Эйкакшонь книгань карта

Википедиясто материал - аорев содамкундосто
Эйкакшонь книгань карта
Мальчик читает книгу.webp
Ушодовома шкась 2026-це ие
Таркась РоссияFlag of Russia.svg Россия
Тувталось эйкакшонь кужос якицятнень содамочист кастомга государственной программа
Кодат мастортнэ 3 иестэ саезь 6 иес эйкакшт

Э́йкакшонь кни́гань ка́рта (руз. Де́тская кни́жная ка́рта) — эйкакшонь кужос якицятнень содамочист кастомга государственной программа (руз.) (эрз., конань ушодомадо мель ёвтась Владимир Путин Россиянь Президентэсь 2025-це иень аштемковонь 5-це чистэ Рузонь келень ды Россиянь раськетнень келест кастомань коряс государственной политикань советэнь промкссо[1]. Ушодови 2026-це иестэ[2]. 3 тёжань целковоень картась алтазь 3 иестэ саезь 6 иес эйкакштнень туртов[3]. Аравтозь 10 аволь седе аламо книгатнень рамамонь лангс, конатнень кемекстызь эксперттнэ[4].

Косто саевсь мелесь-арсемась

2025-це иень аштемковонь 5-це чистэ Рузонь келень ды Россиянь раськетнень келест кастомань коряс государственной политикань советэнь промкссо Владимир Путин Россиянь Президентэсь ёвтась мель «Пушкинской картанть» (руз.) (эрз. кондямокс теемс «Эйкакшонь книгань карта»[1]. Масторонь Прявтось корты, картасо улезт колмо тёжат целковойть, сон алтазь колмо иестэ саезь кото иес эйкакштнень туртов — истят книгатнень рамамос, конатнень кемекстызь литератортнэ, психологтне ды эйкакшонь кужосо тонавтомань коряс специалисттнэ[3]. Тень пингстэ Владимир Путин тешкстась, книгатнень лангс питнетне улезт истят, конат максыть вейке картань азоронтень рамамс кеменде аволь седе аламо книгат[1].

Владимир Путин:

Книгась – те тонавтомань тевсэ ды кудораськень койтнесэ кастомань покш пелькс. Ды эйкакштнень туртов книгатне, конат панжить ки покш ды классикань литературасо тонавтомань ёнкстнэнь, улезт эрьва эрицянть кедьсэ.

Зярдо арсеви ушодомс

«Эйкакшонь книгань картань» нолдамонть арсеви ушодомс 2026-це иестэ[2]. Елена Ямпольская (руз.) (эрз. Президентэнть лездыцязо мерсь, истямо программась карми покш тевекс регионтнэсэ издательстватнень кастоманть туртов[1]. Лездыцясь ёвтась мель максомс картантень кодамояк лем, саемга — «Сырнень панжомине» (руз. «Золотой ключик»)[1].

Бути кортамс лементь ланга, арсян ёвтамс мель: паряк, «Сырнень панжомине»? Сырнень панжомине, конань вельде эйкакшонть туртов панжови покш литературас кенкш.

Кить понгить программантень

Арсеви, программантень понгить 3 иестэ саезь 6 иес 7-8 миллионт эйкакшт[5].

Тешкставкст

  1. ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Ваннозь 5 Аштемковонь 2025.
  2. ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Ваннозь 6 Аштемковонь 2025.
  3. ↑ 1 2 Путин предложил запустить программу "Детская книжная карта" - Российская газета, Российская газета (5 Аштемков 2025). Ваннозь 6 Аштемковонь 2025.
  4. ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Ваннозь 6 Аштемковонь 2025.
  5. ↑ Дети в России. Федеральная служба государственной статистики (1 Аштемковонь 2024). Дата обращения: 6 Аштемковонь 2025.
Саезь "https://myv.ruwiki.ru/w/index.php?title=Эйкакшонь_книгань_карта&oldid=541336"-стэ