Электрикань гирлянда
Электрикань (валдонь максыця) гирлянда — покшчинь мазылгавтома, кона ашти эждемань лампань эли валдонь диодонь рисьместэ, кона вейсэ сюлмазь электрикань уськень жгутсо. Лемесь саезь содавикс мазылгавтомапеленть эйстэ.
Электрикань гирляндатне сех сеедьстэ нолдавить тевс Од иень ды Роштовань покшчитнестэ — Роштовань кузтнэнь, кудоютконь предметтнэнь, архитектурань эрьва кодат пелькстнэнь ды кудотнень мазылгавтомга.
Эрямопингезэ
Роштовань кузонть туртов Од иень васенце гирляндась теезель Американь Вейсэндязь Штатсо (США-со) 1882-це иестэ. Гирляндасо Роштовань кузонть эсь кудосонзо мазылгавтызе Эдвард Джонсон, Томас Эдисононь ялгакс ломанезэ. 1895-це иестэ Гровер Гливленд Президентэнть пингстэ Ашо Кудосо Роштовань кузонтькак мазылгавтызь электрикань гирляндасо. Те шкастонть саезь электрикань толтнэ кармасть сеедьстэ шаштомо зыянонь кандыця толонь штатолтнэнь[1][2].
СССР-сэ васенце гирляндатнень ушодсть тееме ансяк 1938-це иестэ, кузонь электрикань Советэнь васенце гирляндась лемдязель эсь шкань лемсэ — ЁГ-1 — ды аштесь параллельной 2 рисьместэ, эрьвасонть аравтозь 13 вольтонь лампочкат (истямо лувось невтевсь се шкастонть тевс нолдавиця 127 вольтонь валдомтомань сетень) конической колба марто, кона артозь цапонлаксо якстере, ожо, пиже и сэнь-фиолетэнь тюссо, сынст патроност теезь карболитэнь ды свалшкань штатолонь лувсо, конат понгавтозь тарадтнэнень. ЁГ-1 гирлянданть марто вейсэнь комплектсэ путозельть колмо запасной лампат, палозь лампань вешнемань ды полавтомань коряс тевс нолдамодо молема лув (инструкция).
Коень коряс Советэнь гирляндатнень ульнесть полавтомань лампаст, конат совавтозь уськень вейсэнь линияс. Московонь электрикань лампань заводсо нолдавиця гирляндатне нолдавкшность вишка габаритэнь лампань патронтнэнь марто, конат теезельть фонарень, космосонь ракетань ды лия фигурань кондямокс. Лия заводонь гирляндатне тейневсть свалшкань лампатнесэ ды сынст ульнесть фигурань пластмассонь плафоност «пушкинэнь вишка лампатнень» эли лия эрьва кодат фигуратнень лувсо.
Неень шкань технологият
Электрикань неень шкань гирляндатне тейневить лампань электрикань аволь калавтневиця нолдавкссо пек вишка габариттнэнь марто, конат путозь кабельс. Управлениянь блоконть марто зярыя жгутонь важодемась максы теемс валдонь эрьва кодат эффектт, конатне неявить теке «чииця толтнэть». Музыкань синтезаторонь микросхемань кирдиця гирляндатне тевс нолдыть программировазь вейке эли зярыя морот. Сех сеедьстэ нолдавить микшнемань предприятиятнень мазылгавтомга.
Валдонь диодонь техниканть появамонзо марто седе сеедьстэ кастовить-келейгавтовить валдонь диодонь гирляндатне ды световодонь волоконно-оптической «од технологиянь» гирляндатне. Теке марто ламоксть вастневить дюралайтонь гирляндаткак.
Фотот
Покшчинь валдонь диод
Частной кудонь валдонь скульптурасо ды гирляндасо мазылгавтома
Неть толтнэнь ютксо неявить эрьва кодат покшолмат, формат ды тюст
Американь Вейсэндязь Штатсо (США-со) тевс нолдавиця лампань сех сеедьстэ вастневиця ниле покшолматне. Керш пельксстэ саезь вить пелев: «рисовой» типень валдонь диодт (0,057 Вт), «миниатюрань» T1¾ (0,5 Вт), C7½ (5 Вт) ды C9¼ (7,5 Вт).
Роштовань электрикань апак кирвазте толонь гирляндась мазылгавты лато петнень Канадасо Онтарио провинциянь Кесвик ошсо; 2008-це иень Роштова.
США-со Цинциннатисэ ошсо кудо.
Ямайкань валаня таркасо, Бостон усиясо, 2006-це иестэ валдомтозь 250 000 лампочкат. Электроэнергетикань компаниясь аравтсь башка уське; электричестванть кис эрьва ковсто эрявсь пандомс 2000 долларт.
