Чемышев, Андрей Валерьевич

Википедиясто материал - аорев содамкундосто
РУВИКИ-сэ улить лия ломантнень ланга сёрмадовкст, конатнень фамилияст Чемышев.
Андрей Чемышев
Чемышев, Андрей Валерьевич 2.jpg
Чачома чизэ 1970 иень медьковонь 6-це чи
Чачома тарказо Покш Мушка, Сернуронь буе, Маринь АССР, РСФСР, СССР
Масторозо СССРFlag of the Soviet Union.svg СССР→Россиянь коцтось Россия
Наукань сферазо келень кастома
Важодема тарказо Маринь келень, литературань ды историянь институт
Тонавтнемазо Санкт-Петербургонь связень военной университет
Казнензэ ды премиянзо М. Н. Янтемир лемсэ Марий Эл Республикань государственной премия
Commons-logo.svg Андрей Валерьевич Чемышев

Андре́й Вале́рьевич Че́мышев (1970-це иень медьковонь 6-це чи, Покш Мушка веле, Маринь АССР) — Россиянь ды маринь кельсодый ды келень кастыця, Маринь келень, литературань ды историянь институтонь важодиця.

Эрямо кизэ

[витнемс | витнемс-петнемс лисьмапрянзо]

Чачсь Маринь АССР-нь Сернуронь буень Покш Мушка велесэ. Раськень коряс — мари́. Эйкакшпингестэ саезь парсте содылилизе тиринь маринь келенть. Школань прядомадо мейле кармась эрямо Ленинградсо, косо «Радиосвязь» специальностенть коряс прядызе Ленинградонь связень высшей военной инженерной училищанть. 2005-це иестэ саезь важодсь «Марий Эл Радиосо»(ru). 2011-це иестэ ютась важодеме Сыктывкар ошсо Коми Республикань государственной службань ды тевветямонь академиянть пингстэ Келень инновациянь технологиянь куншкакурос, косо топавтсь FU-Lab — Финнэнь-угрань кельтнень информациянь кастоманть коряс регионъютконь лабораториянь теварсевксэнть. FU-Lab сайтсэ улить маринь, коминь ды лия кельтнень оцифровазь валкст, коминь келень корпус, тонавтомань упражненият, видестэ сёрмадомань ванномат, конвертерт ды лия лездамопельть[1].

2016-це иестэ саезь важоди Маринь келень, литературань ды историянь институтсо, косо ютавты лексикологиянь ванномат, пурны-теи валкст ды касты маринь келенть интернетсэ. «Марий йогын» («Маринь чудикерькс») маринь кельсэ васенце подкастонь теиця[2], «Контактсо» социальной сетень интерфейсэнть маринь кельс прявт ютавтыця. Важоди маринь келень раськень корпусонь тееманть лангсо[3]. «Келень мастор» келень вейсэндявксос совиця[4].

Айгиз Кунафин башкирэнь келень кастыцянть марто топавты ламо кельсэ превей колонкань теварсевкс, кона маринь кельсэ невтезель 2024-це иень панжиковсто:

Мезе ёвтан превей колонканть коряс? Мон эзинь арсе сонзэ теемадо. Минь Айгизэнь марто арсинек, тенек эряви аудио- ды видеоконтентэнь автоматикань ёндо ютавтомань паро лездамопель ды эйкакшонок вановольть мультфильмат минек тиринь кельсэ: Айгизэнь башкиронсесэ,
а монь Эрвинам — маринсесэ. Сынь ваныть эсь планшетэзэст,
а мультфильматне автоматикань ёндо кармить ютавтовомо сеть кельтнес, конатнень минь путсынек настройкас... Ансяк вана Айгиз сайсь ды тейсь Һомай башкирэнь кельсэ эсензэ превей колонка... Ды миненекак сась мель нолдамс тевс секе кшнинть ды программань путоманть, а колонкась карми ламо келень: мерят Һомай — тонеть ёвты башкирэкс, мерят iВика (Айвика) — каршо вал ёвты марикс[5].

Общественной мелень-арсемань ёвтамо

[витнемс | витнемс-петнемс лисьмапрянзо]

2022-це иень эйзюрковсто ёвтась мель аравтомс государственной органтнэнь ды бюджетной учреждениятнень компьютертнэсэ маринь клавиатурань раскладка[6].

Наукань прявт важодеманзо

[витнемс | витнемс-петнемс лисьмапрянзо]
  • Словарь сравнений марийского языка. Йошкар-Ола, 2019. 493 с. (пурныцятне-теицятне: Абукаева Л. А., Чемышев А. В., Митрускова А. А.).
  • Словарь эпитетов марийского языка. Йошкар-Ола, 2022. 408 с. (пурныцятне-теицятне: Абукаева Л. А., Чемышев А. В., Митрускова А. А.).

Казнензэ

[витнемс | витнемс-петнемс лисьмапрянзо]
  • 10 томсо «Маринь келень валкс» (1990—2005-це иеть), «Марий орфографий мутер» («Маринь орфографиянь валкс»)
    (2011-це ие), «Марий электрон мутер» («Маринь электронной валкс») (2011-це ие) книгатнень кис М. Н. Янтемир лемсэ Марий Эл Республикань государственной премиянь лауреат[7], теде башка Маринь келень сравнениянь валксонть кис (2021-це ие)[8].
  • «Тиринь кельтнень ванстомасо ды кастомасо покш путовксонть кис» номинациясо «Раськень каштанчи» Весе Россиянь общественной премиянь лауреат (2021-це ие)[9].
  • Марий Эл Республикань Правительствань Шнамо конёв (2024-це ие)[10].

Тешкставкст

[витнемс | витнемс-петнемс лисьмапрянзо]
  1. ↑ FU-Lab. Дата обращения: 24 Таштамковонь 2020. Архивировано 23 Таштамковонь 2020 года.К:Рувики:Cite web (не указан язык)
  2. ↑ Первый подкаст на марийском языке запустили в Йошкар-Оле. «Кидшер» (17 Медьковонь 2020). Дата обращения: 12 Даволковонь 2022. Архивировано 12 Даволковонь 2022 года.
  3. ↑ Национальный корпус марийского языка планируется запустить в 2020 году. Кидшер (24 Чадыковонь 2019). Дата обращения: 24 Таштамковонь 2020. Архивировано 27 Эйзюрковонь 2022 года.
  4. ↑ Махум — команда. Страна языков. Дата обращения: 24 Таштамковонь 2020. Архивировано 25 Медьковонь 2020 года.
  5. ↑ София Костогрызова. «Умная колонка будет мультиязычной: говоришь Һомай - отвечает по-башкирски, говоришь iВика - отвечает по-марийски». Миллиард.татар. Дата обращения: 2024-це иень якшамковонь 19-це чи.К:Рувики:Cite web (не указан язык)
  6. ↑ Лингвист предложил установить на компьютерах госорганов марийскую раскладку клавиатуры. Кидшер (20 Эйзюрковонь 2022). Дата обращения: 27 Эйзюрковонь 2022. Архивировано 25 Эйзюрковонь 2022 года.
  7. ↑ Общие сведения об институте. Марийский научно-исследовательский институт языка, литературы и истории им. В. М. Васильева при Правительстве Республики Марий Эл. Дата обращения: 13 Даволковонь 2022. Архивировано 8 Якшамковонь 2022 года.
  8. ↑ от 20 декабря 2021 г. № 219. mari-el.gov.ru. Дата обращения: 12 Даволковонь 2022. Архивировано 12 Даволковонь 2022 года.
  9. ↑ Андрей Чемышев стал лауреатом премии "Гордость нации" (20 Сундерьковонь 2021). Дата обращения: 12 Даволковонь 2022. Архивировано 20 Сундерьковонь 2021 года.
  10. ↑ Глава Марий Эл наградил почетной грамотой Андрея Чемышева, Кидшер (04.06.2024).

Ссылкат

[витнемс | витнемс-петнемс лисьмапрянзо]
Саезь "https://myv.ruwiki.ru/w/index.php?title=Чемышев,_Андрей_Валерьевич&oldid=367136"-стэ