Чийнемань раськеютконь чи
| Чийнемань раськеютконь чи | |
|---|---|
.jpg) | |
| Типесь | Раськеютконь |
| Лия лемезэ | Чийнемань масторлангонь чи |
| Аравтозь | 2009 |
| Тешкстави | эрьва иестэ |
| Тешкстамонь чись | аштемковонь васенце куншкачи |
| Мезе марто сюлмазь | чийнема |
Чийнемань раськеютконь чи (англ. Global Running Day) — масторлангонь покшчи, кона эрьва иестэ тешкстави аштемковонь васенце куншкачистэ. Прявт смустесь — чийнемадо кода спортто кулянь сравтнема ды весе масторонть эйсэ чийнемань вечкицятнень вейсэндямо.
Покшчиденть
Кода весе ушодовсть
Чийнемань масторлангонь чиденть мелесь-арсемась чачсь 2009-це иестэ Американь Вейсэндязь Штаттнэсэ[1], косо пек вечксызь шожда атлетиканть. Васняяк покшчись ульнесь раськень, ансяк сон бойкасто кармась касомо ды вечкевеме лия мастортнэсэяк. 2016-це иень аштемковонь 1-це чистэ саезь покшчись кармась тешкставомо весе модамасторонть келес[2].
2017-це иестэ Шожда атлетикань федерациятнень раськеютконь ассоциациясь (IAAF) кирдизе те арсеманть, ды се шкасто саезь Чийнемань Масторлангонь чись ламо мастортнэсэ тешкстави аштемковонь васенце куншкачистэ.
Покшчинь тешкстамонь койть
Покшчинтень самс мереви эрьва ломанентень эли спортонь куронтень. Чийнемань раськеютконь покшчинть тешкстамга сех шожда ёнксось — лисемс чийнемас. Мереви вейсэндявомс те чистэ ютавтовиця шожда атлетикань эрьва кодамо тевс эли эстеть чиемс зярыя вайгельбеть.
Теке марто те чистэнть ютавтовить вейсэнь промкст, конатнень весе масторлангонть келес кирдить спортонь сядот курот ды алтазь шожда атлетикань икелень шкань содавикс ломантнень ледстнемга. Эйзэст содавикстнэ сеедьстэ тердевить кода покш инжеть.
Чийнемань вечкицятненень мереви тешкставтомс спортонь эсь изнямотнень Чийнемань раськеютконь чинь официальной порталсо[3]. Эйсэнзэ мереви невтемс чиемань кинть, кувалмонзо ды аштема тарканзо. Теде башка порталсо ютавтневить виртуальной чийнемат, конатнесэ мереви пелькстамс эрьванень[4][5].
«Чипаень икельдязь» теварсевкс
Прявт тевтне ютавтневить «Чипаень икельдязь» валтнэнь марто[6]. 2018-це иестэ теварсевксэсь ушодозель Шожда атлетикань федерациятнень раськеютконь ассоциациянть лезксэнзэ вельде. Арсеманть смустезэ — пелькстыцятне масторлангонь эрьва кодамо таркасо ве шкасто анокстыть чиемат ды максыть эстафетанть чарытештень (планетань) вейке таркасто омбоце таркас, конат молить мельга-мельцек часонь каркссо. Чиемась ушодови Од Зеландиясо, седе тов юты Австралияв, Японияв, Европав, Африкав, Лембе ды Кельмеёнксонь Америкав.
Чиематнень шкась арсезь-теезь парсте, сынь ютыть эрьва чассто, секскак «эстафетась» моли вейке чи. 2018-це иестэ чиемась ушодовсь Оклендсэ, седе тов весемесь поладовсь Мельбурнсо, Токиосо, Пекинсэ, Бангкоксо, Делисэ, Минсксэ, Рамалласо, Аддис-Абеба, Йоханнесбургсо, Ниццасо, Берлинсэ, Лондонсо, Рабатсо, Абиджансо, Праясо, Сан-Паулусо, Буэнос-Айрессэ, Гаванасо, Торонтосо, Лимасо, Мехикосо ды Лос-Анджелессэ, прядовсь сон Ванкуверсэ.
«Чийнемс мереви эрьванень — те эрьгелемань ды пелькстамонь вадря тев. Паряк эйсэнзэ ули вейсэнь кортамонь эли ськамочинь смусть… Ансяк сехте пек те касты вийть, цидярдома, рунгонь виевгавтома ды шумбрачи[7].»
— Себастьян Коу IAAF-нь прявт
Россиясо
Россиясо Чийнемань чиденть башка ютавтневи «Нациянь Кросс» спортонь покшчи. Эйсэнзэ пелькстыть профессиональной спортсмент, эрьва кодамо шумбрачи ды анокстамо марто чийнемань вечкицят. Истя, паралимпиадань кой-кона пелькстыцятне невтить эсь виест ардомань башка крандазкесэ, мезесь пелькстамонь лувтнень коряс тейнемс мереви[8].
Теке марто вант
Тешкставкст
- ↑ Андрей Соколов. 5 июня отмечают День бега: История и особенности праздника. LIFE (7 Аштемковонь 2023). Дата обращения: 21 Панжиковонь 2024.
- ↑ Забег-марафон "Всемирный день бега". Russia Running. Дата обращения: 21 Панжиковонь 2024.
- ↑ Join The Virtual Race (англ.). Global Running Day. Дата обращения: 21 Панжиковонь 2024.
- ↑ СТРАНА СЮЖЕТ: ПРАЗДНИКИ И ВЫХОДНЫЕ В РОССИИ В 2024 ГОДУ Международный день бега в 2023 году — история праздника. «МИЦ «Известия» (6 Аштемковонь 2023). Дата обращения: 21 Панжиковонь 2024.
- ↑ Всемирный день бега. ИС «Спортивный регион. Белгородская область». Дата обращения: 21 Панжиковонь 2024.
- ↑ Владимир Криулин. В Парке Победы прошел забег «Обгоняя солнце». Комсомольская правда (6 Аштемковонь 2018). Дата обращения: 21 Панжиковонь 2024.
- ↑ Ирина Кебо. Всемирный день бега: история, традиции, когда и как отмечается. Журнал "Марафонец" (7 Аштемковонь 2023). Дата обращения: 21 Панжиковонь 2024.
- ↑ Олег Баскаков. Всемирный день бега в 2024 году: история и традиции праздника. Комсомольская правда. Дата обращения: 21 Панжиковонь 2024.