Эрямонть пеедькшнемазо, эли Шожда кошт марто!

Википедиясто материал - аорев содамкундосто
Ваннозь сёрмадовкс
Эрямонть пеедькшнемазо, эли Шожда кошт марто!
Постер фильма
Жанразо мелодрама
трагикань пейдемка
Режиссёрось
Сценариень сёрмадыцятне Эмиль Брагинский
Эльдар Рязанов
Прявт рольтнесэ
налксить		 Андрей Мягков
Барбара Брыльска
Юрий Яковлев
Любовь Добржанская
Рольтнень
вайгельгавтсть		 Сергей Яковлевич Никитин[d], Валентина Илларионовна Талызина[d] ды Пугачёва, Алла Борисовна[d]
Кие снимась Владимир Нахабцев (прявт)
Вадим Алисов
Сергей Арманд
Борис Кочеров
Музыкань сёрмадыцясь
Артыцясь-путыцясь Александр Борисов
Оригинальной телеканалось Центральной Телевидениянь Васенце программа
Компаниясь «Мосфильм» кинонь студия. Телевидениянь фильмань шкинемань вейсэндявкс
Дистрибьюторось СССР-нь Министрань Советэнь телевидениянь ды радиовещаниянь коряс государственной комитет
Кувалмозо 184 минутат
Масторось СССР
Келесь рузонь
Зярдо лиссь 1976-це иестэ
Зяро серият 2
Седе тов молиця фильмась Ирония судьбы. Продолжение[d]
IMDb ID 0073179

«Эрямонть пеедькшнемазо, эли Шожда кошт марто!» — телевидениянь 1975-це иень кавто сериянь Советэнь фильма, конань снимизе Эльдар Рязанов режиссёрось. СССР-сэ васенце невтемась ютась 1976-це иень якшамковонь 1-це чистэ «Центральной Телевидениянь Васенце программасо»[1].

Фильманть эрямопингеде

Фильмась ловови «Шожда кошт марто! эли веть Од иень вестэ…» Эмиль Брагинскиень ды Эльдар Рязановонь пьесаст экрансо невтемакс. Пьесась сёрмадозель 1969-це иестэ ды фильманть теемадо икеле невтезель Советэнь Союзонь зярыя театрасо. Седе тов пьесанть невтнизь масторонь 110 театрасо[2] ды омбомасторсояк.

Рязанов ёвтнесь, пьсаенть ды фильманть сюжетэст теезь алкуксонь тевтнень лангс нежедезь. Алкукскак ульнесь истямо ломань, кона ацамковонь 31-це чистэ мольсь шлямо кудов, ды валске марто неизе эсь прянзо лия ошсо. Мейсэ весемесь прядовсь, Рязанов ды Брагинский эзть сода — весементь арсизь сынсь.

1975-це иень сёксня, СССР-сэ фильманть васенцеде невтемадо икеле, Телевидениянь фильмань Весе Союзонь фестиваленть лувсо «Эрямонть пеедькшнеманзо» васенцеде неизь Грузиянь ССР-нь эрицятне. Тбилисисэ ютазь мероприятиясонть фильмась сайсь васенце тарка[3].

Сюжетэзэ

Сюжетсэнть покш таркасо ашти Брежневень шкань нусмакадозь общественной архитектурась. Те ёнксось невтеви анимациянь пейдемань ушодкссо, косо архитектортнэ молить кирдивийтнень ды бюрократиянть мельга (режиссёрось ды аниматорось Виталий Песков). Секскак малавикс, вейкеть ды тень пингстэ эрямонь ламо кепедьксэнь кудотне появасть Советэнь Союзонь эрьва ошсо, посёлкасо ды ош маласо таркатнесэ[4].

Эрьва иень коень коряс зярыя ялгатне вастневить Московонь общественной банясо вейкесэнть Од иень тешкстамо. Весе сынь пек симевить Женя Лукашин прявт откеренть ды Галя (Од иень вестэ Женя арси кевкстемс кортамс урьвакстомадо) вечкевикс ломанензэ сыця ладямонь тешкстамсто. Шлямо кудодо мейле Павлик вейке ялгантень эряви кенеремс учиця нинстэнь Ленинградов ливтиця менельвенчс.

Аэропортов понгомсто Женя ды Павлик матедевить. А Сашанень ды Миша а ледстяви, кинь эряви ливтямс. Ильведевксэнь коряс Павликень таркас менельвенчс озавтыть Женянь.

Женя малав весе ливтямонть уды кежей шабранть лавтовонзо лангсо, шабрась лезды тензэ лисемс менельвенчстэ Ленинградсо. Од ломанесь сти Ленинградонь аэропортсо ды арси, сон Московсо. Женя кунды такси ды ветицянтень ёвтасы эсь эрямо тарканзо.

Лисни, Ленинградсояк ули эрямо тарка истямо кудосо, кона малавикс Женянь кудонзо марто Московсо. Женя арды лифтсэ «эсь» квартирас, ды, мезесь дивавты, ключось лади квартирань кенкшентень (кода кортави ушодкссо: «…вейкеть панжоматнень марто вейкеть кудотнень стявтома»). Эрямо тарканть потсо малав весе истя, кода Женянь квартирасо, ансяк од ломанесь пек иредезь ды аволь сеске неи колдаткак полавтоматнень.

Теке шкастонть Надя Шевелёва квартирань азоравась велявты кудов. Надя аноксты вастомс Од иенть Ипполит эсь вечкевикс ломанензэ марто. Ды апак учо неи удыця асодавикс цёранть. Азоравась бажи панемс инженть поровтонть трокс, ансяк се ацирьгали ды а чарькоди, мезе «сонзэ» квартирасо теи асодавикс авась ды мекс сон тесэ путы прянзо сех прятокс. Прянь сёрмадстомань марто паспорттнэнь вейке-вейкенень невтемстэ, фильмань откертне окойники чарьколдить, мезе лиссь. Женя кежейгали: Мосовсо эйсэнзэ учи Галя. А Надянень самсто Ипполит а кеми Женянь ды Надянь валтнэнень. Од ломанесь бажи туемс Московов, ансяк чарькоди, мартонзо ярмаконзо арасть. Сон велявты Надянь квартирав. Ипполит ушоды ревновамо ды туи. Надя арси седе бойкасто панемс Евгениень, ансяк сыця валскес Московов ливтямот арасть. Женя аволь весть бажи гайневтемс Московов ды ёвтамс Галянень лисезь тевде. Цёранть лиси сюлмавомс тейтеренть марто, ансяк Ленинградонть ланга марямсто Галя ёрты кортамонь кеченть. Надя моли Московонь вокзалов ды рами од ялгазонзо Москов видьс билет, ансяк Евгений сези билетэнть ды туемс ковгак а арси.

Женя ды Надя ютавтыть Од иень венть вейсэ. Васня сынь аштить лангс кежсэ, ансяк аламонь-аламонь сынст кортамост чевтеми, ды сынь ушодыть вейкест-вейкест туртов вечкевеме. Валске марто сынь марить, мартост весе лисезесь ульнесь теке манчевема ды вейсэ арсить вейке стака мельде — явомс. Од ломанесь велявты Московов. Килангодо ды апак удо веденть мейле сизезь Женя матедеви. Стямсто сон арси, Надя тензэ сась онсто, ансяк инжесь ашти сонзэ вакссо. Тейтересь арсесь самс тензэ Московов ды тензэ ульнесь аволь стака муемс вечкевикс ломанензэ, секс мекс сынст эрямо таркаст вейкеть ды ключось лади панжомантень.

Новеллизациянь теема

Ули новеллизациянь теема («Эрямонть пеедькшнеманзо» коряс тешкс марто драма, кона нолдазь Эльдар Рязановонь пусмотнесэ фильматнень коряс[5]. Сонзэ уликсчизэ маклавикс фильманть ды пьесанть марто.

Кить налксесть рольтнесэ

Актёр Роль
Андрей Мягков Евгений (Женя) Михайлович Лукашин (морамось — Сергей Никитин) Евгений (Женя) Михайлович Лукашин (морамось — Сергей Никитин) хирург[6]
Барбара Брыльска Надежда (Надя) Васильевна Шевелёва (гайтесь — Валентина Талызина, морамось — Алла Пугачёва) Надежда (Надя) Васильевна Шевелёва (гайтесь — Валентина Талызина, морамось — Алла Пугачёва)

рузонь келень ды литературань тонавтыця

Юрий Яковлев Ипполит Георгиевич Ипполит Георгиевич Надянь алужозо
Любовь Добржанская Марина Дмитриевна Марина Дмитриевна Женянь авазо
Ольга Науменко Галя Галя Женянь алужозо
Лия Ахеджакова Таня Таня Надянь ялгазо ды важодема ялгазо
Валентина Талызина Валя Валя Надянь ялгазо ды важодема ялгазо
Александр Ширвиндт Павел Павел Женянь ялгазо / фильманть ушодкссо кадрань удало вайгель
Георгий Бурков Миша Миша Женянь ялгазо
Александр Белявский Саша Саша Женянь ялгазо
Любовь Соколова Надянь авазо[7] Надянь авазо[7]
Готлиб Ронинсон Красноярскойстэ ливтиця Красноярскойстэ ливтиця менельвенчс озамонть учиця
Эльдар Рязанов менельвенчсэ ливтиця (титрасо апак невте) менельвенчсэ ливтиця (титрасо апак невте)
Борис Руднев таксисэ ардтниця (титрасо апак невте) таксисэ ардтниця (титрасо апак невте)
Николай Погодин баян марто апак учонь инже (титрасо апак невте) баян марто апак учонь инже (титрасо апак невте)
Александр Постников ютыця (титрасо апак невте) ютыця (титрасо апак невте)
Елена Наумкина аэропортсо буфетэнь важодиця (титрасо апак невте) аэропортсо буфетэнь важодиця (титрасо апак невте)
Николай Кузнецов шабра (титрасо апак невте) шабра (титрасо апак невте)
Михаил Бочаров киска марто шабра (титрасо апак невте) киска марто шабра (титрасо апак невте)

Фильмасто кадрат

  • Андрей Мягков налкси Женянь роленть ды Ольга Науменко налкси Галянь роленть

    Андрей Мягков налкси Женянь роленть ды Ольга Науменко налкси Галянь роленть

  • Александр Ширвиндт налкси Павелэнь роленть

    Александр Ширвиндт налкси Павелэнь роленть

  • Барбара Брыльска налкси Надянь роленть

    Барбара Брыльска налкси Надянь роленть

  • Юрий Яковлев налкси Ипполитэнь роленть

    Юрий Яковлев налкси Ипполитэнь роленть

  • Любовь Добржанская налкси Женянь аванзо роленть

    Любовь Добржанская налкси Женянь аванзо роленть

  • Андрей Мягков (Женя) ды Барбара Брыльска (Надя)

    Андрей Мягков (Женя) ды Барбара Брыльска (Надя)

Снимицятне

  • Сценариень сёрмадыцятне: Эмиль Брагинский, Эльдар Рязанов
  • Режиссёрось-путыцясь: Эльдар Рязанов
  • Прявт снимицясь: Владимир Нахабцев
  • Прявт артыцясь: Александр Борисов
  • Омбоце режиссёрось: Игорь Петров
  • Гайтень сёрмадыцясь: Юрий Рабинович
  • Музыкань сёрмадыцясь: Микаэл Таривердиев
  • Дирижёрось: Георгий Гаранян
  • Оршамонь коряс артыцясь: Ольга Кручинина
  • Гримень коряс артыцясь: Ольга Струнцова
  • Кинонь снимицятне: Вадим Алисов, Сергей Арманд, Борис Кочеров
  • Мельга-мельцек аравтозь снимицятне: Борис Травкин (оператор), Валентин Гласс (артыця)
  • Монтажонь теиця: Валерия Белова
  • Режиссёронь лездыцятне: Нина Коренева, Григорий Торчинский
  • Снимицянь лездыцятне: Владимир Горшков, Владимир Батузов, Александр Михалычев, Сергей Кочебуров, Николай Коробейник
  • Монтажонь теицянть лездыцятне: Элеонора Праксина
  • Артыцясь-мазылгавтомань теицясь: И. Фёдоров
  • Валдонь коряс мастерэсь: Марк Вайсман
  • Редакторось: И. Наумова
  • Музыкань редактортнэ: Раиса Лукина, В. Лаписов
  • Фильманть ушодкссо мультипликациянь невтемась: Виталий Песков
  • Фильманть прявтось: Ефим Голынский

Моротне ды валморотне

Фильмань сценарийс сёрмадозь 9 валморот. 8-тнень эйстэст эрявсь улемс морокс. Эльдар Рязанов арсесь, музыкань вейке сёрмадыцясь а цидярды сёрмадомс сеске 8 эрьва кодат композицият. Сестэ сон пшкадсь музыкань сеске ниле сёрмадыцятненень: Ян Френкельнень, Исаак Шварцнэнь, Андрей Петровнень ды Микаэл Таривердиевнень. Арсематнень коряс, эрьвантень эйстэст эрявсь сёрмадомс кавтонь-кавтонь морот. Васня весе макссть вал, ансяк седе тов колмотне эзть карма сёрмадомо эрьва кодат тувталтнэнь коряс: кинень-бути эрявсь ардомс омбомасторов, кие-бути эзь кенере ламо тевтнень кис. Кадовсь ансяк Микаэл Таривердиев[2].

Сценариенть ловномадо мейле Микаэл Леоновичнень эрявсь пек арсемс ламо жанратнень коряс. Ялатеке сон арсизе мельсэ-превсэ весе фильманть теке Роштовань ёвкс[8]. Композиторось сёрмадсь музыка Марина Цветаевань, Евгений Евтушенконь, Белла Ахмадулинань ды лиятнень валморост лангс.

Фильмасо цёрань моротне гайгить Сергей Никитинэнь вайгельсэ («Мартон вана истя тееви», «Мон кевкстия сиртенть», «Кияк а карми кудосое» ды «Бути тонь арась патят»), авань — Алла Пугачёвань вайгельсэ («Монь курова», «Тихорецкойс», «Тень вечкеви», «Чавачамонть вакссо»). Фильманть сехте песэ «Таргамопелень качамосо чиниязь вагондо» Александр Кочетковонь валморонзо лангс сёрмадозь балладанть ловныть Андрей Мягков ды Валентина Талызина. Васня фильманть туртов моротнень анокстась морамс Анна Герман, ансяк сёрмадомась эзь лисе — омбомасторонь морыцянть тердемас ярмактне эзь ульне совавто сметас[9].

Филльмантень моротне пельксэнь-пелькс ульнесь нолдазь Таривердиевень пластинкасо 1976-це иестэ «Мелодия» фирмань пластинкасо [10]. Весе моротне ульнесть пурназт CD-дисксэ 2009-це иестэ «Бомба-Мьюзик» фирмасо[11]. 2016-це иестэ моротне нолдазельть Великобританиясо винилэнь пластинкасо «Earth» («Мода») компаниясо[12], 2019-це иестэ — «Бомба-Мьюзик» фирмань тюсонь винилсэ[8].

2009-це иень «Бомба-Мьюзик» фирмань нолдавкс
№ НазваниеСловаМорыця Длительность
1. «Увертюра» (инструментал)   2:43
2. «Мартон вана мезе тееви /
Со мною вот что проиходит» 		Евгений ЕвтушенкоС. Никитин
(музыкань сёрмадыця)		 2:28
3. «Кемема / Надежда» (инструментал)   4:24
4. «Од иень учомасо /
В ожидании Нового года» (инструментал)		   1:14
5. «Кияк а карми кудосо /
Никого не будет в доме» 		Борис ПастернакА. Пугачёва 2:17
6. «Ленинградонть велькссэ лов /
Снег над Ленинградом» (инструментал)		   2:45
7. «Монь куронть эйсэ кодамо ие /
По улице моей который год» 		Белла Ахмадулина  2:48
8. «Строицянь колмоце куросо /
На Третьей улице Строителей» (инструментал)		   1:15
9. «Тихорецкойс / На Тихорецкую» Михаил ЛьвовскийА. Пугачёва 1:29
10. «Од ие марто! / С Новым годом!» (инструментал)   2:46
11. «Тень вечкеви / Мне нравится[13]» Марина ЦветаеваА. Пугачёва 1:35
12. «Бути тонь арась патят /

Если у вас нету тёти
(Московонь инжень ария /

Ария московского гостя)» 		Александр АроновС. Никитин 1:53
13. «Меельце вальс / Последний вальс» (инструментал)   1:45
14. «Ули мелем чавачамонть кевкстемс /
Хочу у зеркала спросить» 		М. Цветаева  1:36
15. «Мон кевкстия сиртенть /
Я спросил у ясеня» 		Владимир КиршонС. Никитин 3:08
16. «Вечкевикстнэнь марто илядо яво /
С любимыми не расставайтесь» 		Александр КочетковА. Мягков ды В. Талызина 4:26
17. «Вайгельлув / Мелодия» (инструментал)   4:33
41:03

2014-це иестэ «Сиянь пиземе» радиостанциясь совавтызе кинофильмасто моротнень марто пластинканть «„Мелодия“ фирмань 50 сех вадря пластинкат» спискас[14].

Снимамот

Владимир Нахабцев фильманть прявт снимицясь арсесь нолдамс тевс се шкань колмо камерань од системанть. Ве шкасто важодсть колмо камерат, конат снимасть сценатнень колмо эрьва кодамо ёндо. Те пек шождалгавсь важодеманть, ансяк лия ёндо седе кувалгавтсь снимамонть[2].

Снимамотне ушодость эйзюрковсто ды прядовсть кизэнь куншкасто. Секскак фильмасонть тевс нолдавсь аволь алкуксонь лов. Се шкастонть ловонь пушкат ды лия лездамопельть арасельть, ловонть савсь теемс кедьсэ ватасто, конёвсто ды пенопластсто. Варманть нолдамга тевс нолдазельть черень костямопель[15].

Малав весе снимамотне ютасть Московсо ды ансяк зярыя сценатне снимазельть Ленинградсо. Фильмасонть невтезь кавто кваритиратне аштесть Вернадскиень проспектсэ: 125-це (тосо ульнесь Лукашинэнь квартиразо) ды 113-це (Надянь квартиразо) кудотнесэ. Банянь сценань снимамсто «Мосфильмсэ» теезель башка тарка.

Строицянь Колмоце курось аштесь Московонь секе буесэ, косо Вернадскиень проспектэсь. Ансяк 1963-це иестэ курось кармась лемдявомо Мария Ульяновань курокс[16].

2003-це иестэ се кудосонть, косо «эрясь» Женя Лукашин, аравтсть ледстнемань лаз. Сонзэ панжомасо ульнесь Эльдар Рязанов[17]. Ансяк васенце вестэнть алюминиень пластинанть салызь. 2007-це иестэ лазтнэнь аравтызь Вернадскиень проспектэнь сеске кавто кудотнесэ — 125-цесэ ды 113-цесэ, — ансяк сетнеяк кирдевсть эсест таркасо аволь куватьс[18][19][20].

Кинонь варчамот

Женя Лукашинэнь прявт роленть лангс варчнизь Андрей Миронов содавикс налксицянть. Ансяк Рязанов сонзэ эзь карма саеме. Сон эзь вешне те роленть лангс бойка ломанть, эрявсь цёра, конань мазычизэ ды прянь ветямозо аволь пек вечкевель аватненень. Мироновнень ёвтасть мель варчамс налксемс Ипполитэнь, ансяк сон варчнеме эзь карма. Женя Лукашинэнь роленть лангс варчакшнызь Олег Далень, Пётр Вельяминовонь, Станислав Любшинэнь ды Иннокентий Смоктуновскиень[15]. Андрей Мягковонь кочкизь овсе апак учо. Режиссёрось вансь лангозонзо пек пштистэ, ансяк варчнематнесэ сон ульнесь сех вадрякс.

Стакачить ульнесть авань прявт ролень кочкамонть мартояк. Рязанов «эзизе нее Надянь» а Людмила Гурченкосо, а Валентина Талызинасо, а Светлана Немоляевасо, а Антонина Шурановасо, а Советэнь кодамояк лия ламо тештетнень ютксо. Васняяк сон арсесь максомс авать прявт ролень налксеманть Алиса Фрейдлихнень: сон пек парсте налксесь ракамкань рольнесэ ды, мезесь пек эрявсь те фильманть туртов, парсте моры. Ансяк художественной советэсь сонзэ эзизе кемекста[2]. Барбара Брыльска Польшасто налксицянть ланга кода авань прявт ролентень аравтомадо Рязанов кармась арсеме лия режиссёронть марто кортамодо мейле. Рязанов тердизе фильмас омбомасторонь налксицянть, ансяк содавиця кортавксонть кис сонзэ валонзо гайгсть Валентина Талызинань вайгельсэ. Теке марто Талызина фильмасонть анлксизе Валянь, Надянь ялганзо.

Ипполитэнь рольс васняяк аравтокшнызь Олег Басилашвилинь. Сон мик кенерсь налксемс зярыя эпизодсо. Ансяк снимамонь ютавтома шкасто кулось Ефим Копелян сонзэ тетязо ды ялгазо, ды налксицянть эзь лисе поладомс важодеманть седе тов. Сестэ сонзэ тарканзо саизе Юрий Яковлев.

Галянь рольс ушодкссто саезь ульнесь кемекстазь Наталья Гвоздикова.

Женя Лукашинэнь ялганзо налксизь Эльдар Рязановонь ялганзо — Георгий Бурков ды Александр Ширвиндт. Теде икеле режиссёрось мартост важодсь лия фильматнесэ. Александр Белявский тердезель седе тов. Надянь ды Женянь аваст рольтнес кемекстазельть Любовь Соколова и Любовь Добржанская, икел сынь важодекшнесть Рязановонь марто — снимсесть «Састо вант ардомепельде» («Берегись автомобиля») фильмасонть.

Ламо ломань марто сценасо снимазель Александр Беляев НТВ-сэ пертьпельксэнь содавикс ветицясь[15].

Фильманть васенце невтемазо

1976-це иень якшамковонь 1-це чистэ 18:00 чассто Центральной Телевидениянь Васенце программасо васенцеде невтезель «Эрямонть пеедькшнемазо, эли Шожда кошт марто!» фильмась. Весенень сон пек вечкевсь. Фёдор Раззаковонь валонзо коряс, фильмань васенце невтеманть ванызь 100 миллионт ломанть. Сакшныця ламо сёрматнень кис невтемс фильманть одов 1976-це иень даволковонь 7-це чистэ, «Эрямонть пеедькшнемазо, эли Шожда кошт марто!» фильманть невтизь эфирсэ омбоцеде. Фильмань нурька вариантонть невтнизь кинотеатрасо, кос фильмась весененень пек вечкевсь. Тосо сонзэ ванызь малав 7 миллионт эрицят[21][22][23].

«Cоветэнь экран» изданиянть ловныцятне лемдизь «Эрямонть пеедькшнемазо» 1976-це иень сех вадря фильмакс, сех вадря налксицякс кочкизь Андрей Мягковонь, кона налксизе Женя Лукfшинэнь[24]. 1977-це иестэ Эльдар Рязанов режиссёронтень, Эмиль Брагинский сценариень сёрмадыцянтень, Владимир Нахабцев снимицянтень, Микаэл Таривердиев музынь сёрмадыцянтень, Барбара Брыльска ды Андрей Мягков фильмань прявт налксицятненень максозь Советэнь Союзонь Государственной премия фильмань тееманть кис[25].

Казнеть

  • 1976-це ие — «Советэнь экран» журналонь ловныцятне ёвтызь «Эрямонь пеедькшнеманть…» иень сех вадря фильмакс.
  • 1976-це ие — «Советэнь экран» журналонь ловныцятнень кевкстнемаст коряс, Андрей Мягков кочказь СССР-нь сех вадря налксицякс[26]
  • 1977-це ие — СССР-нь Государственной премиясо казезь Эльдар Рязанов режиссёрось, Андрей Мягков ды Барбара Брыльска прявт рольтнень налксицятне, Микаэл Таривердиев музыкань сёрмадыцясь, Владимир Нахабцев снимицясь, Эмиль Брагинский сценариень сёрмадыцясь.

Фактт

Ильведевкс марто кадра
  • Фильмань панжиця титратнесэ нолдазь ильведевкс: «исключительно» валонть эйсэ апак сёрмадо «л» буквась. Сёрмадомась ды лотксема тешксэнь путомась ванстозь.

Совершенно нетипичная история которая могла произойти только и искючительно в новогоднюю ночь

  • Режиссёронть арсеманзо коряс фильманть сех ушодкссо арсесть невтемс вертолётсто снимазь Советэнь шкань вейкеть эрямо таркатнень. Ансяк фильманть бюджетэзэ эзь максо тень теемс, секскак ваныцянтень истямо снимамонть таркас неизе анимациянть.
  • Зярдо Надя саи ловшушмосто Иппотитэнь фотографиянзо, эйсэнзэ невтезь Басилашвили, аволь Яковлев. Зярдо одов арсесть снимамс те кадранть, лов арасель[27].
  • Надя прявт откересь важоди тонавтыцякс. Ансяк Ипполитэнь марто кортамсто сон маняви ды ёвты «Мон стувтыя карсемс покшчинь палям». Рузонь келень лувтнень коряс эряволь ёвтамс «оршамс».
  • Лукашин туи Ленинградов Домодедова аэропортсто, куш Советэнь шкасто пелеве ёнксонь ды чивалгома ёнксонь ливтямотне ютавтневсть 1-це Шереметьевасто[28]
  • Эльдар Рязанов налксизе фильмасо эпизодонь роль — менельвенчсэ ливтицянть, конань ёнов свал велявтни удыця Лукашин[28][29].
  • «Кодамо а тантей те тонь валозь калось» ды «Вай, лембине тусь» — ёвтавкстнэ, конат фильманть сценарийсэ арасельть. Те ульнесь Юрий Яковлевень пельде апак анокста налксема[28].
  • Московсо 1958-це иестэ саезь ульнесь Строицянь 3-це куро, ансяк 1963-це сонзэ лемдизь Мария Ульяновань курокс. Ленинградсо Строицянь 3-це куро арасель зярдояк, ансяк 1955-це иестэ саезь 1962-це иес ульнесть Строицянь сеске кавто курот, вейкесь — Красногвардейскоень буень промышленной таркасо; ней те куронть лемезэ Бокситогорской, омбоцесь — Кировонь буесэ, ней — Маринесконь куро.

Культурань кастома

  • 1981-це иестэ КПСС-нь XXVI-це Инекужосто Леонид Брежнев эсензэ яволявтомасо ледстизе фильманть.
  • 2015-це иестэ Индиясо Санни Деолонь ды Кангань Ранаутонь марто прявт рольсэ лиссь «Мон вечкан Од ие» фильма. Фильмань откертнень — индиянь лемест, весемесь юты Чикагосо ды Нью-Йорксо. А сюжетэсь вейке «Эрямонть пеедькшнемазо…» Надянь ды Женянь историянть марто. Ансяк арсеманть саемадо продюсертнэ чатьмонесть[30][31].
  • 2021-це иень кизна Марюс Вайсберг Россиянь режиссёрось арсесь снимамс «Голливудсо эрямонь пеедькшнемазо» фильмань эсензэ вариантонзо. Американь фильмасонть налксесть Эмма Робертс, Джулия Робертсэнь лелянзо тейтерезэ, Томас Манн налксицясь, Мэделин Петш ды Бритт Робертсон[32][33][34].

Мельть-арсемат

«Рузонь кудосо апаро тевть» тевсть эсь сёрмадовкссо Сергей Кара-Мурза мурнизе Рязановонь ды сонзэ откертнень Советэнь лувонь молеманть каршо ды «омбомасторонь сыцятнень» паролгавтомасо. Сон лови, «Эрямонть пеедькшнемазо» фильманть откертне — «септь иетнень коряс превей ломанть», конатненень колоньгеменде ламо иеть, неть ломантнень арасть кудораьскест ды эйкакшост, ансяк улить виев аваст, конат мелявтыть паро чисэ ды ламо ярмак марто эрямонть кис. Фильмань откертнень «Весе арсезесь, сэтьме эрямось» кундазель превей ламо ломантнесэ, конат «паро ёжосо вастызь Од строямонть ды цяпасть и Андрей Сахаровнень»[35].

Фильманть коряс С. Кара-Мурзань истямо мелезэ-арсемазо ульнесь аволь вейкине. 2018-це иень ацамковсто «Эрямонть пеедькшнемазо» фильманть телевидениясо эрьва иень ацамковонь 31-це чистэ невтеманть коряс аволь парсте кортась Марк Рязанень митрополитэсь. Сонзэ койсэ, фильманть арсемазо — «тамашань теевемга а эряви важодемс, мереви ансяк вастовомс, аштемс, симемс» — те колы христианствань лувтнень кода эсь лангсо а лоткавтовиця важодеманть, откертнень ютксо од вечкемась тееви манямонть лангсо[36].

Владимир Василик историкесь ды диаконось фильмань зярыя тематнень лангсо арсемстэ — Хрущёвонь-Брежневень шкасто урозчись, тетявтомочись, вечкемась ды манямось, симемась, кандыловось кода Уцяскань образось ды Од иестэ эрьгелемань тешкстамось, — невти фильманть кода «позда социализмань шкантень кеврунго сонзэ весе паронть ды апаронть марто», кона секе шкасто «канды эсензэ эйсэ ломантнень ютксо вечкемань мадстеманть, Пазонть эйстэ аламодо лия ёно аштеманть»; Пазонть ланга ризнэмась невтеви «моросо ды валморосо, конат топавтыть Античной трагедиянь хоронь тевтнень»[37].

Лия Ахеджаковань фильмасто урядамонь коряс мель-арсема

2024-це иестэ Виталий Бородин Зыянтомочинь теварсевксэнь ды коррупциянь бороцямонь каршо федеральной проектэнь прявтось вешсь фильмасто урядамс Лия Ахеджаковань, косо сон налкси Таня - прявт откеренть ялганзо. Эсь вешеманзо Бородин ёвтызе седе мейле, зярдо 2024-це иень ацамковонь куншкасто Ахеджакова Лос-Анджелессэ кирдизе Украинанть. Ёытазель мель нейросеттнень вельде полавтомс Ахеджаковань Елизавета Боярская налксицянть лангс[38].

DVD-сэ нолдамо

2009-це иень ацамковонь 10-це чистэ «Флагман-Трейд» компаниясь нолдызе фильманть DVD-дисксэ [28].

Поладомазо

«Эрямонть пеедькшнемазо. Поладома» лементь ало фильманть поладомазо лиссь 2007-це иень ацамковсто, сеске кармась вечкевикстнэнь ютксо ды бюджетэнь 5 миллионононь долларонь ютавтомсто пурнась 55 миллионт долларт. Женя Лукашин ды Надя Шевелёва покш эйкашост налксемстэ, конат понгсть кода тетяст-аваст вейке тевс, снимазельть Константин Хабенский ды Елизавета Боярская[39].

Андрей Мягков ульнесь снимамосо, ансяк тензэ мезеяк эзь вечкеве кода весе лиссь[40].

Тешкставкст

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Дата обращения: 26 Сундерьковонь 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 Ацамковонь.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» (руз.). ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 Эйзюрковонь 2023).
  7. ↑ Пьсанть коряс снимазь фитльмасо невтезь Надянь аванзо лемезэ ды тетялемезэ — Ольга Николаевна, — фильманть эйсэ — арась.
  8. ↑ 1 2 Ирония судьбы или С лёгким паром! BoMB033-907 LP на сайте Discogs, аннотация
  9. ↑ Павел Соседов Анна Герман: Почему она любила высоких мужчин? // 7дней.ру : сайт. — 2023. — 2 Медьковонь.
  10. ↑ Музыка из кинофильмов «Ольга Сергеевна», «Ирония судьбы» на сайте Discogs
  11. ↑ Ирония судьбы или С лёгким паром! на сайте Discogs
  12. ↑ Tariverdiev – The Irony Of Fate (Original Score) на сайте Discogs
  13. ↑ «Мне нравится, что вы больны не мной» Цветаевой — любовный треугольник. pishi-stihi.ru. Дата обращения: 26 Сундерьковонь 2019. Архивировано 8 Аштемковонь 2021 года.
  14. ↑ 50 культовых пластинок фирмы «Мелодия» | Серебряный Дождь (руз.). web.archive.org. Дата обращения: 18 Сундерьковонь 2024.
  15. ↑ 1 2 3 Галина Глазко Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 Ацамковонь.
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 Ацамковонь.
  17. ↑ Самый новогодний фильм увековечен мемориальной доской, РБК. Ваннозь 18 Сундерьковонь 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Ваннозь 18 Сундерьковонь 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 (руз.). www.m24.ru. Дата обращения: 18 Сундерьковонь 2024.
  20. ↑ Со стены дома, где снимали «Иронию судьбы», украли памятную табличку (руз.). Дата обращения: 18 Сундерьковонь 2024.
  21. ↑ 40 лет с «Иронией» - Газета.RU. Газета.RU.
  22. ↑ Ирония судьбы или с легким паром. Рождение легенды - Первый канал на YouTube, начиная с 286-й сек
  23. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Дата обращения: 2 Якшамковонь 2020.
  24. ↑ Победители конкурса журнала "Советский экран" // akter.kulichki.com. — 1983. — Ожоков.
  25. ↑ Телефильм "Ирония судьбы, или С легким паром!". Досье - ТАСС, TACC. Ваннозь 18 Сундерьковонь 2024.
  26. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10 Якшамковонь 2007). Дата обращения: 26 Сундерьковонь 2019. Архивировано из оригинала 21 Умарьковонь 2009 года.
  27. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 Ацамков 2022). Ваннозь 18 Сундерьковонь 2024.
  28. ↑ 1 2 3 4 Ирония судьбы, или С легким паром! (ТВ, 1975) (руз.). www.kinopoisk.ru. Дата обращения: 18 Сундерьковонь 2024.
  29. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Дата обращения: 18 Сундерьковонь 2024.
  30. ↑ Я люблю Новый год (2015) — дата выхода в России и премьеры в мире — Кинопоиск (руз.). Кинопоиск. Дата обращения: 18 Сундерьковонь 2024.
  31. ↑ Болливуд снял индийский ремейк "Иронии судьбы", РБК. Ваннозь 18 Сундерьковонь 2024.
  32. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!»
  33. ↑ В США снимут англоязычную версию «Иронии судьбы». Режиссер – Марюс Вайсберг.
  34. ↑ Вайсберг показал первый кадр из голливудской «Иронии судьбы».
  35. ↑ Кара-Мурза С. Г., Телегин С. А. Неполадки в русском доме Архивень копия 23 Ацамковонь 2021 на Wayback Machine. — М.: Алгоритм. — Серия «Горячая линия». — 443 с. — 3000 экз. — ISBN 5-699-09616-7.
  36. ↑ Митрополит Рязанский раскритиковал фильм «Ирония судьбы». Дата обращения: 23 Ацамковонь 2021. Архивировано 23 Ацамковонь 2021 года.
  37. ↑ Протодиакон Владимир Василик. О духовном содержании фильма «Ирония судьбы, или С легким паром!» / Православие.Ru. Ваннозь 18 Сундерьковонь 2024.
  38. ↑ Лию Ахеджакову могут убрать из любимой россиянами «Иронии судьбы», Росбалт (6 Ацамков 2024). Ваннозь 6 Ацамковонь 2024.
  39. ↑ Анна ВЕЛИГЖАНИНА «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 Ацамковонь.
  40. ↑ Алина Минеева «Не одобряю»: Андрей Мягков против «Иронии судьбы» // газета.ru : сайт. — 2018. — 25 Ацамковонь.

Литература

Ссылкат

Саезь "https://myv.ruwiki.ru/w/index.php?title=Эрямонть_пеедькшнемазо,_эли_Шожда_кошт_марто!&oldid=541453"-стэ