Арсентьев, Николай Михайлович

Википедиясто материал - аорев содамкундосто
Николай Михайлович Арсентьев
Арсентьев Николай Михайлович.jpg
Чачома чизэ 1958-це иень эйзюрковонь 15-це чи(1958-03-15) (68 иеть)
Чачома тарказо
Масторозо
Наукань сферазо Россиянь империянь история[d] ды экономикань история[d]
Важодема тарказо Н. П. Огарёв лемсэ Мордовиянь государственной университетэнь историянь ды социологиянь институт
Тонавтнемазо
Учёной степенезэ историянь наукань доктор[d] (1995-це иень)
Учёной званиязо профессор (1999-це иестэ)
Россиянь наукань академиянь член-корреспондент (2008-це иестэ)
Содави кода историк, Россиянь XVIII-це — XX-це пингень ушодовомань экономической историянь коряс специалист
Казнензэ ды премиянзо RUS Honorary Worker of Higher Professional Education 2004 ribbon.svg

Никола́й Миха́йлович Арсе́нтьев (1958-це иень эйзюрковонь 15-це чи, Софьина (Ельникень буе), Мордовиянь Автономной Советской Социалистической Республика[d]) — Советской ды Российской историк, Россиянь XVIII-це — XX-це пингень ушодовомань экономической историянь коряс специалист, Россиянь наукань академияс совиця (2008-це иестэ саезь).

Эрямокизэ

Чачсь 1958-це иень эйзюрковонь 15-це чистэ «Большевик» совхозонь важодицянь кудораськесэ. Владимир ялаксозо ды Зинаида сазорозо — географиянь тонавтыцят, Виктор ялаксозо (чачсь 1971-це иестэ) — историк[1].

Вадрясто прядызе Зубово-Полянань тонавтыцянь училищанть ды «История» специальностенть коряс Н. П. Огарёв лемсэ Мордовиянь государственной университетэнь историянь ды географиянь институтонть (1982-це иестэ).

1986-це иестэ А. В. Клеянкин профессоронть прявтсо идесь «XIX-це пингень васенце пелькссэ металлургиянь приокской заводонь важодицятне: пролетариатонь теевемань историянтень» (руз. «Рабочие приокских металлургических заводов в первой половине XIX в.: к истории формирования пролетариата») теманть коряс кандидатонь диссертация, 1995-це иестэ — «XVIII-це пингень прядовомань — XIX-це пингень васенце пельксэнь Москов алксонь горной округ» (руз. «Замосковный горный округ конца XVIII — первой половины XIX в.») теманть коряс докторонь диссертация[2].

1995-це иестэ максозель доцентэнь (руз.) (эрз., 1999-це иестэ — профессоронь лемесь. 2008-це иень панжиковонь 29-це чистэ кочказь Историянь ды филологиянь наукатнень коряс Россиянь наукань академиянь совицякс (Россиянь история).

1996-це иестэ саезь — экономикань ды информациянь технологиянь кафедрань прявт. Ламо тиеть важодсь Н. П. Огарёв лемсэ МГУ-нь историянь ды социологиянь институтонь прявтокс.

Наукасо важодемазо

Наукасо ванновиця кевкстематне: Россиянь XVIII-це пингень прядовомань — XX-це пингень ушодовомань экономикань история; XVIII-це — XX-це пингень ушодовомсто Россиянь промышленностень кастомань ёнкстнэ, производствань экономикань ды социальной структурань кастома.

Сёрмадсь тонавтомань-методикань коряс наукань 600-то ламо важодемат, сынст ютксо 20 монографият ды тонавтомань-методикань 38 пособият. Сонзэ прявтсо идезь кандидатонь 42 ды докторонь 11 диссертацият[3].

Наукань ды анокстамонь важодемазо

  • «Отечественной история», «Этнография, этнология ды антропология» специальносттнесэ диссертациянь идемань коряс вейсэндязь советэнь коряс прявт;
  • Историянь ды социологиянь институтонь учёной советэнь прявт;
  • Мордовиянь университетэнь учёной советс совиця;
  • Россиянь ды масторлангонь экономикань историянь коряс Россиянь наукань академиянь Наукань советэнь прявттнэстэ вейке;
  • РФ-нь вузтнэнь тонавтнемань ды методикань зярыя президиумтнень вейсэндявксос совиця;
  • Центральной Россиянь ды Средней Поволжьянь экономикань историянь коряс куншкакуронь прявт (теиця);
  • Тонавтнемань организациятнесэ 6-10-це класстнэнь туртов Россиянь историянь коряс учебниктнень теицятнестэ вейкесь ды научно-редакционной советс совиця, 2015-це учебниктнень нолдынзе «Просвещения» издательствась (1547 лопас 11 книгат);
  • «Мордовиянь история» 3 томсо, 5-9-це класстнэнь туртов «Эрзянь ды мокшонь ёнксонть историязо ды культуразо» школань учебниктнень ды программатнень, «Основы православной культуры» ды «Основы исламской культуры» учебниктнень наукань редактор;
  • «Мордовия» 2 томсо энциклопедиянь редакциянь прявт коллегияс совиця;
  • «Экономикань история» (руз. «Экономическая история») журналонь прявт редактор[4].

Кочказь важодеманзо

  • «Во славу России» монография (Москов, 2002-це ие);
  • «Хрустальные короли России» монография (Москва, 2003-це ие)[5];
  • «Промышленная Россия первой половины XIX в. Замосковный горный округ в планах и чертежах» книга (Москов, 2004-це ие; А. М. Дубоделэнь марто вейсэ)[6] — «Иень книга» Весе Россиянь пелькстамонь изниця, казезь «Европейской качества» дипломсо ды сырнень ледстнемань медальсэ;
  • «Российские предприниматели Мальцовы» монография (Саран, 2006-це ие)[7];
  • «Металлургическая промышленность России первой половины XIX в.» тевконёвонь ды материалонь пусмо (Саран, 2007-це ие)[8];
  • «Экономическая история и современность: к 20-летию Научного совета РАН по проблемам российской и мировой экономической истории» вейсэнь монография (Саран, 2009-це ие; Л. И. Бородкинэнь ды В. А. Виноградовонь марто вейсэ)[9];
  • «История Мордовии: в 3 т. Т. 3: От Гражданской войны к гражданскому обществу» (Саран, 2010-це ие; автортнэстэ вейке ды редактор)[10];
  • «Основы исламской культуры» ды «Основы православной культуры» школатнень туртов учебниктне[11][12];
  • А. В. Торкуновонь редакциянзо ало 6-10-це класстнэнь туртов «История России» школань учебниктнень автортнэстэ вейкесь[13][14].

Награданзо

  • Огарёвской премиянь лауреат (1995-це ие);
  • Мордовия Республикань наукань заслуженной важодиця (2001-це ие)[15];
  • Россиянь Федерациянь высшей профессиональной тонавтомань почётной важодиця (2006-це ие)[15];
  • Мордовия Республикань Государственной премиянь лауреат (2008-це ие)[15];
  • Мордовия Республикань Прявтонь премиянь лауреат (2014-це ие);
  • РФ-нь Президентэнь Шнамо конёв (руз.) (эрз. (2024-це иестэ) — отечественной наукань кастомасо, ламо иень паро важодемань кис ды Россиянь наукань академиянтень 300 иетнень топодеманть марто.

Тешкставкст

  1. ↑ Арсентьев Виктор Михайлович (руз.). Историко-социологический институт Мордовского государственного университета. Дата обращения: 11 Таштамковонь 2025.
  2. ↑ Арсентьев, Николай Михайлович - Замосковный горный округ конца XVIII-первой половины XIX в. : автореферат дис. ... доктора истор. наук : 07.00.02 - Search RSL (руз.). search.rsl.ru. Дата обращения: 11 Таштамковонь 2025. Архивировано 24 Ожоковонь 2017 года.
  3. ↑ Директор ИСИ, член-корреспондент РАН Николай Арсентьев отметил юбилей (руз.). МГУ им. Н. П. Огарёва. Дата обращения: 11 Таштамковонь 2025.
  4. ↑ Редакционная коллегия (руз.). Дата обращения: 11 Таштамковонь 2025. Архивировано 12 Эйзюрковонь 2022 года.
  5. ↑ Арсентьев, Николай Михайлович - Хрустальные короли России : Пром. хоз-во и предпринимат. деятельность Мальцовых в XVIII-XIX вв. - Search RSL (руз.). search.rsl.ru. Дата обращения: 11 Таштамковонь 2025. Архивировано 22 Ожоковонь 2020 года.
  6. ↑ Арсентьев Н. М., Дубодел А. М. Промышленная Россия первой половины XIX века. Замосковный горный округ в планах и чертежах. — М.: Наука, 2004. — 323 с. — ISBN 5-02-010305-5. Архивень копия 22 Ожоковонь 2020 на Wayback Machine
  7. ↑ Арсентьев, Николай Михайлович - Российские предприниматели Мальцовы - Search RSL (руз.). search.rsl.ru. Дата обращения: 11 Таштамковонь 2025. Архивировано 22 Ожоковонь 2020 года.
  8. ↑ Металлургическая промышленность России первой половины XIX века : сб. док. и материалов - Search RSL (руз.). search.rsl.ru. Дата обращения: 11 Таштамковонь 2025. Архивировано 22 Ожоковонь 2020 года.
  9. ↑ Арсентьев Николай Михайлович (руз.). Российская академия наук. Дата обращения: 11 Таштамковонь 2025.
  10. ↑ Публикации сотрудников кафедры (руз.). Историко-социологический институт МГУ им. Н. П. Огарёва. Дата обращения: 11 Таштамковонь 2025.
  11. ↑ Мартыненко, Александр Валентинович - Основы исламской культуры. 8 класс : учебник для 8 класса общеобразовательных учреждений - Search RSL (руз.). search.rsl.ru. Дата обращения: 11 Таштамковонь 2025. Архивировано 22 Ожоковонь 2020 года.
  12. ↑ Белкин, Алексей Иванович - Основы православной культуры : учебник для 7 класса общеобразовательных учреждений - Search RSL (руз.). search.rsl.ru. Дата обращения: 11 Таштамковонь 2025. Архивировано 9 Таштамковонь 2017 года.
  13. ↑ Серия «Арсентьев Николай Михайлович» (руз.). LiveLib. Дата обращения: 11 Таштамковонь 2025.
  14. ↑ Арсентьев, Николай Михайлович. История России. 7 класс (руз.). rusneb.ru. Дата обращения: 11 Таштамковонь 2025.
  15. ↑ 1 2 3 Арсентьев Николай Михайлович (руз.). Национальная библиотека им. А. С. Пушкина Республики Мордовия (Панжиков 2022). Дата обращения: 11 Таштамковонь 2025.

Ссылкат

Саезь "https://myv.ruwiki.ru/w/index.php?title=Арсентьев,_Николай_Михайлович&oldid=541321"-стэ