Антропов, Василий Яковлевич

Василий Яковлевич Антропов
Василий Яковлевич Антропов
Чачома чизэ	1910-це иень
Чачома тарказо	Кульмеж, Инсаронь уезд[d], Пензань губерния[d], Россиянь империя;
Кулома чизэ	1943-це иень ожоковонь 7-це чи
Кулома тарказо	Макиивка[d], Макеевка[d], Донецкоень ёнкс, Украинань ССР[d], СССР;
Масторозо	СССР
Кодамо ушмосо	Пехота[d]
Служамонь иетне	1941—1943-це
Званиязо
Частезэ	гвардиянь леднемань; 311-це полк
Тюремат/войнат	Ине Отечественной война;
Сюлмавомат	Антропов, Пётр Яковлевич

Василий Яковлевич Антропов (1910—1943) — Важодицянь ды сокицянь-Ввдицянь Якстере Армиянь гвардиянь майор, Ине Отечествань войнасо улиця^[1], Советэнь Союзонь Откерь (1943-це ие). Руз.

Эрямокизэ

Василий Антропов чачсь 1910-це иень якшамковсто Пензань губерниянь Инсаронь уездэнь Ямщикень волостень Кульмеж велесэ (ней — Мордовия Республикань Инсаронь буе) сокицянь-видицянь кудораськесэ. Пётр Яковлевич Антропов Социалистэнь Трудонь сыця шкань Откеренть ялаксозо. 1934-це иестэ Бакусо прядызе морянь техникумонть, теде мейле важодсь Каспийской иневеденть лангсо, ульнесь штурманокс, седе тов — иневенчень прявтокс^[2].

1941-це иестэ Антропов тердезель служамо Важодицянь ды сокицянь-видицянь Якстере Армияв Астрахань ошонь Кировонь военной комиссариатонть пельде. Прядсь командань составонь анокстамонь курсат^[3]. 1942-це иестэ саезь — Ине Отечествань войнань фротнэсэ. Василий Антропов гвардиянь майорось ульнесь Лембе ёнксонь фронтонь 44-це армиянь гвардиянь ледстнемань 108-це дивизиянь гвардиянь ледстнемань 311-це полконь батальононь прявтокс. Пек парсте невтизе эсь прянзо 1943-це иень сёксня^[2].

Инсар ошсо Откерень аллеясо бюстозо

1943-це иень таштамковонь 26-це чистэ ятонь артиллериянь толонть алга Антроповонь батальонось апак фатя сась Ворошиловка веленть (ней — Россиянь Федерациянь Запорожьянь ёнксонь Октябрьское веле) малас, ютызе танкань каршо теезь чувовксонть, сезизе немецень идеманть ды олякстомтызе веленть. Ятось эзь кенере яжамс леднемапельтнень ды материальной пельксэнть марто покш утомтнень, ды потась. Ушонь тюрематнесэ батальонось чавсь немецень 200-то ламо ушмант ды офицерт, сайсь леднемапель марто 2 покш утомт, миномётонь батарея ды леднемань туртов маштовиця 4 лездамопельть. Тюремасонть Антропов майорось чавсь ятонь 52 ушмант. Се тюремасонть сон стакасто ранязель пряс.
1943-це иень ожоковонь 3-це чистэ сонзэ ускизь фронтонь 1091-це № госпитальс, косо ожоковонь 7-це чистэ кулось. Калмазь неень шкань Россиянь Федерациянь Донецкой Раськень Республикань Макеевка ошсо^[2].

1943-це иень сундерьковонь 1-це чинь СССР-нь Верховной Президиумонь Советэнь кармавтомасо Василий Антропов гвардиянь майоронтень куломадо мейле максозель Советэнь Союзонь Откерь покш лемесь^[2].

Теке марто казезель Ленинэнь орденсэ (куломадо мейле), Суворовонь 3-це степенень орденсэ, Якстере Тештень орденсэ^[2].

Ледстнема

Василий Антроповонь лемензэ кандтнить Инсар ды Макеевка оштнесэ куротне, эйкакшонь ловнома кудотне^[4].
Инсаронь 1-це № средней школанть вакссо стявтозь Антрововонь бюстозо, школасо аравтозь мемориальной лаз, теде башка мемориальной лаз стявтозь Кульмеж велень школасо^[5].
Антроповонь бюстонзо стявтозь Инсаронь Откерень аллеясо ды Инсаронь буень Рузонь Паёвань велень поселенияс совиця Кульмеж велесэ^[2].

Тешкставкст

↑ Память народа (неопр.). Дата обращения: 31 Панжиковонь 2022. Архивировано 31 Панжиковонь 2022 года.
↑ ¹ ² ³ ⁴ ⁵ ⁶ Антропов, Василий Яковлевич (неопр.). «Масторонь маралят» вальмась.
↑ Антропов Василий Яковлевич
↑ Выставка, посвященная юбилейным датам Героев Советского Союза - Антропова В. Я., Асманова А. В., Едунова И. Г.,
Кочеткова Г. С., Тараканова Н. С., Тягушева Е. В.
↑ В Инсарском районе установили мемориальную доску Герою Советского Союза Антропову

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Ссылкат

[1] Память народа (неопр.). Дата обращения: 31 Панжиковонь 2022. Архивировано 31 Панжиковонь 2022 года.

[wh-2] ¹ ² ³ ⁴ ⁵ ⁶ Антропов, Василий Яковлевич (неопр.). «Масторонь маралят» вальмась.

[3] Антропов Василий Яковлевич

[4] Выставка, посвященная юбилейным датам Героев Советского Союза - Антропова В. Я., Асманова А. В., Едунова И. Г.,
Кочеткова Г. С., Тараканова Н. С., Тягушева Е. В.

[5] В Инсарском районе установили мемориальную доску Герою Советского Союза Антропову

[1]

[2]

[3]

[4]

[5]