Чувтонь пиже гуй
Чувтонь пиже гуй — Китаень ковкерьксэнть коряс 2025-це иень прявт тешкс.
Гуень иенть ушодовомазо — 2025-це иень якшамковонь 29-це чистэ, прядовомазо — 2026-це иень даволковонь 16-це чистэ[1].
Гуень ие
Китаень гороскопсо улить 12 ракшат, конатнень эйстэ эрьвась невти кой-кодамо иенть. Ракшась сюлмави металлонть, чувтонть, веденть, толонть, моданть вете кодаткак элементтнэстэ вейкенть марто. Лисни, 12 иес весть ютавтневи ракшань ие, конась эрьваксть сюлмазь полавтневиця элементтнэнь марто. Весемезэ понгонить 60 эрьва кодат иеть. Истямо койсэ, Китаень гороскопсо циклась полавтневи 60 иень перть[2].
12 иень гороскопонь молемасо гуесь саи 6-це тарка ды эрси[1]:
- металлонь (ашо) гуекс;
- чувтонь (пиже) гуекс;
- ведень (сэнь) гуекс;
- толонь (якстере) гуекс;
- модань (ожо) гуекс.
Гуень седе икелень иетне
- 1929-це иесь — (модань гуень ие)
- 1941-це иесь — (металлонь гуень ие)
- 1953-це иесь — (ведень гуень ие)
- 1965-це иесь — (чувтонь гуень ие)
- 1977-це иесь — (толонь гуень ие)
- 1989-це иесь — (модань гуень ие)
- 2001-це иесь — (металлонь гуень ие)
- 2013-це иесь — (ведень гуень ие)
Истямо койсэ, меельцеде чувтонь пиже гуень иесь ульнесь 1965-це иестэ[3].
Прявт тешксэнть ланга
Китаень культурасо гуесь лововсь пертьпельксэнь тешксэкс, неть ракшатнень лангс ваныльть паро мель марто[2]. Нюйва Китаень пазавась невтеви гуень рунго ды ломанень пря марто[4]. «Шань хай цзин» мифологиянь коряс книгасо вастневить пазтнэнь ланга кортамот, зярдо гуйтнень кандтнесть мазылгавтомань кис.
Гуенть марто сюлмазь истят ёнкст: прев, превейчи, ёжовчи, домкачи ды кемечи[5].
2025-це иенть невтиця тюстнэ ды тешкстнэ (пиже, чувто) чилисема ёнкссо сюлмазь свалшкань касоманть ды икелев молеманть марто.
Чувтонь пиже гуень иень коень-кирдань вастовомат
Чувтонь пиже гуень иенть вастыть кудораськесэ эли малавикс ломантнень марто.
Коень коряс ловови, чувтонь пиже гуесь вечки оршамопелень истят тюст[6]:
- пиже;
- якстере;
- ожо (сырнень);
- серой;
- раужо.
Оршамонть мереви мазылгавтомс човалясо, цитнемапельсэ, викшнемасо, питней кевнень ёнов молиця теевкссэ.
Эрямонь, важодемань ды стявтозь лия эрьва кодат таркатнень мазылгавтомга мереви тевс нолдамс кельме тюст[6] ды теде башка цифтёрдомка, кона полавтни тюсонсо теке гуень кедь[1].
Покшчинь туворс путовить сех тантей ярсамопельть: сывель, иневедень ярсамот, алт, сыра.
Тешкставкст
- ↑ 1 2 3 Зеленая Деревянная Змея - символ 2025 года по восточному календарю, Российская газета (2024-це иень ожоковонь 4-це чи). Ваннозь 2024-це иень сундерьковонь 13-це чистэ.
- ↑ 1 2 Зеленая Деревянная Змея. Что нужно знать о символе 2025 года, РБК Life (2024-це иень таштамковонь 16-це чи). Ваннозь 2024-це иень сундерьковонь 13-це чистэ.
- ↑ Анна Луговая. Каким будет следующий год Змеи по китайскому гороскопу: характеристики и описание знака, Lenta.RU (2024-ожоковонь 17-це чи). Ваннозь 2024-це иень сундерьковонь 13-це чистэ.
- ↑ Нюйва — создательница человеческих существ. www.epochtimes.ru (2016-це иень чадыковонь 9-це чи). Дата обращения: 13 Сундерьковонь 2024.
- ↑ Зеленая деревянная змея - символ 2025 года: что важно знать о главном символе. Ваннозь 2024-це иень сундерьвонь 13-це чистэ.
- ↑ 1 2 Екатерина Козлова. Принесет удачу: каким будет 2025 год Зеленой Деревянной Змеи, Пятый канал (2024-це иень сундерьковонь 9-це чи). Ваннозь 2024-це иень сундерьковонь 13-це чистэ.
Литература
- Проничева И. А. Роль культурной коннотации в адаптации семантики заимствованных образов в русской лингвокультуре (на примере 12 знаков по восточному календарю) // Тульский научный вестник. Серия История. Языкознание. 2020. № 3.
- Чжан Цзиньлэй, Непомнящих Е. А. Текстологическая специфика гороскопов (на материале русского и китайского языков) // Евразийский Союз Учёных. 2020. № 4-9.
- Цзя Хуэйминь Лунный календарь и знаки зодиака в повседневной культуре Китая // Манускрипт. 2016. № 7-1 .
- Цзя Хуэйминь Китайские новогодние праздники по лунному календарю в повседневной культуре современного Китая // Общество: философия, история, культура. 2016. № 8.
Ссылкат
 | Те сёрмадовксонть лангс а нежедить РУВИКИ-нь лия сёрмадовкстнэ. |