Чаень раськеютконь чи
| Чаень раськеютконь чи | |
|---|---|
 Чаень куракшт | |
| Типень коряс | Профессиональной покшчи |
| Кода лемезэ лиякс | англ. International Tea Day |
| Аравтозь | World Social Forum, 2005-це иестэ |
| Косо тешкстави | Индиясо, Шри-Ланкасо ды чаень тевдеемань лия мастортнэсэ |
| Зярдо ютавтневи | Панжиковонь 21 чи[1] |
| Кода сеедьстэ тешкстави | Ацамковонь 15-це чи |
| Мезе марто сюлмазь | 1773-це иень ацамковонь 16-це чистэ Бостононь чаень симеманть ды «Чаень индустриянь важодицянь Правань масторлангонь Декларациянь» кемекстамонть марто |
 Чаень раськеютконь чи | |
Чаень раськеютконь чи (англ. International Tea Day) — аволь официальной покшчи, кона тешкстави эрьва иень панжиковонь 21-це чистэ Тонавтомань ды Кортамонь Куншкакуронть мелензэ коряс. Ловови важодема чикс.
Покшчинть эрямопингезэ ды смустезэ
«Чаень раськеютконь чись» ловови од покшчикс. «Чаень чинть» тешкстамодо мелесь ламо иеть ливтнесь коштсо, ансяк Мумбай Индиянь ды Порту-Алегри Бразилиянь (Тонавтомань ды Кортнемань коряс Куншкакурось (англ. Centre for Education and Communication)) оштнесэ 2004-це ды 2005-це иетнестэ масторлангонь покш промкстнэсэ (англ. World Social Forum) кортнемадо мейле ацамковонь 15-це чись кармась лемдевеме «Чаень раськеютконь чикс».
«Чаень раськеютконь чинть» прявт путовксокс ульнесь варштавтомс обществанть ды политиктнень вановтост чаень микшнемстэ стакачитнень лангс, чаень тевдеемасо важодицятнень аштемаст ды сеть кажотнень лангс, конат вастневить апокш тевдеицятнень ды покш корпорациятнень ютксо, ды теде башка масторлангсо те симемапеленть содавиксчинзэ марто[2]. Нать, секс, мекс покшчинть путовкстнэ кандыть социальной ды экономикань покш ёнкст, ютавтома шкакс кочказь ацамковонь 15-це чись, мезесь парсте невти, чаень отраслянтень савкшны бороцякшномс ламо стакачитнень марто, конатнень эряви изнямс нейке, зярс те эзь пачтя истят тевтнес, конат ульнесть 1773-це иень ацамковонь 16-це чистэ. Теке марто 1773-це иень ацамковонь 15-це чистэ ульнесь кемекстазь «Чаень индустриянь важодицянь Правань масторлангонь Декларациясь».
«Чаень раськеютконь чись» сехте келейстэ тешкстави Индиясо ды Шри-Ланкасо, ансяк Бангладеш, Непал, Вьетнам, Индонезия, Кения, Малайзия, Уганда ды Танзания мастортнэсэ, конат лововить масторлангонь келес велесэ чаень сех вадря тевдеицякс, те покшчинть эйстэ ве ёно а кадновить.
«Чаень раськеютконь чинть» кармасть тешкстамо Россиясояк, косо чаесь ловови сехте содавикс симемапельтнестэ вейкекс. Зярс те покшчись РФ-сэ тешкстави аволь пек келейстэ. Истя, 2009-це иень ацамковонь 11-це чистэ Иркутск ошсо панжовсь «Чаень шка» невтема, кона алтазель те чинтень[3].
2019-це иень ацамковонь 21-це чистэ Раськетнень Вейсэндязь Организациянь (ООН-нь) Генеральной Ассамблеясь кемекстызе «Чаень раськеютконь чи» (International Tea Day) покшчинть панжиковонь 21-це чис[4][5].
Теке марто вант
- Бостононь чаень симема
- Ярсамопелень микшнемань масторлангонь чи
- Шоколадонь масторлангонь чи
Тешкставкст
- ↑ https://undocs.org/en/A/74/386
- ↑ [www.calend.ru/holidays/0/0/2667/ Международный день чая — 15 декабря. История и особенности праздника в проекте Календарь Праздников 2010]
- ↑ Международный день чая отмечают в Приангарье. Аргументы и факты (2009-це иень ацамковонь 11-це чи). Дата обращения: 2010-це иень умарьковонь 13-це чистэ.
- ↑ United Nations. Международный день чая | Организация Объединенных Наций. United Nations. Дата обращения: 2020-це иень медьковонь 4-це чистэ.
- ↑ Международный день чая - International Tea Day - 21 мая. Какой Сегодня Праздник?. Дата обращения: 2020-це иень медьковонь 4-це чистэ.
Ссылкат
- [www.calend.ru/holidays/0/0/2667/ «Чаень раськеютконь чись» в «Покшчинь ковкерькссэ»]