Якшаматянь поезд
| литерань коряс поездэнь № | |
|---|---|
| Якшаматянь поездэсь сы Белорусской вокзалонь перрононтень Якшаматянь поездэсь сы Белорусской вокзалонь перрононтень | |
| Прявт даннойть | |
| Категориясь | Фирменной |
| Компаниясь | «Россиянь чугункань кить» |
| Ардома таркатне |
Ине Устюг ош — Владивосток |
| Зяро лоткамо таркатнеде | 200 |
| Зяро покш оштнеде | 100-до ламо ошт |
| Ардома шкась | 85 чить |
| Кувалмось | 33000 вайгельбеть |
| Зярдо ардтни | Эрьва иестэ |
| Техникань даннойть | |
Якшаматянь поезд — «Россиянь чугункань кить» компаниянь «Якшаматянь ардтниця эрямо таркань» 19 вагонсто аштиця покш поезд, кона ардтни Россиява 2021-це иестэ саезь. Поездэсь пурнави-тееви Якшаматянь тиринь ёнкссо, Вологдань ёнксонь Ине Устюг ошсо, ютавты ардтнеманзо ожоковсто саезь якшамковс Россиянь 130 оштнева лоткамо таркатнесэ ды истя эрицятнень марто тешкстави Од иень покшчись. Якшаматянь поездсэ «ардтниця эрямо таркадонзо» башка улить интерактивень таркат, «Ёвксонь веле», эрьва кодамо налксемань ды од иень квестэнь вагонт, казне марто вагон-лавка, пелеве ёнксонь ярсамопель марто вагон-ресторан, фото-купе, важодицятнень туртов техникань вагонт[1][2][3][4][5].
Эрямопингезэ
Васенцеде Якшаматянть поездэзэ сыргась Ине Устюгсто 2021-це иестэ тешкстамс Од иенть Россиянь васолонь регионтнэсэ ды оштнесэ, косо эрицятненень стака пачкодемс Ине Устюгсо «Якшаматянь свалшкань аштема таркас» васоло улеманть кис. Поездэнь шкинемань откерекс лововить Ине Устюгсто Весе Россиянь Якшаматясь, Костромасто Ловняськесь, артисттнэ ды аниматортнэ, конат налксить — Аушка патянь, Трескун атянь, гномт, кудонумолот, тиграт, ловатят ды шуршикть. Весе оштнесэ ды поездэнь лоткамонь весе таркатнесэ «телень откертне» ютавтыть покшчинь программат, налксемат, киштемат ды ёвтыть поздоровт. Самс Якшаматянь поездэв, неемс лоткамо таркатнесэ, вокзалтнэсэ, вокзалонь икеле площадтнесэ ёвксонь откертнень, невтемс эсь вийтнень мартост вейсэнь налксемасо мереви весенень, ансяк поездсэ ардомань кой-кона услугатнень ды од иень казнень саеманть кис эрявить невтемс билетт. Чугункань килангсо Од иень покшчинть вастовомадо мейле эрьва иень якшамковсто Якшаматянь поездэсь арды Карелияв, косо Сортавала станциянь Морозонь платформасо тееви ваномань объектэкс ожоковс, зярдо таго ушодови телень од ардтнемась[1][6].
2021-це-2022-це иень сезонсто Якшаматянь поездэсь ардсь 15 тёжадо ламо вайгельбеть ды ютась 36 ошт, станциятнесэ ды вокзалтнэсэ поездэнь эрьва кодат мероприятиятнес састь малав 200 тёжат ломанть, эйстэст малав 10 тёжатне ардтнесть те поездсэнть. 2022-це-2023-це иень сезонсто ожоковонь 23-це чистэ поездэсь сыргась Россиява колмо ковонь покш ардтнемас Ине Устюгсто саезь Владивостокс Россиянь чугункань кинь сех песэ аштиця таркас — Находка ошонь Тихоокеанской станцияс. Кавто пес вейсэнь кувалмось — 33 тёжат вайгельбеть. Поездэсь юты Байкалонь-Амуронь магистралень ды Транссибирень магистралень оштнева, Россиянь европейской пельксэнть пачк, Сочи, Санкт-Петербург ды Москов оштнень эзга, весемезэ 200 лоткамот[6][7].
2023-це-2024-це иень колмоце сезонсто Якшаматянть поездэзэ сыргась сундерьковонь 11-це чистэ Ине Устюгсто, ацамковонь 27-це чистэ ульнесь Московсо. Весемезэ 64 чинь перть поездэсь сы Россиянь эрьва кодат ёнкстнэсэ малав 80 отштнес, юты 32 тёжадо ламо вайгельбеть ды прядсы ардома кинзэ Ине Устюгсо 2024-це иень якшамковонь 13-це чистэ.
Поездэнь ардтнемань 2 иень перть Россиянь 150-де ламо оштнесэ покшчинь тешкстамо сакшность 900 тёжадо ламо ломанть[8].
Важодицятне
Поездэнть мельга ваныть чугункань кинь 100-до ламо важодицят — техникть, витницят, поездэнь ветицят, поездэнь прявтт, кинь невтицят, административной важодицят, ванстыцят, буфетэнь ды ресторанонь важодицят, валдонь максыцят ды лият[1][6].
Тешкставкст
- ↑ 1 2 3 Дед Мороз из Великого Устюга отправился в путешествие по стране. ТАСС (2022-це иень ожоковонь 22-це чи). Дата обращения: 2022-це иень сундерьковонь 5-це чистэ.
- ↑ Поезд Деда Мороза отправится в рейс по 100 городам России. Известия (2022-це иень ожоковонь 22-це чи). Дата обращения: 2022-це иень сундерьковонь 5-це чистэ.
- ↑ Поезд Деда Мороза из Великого Устюга отправился в турне по стране. Интерфакс (2022-це иень ожоковонь 22-це чи). Дата обращения: 2022-це иень сундерьковонь 5-це чистэ.
- ↑ Из Великого Устюга стартует новогодний поезд. Российская газета (2021-це иень ацамковонь 1-це чи). Дата обращения: 2022-це иень сундерьковонь 5-це чистэ.
- ↑ Дед Мороз отправился в большое путешествие по России на сказочном поезде. Первый канал (2022-це иень ацамковонь 6-це чи). Дата обращения: 2022-це иень сундерьковонь 5-це чистэ.
- ↑ 1 2 3 Поезд Деда Мороза отправился на Дальний Восток. Российская газета (2022-це иень сундерьковонь 5-це чи). Дата обращения: 2022-це иень сундерьковонь 5-це чистэ.
- ↑ Стало известно, когда в Петербург приедет волшебный поезд Деда Мороза. Фонтанка (2022-це иень сундерьковонь 5-це чи). Дата обращения: 2022-це иень сундерьковонь 5-це чистэ.
- ↑ РИА Новости, 27 декабря 2023. В Москву прибыл поезд Деда Мороза