Шахтёронь чи
| Шахтёронь чи | |
|---|---|
| Файла:Aug-5-sun.png | |
| Типесь | Профессиональной покшчи |
| Тешкстамонь чись | эрьва иестэ, умарьковонь меельце таргочистэ |
 Шахтёронь чи | |
| 25.08.24 |
| 31.08.25 |
| 30.08.26 |
| 29.08.27 |
| 27.08.28 |
Шахтёронь чи — шахтёронь профессиональной покшчи, конань эрямопингезэ ушодовсь Советэнь Союзонь шкасто; СССР-нь каладомадо мейле теке тешкстави Россиясо, Белоруссиясо, Эстониясо, Узбекистансо, Казахстансо, Украинасо ды Киргизиясо умарьковонь меельце таргочистэ.
Покшчинть эрямопингезэ
1935-це иень веть умарьковонь 30-це чистэ саезь умарьковонь 31-це чис Ирмина ошсо «Центральная-Ирмино» шахтасо, седе тов шахтёронь «22-це инекужосо» Алексей Стаханов путсь рекорд (вешематнень коряс уголиянь 7 тоннань таргамсто сон таргась 102 тоннат), кона кармась стахановонь движениянь ушодомакс. Покшчись тешкстави Советэнь Союзонь икелень республикатнесэ.
СССР-сэ покшчись официальнойстэ кемекстазь Дмитрий Оника ды Александр Засядько уголиянь промышленностень министратнень мелест-арсемаст ёвтамга 1947-це иень таштамковонь 10-це чистэ. Шахтёронь чись тешкстамось васенцеде ютась 1948-це иень умарьковонь 29-це чистэ. Иенть ушодовомсто министрась нолдась «Шахтёронь чи покшчинтень анокстамодо» кармавтома.
Эйсэнзэ тешкставсь, уголень промышленностень весе важодицятненень эряви вастомс те чинть тевдеемань изнямонь ды эрямо таркань паролгавтома марто, ёвтазельть мельть-арсемат важодемань дисциплинань коряс кемекстамга, важодемас од машинань нолдамга, шахтань строямга ды витемга, максозельть кармавтомат каземс сехте вадря шахтёртнэнь. Шахтёронь чистэ Московсо ютавтозель покшчинь промкс, конасонть ёвтазель мель 1949-це иестэ теемс ламо изнявкст важодемасо.
Кой-кона ошсо ды посёлкасо Шахтёронь чись ловови сехте покш чикс, тешкстави панжадо менель ало концертсэ ды раськень оймсемасо: Анжеро-Судженскойсэ, Антрацитсэ, Артёмсо, Брянкасо, Воркутасо, Горловкасо, Гуковасо, Джебарики-Хаясо, Донецкойсэ, Дровянаясо, Заполярныйсэ, Интасо, Карагандасо, Кемеровасо, Кировскойсэ (Мурманск ёнкс), Кировскойсэ/Голубовкасо (Луганской Раськень Республика), Киселёвскойсэ, Копейскойсэ, Кохтла-Ярвесэ, Краснодонсо, Молодогвардейскойсэ, Кривой Рогсо, Ленинск-Кузнецкойсэ, Луганскойсэ, Макеевкасо, Междуреченскойсэ, Назаровасо (Красноярскоень край), Нерюнгрисэ, Од Чарасо, Новокузнецкойсэ, Новошахтинскойсэ, Павлоградсо, Первомайскойсэ (Луганской Раськень Республика), Першотравенскойсэ, Прокопьевскойсэ, Свердловскойсэ, Ровенькисэ, Североуральскойсэ, Снежнойсэ, Селидовасо, Соледарсо, Стахановсо, Суходольскойсэ, Терновкасо, Торезсэ, Торецкойсэ, Шарыповасо, Шахтёрскойсэ, Шахтинскойсэ, Шахтысэ, Шерловой Горасо, Экибастузсо, Мыскисэ.
Берёзовскойсэ, Горловкасо, Добропольясо, Донецкойсэ, Киселёвскойсэ, Краснокаменскойсэ, Макеевкасо, Прокопьевскойсэ, Солигорскойсэ, Соль-Илецкойсэ, Сосенскойсэ (Калуга ёнкс), Торезсэ, Черемховасо, Шахтысэ, Шахтинскойсэ (Караганда ёнкс) ды Шахтёрскойсэ Ошонь чись ды Шахтёронь чись (лиякс меремс, Ошонь чись тешкстави Шахтёронь чистэ) ютавтневить ве шкасто.
Шахтёронь чись Кузбассо
2001-це иестэ саезь Кемерова ёнкссо кочкави Шахтёронь чинь тешкстамонь прявтош:
- 1976-це иестэ — умарьковонь 29-це чистэ — Прокопьевскойсэ[1]
- 2001-це иестэ — умарьковонь 26-це чистэ — Прокопьевскойсэ
- 2002-це иестэ— умарьковонь 25-це чистэ — Ленинск-Кузнецкийсэ
- 2003-це иестэ — умарьковонь 31-це чистэ — Беловасо
- 2004-це иестэ — умарьковонь 29-це чистэ — Осинникисэ
- 2005-це иестэ — умарьковонь 28-це чистэ — Кемеровасо
- 2006-це иестэ — умарьковонь 27-це чистэ — Киселёвскойсэ
- 2007-це иестэ — умарьковонь 26-це чистэ — Анжеро-Судженскойсэ
- 2008-це иестэ — умарьковонь 31-це чистэ — Полысаевасо
- 2009-це иестэ — умарьковонь 30-це чистэ — Берёзовскийсэ
- 2010-це иестэ — умарьковонь 29-це чистэ — Краснобродскийсэ
- 2011-це иестэ — умарьковонь 28-це чистэ — Калтансо
- 2012-це иестэ — умарьковонь 26-це чистэ — Мыскисэ
- 2013-це иестэ — умарьковонь 25-це чистэ — Ленинск-Кузнецкийсэ
- 2014-це иестэ — умарьковонь 31-це чистэ — Новокузнецкойсэ
- 2015-це иестэ — умарьковонь 30-це чистэ — Прокопьевскойсэ
- 2016-це иестэ — умарьковонь 28-це чистэ — Кемеровасо
- 2017-це иестэ — умарьковонь 27-це чистэ — Междуреченскойсэ
- 2018-це иестэ — умарьковонь 26-це чистэ — Шерегешсэ
- 2019-це иестэ — умарьковонь 25-це чистэ — Гурьевскойсэ
- 2020-це иестэ — умарьковнь 30-це чистэ — Беловасо
- 2021-це иестэ — умарьковонь 29-це чистэ — Киселёвскойсэ
- 2022-це иестэ — умарьковонь 28-це чистэ — Полысаевасо
- 2023-це иестэ — умарьковонь 27-це чистэ — Кемеровань буесэ
- 2024-це иестэ — умарьковонь 25-це чистэ — Новокузнецкоень буесэ
Кемеровань ёнксов те покшчис сакшныть морамонь содавикс курот ды раськень лия артистт. Прядови весемесь покшчинь салютсо.
Лия мастортнэсэ
Польшасо Шахтёронь чись пры Варварань чинть марто ве чистэ (Барбурка, католицизмасо ацамковонь 4-це чистэ) ды тешкстави телень ушодкссто.
Почтань пурнамонь маркасо
«Шахтёронь чинь 25-це ие» почтань марка. СССР, 1972-це ие.
«Шахтёронь чи» специальной тешкст. Донецк ош, 2003-це иень умарьковонь 31-це чи.
_small_resolution.jpg)
_small_resolution.jpg)
_small_resolution.jpg){kind=icon}
Теке марто вант
Тешкставкст
Лисьмапрят
- Бабокин И. А. Праздник шахтёров советской страны [Текст] / И. А. Бабокин // Безопасность труда в промышленности. — 1978 (август). — № 8. — С. 2—7.