Баляев, Алексей Андреевич
| Алексей Андреевич Баляев | |||
|---|---|---|---|
 | |||
| Чачома чизэ | 1923-це иень даволковонь 15-це чи | ||
| Чачома тарказо | |||
| Кулома чизэ | 1983-це иень таштамковонь 25-це чи (60 иеть) | ||
| Кулома тарказо | |||
| Масторозо |
 СССР |
||
| Кодамо ушмосо | пехотань | ||
| Служамонь иетне | 1941—1946-це | ||
| Званиязо |
 |
||
| Тюремат/войнат | Ине Отечествань война | ||
| Казнеть ды премият |
|
||
Алексе́й Андре́евич Баля́ев (чачомстонзо Асы́м Айзяту́ллович[1][2] Баляев;
1923-це иень даволковонь 15-це чи, Пензятка веле — 1983-це иень таштамковонь
25-це чи, Ногинск ош) — Важодицянь ды сокицянь-видицянь Якстере Армиянь ушман, Ине Отечествань войнасо улиця, Советэнь Союзонь Откерь (1944-це ие).
Эрямокизэ
Алексей Баляев чачсь 1923-це иень умарьковонь 15-це чистэ Пензятка велесэ (ней — Мордовия Республикань Лямбирень буе) сокицянь-видицянь кудораськесэ. Ушодксонь школань прядомадо мейле важодсь Калинин ёнксонь «Волгострой» предприятиясонть. 1941-це иень сундерьковсто тердезель служамо Важодицянь ды сокицянь-видицянь Якстере Армияв. 1941-це иень ацамковсто саезь — Ине Отечествань войнань фронтнэсэ. Ульнесь Юго-Западонь фронтонь 6-це армиянь гвардиянь леднемань 25-це дивизиянь гвардиянь леднемань 78-це полконь ледницякс. Парсте невтизе прянзо Днепрань кис тюремасо.
1943-це иень таштамковонь 25-це чистэ саезь таштамковонь 26-це чинь вестэнть группань составсо улемстэ Баляев Якстере Армиянь ушманось ятонть толонзо пачк ютась Днепра леенть трокс Днепропетровской буень Солонянской буень Войсковое веленть эйстэ пелеве ёнов ды кемекставсь плацдармасо. Немецень ушмотне ютавтсть вете покш каявомат, ансяк ятонть туртов весе сынь прядовсть беряньстэ[3]. Тюрематнесэ группась маштсь немецень ушманонь ды офицерэнь малав цела взвод.
1944-це иень эйзюрковонь 19-це чистэ СССР-нь Верховной Советэнь Президиумонь кармавтомасо Алексей Баляев Якстере Армиянь ушманонтень максозель Советэнь Союзонь Откерь покш лемесь, конань марто тензэ казезельть Ленинэнь орденэсь ды «Сырнень Теште» медалесь[4].
1946-це иестэ Баляев ульнесь демобилизовазь. Эрясь Москов ёнксонь Ногинск ошсо. Кулось 1983-це иень таштамковонь 25-це чистэ.
Теде башка казезель зярыя медальсэ[5].
Тешкставкст
- ↑ Главный подвиг жизни
- ↑ Баляев Асым Айзятуллович. Дата обращения: 24 Чадыковонь 2012. Архивировано из оригинала 15 Умарьковонь 2012 года.
- ↑ Баляев Асым Айзятуллович (Алексей Андреевич)
- ↑ Краеведческий проект «Созвездие Героев»: Баляев Асым Айзятуллович
- ↑ Герой Советского Союза Баляев Алексей Андреевич
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Геройская быль. — Саранск, 1985. — С. 45—49.
- Шёл парнишке в ту пору…: герои-комсомольцы в боях за Советскую Украину в годы Великой Отечественной войны 1941–1945 гг. / авт.-сост. В. Н. Немятый и др. — К.: Молодь, 1985. — С. 16. — 367 с.