Байрамова, Фаузия Аухадиевна

Википедиясто материал - аорев содамкундосто
Фаузия Аухадиевна Байрамова
тат. Фәүзия Аухади кызы Бәйрәмова
Ф.Бәйрамова Владивостокта.jpg
Чачома чизэ 1950-це иень ацамковонь 5-це чи(1950-12-05) (75 иеть)
Чачома тарказо
Масторозо Россиянь коцтось Россия
Тетязо Аухади Байрамов
Мирдезэ Хусаин Мансурович Аймалетдинов
Эйкакшонзо Зульфия Кадырова, Сулейман Кадыров
Казнензэ ды премиянзо

RUS Medal In Commemoration of the 1000th Anniversary of Kazan ribbon.svg
«Культурас путовксонть кис» мештень тешкс
Гаяз Исхакинь лемсэ премия (2001-це ие)
Хади Атласинь лемсэ премия

Логотип РУВИКИ.Медиа Фаузия Аухадиевна Байрамова

Байра́мова Фау́зия Аухади́евна (тат. Фәүзия Аухади кызы Бәйрәмова; 1950-це иень ацамковонь 5-це чи, Сабай[d], Татаронь Автономной Советской Социалистической Республика[d]) — татаронь националистка[1], историянь наукань кандидат (2006-це иеcтэ)[2]. Ульнесь «Иттифак» татаронь раськень олячинь партиянь ветицякс (партиясь пекстазель судонть арсеманзо коряс)[3].

Эрямокизэ

Чачсь 1950-це иень ацамковонь 5-це чистэ Татаронь АССР-нь Сабинской буень Сабай велесэ ламо эйкакшонь кудораськесэ, косо ульнесть кемень эйкакшт.

1966-це иестэ кавксо иень школань прядомадо мейле сонзэ тердизь важодеме буень кулялопас[4]. Поладызе тонавтнеманзо Казаньсэ: 1968—1971-це иетнестэ тонавтнесь Казанень театральной училищань режиссёронь отделениясо[5], теде мейле Казанень государственной университетэнь (руз.) (эрз. филологиянь факультетсэ (1983—1989-це иетнестэ)[6]. 2006-це иестэ идизе «Средней Поволжьянь историянь ды раськетнень культурань ванномасо М. Г. Худяковонь ролезэ» (руз. «Роль М. Г. Худякова в исследовании истории и культуры народов Среднего Поволжья») теманть коряс историянь наукань кандидатонь степененть кемекстамга диссертациянзо[7].

Ушодызе эсь важодеманзо Казаньсэ тескень телевидениянь студиясо, мейле важодсь редакторокс книгань издательствасо[8].

1986-це иестэ совавтозель СССР-нь Сёрмадыцянь вейсэндявксос[6]. 1994-98-це иетнестэ ульнесь Татарстанонь Сёрмадыцянь вейсэндявксонь президиумс совицякс[9].

Политикасо важодемазо

Политикань тевтнень виевстэ кармась ветямо 1989-це иестэ саезь. Совакшнось Татарстанонь Раськень фронтонь инициативной куншкакурос (1989-це иестэ), ансяк куроксто лиссь тосто политикасо аволь вейкеть вановттнэнь кис. 1989-це иестэ топавтсь Татаронь общественной куншкакуронь тевть, кармась вейкекс сеттнень эйстэ, кие ушодызе «Иттифак» (руз.) (эрз.[10] — Татарстансо васенце аволь коммунистэнь ды, теке шкане, сепаратистэнь партиянть, конань прявт мелекс ульнесь Татарстанонь «олячись». Партиянь васенце инекужосонть Байрамова кочказель прявтокс ды теке таркантень одов кочказель нилеце инекужосо 1997-це иестэ.

1990—1995-це иетнестэ ульнесь Татарстан Республикань раськень депутатокс. Теке шкастонть, 1994-це иестэ саезь 1997-цес, ульнесь Милли Меджлис (руз.) (эрз. (раськень промксонь) прявтокс. Нолдась «Алтын Урда» (эрз. «Сырнень Орда») кулялопа, конась 1998-це иень панжиковсто пекстазель Набережные Челны ошонь судонть арсеманзо коряс. Теке марто 1999-це иень ожоковонь 13-це чистэ судонть арсеманзо коряс Набережные Челны ошсо лоткавтозель «Иттифак» партиянть важодемазо ды первичной васенце организациязо[11].

2008-це иень ацамковонь 20-це чистэ Фаузия Байрамова таго кочказель Милли Меджлисэнь одов ушодозь тевень прявтокс[12]. Теке чистэнть Набережные Челны ошонь вейсэндявксонь промкссо кемекстазель «Татарстан Республикань государственной олячиде декларация» (руз. «Декларация о государственной независимости Республики Татарстан») ды истя пурназель «панемасо раськень Правительства», конань прявтокс аравтозель Вил Мирзаянов (руз.) (эрз.. Теде башка инекужонь делегаттнэ пшкадсть Раськетнень Вейсэндязь Организацияс (ООН-с) вешема марто — лездамс Татарстанонтень олячинь кемекстамосо[13].

Лемди эсь прянзо «Россиянь колониализмань каршо молицякс» ды нолды чумост татаронь коллаборационисттнэнь, конат Ине Отечественной войнань шкасто вейсэ важодсть Германиянь нацисттнэнь марто[14]. Фаузия Байрамова ловови татаронь раськень движениянь радикальной ёнксонть ветицякс (прессась лемди эйсэнзэ «татаронь национализмань бабинекс»).

2022-це иень аштемковсто кармась Татаронь масторлангонь конгрессэнь Набережной Челнань куросо наукань коряс комиссиянь прявтокс[15]. Ловови «Татаронь раськенть ледстнемань ды ризксэнь чинь» (тат. «Хәтер көне») свалшкань улицякс, те чись ютавтневи эрьва иестэ Казаньсэ Иван Грозноень ушмотнесэ Казанень ханствань прявтошонь саемань чистэ.

Уголовной тевть

2010-це иестэ Набережные Челны ошонь судось ловизе чумокс раськетнень ютксо а ладямонь кирвазтемасо ды судизе 1 иес условна[16]. 2012—2013-це иетнестэ Набережные Челны ошсо мольсь «Йолдыз» (эрз. «Теште») радикальной исламонь сравтнемасо чумондозь медресенть пекстамонзо каршо[17].

2014-це иестэ таго чумондозель раськетнень ютксо а ладямонь кирвазтеманть кис (статьясь 282-це, пельксэсь 1-це) ды судязель 1 иес условна «Украинасо ды Крымсэ тевтнень коряс татаронь раськень милли меджлисэнь арсемазо» (руз. «Заявления милли меджлиса татарского народа по ситуации на Украине и в Крыму») социальной сеттнесэ публикациянть кис, конасонть кемевтевсь, «Крымесь — татарсконь кезэрень мода», ды Татарстансо мусульмантнэнь мельга панемадо текстэнть кис[18].

2016-це иень чадыковсто Габдулла Тукаень лемсэ Государственной премиянь максомас Байрамовань кандидатуранзо ливтемась кепедсь ломантнень ютксо каршо молема раськетнень ютксо а ладямонь кирвазтемасо судимосттнень улеманть кис[18].

Седе тов молиця иетнестэ аволь весть тердтневсь административной ответственностентень. 2020-це иень аштемковсто штрафовазель 10 тёжат целковойс 2019-це иестэ Казанень саемстэ Чавовозтнень ледстнемань чистэ вастовомасо кортамонть кис. 2021-це иень даволковсто судось тагояк путсь тензэ 30 тёжат целковойть штраф ломантнень пингстэ РФ-нь территориянь вейкетьксчинь коламонть тердемадо статьянть коряс (РФ-нь Административной ответственностте кодексэнь 20.3.2-це статья) 2020-це иень даволковсто Весе татаронь общественной куншкакуронь конференциясо кортамонть кис[19].

Литературасо важодемазо

Сёрмадсь 50-де ламо[20] книгат. 2024-це иестэ саезь кой-кона публикациясо нолды тевс Байрамова-Аймал шкинемань псевдонимензэ[21].

Прявт произведениятне:

  • «Болын» (эрз. «Луга», 1986-це ие);
  • «Сəнгать дɵньясына сəяхəт» (эрз. «Искусствань масторс якамо», 1989-це ие);
  • «Моң» (эрз. «Моро», 1991-це ие);
  • «Мəйдан татарларны кетə» (эрз. «Площадесь учи татартнэнь», 1992-це ие);
  • «Кара урман» (эрз. «Тусто вирь», 1997-це ие);
  • «Безне онытмагыз» (эрз. «Илямизь стувтне», 1998-це);
  • «Дəверлəр күчешендə» (эрз. «Пингетнень ютамонть лангсо», 1998-це ие);
  • «Хаҗ көндәлеге» (эрз. «Хаджонь дневник», 1999-це ие)[22];
  • «Соңгы намаз» (эрз. «Меельце намаз», 2000-це ие);
  • «Күңел карлыгачларым» (эрз. «Оймень цянавт», 2000-це ие)[23]
  • «Заман. Милләт. Кеше» (эрз. «Пинге. Раське. Ломань», 2000-це ие);
  • «Михаил Худяков и история татарского народа» (эрз. «Михаил Худяков ды татаронь раськенть эрямопингезэ», 2003-це ие);
  • «Таралып яткан татар иле» (эрз. «Татаронь срадозь мастор», 2003-це ие);
  • «Ядерный архипелаг или атомный геноцид против татар» (эрз. «Татартнэнь каршо ядерной архипелаг эли атомной куловтома», 2005-це ие)[24];
  • «Кырык сырт» (эрз. «Ниленьгемень карязт», 2005-це ие, одов нолдазь 2024-це иестэ)[25];
  • «Кучум хан» (эрз. «Кучум хан», 2007-це ие, одов нолдазь 2011-це иестэ)[26][27];
  • «Тропою знаний к Истине» (эрз. «Видечинтень содамочинь янга», 2007-це ие)[28];
  • «Татарская Караболка — 50 лет в объятиях смерти» (эрз. «Татаронь Караболка — куломань кутморямосо 50 иеть», 2007-це ие);
  • «Михаил Худяков и историко-культурное наследие народов Среднего Поволжья» (эрз. «Михаил Худяков ды Средней Поволжьянь раськетнень историянь-культурань тевкадовксост», 2007-це ие);
  • «Туран иле» (эрз. «Туранонь мастор», 2008-це ие);
  • «Ачылмаган татар тарихы» (эрз. «Татартнэнь апак панжо эрямопингест», 2011-це ие)[29];
  • «Дала Атлантидасы яки эчкен татарлары» (эрз. «Степной Атлантида эли ичкинской татартнэ», 2013-це ие);
  • «Милләтемә хезмәт иттем» (эрз. «Мон служинь эсь раськентень», 2013-це ие);
  • «Ана» (эрз. «Ава», 2015-це ие)[30];
  • «Милләт тарихы» (эрз. «Раськенть эрямопингезэ», 2016-це ие);
  • «Һиҗрәт» (эрз. «Хиджра», 2017-це ие)[31];
  • «Гулейза» (эрз. «Гулейза», 2019-це ие)[32];
  • «Сибирская цивилизация» (эрз. «Сибирень цивилизация», 2019-це ие)[32];
  • «Габдрәшит Ибраһим — милләтнең хокук яклаучысы» (эрз. «Габдрашит Ибрагим – раськень правозащитник», 2021-це ие)[33].

Награданзо ды премиянзо

  • «Казанень 1000 иень ледстнемга» медаль;
  • «Культурас путовксонть кис» мештень тешкс;
  • Гаяз Исхакинь лемсэ премия (2001-це ие)[34];
  • Хади Атласинь лемсэ премия.

Кудораськезэ

Эри Набережные Челны ошсо.

Ульнесь мирдень кедьсэ Джамиль Сафиуллин юристэнть, предпринимателенть ды Татарстан Республикань Госсоветэнь икелень депутатонть экшсэ (1990—1995-це иетнестэ), мирдезэ кулось 2021-це иень ожоковонь 2-це чистэ COVID-19 коронавирусонь инфекциянь осложнениятнеде мейле[35][36]. 2023-це иестэ лиссь мирденень Хусаин Мансурович Аймалетдиновонь экшс[37].

Кавто эйкакшт — Зульфия Кадырова тейтерь ды Сулейман Кадыров цёра.

  • Зульфия Кадырова тейтерезэ — историк.
  • Сулейман Кадыров цёразо — крымень-татаронь националист. Чийсь Крымстэ Россиянть марто региононть вейсэндявомадо мейле.

Тешкставкст

  1. ↑ За разжигание межнациональной вражды Фаузие Байрамовой дали год условно — Новости России — ИА REGNUM. Дата обращения: 25 Эйзюрковонь 2015. Архивировано 2 Чадыковонь 2015 года.
  2. ↑ Байрамова Ф. А. Роль М. Г. Худякова в исследовании истории и культуры народов Среднего Поволжья. 07.00.02. Дата обращения: 21 Сундерьковонь 2012. Архивировано 6 Ожоковонь 2014 года.
  3. ↑ Перечень общественных и религиозных объединений, иных некоммерческих организаций, в отношении которых судом принято вступившее в законную силу решение о ликвидации или запрете деятельности по основаниям, предусмотренным законодательством Российской Федерации. ФСБ России. Дата обращения: 11 Ожоковонь 2025.
  4. ↑ Бәйрәмова Фәүзия. Централизованная библиотечная система г. Набережные Челны. Дата обращения: 11 Ожоковонь 2025.
  5. ↑ Байрамова Фаузия Аухадиевна. Татарское книжное издательство. Дата обращения: 11 Ожоковонь 2025.
  6. ↑ 1 2 Байрамова Фаузия Аухадиевна. Милләттәшләр. Дата обращения: 11 Ожоковонь 2025.
  7. ↑ «Татарская нация высохнет без своей государственности»: Фаузие Байрамовой — 70. БИЗНЕС Online (5 Ацамковонь 2020). Дата обращения: 11 Ожоковонь 2025.
  8. ↑ Байрамова Фаузия Аухадиевна. Tatarica. Татарская энциклопедия. Дата обращения: 11 Ожоковонь 2025.
  9. ↑ С. Бадретдин. Фаузия Байрамова: Железная леди Татарстана. // «Татарская газета». № 3-4, 18.04.2000 (руз.). web.archive.org (18 Чадыковонь 2000). Дата обращения: 14 Ожоковонь 2025.
  10. ↑ Политические партии / Республика Татарстан (руз.). web.archive.org. Дата обращения: 14 Ожоковонь 2025.
  11. ↑ ИТТИФАКЪ әл-МӨСЛИМИН (Союз мусульман). Милләттәшләр. Дата обращения: 11 Ожоковонь 2025.
  12. ↑ Мухаметшин Ф. М., Мухаметшина Н. С. Татарский этнонационализм в Республике Татарстан: от рассвета до заката. Казанский социально-гуманитарный вестник (2017). Дата обращения: 11 Ожоковонь 2025.
  13. ↑ Кто такая Фаузия Байрамова? Анна Ардова. Дата обращения: 11 Ожоковонь 2025.
  14. ↑ Русская линия / Библиотека периодической печати: Я себя под Гитлером чищу. (руз.). rusk.ru. Дата обращения: 14 Ожоковонь 2025.
  15. ↑ «Мы должны показать пример»: в Челнах выбрали нового главного татарина. БИЗНЕС Online (8 Аштемковонь 2022). Дата обращения: 11 Ожоковонь 2025.
  16. ↑ В Татарстане осуждена известная татарская националистка, Газета.Ru (25.02.2010). Ваннозь 14 Ожоковонь 2025.
  17. ↑ Челны радикальные: от Госдепа до Чечни. БИЗНЕС Online (19 Таштамковонь 2012). Дата обращения: 11 Ожоковонь 2025.
  18. ↑ 1 2 «Русские заслужили биологическую смерть». Русская народная линия (26 Чадыковонь 2016). Дата обращения: 11 Ожоковонь 2025.
  19. ↑ В Набережных Челнах суд оштрафовал на 30 тысяч рублей писательницу Фаузию Байрамову за призывы к сепаратизму. Вести КАМАЗа (9 Даволковонь 2021). Дата обращения: 11 Ожоковонь 2025.
  20. ↑ Фаузия Байрамова отмечает юбилей. Татары (5 Ацамковонь 2020). Дата обращения: 11 Ожоковонь 2025.
  21. ↑ Байрамова-Аймал Ф. Сатмадым да, сатылмадым да. msu.tatarstan.ru. Дата обращения: 11 Ожоковонь 2025.
  22. ↑ Бәйрәмова Фәүзия Әүхәди кызы. Tatarica. Татарская энциклопедия. Дата обращения: 11 Ожоковонь 2025.
  23. ↑ Фаузия Байрамова. Список литературы. Лысьвенская библиотечная система. Дата обращения: 11 Ожоковонь 2025.
  24. ↑ Фаузия Байрамова. Ядерный архипелаг или атомный геноцид против татар (руз.). nuclear-tatar.mtss.ru. Дата обращения: 21 Ожоковонь 2025.
  25. ↑ На соискание Государственной премии РТ им. Г. Тукая. Национальная электронная библиотека Республики Татарстан. Дата обращения: 11 Ожоковонь 2025.
  26. ↑ Состоялась презентация новой книги Фаузии Байрамовой «Кучум хан» (руз.). web.archive.org (13 Умарьковонь 2007). Дата обращения: 14 Ожоковонь 2025.
  27. ↑ Фаузия Байрамова: «Русские меня уважают». Самарские татары (28 Эйзюрковонь 2016). Дата обращения: 11 Ожоковонь 2025.
  28. ↑ Байрамова, Фаузия Аухадиевна - Тропою знаний к Истине. Российская национальная библиотека. Дата обращения: 11 Ожоковонь 2025.
  29. ↑ Рубрика «Листая альбом»: писатель Фаузия Байрамова. Культура.РФ. Дата обращения: 11 Ожоковонь 2025.
  30. ↑ Мать Чингиза Айтматова. Звезда Поволжья (8 Ожоковонь 2015). Дата обращения: 11 Ожоковонь 2025.
  31. ↑ Внимание, новинка! Фаузия Байрамова «Һиҗрәт». Чекмагушевская ЦБС (1 Эйзюрковонь 2023). Дата обращения: 11 Ожоковонь 2025.
  32. ↑ 1 2 В свой приезд в Алькеевский район Фаузия Байрамова призналась, что хочет написать произведение об этом крае. Алькеевские вести. Дата обращения: 11 Ожоковонь 2025.
  33. ↑ Фаузия Байрамова представила свою новую книгу, посвященную Габдрашиту Ибрагиму. Татары (31 Эйзюрковонь 2021). Дата обращения: 11 Ожоковонь 2025.
  34. ↑ Премия имени Гаяза Исхаки. Союз писателей РТ. Дата обращения: 11 Ожоковонь 2025.
  35. ↑ Умер супруг Фаузии Байрамовой. БИЗНЕС Online (2 Ожоковонь 2021). Дата обращения: 11 Ожоковонь 2025.
  36. ↑ У супруга Фаузии Байрамовой, скончавшегося от ковида, был юридический бизнес и мандат депутата Госсовета РТ. БезФормата (2 Ожоковонь 2021). Дата обращения: 11 Ожоковонь 2025.
  37. ↑ 73-летняя Фаузия Байрамова сочеталась никах. БезФормата (16 Даволковонь 2024). Дата обращения: 11 Ожоковонь 2025.
Саезь "https://myv.ruwiki.ru/w/index.php?title=Байрамова,_Фаузия_Аухадиевна&oldid=533164"-стэ