Ютавтыцянь раськеютконь чи
| Ютавтыцянь раськеютконь чи | |
|---|---|
 | |
| Тешкстамонь чись | Таштамковонь 30-це чи |
Ютавты́цянь раськею́тконь чи (руз. Междунаро́дный день перево́дчика) (Journée mondiale de la traduction, International Translation Day) — устной ды письменной ютавтыцятнень профессиональной покшчист. Тешкстави таштамковонь 30-це чистэ (419-це иестэ эли 420-це иестэ Стридонский Иневанькс Иеронимень кулома чистэ, Иероним теизе латинэнь кельс Библиянь ютавтоманть (теде мейле появась «Вульгата»), коень коряс ловови ютавтыцятнень иневанькс ванстыцякс). Покшчись официальнойстэ кемекстазель 1991-це иестэ Ютавтыцянь раськеютконь федерациясо (FIT-со). Те покшчинтень вечкемась касы иеде иес.
2017-це иестэ ООН-нь Генеральной ассамблеянь 71-це сессиясо весе вайгельсэ кемекстазель A/RES/71/288-це № Резолюциясь, конасонть кемекстави раськетнень вейсэндявомасо алкуксонь ютавтоманть эрявиксчизэ, сэтьмечинтенть, вейке-вейкень чарькодемантень молемазо ды кастомазо, таштамковонь 30-це чись яволявтозь Ютавтомань раськеютконь чикс, кона тешкстави ООН-нь тевтнень ютавтомань лувсо[1].
Покшчинь прявт валтнэ
- 2004-це иестэ — «Ютавтомась — ламо келень ды культурань мазычинь юр» (Ютавтыцянь раськеютконь федерация);
«Ютавтыцятне свал аштить кортамонь тевень куншкасо. Мелень-арсемань ды тевдеемань невтемстэ сынь теить модамасторонть, конань эйсэ минь эрятано. Ютавтомась, истямо лувсо, ловови ёнкокс, кона невти ламо кельсэ кортамонть, ды секе шкастонть невти ломантненень панжадочинть ды демократиянь кастоманть.» (2004-це иень Ютавтыцянь раськеютконь пресс-релизстэ)
- 2005-це иестэ — «Профессиянть ды обществанть икеле ютавтыцянть ответственностезэ» (Ютавтыцянь раськеютконь федерация);
- 2006-це иестэ — «Кельтнеде ламо — профессиясь вейке»;
- 2007-це иестэ — «Илядо ледстне кучицянть лангс»;
- 2008-це иестэ — «Терминология: валтнэнь улить смустест»;
- 2009-це иестэ — «Важодтяно вейсэ»;
- 2010-це иестэ — прявт валтнэнь ёвтынзе Россиянь ютавтыцянь вейсэндявксось: «Ламо вайгелень масторсо качествань стандарт»;
- 2011-це иестэ — «Культуратнень ютксо сюлмавоматнень кемекстамо»;
- 2012-це иестэ — «Ютавтомась кода культуратнень ютксо сюлмавома»[2];
- 2013-це иестэ — «Вейсэндязь масторось — келень стакачивтеме» (англ. Beyond Linguistic Barriers — A United World)[3];
- 2014-це иестэ — «Келенть лангс права: ломанень весе праватнень юр»;
- 2015-це иестэ — «Кортамонь ды сёрмадомань ютавтовтоманть полавтомазо» (англ. The changing face of translation and interpretation)[4];
- 2016-це иестэ — «Кортамонь ды сёрмадомань ютавтома: Модамастортнэнь вейсэндямо» (англ. Translation and Interpreting: Connecting Worlds)[5];
- 2017-це иестэ — «Ютавтома ды эрьва кодат ёнкст» (англ. Translation and Diversity);
- 2018-це иестэ — «Ютавтома: полавтомань шкасто культурань тевкадовксонь кастомантень лездамо» (англ. Translation: promoting cultural heritage in changing times)[1];
- 2019-це иестэ — «Коренной раськетнень Раськеютконь иестэ ютавтома ды кельтне» (англ. Translation and Indigenous Languages during International Year of Indigenous Languages);
- 2020-це иестэ — «Кризисэнь шкасто муемс валт сэтьмечинть туртов» (англ. Finding the words for a world in crisis);
- 2021-це иестэ — «Ютавтомасонть вейсэндявома» (англ. United in translation).
Тешкставкст
- ↑ 1 2 2018 International Translation Day | FIT (руз.). www.fit-ift.org. Дата обращения: 11 Таштамковонь 2025. Архивировано 15 Панжиковонь 2018 года.
- ↑ Международный день переводчика. Архивень копия 30 Таштамковонь 2012 на Wayback Machine
- ↑ Международный день переводчика. ria.ru (29 Таштамковонь 2013). Дата обращения: 11 Таштамковонь 2029. Архивировано 21 Панжиковонь 2014 года.
- ↑ International Translation Day 2015 (руз.). Дата обращения: 11 Таштамковонь 2025. Архивировано 2 Ожоковонь 2016 года.
- ↑ International Translation Day 2016 | FIT (руз.). www.fit-ift.org. Дата обращения: 11 Таштамковонь 2025. Архивировано 2 Ожоковонь 2016 года.