Щелкунчик

Щелкунчик
1892-це иень ацамковонь 6-це (18-це чистэ) Санкт-Петербургонь Мариинской театрасо балетэнь васенце невтема
Музыкань сёрмадыцясь	Пётр Ильич Чайковский
Либреттонь теицясь	Мариус Иванович Петипа[d]
Косто саевсь сюжетэсь	Александр Дюмань теемасо «Щелкунчик ды чеерень инязор» Э. Т. А. Гофманонь ёвкссто
Кить тонавтсь киштеме	Лев Иванов Мариус Петипань теемасо
Седе тов молиця витемань теицятне	Лев Иванов, Александр Горский, Фёдор Лопухов, Василий Вайнонен, Юрий Григорович
Зярдо теезь	1892-це иестэ
Зярдо васенцеде невтезь	1892-це иень ацамковонь 18-це чистэ
Васенце невтеманть тарказо	Мариинской театра, Санкт-Петербург ош
Щелкунчик

«Щелкунчик» спеклянь пелькс Императоронь Мариинской театрань путомасо, 1892-це ие: Марианна — Лидия Рубцова, Клара — Станислава Белинская, Фриц — Василий Стуколкин

Россиянь почтань ниле маркасто вейс сюлмавома (1992-це ие), кона алтазь «Щелкунчик» П. И. Чайковскиень балетэнтень

«Щелку́нчик» — 71-це сёрмадовкс, «Щелкунчик ды Чеерень инязор»
Э. Т. А. Гофманонь ёвксонть коряс Мариус Петипень либреттонь лангс
П. И. Чайковскиень кавто пельксэнь балет, балетмейстерэсь-невтицясь
Лев Иванов.

Кода весемесь теезель

Либреттонть юрс путозь ёвксонь полавтомась, конань 1844-це иестэ теизе Александр Дюма-тетясь (театрань энциклопедиясь ильведезь ёвты теицякс Дюма-цёранть) ды нолдазь секе иестэ «Щелкунчикень историязо» лементь ало. Ёвксонь прявт сюжетэнь ванстоманть лангс апак вано, Дюмань ютавтомазо невтсь од вариант, кона явови алкуксонсенть эйстэ. Гофманонь ёвксонь сюжетэнть пельксэнь-пелькс полавтневеманзо кис либреттонь сюжетэнь версиясь невтеви седе валаня, ёвксонь-тешксэнь ёндо.

Лев Ивановонь путомасо балетэсь васенцеде невтезель 1892-це иень ацамковонь 6-це (18-це чистэ) Санкт-Петербургонь Мариинской тетрасо ве чокшнестэ «Иоланта» Чайковскиень операнть марто вейсэ. Дирижёрокс ульнесь Риккардо Дриго, мазылгавтоматне-декорациятне М. Бочаровонь ды К. Ивановонь, оршамотне теезь Иван Всеволожский ды Евгения Пономарёва Императоронь театратнень прявттнэнь эскизэст коряс. Прявт рольтнень налксесть: Щелкунчик — Сергей Легат, Драже ёвксонь тевень тейниця — Антониетта Дель-Эра, Коклюш инязор — Павел Гердт, Дроссельмейер — Тимофей Стуколкин, Марианна лелянь-патянь тейтерь — Лидия Рубцова. Кларань ды Фрицэнь рольтнень налксесть эйкакшт, Станислава Белинскаянь ды Василий Стуколкинэнь Петербургонь театрань училищань вишка классонь тонавтницятне (Белинская ды Стуколкин прядызь училищанть сисем иень ютазь, 1899-це иестэ).

Секе 1892-це иестэ «Щелкунчик» балетэнть коряс фортепианонь туртов теезель-нолдазель А. С. Аренскиень ниле кедьсэ сюита, кавто иень ютазь лиссь балетэнь коряс партитурань сонзэ весе теевксэзэ.

Культурань тонавтницятне арсесть, балетэнь сюжетэсь ды эйсэнзэ тевс нолдазь образтнэ сюлмазь Давыдовтнень — Чайковскиень малавиксэнзэ кудораськесэ ютыця тевтнень ды малавикс ломантнень марто. Васняяк весементь сюлмасть Александра музыкань сёрмадыця сазоронзо, Владимир ды Татьяна эйкакшонзо марто. Павел Ященков балетэнь критиковицясь корты, Каменка Давыдовтнень имениясь «полавтовсь музыкань сёрмадыцянть ёжосо Конфитюренбург эйкакшонь инязоронь эйкакшонь масторс, косо Александра Ильинична композиторонть сазорозо, имениянь азоравась, ульнесь паро ойме инязоравакс, сондензэ икеле вете иеде икеле Татьяна кулозь тейтерезэ — Кларакс, Боб „идолозо“… „инязорокс-вечкицякс“», сонсь «Конфитюренбург инязоронь масторось, ков понгить „Щелкунчикень“ прявт откертне… маряви теке наркотикень кодамо-бути неевксэкс», мезесь критиковицянть арсеманзо коряс сюлмазь Давыдовтнень пельде морфинэнтень вечкеманть марто, «Щелкунчик-инязорось, кода Дезире (кона ютавтови кода „эрявикс“) «Удыця мазыйка» теде икелень балетсэ откереськак, лелянь-патянь вечкевикс ды эрявикс цёра».

«Щелкунчикесь» саи башка тарка П. И. Чайковскиень позда произведениятнесэ: жанрань койтнень ютксо сон аравтозь аламодо лия таркасо, эйзэнзэ од вановтсо тевс нолдазь музыкань образтнэ. Балетсэ васенцеде гайгсь челеста — седямопель, кона музыкань сёрмадыцянть вешеманзо коряс кучозель Парижстэ. «Щелкунчикень» музыканть лемдить «балетэнь туртов пек алкуксонь ды оймень токицякс».

Кить киштить балетсэ

Эрьва кодат витематнесэ улить прявт откеренть лемсэ эрьва кодат ловномат: Клара ды Мари. Гофманонь книгасонть прявт откеренть лемезэ Мари, а Клара — те сонзэ вечкевикс няказо. Россиясо Масторлангонь васенце торпингень ушодовоманть (1914-це ие) ды тиринь масторонтень вечкемань ёжонь кастоманть марто балетэнь сюжетэсь рузыявтозель, ды прявт откересь кармась лемдявомо Машакс. Тень пингстэ Фриц кадовсь апак полавто, секс мекс сон — аволь паро откерь. Тешкстама, те коесь кадовсь неень шкаскак.

	Чайковский - Машань марто вариантось
Помощь по воспроизведению

• Штальбаум
• Сонзэ низэ

Сынст эйкакшост:

• Мари (Маша, лиясто — Клара), инязорава
• Фриц (Миша)

• Марианна, лелянь-патянь тейтерь
• Няня
• Дроссельмейер
• Щелкунчик, инязор
• Драже ёвксонь тевень теиця
• Коклюш инязор
• Няка
• Паяц (тандавкс)
• Чеерень инязор
• Лия налксицят: инжеть, малавикст, важодицят, чамакст, лездыцят, цецят, налкшкеть, ушманнэть ды седе тов.

Либретто

Икельце невтема марто кавто пельксстэ балет

Роштовадо икеле Штальбаум докторонть кудосо ушодыть пурнавомо инжеть. Покштнень марто вейсэ няка марто совить тейтернетне ды торо марто ве эскелькссэ мазыйстэ ютыть цёрынетне.

I-це тевдеема

Мари ды Фриц докторонть эйкакшонзо покш мельсэ учить казнеть. Инжетнень эйстэ сех меельцесь — Дроссельмейер. Налкшкень вельмевтемань сонзэ маштомачизэ вечкеви эйкакштненень, ансяк теке марто сынст тандавтыяк. Дроссельмейер каи чамаксонзо. Мари ды Фриц сеске содыть те ломаненть эйсэ вейкевикс крёстной тетяст. Маринь ули мелезэ налксемс някатнень марто, ансяк сон покордавозь ёжосо карми содамо, весе някатне урядазь.

Тейтерненть оймавтомга крёстной тетязо кази тензэ Щелкунчикень. Няканть чаманзо ачарькодевикс вановтозо налксевти тейтерненть. Фриц апак учо синди кедензэ, мезесь апаркстомты Маринь. Сон мадсти удомо вечкевиксэкс теевезь няканзо. Фриц ялганзо марто оршить чеерень чамакст ды ушодыть Маринь травамо. Покшчись прядови, ды коень коряс инжетне киштить гроссфатер киштема, теде мейле весе туить эсест кудова. Сы весь, ды кузонть марто нупалесь пешкеди ков валдосо.

Мари велявты нупалентень ды кутморды Щелкунчикень. Ды тесэ появи Дроссельмейер, ансяк ней сон невтеви аволь кода крёстной тетя, сон неяви кода паро тевень теиця ломань. Вана аволды кедьсэнзэ, ды нупальсэнть весемесь ушодови полавтовомо: стенатне келемтевить, кузось ушоды касомо, кузонь налкшкетне вельмевтевить ды теевить ушманнэкс. Апак учо Чеерень Инязоронь прявтсо появить чеерть. Мездеяк а пелиця Щелкунчикесь вети ушманнэтнень тюремас.

Щелкунчикесь ды Чеерень Инязорось вастовить куломань тюремасо. Мари неи, чеертнень армиясь ушманнэтнень армиядост седе покш. Пелемасо Мари каи туфлинензэ ды весе вийсэ ёрты эйсэнзэ Чеерень Инязоронть лангс. Се тандадсь ды эсь ушмонзо марто оргоди. Ушманнэтнень армиясь изнясь. Сынь кенярдозь кандыть Маринь лавтовост лангсо Щелкунчикентень. Апак учо меельценть чамазо ушоды полавтовомо. Сон ушодови теевеме мазый Инязорокс. Мари ды вельмевтезь някатне аштить тештев менеленть ды мазыйдеяк мазый кузонть ало. Перька чарыть-велить ловтештетне.

II-це тевдеема

Мари ды Инязорось ваныть тештев менелень мазычинть лангс, ледстнить сынст лангс чеертнень каявоманть ды кода Инязорось сынст изнинзе. Весе киштить, эрьгелить ды тешкстыть чеерень ушмонть лангсо изнямонть. Испанонь, Арабонь, Китаень ды Рузонь някатне ёвтыть Маринень сюкпря эрямост идемань кис. Перька киштить ёвксонь тевень тейницят ды лездыцят. Появи Дроссельмейер ды таго весементь полавты. Весе анокстыть Маринь ды Инязоронь урьвакстоманень-мирденень лисемантень. Мари сти, а Щелкунчик ашти сонзэ кедьсэ.

Покш театрасо «Щелкунчик» балетэнь путома. Фотось Е. Фетисовань

Смустень эрьва кодат чарькодевтемат

Ули Фрейдэнь коряс балетэнь вариант, конань теизе Рудольф Нуреев. Сонзэ коряс, Иняронть марто киштемадо мейле Мари сти, ды Щелкунчикекс тееви одкстомтозь Дроссельмейер.

Мэтью Борнонь путомасо Клара — пиштиця уроз, кона майси Щелкунчик вечкевиксэнзэ марто аулеманть кис ды ваны лия тейтерь марто Щелкунчикень киштеманть мельга. Явоманть лангсо теезь ёнксось редяви Морис Бежаронь балетэнь версиясояк, косо прявт откересь — Бим цёрынесь, конась рана ёмавтызе аванзо.

Музыкань драматургиянть ды либреттонть вейс аравтома

Коень коряс омбоце пельксстэ вальсонь музыкань ёжонь полавтовоманть киштеме тонавтыцятне а саить мельс-превс се таркастонть, косо апак учо гайги трагикань ютамо, ансяк «киштемань паратне поладыть чарамо-велямо теке ритмасонть».

Мейстэ ашти балетэсь

Балетэнть составозо:

1. Увертюра
2. Васенце пелькс.
   1. 1-це невтема.
      1. Кузонь мазылгавтома ды кирвазтема
      2. Музыкань марш
      3. Эйкакшонь кополсо эскелямо ды тетятнень-аватнень лисема
      4. Киштема марто налксема тарка
         1. Дроссельмейерэнь лисемазо
         2. Мазурка бойка някань киштема
         3. Кежей оймень киштема
      5. Налксема тарка ды Гросфатер
         1. Щелкунчикень-някань появамозо
         2. Щелкунчикень полька
         3. Маринь нурсемань морынезэ ды Фрицэнь налксеманзо
         4. Тетятнень-аватнень ды инжетнень киштемаст (Гросфатер)
      6. Налксема тарка (Мари ды Щелкунчик)
         1. Нурсемань моро
         2. Эйкакшонь нупаленть полавтомазо
         3. Кузонть касомазо
      7. Чеертнень появамо ды тюрема
   2. 2-це невтема.
      1. Кузонь виресь тельня
      2. Ловпанкстнэнь вальс (ловтештень киштема)
3. Омбоце тевдеема.
   1. Конфитюренбург ламбамонь кудо
   2. Маринь ды Щелкунчикень самост
   3. Эрьгелема
      1. Шоколад (испанонь киштема)
      2. Кофе (арабонь киштема)
      3. Чай (китаень киштема)
      4. Трепак (рузонь киштема; ламбамкань мандо)
      5. Пастушоконь киштема (даниянь марципан)
      6. Гигонь (Жигонь) ава ды тандавкст
   4. Цецянь вальс
   5. Па-де-де
      1. Драже ёвксонь тевень тейниця ды Оршад инязор
      2. I-це вариант: тарантелла
      3. II-це вариант: Драже ёвксонь тевень тейниця
      4. Кода
   6. Меельце вальс
   7. Прядовома

Седямопельть

• Пувамонь чувтонь седямопельть:
  • 3 флейтат (3-це флейтась = флейта-пикколо);
  • 2 гобойть;
  • 1 англань сюрыне;
  • 2 кларнетт;
  • 1 бас-кларнет;
  • 2 фаготт.
• Пувамонь чувтонь седямопельть:
  • 4 валторнат;
  • 2 турбат;
  • 2 тенор-тромбонт;
  • 1 бас-тромбон;
  • 1 туба.
• Пувамонь вачкодемань седямопельть:
  • литаврат;
  • вишка чавома;
  • вакан (седямопель);
  • покш чавома;
  • колмо ужонь седямопель;
  • кальдерька;
  • кастаньетат;
  • там-там;
  • баягинеть;
  • «налкшкень кондят седямопельть» (саемга, вешкиця куко).
• челеста;
• 2 арфат;
• Эйкакшонь морамо кужо
• Уськень седямопельть:
  • кайгат I;
  • кайгат II;
  • альтт;
  • виолончельть;
  • контрабаст.

Россиясо покш невтевкст-путовкст

Мариинской театра

• 1892-це иень ацамковонь 6-це (18-це) чистэ — васенце невтема:
  • Балетмейстерэсь: Лев Иванов
  • Дирижёрось: Рикардо Дриго
  • Артыцятне: М. Бочаров ды К. Иванов
  • Оршамот: Иван Всеволожский ды Евгений Пономарёв;
  • Мари — Станислава Белинская
  • Фриц — Василий Стуколкин
  • Щелкунчик — Сергей Легат
  • Драже ёвксонь тевень тейниця — Антониетта Дель-Эра
  • Коклюш инязор — Павел Гердт
  • Дроссельмейер — Тимофей Стуколкин
  • Тандавкс — Александр Ширяев
  • Марианна — Лидия Рубцова
• 1923-це ие — секе мазылгавтоматнень марто Лев Ивановонь од ушодозь невтемась; балетмейстертнэ Фёдор Лопухов ды Александр Ширяев, дирижёрось Александр Гаук; Драже ёвксонь тевень тейницясь — Елизавета Гердт, Коклюш инязорось — Михаил Дудко, Дроссельмейер — Николай Солянников.
• 1929-це ие — од витема; балетмейстерэсь Фёдор Лопухов, дирижёрось Александр Гаук, артыцясь Владимир Дмитриев; Маша — Ольга Мунгалова, Щелкунчик — Пётр Гусев, Дроссельмейер — Леонид Леонтьев.
• 1934-це ие — балетмейстерэсь Василий Вайнонен, дирижёрось Евгений Мравинский, артыйясь Иван Селезнёв; Маша — Галина Уланова, Щелкунчик-инязор — Константин Сергеев.
• 2001-це ие — балетмейстерэсь — Симонов Кирилл, музыкань прявтось — Валерий Гергиев, мазылгавтоматне, оршамотне, либреттось, невтемась — Михаил Шемякин. Маша — Наталья Сологуб, Щелкунчик-инязор — Александр Сергеев, Андриан Фадеев, Дроссельмейер — Антон Адасинский.

Покш театра

• 1919-це ие — балетмейстерэсь Александр Горский, дирижёрось Н. А. Фёдоров, артыцясь Константин Коровин; Клара — Валентина Кудрявцева, Фриц — Шокоров 2-й, Щелкунчик-инязор — Ефим Ефимов, Дроссельмейер — Алексей Булгаков. Те невтематемасонть сценась неявсь теке кофень покш сервиз марто пурназь-анокстазь тувор, конань эйстэ лиснесть киштицятне.
• 1932-це ие — Россиянь государственной академической Покш театранть пингстэ балетэнь техникумонь невтема; балетмейстерэсь Л. И. Иванов, одс ушодовомаст Александр Чекрыгинэнь ды Александр Монаховонь, дирижёрось Юрий Файер, артыцясь Панфилов; Клара — Евгения Фарманянц, Щелкунчик — Юрий Папко, Фриц — Ю. Гербер, Дроссельмейер — Александр Чекрыгин, Драже ёвксонь тевень тейниця — Ольга Лепешинская.
• 1939-це ие — балетмейстерэсь В. И. Вайнонен, дирижёрось Юрий Файер, артыцясь Владимир Дмитриев; Маша — Марина Семёнова, Щелкунчик — Алексей Ермолаев, Дроссельмейер — Владимир Рябцев.
• 1966-це иень эйзюрковонь 12-це чи — од невтема; балетмейстерэсь Юрий Григорович, дирижёрось Геннадий Рождественский, артыцясь Симон Вирсаладзе; Маша — Екатерина Максимова, Щелкунчик-инязор — Владимир Васильев, Дроссельмейер — Владимир Левашев, Чеертнень инязорост — Герман Ситников, Щелкунчик-няка — Елена Ватуля, Французонь няка — Татьяна Попко.

Содавикс аудиосёрмадовкст

• 1960-це ие — дирижёрось Геннадий Рождественский, Покш театрань оркестра ды эйкакшонь морамо кужо, СССР.

[Д 06583-6; С 06977-80; СМ 0169-72; MEL CD 1000665]

• 1986-це ие — дирижёрось Владимир Федосеев, «Весна» эйкакшонь морамо кужонь школа, Центральной телевидениянь ды Весе Союзонь радионь симфониянь покш оркестра.

[А10 00347 005]

• 1988-це ие — дирижёрось Евгений Светланов, «Весна» эйкакшонь морамо кужонь школа, Россиянь симфониянь государственной академической оркестра (ГАСО).

[А10 00605-8; MEL CD 1000409]

Тешкставкст

Литература

• Васильев И. В., Краснова Л. Е. Методология исследования хореографических трактовок литературного произведения Э.Т.А. Гофмана "Щелкунчик и мышиный король" на балетной сцене в конце XX - начале XXI столетий // Вестник Академии русского балета им. А. Я. Вагановой. — 2024. — № 1 (90).
• Гендова Марья Юрьевна Балет «Щелкунчик» — нетривиальный способ знакомства с бытовой Рождественской культурой России второй половины XIX века // Вестник Саратовской консерватории. Вопросы искусствознания. — 2019. — № 4.
• Рыжкова А. С. Балет Московского хореографического училища "Щелкунчик" П. И. Чайковского (1950 год) // Театр. Живопись. Кино. Музыка. — 2013. — № 2.
• Слонимский, Ю. И. Щелкунчик: [балет в 3-х действиях и 7 картинах] / Ю. Слонимский; музыка П. И. Чайковского ; Ленингр. Государст. академ. театр оперы и балета; [марка театра на обложке работы художника Л. С. Хижинского]. — 2-е издание. — Ленинград : издание Лен. Гос. Акад. театра оперы и балета, 1934.
• Юлия Яковлева. Глава 5. Рождение театра. // Создатели и зрители. Русские балеты эпохи шедевров. — М.: Новое литературное обозрение, 2017. — С. 143—149. — ISBN 978-5-4448-0689-0.

Ссылкат

• балет «Щелкунчик» Театра Санкт-Петербургской консерватории на сцене Михайловского театра на телеканале «Искусство ТВ»
• Щелкунчик — либретто и фотографии балета в постановке Театра классического балета п/р Н. Касаткиной и В. Василёва
• Tchaikovsky Research
• The Nutcracker ballet
• Скворцова И. А. Балет П. И. Чайковского «Щелкунчик»: опыт характеристики // Учебное пособие. — М.: Научно-издательский центр «Московская консерватория», 2011. — 68 с. ISBN 978-5-89598-264-8
• В Саранске состоялся первый показ балета «Щелкунчик»
• Балет «Щелкунчик»