Антясов, Михаил Тихонович

Михаил Тихонович Антясов
Михаил Тихонович Антясов
Чачома чизэ	18 аштемковонь 1906
Чачома тарказо	Пою Веле, Инсаронь уезд[d], Пензань губерния[d], Россиянь империя;
Кулома чизэ	30 сундерьковонь 1989 (83 года)
Кулома тарказо	Мокшень Коламаз (Ковёлбуе), Ковылкинань буе, Мордовиянь Автономной Советэнь Социалистической Республикась[d], РСФСР[d], СССР;
Масторозо	СССР
Кодамо ушмосо	инженерэнь
Служамонь иетне	1942—1945-це
Званиязо
Тюремат/войнат	Ине Отечественной война;

Михаил Тихонович Антясов (1906—1989) — Важодицянь ды сокицянь-видицянь Якстере Армиянь ушман, Ине Отечествань войнасо улиця, Советэнь Союзонь Откерь (1945-це ие).

Эрямокизэ

Михаил Антясов чачсь 1906-це иень медьковонь 18-це чистэ Пензань губерниянь Инсаронь буень Ямщикень волостень Паёва велесэ (ней — Мордовия Республикань Кадошкинань буе) сокицянь-видицянь кудораськесэ. Мокша. Тонавтнесь ушодксонь школасо, теде мейле эрясь ды важодсь Московсо. 1942-це иень якшамковсто Антясов тердезель служамо Важодицянь ды сокицянь-видицянь Якстере Армияв^[1].

1942-це иень ожоковсто саезь — Ине Отечествань войнань фронтнэсэль. Ульнесь Белоруссиянь 2-це фронтонь 65-це армиянь моторизированной башка понтонно-мостовой 87-це батальононь понтонёрокс^[2]. Пек парсте невтизе эсь прянзо Советэнь ушмотнень Одер леенть пачк ютамо шкасто^[1].

1945-це иень чадыковонь 20-це чистэ Штеттин ошонть эйстэ лембе ёнов кото вайгельбень ютазь, немецень ушмотнень пельде артиллериянь ды пулемётонь покш толонть лангс апак вано, Антясов вейсэ служицятнень марто пурнась паром ды кармась усксеме ушмант, артиллерия, танкат, леднемапельть^[3]. Паромонь ветямосо лездыця кавто ушмантнэнь ёмавтомадо мейле Антясов кадовсь важодеме ськамонзо. Зярдо паромось томбазель сезевемасо, Антясов бойкасто кенерсь весементь витемс ды истямо койсэ лездась Советэнь ушмотненень теемс ютамопель Одерэнть эзга^[1].

Зярдо 1945-це иень чадыковонь 22-це чистэ максозель кармавтома витнемс немецень ушмотнеде мейле Одерэнть пачк калавтозь сэденть, Антясов, артиллериянь виев толонть лангс апак вано лездась бойкасто топавтомс те кармавтоманть. Ранявоманть лангс апак вано эзизе кадо эсь тарканзо ды поладызе важодеманзо, сантитаронь частев кучозель ансяк ротань прявтонть кармавтомадо мейле^[1]^[4].

1945-це иень аштемковонь 29-це чистэ СССР-нь Верховной Советэнь Президиумонь кармавтомасо Михаил Антясов Якстере Армиясо служицянтень максозель Советэнь Союзонь Откерь покш лемесь, конань марто тензэ казезельть Ленинэнь орденэсь ды 5887-це номерэнть ало «Сырнень теште» медалесь^[1].

Войнань прядовомадо мейле ульнесь демобилизовазь, важодсь плотникекс, эрясь Мордовиянь АССР-нь Ковылкинань буень Мокшонь Коламаз велесэ. Кулось
1989-це иень сундерьковонь 30-це чистэ^[1]^[5].

Теде башка казезель 1-це степенень Отечествань войнань орденсэ, зярыя медальсэ^[1].

Тешкставкст

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Ссылкат

[wh-1] ¹ ² ³ ⁴ ⁵ ⁶ ⁷ Антясов, Михаил Тихонович (неопр.). «Масторонь маралят» вальмась.

[2] Проявил мужество и храбрость

[3] Антясов Михаил Тихонович

[4] Онлайн-проект «Галерея памяти»: Кадошкинский район

[5] Выставка «Герои Отечества», посвящённая юбилейным датам Героев Советского Союза — Антясова Михаила Тихоновича, Вандышева Сергея Ивановича, Грицкова Владимира Павловича, Ефремова Дмитрия Ивановича, Михеева Владимира Михайловича, Пшеничникова Николая Андреевича

[1]

[2]

[3]

[4]

[5]