Абдершин, Алимкай Абдуллович

Алимкай Абдуллович Абдершин
Алимкай Абдуллович Абдершин
	тат. Ğalimqay Ğabdulla uğlı Ğabderşin, Галимкай Габдулла улы Габдершин
Чачома чизэ	1911-це иень; панжиковонь 12-це; (25-це) чистэ
Чачома тарказо	Ташто Алагулова веле,; Усть-Рахманонь волость, Краснослободскоень уезд, Пензань губерния, Россиянь империя
Кулома чизэ	1983-це иень; панжиковонь 26-це чистэ
Кулома тарказо	Москов ош, РСФСР, СССР
Масторозо	СССР
Кодамо ушмосо	пехотань
Служамонь иетне	1933—1935-це, 1941—1945-це
Званиязо
Частезэ	ледницянь 86-це полк, ледницянь 180-це дивизия, 38-це армия
Тюремат/войнат	Ине Отечественной война;

Алимка́й Абду́ллович Абдерши́н^[2] (1911-це иень панжиковонь 12-це
(25-це) чи — 1983-це иень панжиковонь 26-це чи) — Советэнь Союзонь Откерь, Ине Отечествань войнасо улиця.

Эрямопингезэ

Чачсь 1911-це иень панжиковонь 12-це (25-це чистэ Ташто Алагулова велесэ
(ней — Мордовия Республикань Ковылкинань буе).

1933-це иестэ саезь 1935-це иес служась Важодицянь ды сокицянь-видицянь Якстере Армиясо. Демобилизациядо мейле важодсь заводсо Москов ёнкссо.

1941-це иень аштемковсто Москов ёнксонь Красногорскоень буень военкоматсо таго тердезель Важодицянь ды сокицянь-видицянь Якстере Армияв.
1943-це иестэ саезь ульнесь Ине Отечествань фронтонь тюрематнесэ.

1943-це иень таштамковонь 30-це чинь вестэнть ротасо улемстэ валгсь Днепра леень вить чирень Лютежской плацдармасо. Алимкай Абдершин младшей сержантонь ротантень эрявсь ятонь толонть алга ютамс леень чудема тарканть. Уемадо мейле Абдершин гранатасо яжизе чувтосо ды модасо кекшезь леднема тарканть ды полавтызе взводонь ранязь командирэнть^[3].

1943-це иень ожоковонь 5-це чистэ саизе эрявикс тарканть. Теде мейле Советэнь ушмантнэнь лангс ятось ушодсь покш каявома. Те тюреманть шкасто автоматсо ледниця ротань прявтонть таркас ветицянь тевтнень саинзе эсензэ лангс. Ожоковонь 5-це чистэ саезь 13-це чис Абдершинэнь прявтсо ротась идинзе весе каявоматнень, чавсь ятонть малав 30 ушмант ды офицерт. 1943-це иень ожоковонь 13-це чистэ стакасто ранязель.

«Якстере Армиянь генералтнэнень, офицертнэнень, сержантонь ды рядовой составонтень Советэнь Союзонь Откерь лементь максомадо» 1944-це иень якшамковонь 10-це чинь СССР-нь Верховной Советэнь Президиумонь кармавтомасо «фронтсо немецень-фашистэнь ятонть каршо виевчинь, откерьксчинь невтеманть ды прявттнэнь пельде аравтозь тевень парсте топавтоманть кис» тензэ максозель Советэнь Союзонь Откерь лемесь, конань марто казезель Ленинэнь орденэсь ды «Сырнень Теште» медалесь^[4].

1945-це иень прядовомсто демобилизовазель старшинань званиясо. Демобилизациядо мейле эрясь Московсо.

1947-це иестэ совась Советэнь Союзонь коммунистэнь партияс (КПСС-с).

Кулось 1983-це иень панжиковонь 26-це чистэ. Калмазь мусульманонь Даниловской калмазырьсэ, косо тензэ стявтозь кеврунго^[5].

Казнензэ

«Сырнень теште» медаль
Ленинэнь орден
Отечествань войнань I-це степенень орден
СССР Верховной Советэнь Президиумонь Шнамо конёв
Медальть

Ледстнема

Ташто Алагулова велешь школасо панжозь мемориальной лаз.

Тешкставкст

↑ Ней Россия
↑ Советэнь Союзонь Откерень каземадо кармавтомасо сёрмадозь — Абдершин Алимкай Абдулович
↑ Онлайн-проект «Галерея памяти»: Ковылкинский район
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Якшамковонь (№ 3 (263)). — С. 1.
↑ Абдершин Алимкай Абдуллович

Ссылкат

Абдершин, Алимкай Абдуллович (неопр.). «Масторонь маралят» вальмась.(Ваннозь 12 Ацамковонь 2009)
Абдерши́н Алимкай Абдуллович // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 15. — 911 с. — 100 000 экз. — ISBN отс., Рег. № в РКП 87-95382.
Представление к награде
Наградной лист
«Прошёл всю войну и вернулся домой героем» — Абдершин Алимкай
9 сентября на ограде Ивановской Соборной мечети была торжественно установлена мемориальная плита Герою Советского Союза Алимкаю Абдершину
Абдершин Алимкай Абдуллович

[1] Ней Россия

[2] Советэнь Союзонь Откерень каземадо кармавтомасо сёрмадозь — Абдершин Алимкай Абдулович

[3] Онлайн-проект «Галерея памяти»: Ковылкинский район

[4] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Якшамковонь (№ 3 (263)). — С. 1.

[5] Абдершин Алимкай Абдуллович

[1]

[2]

[3]

[4]

[5]