Черяпкин, Иосиф Григорьевич
Иосиф Григорьевич Черяпкин (1905-це иень сундерьковонь 12-це чи, Исапря, Пензань губерния — 1995-це иень ацамковонь 6-це чи, Санкт-Петербург) — Советской Союзонь Герой, танконь ушмонь гвардиянь полковник.
Эрямо кизэ
Чачсь 1905-це иень сундерьковонь 12-це чистэ Пензань губерниянь Инсаронь уездэнь Исапря велесэ (ней — Мордовия Республикань Инсаронь буе). 1921-це иестэ ютась эрямо Пензань губерниянь Иссинской буень Потравной посёлкав. Мейле тонавтнесь пензань совпартшколасо.
1925-це иестэ саезь Важодицянь ды сокицянь-видицянь Якстере армиясоль. 1929-це иестэ ульнесь Китаень-Чилисемань чугункань килангсо (Васоло Чилисема ёнкс) тюрематнесэ, 1939-це иестэ якась Чивалгомань Украинав ды Чивалгомань Белоруссияв.
1941-це иень аштемковсто саезь Ине Отечественной войнань фронтсо. Танконь гвардейской 50-це бригадань командир (танконь гвардейской 9-це корпус, танконь гвардейской 2-це армия, Белоруссиянь 1-це фронт).
Черяпкин полковникесь парсте невтизе прянзо Варшава маласо тюрематнесэ. 1945-це иень якшамковонь 16-це чистэ саезь 25-це чис сонзэ прявтсо бригадась, кода икеле молиця отряд, истожась ятонь пехотань малав колмо батальонт (малав 2 тёжат ломанть). Советской Союзонь Героень лемесь максозель Иосиф Черяпкиннэнь 1945-це иень чадыковонь 6-це чистэ.
Теде башка, И. Г. Черяпкин казезель кавксо орденсэ.
1950-це иестэ саезь запассоль. Эрясь Ленинградсо.
Кулось Санкт-Петербургсо 1995-це иень ацамковонь 6-це чистэ. Калмазь Санкт-Петербургонь крематориянь колумбарийсэ.
Ледстнема
- Черяпкинэнь бюстонзо аравтозь Инсар ошонь (Республика Мордовия) ды Исса (Пенза ёнкс) ошонь посёлкань Героень аллеятнесэ.
Литература
- Герои и подвиги. — Саратов, 1978. — Кн. 4. — С. 177—187.
- Геройская быль. — Саранск, 1985. — 2-е изд. — С. 335—339.
Ссылкат
Черяпкин, Иосиф Григорьевич. «Масторонь маралят» вальмась.
 | Те сёрмадовксонть лангс а нежедить РУВИКИ-нь лия сёрмадовкстнэ. |