Астраханцев, Сергей Васильевич

Сергей Васильевич Астраханцев
Сергей Васильевич Астраханцев
Чачома чизэ	10 (23) таштамковонь 1914-це иень
Чачома тарказо	Темников, Тамбовонь губерния[d], Россиянь империя;
Кулома чизэ	1943-це иень умарьковонь 8-це чи (28 иеть)
Кулома тарказо	Братетеница веленть маласо, Великописаревской буе, Сумской ёнкс, Украинань ССР, СССР
Масторозо	СССР
Кодамо ушмосо	Пехота[d]
Служамонь иетне	1936-це ие—1938-це,; 1941-це ие—1943-це
Званиязо
Частезэ	ледстнемань 71-це дивизиянь ледстнемань 367-це полк
Тюремат/войнат	Ине Отечественной война;

Серге́й Васи́льевич Астраха́нцев (1914-це иень таштамковонь 10-це (23-це чи) — 1943-це иень умарьковонь 8-це чи) — Советэнь ушман. Ине Отечествань войнасо улиця. Советэнь Союзонь Откерь (1944-це ие, куломадо мейле). Старшей лейтенант.

Эрямокизэ

Сергей Васильевич Астраханцев чачсь 1914-це иень таштамковонь 10-це
(23-це чистэ) Россиянь империянь Тамбовонь губерниянь Темников уездной ошсо (ней — Россиянь Федерациянь Мордовия Республикань буень куншкакуро) Василий Александрович важодицянть ды Любовь Алексеевна кудазораванть Астраханцевтнень кудораськесэ.

1921-це иестэ Астраханцевтнень кудораськесь тусь эрямо Ташина посёлкав (ней — Обран ёнксонь Первомайск ош). Тесэ Сергей Астраханцев прядсь школань сисем класст, мейле важодсь Ташинской чугунолитейной заводонь паросиловой цехсэ электромонтёронь тонавтницякс. 1933-це иестэ Обран ошсо прядсь авиациянь техникумонь вейке курс. Армияв саемадонзо икеле важодсь Саратовсо слесарекс, мейле 195-це № заводонь диспетчерэкс (ней «Завод АИТ» ОАО-сь). 1936—1938-це иетнестэ Сергей Астраханцев ютась служамо Важодицянь ды сокицянь-видицянь Якстере Флотсо. Служась Тихоокеанской флотсо. Служамодо мейле велявтсь Саратов ошов.

Важодицянь ды сокицянь-видицянь Якстере Армияв С. В. Астраханцев тердезель 1941-це иень умарьковонь 28-це чистэ Саратов ошонь Октябрянь буень военной комиссариатсто. Немецень-фашистэнь ятонть каршо тюрематнесэ 1941-це иень ацамковсто саезь. Ранязель, лецясь госпитальсэ. Пичкамодо мейле Сергей Васильевичень кучизь младшей лейтенантонь курсас. 1942-це иень ожоковсто С. В. Астраханцев младшей сержантось аравтозель Волховонь фронтонь леднемань 71-це дивизиянь леднемань 367-це полконь прявтокс. Парсте невтизе прянзо Волхов леенть лангсо идемань тюрематнесэ. 1942-це иень ацамковсто леднемань
71-це дивизиясь максозель ударной 2-це армиянтень, конань марто Сергей Астраханцев ульнесь Ленинградонь блокадань сеземасо («Сятко» операциясь). Мейле Ленинградонь ды Волховской фронттнэсэ ульнесь «Полярной Теште» операциясонть. Ленинградонть ало тюрематнесэ Сергей Астраханцев ютась ки младшей лейтенантсто старшей лейтенантс ды аравтозель 3-це батальононь леднемань
7-це ротань прявтокс.

Чадыковонь прядовомсто леднемань 71-це дивизиясь ливтезель резервс ды пештямодо мейле 1943-це иень медьковсто ульнесь максозь 27-це армияв васня Степной, мейле Воронежень фронтонтень. Сонзэ составсо С. В. Астраханцев старшей лейтенантось ульнесь Курскоень тюремань Белгородонь-Харьковонь операциясо.

1943-це иень умарьковонь 8-це чистэ Харьков ёно Сумской областень Великописаревской буень Братеница веленть маласо ятонть лангс каявома шкасто леднемань 367-це полконь подразделениянть лангс ульнесь немецень пехотасо ды танкасо каявома ды савсь ютамс идемас. 3-це батальононь аштема таркасо, конань арасельть танкань каршо тюремань кедьёнксонзо, немецень пехотантень лездасть Т-6 «Тигр» колмо танкат. Батальононть кавтолдоманзо неемстэ С. В. Астраханцев старшей лейтененатось эсензэ ротанзо марто, кона те шкас ульнесь резервасо, сыргась покш каявомас. Керямс пехотанть ледницятненень кармавтомань максомсто Астраханцев старшей лейтенантось сонсь танкань каршо вейкине ледниця ружиянзо марто сыргась икелев ды виде ледемасо яжась немецень 2 танкат, ансяк «Тигр» колмоце танкась гусеницасо лепштизе сонзэ толонь леднема тарканть^[1].

1944-це иень умарьковонь 25-це чистэ СССР-нь Верховной Советэнь Президиумонь кармавтоманзо вельде немецень ятонть каршо виевчинь, откерьксчинь невтеманть ды прявттнэнь пельде аравтозь тевень парсте топавтоманть кис Астраханцев Сергей Васильевич старшей лейтенантось куломадо мейле яволявтозь Советэнь Союзонь Откерь лементень^[2].

С. В. Астраханцев калмазь аволь васоло тюрема тарканть эйстэ вейсэнь калмосо Сумской ёнксонь Великописаревской буень Братеница велень калмазырьсэ^[3].

Казнеть

«Сырнень Теште» медаль (1944-це иень медьковонь 25-це чи, куломадо мейле);
Ленинэнь орден (1944-це иень медьковонь 25-це чи, куломадо мейле).

Ледстнема

С. В. Астраханцев Советэнь Союзонь Откеренть бюстозо стявтозь Саратов ошонь «Завод Автономных Источников Тока»
ОАО-нь территориясо.
С. В. Астраханцев Советэнь Союзонь Откеренть ледстнемга мемориальной лаз аравтозь Мордовия Республикань Темников ошонь Московонь куронь кудонтень.
С. В. Астраханцев Советэнь Союзонь Откеренть лемезэ свалшкас сёрмадозь Украинань Сумской ёнксонь Великописаревской райононь Братеница велень стелас. Велень вейке курось кандтни сонзэ лементь.
С. В. Астраханцев Советэнь Союзонь Откеренть лемензэ кандтнить Первомайск ды Темников оштнесэ куротне^[4].
С. В. Астраханцев Советэнь Союзонь Откеренть лемензэ Темников ошсо кандтни паркось^[5].
С. В. Астраханцев Советэнь Союзонь Откеренть лемензэ кандтни Саратовонь 23-це № средней общеобразовательной школась^[6].

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль: Очерки и зарисовки о Героях Советского Союза — уроженцах Мордовии / сост. В. С. Иванова, А. Д. Ширяев. — Саранск: Мордовское книжное издательство, 1985. — С. 38—41. — 376 с.
Тюльников Л. К., Басович Я. И. Герои Советского Союза — горьковчане. — 2-е изд., перераб. и доп. — Горький: Волго-Вятское книжное издательство, 1981. — С. 17. — 366 с.
За Отчизну, свободу и честь!: очерки о Героях Советского Союза — горьковчанах: в 7 кн. — Горький: Книжное издательство, 1978. — Т. 5. — С. 30—36. — 368 с.