Ярсамопелень промышленностень важодицянь чи
| «Ярсамопелень промышленностень важодицянь чи» | |
|---|---|
 | |
| Типесь | Профессиональной покшчи |
| Лия лемезэ | «Пищевикень чи», «Пищепромонь чи» |
| Аравтозь | СССР-нь Верховной Советсэ |
| Тешкстави |
 Россиясо  Украинасо |
| Зярдо тешкстави | эрьва иестэ, ожоковонь колмоце таргочистэ |
| Ютавтомань койтне | Поздоровт ды казнеть кирдивийтнень ды прявттнэнь пельде |
Ярсамопелень промышленностень важодицянь чи — Россиянь Федерациянь ярсамопелень промышленностень ды Украинань (укр. День працівників харчової промисловості) пищевой промышленностень весе важодицятнень профессиональной покшчи, кона тешкстави эрьва иестэ ожоковонь колмоце таргочистэ[1].
Те покшчись вети ведьгеменде ламо иень эрямопинге, ды саи эсь ушодксонзо СССР-стэ «„Ярсамопелень промышленностень важодицянь чиде“ Эрьва иень покшчинь аравтомадо» Верховной Советэнь Президиумонь Кармавтомасто, кона лиссь 1966-це иестэ. Кармавтоманть коряс профессиональной те покшчинть меревсь тешкстамс ожоковонь 3-це таргочистэ, мезесь топавтовияк неень шкас. СССР-нть каладомадо мейле Россиянтень покшчинь тешкстамонть поладомга эзь эряво кемекстамс башка конёвт ды лия эрьва кодат тевконёвт.
Весемесь лиякс лиссь Украинасо. СССР-нть каладомадо мейле эрьва чинть эрявсь кемекстамс одов. Ламо покшчитне ванстовсть, ансяк ялатеке сынст кармасть тешкстамо лия чистэ. «Ярсамопелень промышленностень важодицянь чись» — те чуросто вастневиця тев, зярдо тешкстамонь чись эзь полавтово. 1995-це иень умарьковонь 8-це чистэ Киевсэ Леонид Кучма Украинань омбоце Президентэсь тешкстась «Ярсамопелень промышленностень важодицянь чиде» 714/95-це N Кармавтома, конань вельде те покшчинть меревсь тешкстамс кода икелеяк, ожоковонь колмоце таргочистэ. Теке марто Президентэнть Кармавтомасо тешкставсь, весемесь теезь «ярсамопелень промышленностень важодицятнень мелест-арсемаст ды масторсонть профессиональной союзтнэнь кирдемга».
Тешкставкст
- ↑ [www.calend.ru/holidays/0/0/162/ День работников пищевой промышленности — 17 октября. История и особенности праздника в проекте Календарь Праздников 2010]
Теке марто вант
- Велень хозяйствань ды перерабатывающей промышленностень важодицянь чи.
- Украинань велень хозяйствань важодицянь чи.