Юрчёнков, Валерий Анатольевич

Википедиясто материал - аорев содамкундосто
Валерий Анатольевич Юрчёнков
Yurchenkov.JPG
Наукань сферазо Россиянь история, историография
Важодема тарказо Мордовия Республикань Правительстванть пингстэ Гуманитарной наукань институт (прявт)
Учёной званиязо профессор
Наукань ветицязо Юрий Степанович Кукушкин
Содави кода Мордовиянь историянть коряс специалист
Казнензэ ды премиянзо 1941—1945-це иень Ине Отечественной войнасо Изнямонь 60 иетненень медаль, Россиянь Федерациянь наукань заслуженной деятель

Вале́рий Анато́льевич Юрчёнков (1960-це иень таштамковонь 23-це чи, Краснослободск, Мордовской АССР — 2017-це иень ожоковонь 3-це чи, Саранск) — советской ды россиянь историк, историограф, краевед, наукань организатор. Историянь наукань доктор (1997), профессор (2000). Мордовия Республикань наукань заслуженной деятель (2001), Россиянь Федерациянь наукань заслуженной деятель (2008), Россиянь Федерациянь Политикань наукань академиянь (2000) ды Педагогикань тонавтомань наукань раськеютконь академиянь (2005) действительной член.

Мордовия Республикань Правительстванть пингстэ Гуманитарной наукань институтонь прявт (2001—2017).

Эрямо кизэ

В. А. Юрчёнков чачсь служащеень кудораськесэ. Эйкакшчинзэ ютавтызе Ицялсо ды Отяжелесэ, косо важодсь тетязо. 1982-це иестэ прядызе Мордовской государственной университетэнь историянь-географиянь факультетэнть ды кармась тонавтнеме Келень, историянь, литературань ды экономикань Мордовской НИИ-нь (НИИЯЛИЭ) аспирантурасо, конань прядызе 1985-це иестэ. Историянь наукань докторонть академикенть Ю. С. Кукушкинэнь прявтветямонзо ало сёрмадызе ды идизе «Советы Мордовии в период Гражданской войны и иностранной интервенции (1918—1920 гг.)» кандидатонь диссертациянзо.

1982-це иестэ саезь важодсь НИИЯЛИЭ-сэ младшей научной сотрудникекс, историянь секторонь заведующеекс, учёной секретарекс, историянь отделэнь заведующеекс. 1994-це иень ацамковсто тусь институтстонть наукань-исковамонь важодеманть ладямонзо ды тематиканзо коряс прявттнэнь марто вемельс апрамонть кувалма. 1995—98-це иетнестэ ульнесь Н. П. Огарёв лемсэ МГУ-нть пингстэ Регионологиянь НИИ-нь региональной историянь секторонь заведующеекс, наукань важодеманть коряс директоронь полавтыцякс.

1997-це иестэ идизе «История мордовского края в западной историографии XIII—XIX вв.» докторонь диссертациянзо.

1998-це иестэ кочказь Н. П. Огарёв лемсэ МГУ-нь историянь-социологиянь институтонь Россиянь раськетнень сех од историяст кафедрань профессорокс, 1999—2005-це иетнестэ важодсь теке институтсонть страноведениянь кафедрань заведующеекс.

2001-це иень ожоковсто В. А. Юрчёнков аравтозель НИИЯЛИЭ-нь директорокс. Сонзэ прявтветямонзо ало институтось теезель Мордовия Республикань Правительстванть пингстэ Гуманитарной наукань НИИ-кс, кемекстазельть структурань од подразделеният, конат ванкшность республикасонть эрямонь-аштемань ды экономикань тевтнень, обществань-политикань касоманть, культурань теориянть ды историянть.

В. А. Юрчёнков ульнесь «Центр и периферия» наукань-публицистикань журналонть (2003—2017) ды «Вестник НИИ гуманитарных наук при Правительстве Республики Мордовия» наукань журналонть (2006—2017) прявт редакторокс. Совавтозель «Странник» ды «Гуманитарные науки и образование» журналтнэнь редколлегияс. Ульнесь «Мордовия» энциклопедиянь прявт редакторонь полавтыцякс ды Наукань-редакциянь советэнь председателекс (2003—2004).

Сон научно-популярной зярыя фильмань сценариень автор, снимицятне Казанень кинохроникань киностудиясь (режиссёрось — Н. Дьяков), «Мордовия» ГТРК-сь (режиссёртнэ — И. Кузьмин, В. Каланов). Ютксост — «Память и беспамятство» (1991), «Храни вас Господь, матросы» (1996), «Древо жизни, знаки Творца» (2001), «С кем вы, комдив Миронов?» (2008), «Непокорённые. 1237 г.» (2009) ды лият.

Сонзэ прявтветямонзо ало ютавтовсть наукань исковамот XX-це пингень россиянь ды региононь историянть; XX-це пингень историографиянть; региононь историографиянть; эрзянь-мокшонь раськетнень историяст источниковедениянть; краеведениянь исковамонь методиканть; региононь культурологиянть; Россиянь финнэнь-угрань раськетнень историяст ды культураст коряс. В. А. Юрчёнков ульнесь Россиянь гуманитарной наукань фондонь грантонь конкурссо изницякс: «Наследие: Сборник историко-этнографических документов о мордве. А. А. Гераклитов — основоположник научного изучения истории мордовского народа» 10-01-23106 а(р) проектэсь (2010—2011); «Финно-угорские народы России» 13-11-13002 а(р) проектэсь (2013—2014); «Крестьянство и казачество в России в годы революции 1917 года и гражданской войны: регионально-национальный аспект» 15-31-12034 а(ц) проектэсь (2015—2017).

Сон наукань ды тонавтомань-методикань 200 ламо важодевксэнь автор (эйстэст 84 совавтозь Наукань цитированиянь россиянь индексэс (РИНЦ); 7 — Хиршень индексэс).

Анокстась наукань 6 докторт ды 27 кандидатт.

Наукасо мелензэ

В. А. Юрчёнков явсь мель XX-це пингень васень нилеце пельксэнь отечествань историянтень, источниковедениянтень ды историографиянтень, историянь содамонь теориянтень ды методологиянтень, эрзянь-мокшонь ёнксонть ды эрзятнень-мокшотнень историяст туртов, картографиянь историянтень, краеведениянтень. В. А. Юрчёнков макссь эрзянь-мокшонь этносонть историянзо шкань коряс эсензэ явома, конань юрсо ашти XVIII-це пингенть пес раськенть ды региононть историясо прявт этаптнень вейс прамодо ды диаспоранть марто вейсэ молемадо мелесь. Сон арсизе Рузонь централизованной государствас эрзянь-мокшонь ёнксонть ды эрзятнень-мокшотнень аламонь-аламонь совамодо лувонть.

Учёноесь аштесь историянь алкуксчинть художествань лувсо чарькодеманть ёно. Истямо лувсо сёрмадозь «Хронограф, или Повествование о мордовском народе и его истории» (1991) ды «Живое тепло» (2001) книгатне.

Общественной тевензэ

Историянь ды культурань памятникень ванстомань весероссиянь вейсэндявксонь Мордовиянь республиканской отделениянь председатель (1988—1999), Историянь ды культурань памятникень ванстомань весероссиянь вейсэндявксонь Центральной советс совиця (1992—1999);

Историкень-архивистэнь россиянь вейсэндявксонь Мордовиянь республиканской отделениянь председатель (2006—2017), Историкень-архивистэнь россиянь вейсэндявксонь Центральной советс совиця[1].

Россиянь Федерациянь Общественной палатас совиця (2010—2012)[2].

Мордовия Республикань Общественной палатас совиця (2006—2007), Мордовия Республикань Общественной палатань сопредседатель (2008—2017)[3].

Гражданской обществань институттнэнь кастомань Равчирень федеральной округонь Общественной советс совиця (2010—2017)[4].

Россиянь раськетнень Ассамблеянь Мордовиянь региональной отделениянь председатель (2009—2013).

Наукань ды финнэнь-угрань исковамотнень коряс Россиянь Федерациянь Финнэнь-угрань раськетнень ассоциациянь Советэнь Президиумс совиця (2010—2017)[5].

Мордовия Республикасо Россиянь военно-исторической вейсэндявксонь Региононь отделениянь председатель(2013—2017).

Мордовия Республикань Прявтонть пингстэ Геральдикань коряс комиссиянь председатель(2002—2017)[6].

Казнензэ

Казезь «1941—1945-це иень Ине Отечественной войнасо Изнямонь 60 иетненень» Россиянь Федерациянь Президентэнь ледстнема медальсэ (2005), III-це степенень Славань орденсэ (Мордовия, 2010), II-це степенень Славань орденсэ (Мордовия, 2016), «За заслуги. В ознаменование 1000-летия единения мордовского народа с народами Российского государства» медальсэ (2012). «Литературная Россия» еженедельникень лауреат (2004). Мордовия Республикань Государственной премиянь лауреат (2005, 2015). Мордовия Республикань Прявтонь премиянь лауреат(2013).

Прявт важодевксэнзэ

• Хронограф, или Повествование о мордовском народе и его истории. Саранск : Мордов. кн. изд-во, 1991. 368 с.

• Историография отечественной истории (1917 — начало 90-х гг.) : учеб. пособие. Саранск, 1994. 190 с. (в соавт.)

• Взгляд со стороны: Мордовский народ и край в сочинениях западноевропейских авторов VI—XVIII столетий. Саранск, 1995. 285 с.

• Российская история: вопросы и ответы: учеб. пособие : в 2 ч. Саранск : Тип. «Красный Октябрь», 1999. Ч.1. 252 с.; Ч.2. 352 с. (в соавт.).

• От ВЧК по ФСБ: История и современность Управления ФСБ РФ по Республике Мордовия. Саранск : Изд-во Мордов. ун-та, 2003 (в соавт.).

• На пороге реформ. Общественно-политическая жизнь Мордовии в первой половине 1990-х годов. Саранск, 2006. Саранск, 2006. 368 с. (в соавт.).

• Мордовский народ: вехи истории / Саранск, 2007. Т. 1. 460 с.

• Власть и общество: российская провинция в период социальных катаклизмов 1918—1920 гг. : монография. Саранск, 2010. 440 с.

• Начертание мордовской истории : монография ; НИИ гуманитар. наук при Правительстве Республики Мордовия. Саранск, 2012. 612 с.

• Занимательная археология: далекие предки. Саранск, 2013. 224 с.

• Занимательная история. Саранск, 2014. 328 с.

• Мордовская история: курс лекций. Саранск, 2014. 276 с.

• Война на всех одна. Мордовский край в 1941—1945 годах. Саранск, 2015. 552 с.

• Финно-угорские народы России. Саранск, 2016. 864 с. (науч. редактор).

• Занимательное родиноведение. Саранск, 2017. 256 с.

• Крестьянство и казачество России в условиях революции 1917 г. и Гражданской войны: национально-региональный аспект. М. ; Саранск, 2017. 1048 с. (отв. редактор).

В. А. Юрчёнков — зярыя покш важодевксэнь пурныця, конатнень ютксо «Серафим Саровский» альбомось (1998), «Святой праведный Феодор Ушаков, адмирал флота Российского» сборникесь (2006 г.), «Патриарх Никон: стяжание Святой Руси — созидание Государства Российского» колмо пелькссэ книгась (2009, 2010, 2011), «Мордва Российской империи» сборникесь (2014). В. А. Юрчёнковонь вейсэнь редакциянзо ало анокставсь «Мордовия. XX век» ламо томсо проектэсь, конань лувсо нолдазельть «Мордовия в период Великой Отечественной войны 1941—1945 гг.» кавто томсо монографиясь (2005—2006) ды «Мордовия в послевоенный период 1945—1953 гг.» кавто томсо монографиясь (2012—2015).

Литература

  • Кабытов П. С. История у нас трагична… Записки историка. — Самара : Изд-во Самар. ун-та, 1995. — С. 93—97.
  • Барычева Л. П. Валерий Анатольевич Юрчёнков // Библиотечное краеведение Мордовии : [сб.]. — Саранск, 1999. — Вып. 6. — С. 53—54.
  • Воронина Н. И. Полет над историей // Регионология. — 1999. — № 4. — С. 200; № 1. — С. 402—408.
  • Воронина Н. И. Лики провинциальной культуры. — Саранск : Тип. «Красный Октябрь», 2004. — С. 136—145.
  • Гагаев А. А. КПЛ В. А. Юрчёнкова. Философия истории. Человек исторический // Гагаев А. А., Гагаев П. А. Философия и психология естественных, технических и гуманитарных наук: культурно-типологическая и личностная модель науки (логика открытия). Космо-психо-логос уникального человека. Система философии. — Саранск, 2004. — Ч. 2, 3. — С. 211—241.
  • Северцев В. Пульсирующий этнос // Литератур. Россия. — 2004. — 3 сент. — С. 3.
  • Мордовия : энциклопедия. — Саранск, 2004. — Т. 2. — С. 554.
  • Центр гуманитарных наук: история и современность / НИИ гуманитар. наук при Правительстве Республики Мордовия. — Саранск, 2008. — С. 326—327.
  • Куршева Г. А. Историк, историограф, краевед, организатор науки // Красная Слобода. — Саранск, 2008. — С. 393—396.
  • Мордовия, XX век: культурная элита : энциклопедич. справочник. — Саранск, 2013. — Ч. 2: Н—Я. — С. 330—331.

Тешкставкст

  1. ↑ Официальный портал Российского общества историков-архивистов (РОИА) — Центральный совет РОИА
  2. ↑ Указ Президента Российской Федерации от 23 сентября 2009 года N 1070 «Об утверждении членов Общественной палаты Российской Федерации» — Российская Газета
  3. ↑ Общественная палата
  4. ↑ ЮРЧЁНКОВ Валерий Анатольевич | Полномочный представитель Президента РФ в Приволжском федеральном округе
  5. ↑ Президиум Совета Общероссийского общественного движения «Ассоциация финно-угорских народов Российской Федерации» | Ассоциация финно-угорских народов РФ. Дата обращения: 21 Ожоковонь 2015. Архивировано из оригинала 11 Умарьковонь 2015 года.
  6. ↑ О КОМИССИИ ПО ГЕРАЛЬДИКЕ ПРИ ГЛАВЕ РЕСПУБЛИКИ МОРДОВИЯ, Указ Главы Республики Мордовия от 11 февраля 2002 года № 24
Саезь "https://myv.ruwiki.ru/w/index.php?title=Юрчёнков,_Валерий_Анатольевич&oldid=538574"-стэ