьковонь 2025.
  12. ↑ Госдума приняла в первом чтении законопроект о цифровом рубле (руз.). РБК.
  13. ↑ Анастасия Кузмичева. Госдума одобрила законопроект о наследовании цифрового рубля. РБК (21 Аштемковонь 2023).
  14. ↑ Госдума приняла закон о внедрении цифрового рубля. ТАСС (11 Медьковонь 2023).
  15. ↑ Путин подписал закон о внедрении цифрового рубля. ТАСС (24 Медьковонь 2023).
  16. ↑ ЦБ РФ начнет пилот с реальными цифровыми рублями после появления законодательной базы (руз.). Interfax.
  17. ↑ ЦБ утвердил логотип цифрового рубля. ТАСС (3 Умарьковонь 2023).
  18. ↑ 1 2 Банк России. У цифрового рубля появился логотип. rutube.ru (3 Умарьковонь 2023). Дата обращения: 20 Умарьковонь 2025.
  19. ↑ ЦБ РФ: о появлении цифрового рубля не знают более 30% опрошенных россиян. Эксперт (журнал) (19 Аштемковонь 2024). Дата обращения: 20 Умарьковонь 2025.
  20. ↑ Путин поручил перейти к широкому внедрению цифрового рубля. РИА "Новости" (17 Медьковонь 2024). Дата обращения: 20 Умарьковонь 2025.
  21. ↑ ЦБ и Минфин провели первые тесты цифрового рубля в бюджетном процессе, РБК. Ваннозь 20 Умарьковонь 2025.
  22. ↑ ЦБ зафиксировал всплеск мифов о цифровом рубле в мессенджерах и соцсетях, РБК. Ваннозь 20 Умарьковонь 2025.
  23. ↑ ЦБ отложил массовое внедрение цифрового рубля, РБК (27 Даволков 2025). Ваннозь 20 Умарьковонь 2025.
  24. ↑ ЦБ предупредил о схеме похищения денег через ложные инвестиции в цифровой рубль, Известия (11 Чадыков 2025). Ваннозь 20 Умарьковонь 2025.
  25. ↑ Банк России подвел первые итоги пилотирования цифрового рубля, Ведомости. Ваннозь 20 Умарьковонь 2025.
  26. ↑ Госдума утвердила внедрение цифрового рубля, Коммерсантъ (15 Медьков 2025). Ваннозь 20 Умарьковонь 2025.
  27. ↑ Фирменный стиль | Банк России. www.cbr.ru. Дата обращения: 20 Умарьковонь 2025.
  28. ↑ ЦБ утвердил логотип цифрового рубля (руз.). Ведомости (3 Умарьковонь 2023). Дата обращения: 19 Умарьковонь 2025.
  29. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  30. ↑ Министр финансов России Силуанов назвал создание цифрового рубля перспективным
  31. ↑ Инновационный кошелек. Эксперт (14 Даволковонь 2024).
  32. ↑ Что не так с цифровым рублём: Сбер предупредил о рисках новой валюты // Вести.ру, 15 декабря 2020
  33. ↑ Сбербанк оценил, во сколько обойдётся устойчивость цифрового рубля
  34. ↑ 1 2 «Полный цикл операций». В России испытали цифровой рубль
  35. ↑ Перспективы внедрения ЦВЦБ в России (руз.). Журнал о блокчейне. Дата обращения: 20 Умарьковонь 2025.
  36. ↑ Максим Стулов. Четыре главные опасности цифрового рубля, Ведомости (21.03.25).

Литература

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.

Ссылкат

Саезь "https://myv.ruwiki.ru/w/index.php?title=Цифровой_целковой&oldid=541273"-стэ