Баргов, Анатолий Николаевич

Анатолий Николаевич Баргов
Чачома чизэ	1955-це иень медьковонь 22-це чи(1955-07-22) (71 ие)
Чачома тарказо	Магнитогорск, Челяба ёнкс, РСФСР, СССР
Масторозо	СССР СССР→ Россия
Тонавтнемазо	И. Я. Яковлев лемсэ Чувашиянь государственной педагогикань институт
Званиянзо	член-корреспондент РАХ (2022)

Анатолий Николаевич Баргов (1955-це иень медьковонь 22-це чи, Магнитогорск, Челяба ёнкс, РСФСР, СССР) — Россиянь артыця, Россиянь художествань академияс совиця-корреспондент (2022).

Эрямокизэ

Чачсь 1955-це иень медьковонь 22-це чистэ Челяба ёнксонь Магнитогорск ошсо, эри ды важоди Мордовия Республикань Саранскойсэ.

1991-це иестэ прядызе И. Я. Яковлев лемсэ Чувашиянь тонавтыця государственной институтонть, косо тонавтнесь Р. Ф. Фёдоровонь кедьсэ.

1995-це иестэ совавтозь Россиянь художникень вейсэндявксос, 2010-цестэ — Россиянь художникень шкинемань вейсэндявксос.

2004-це иестэ саезь 2017-цес ульнесь Н. П. Огарёв лемсэ Мордовиянь государственной университетэнь эрзянь-мокшонь традиционной культурань ды Мордовиянь неень шкань искусствань кафедрань профессорокс.

2024-це иестэ кочказь Раськеютконь Культурань ды искусствань академиянь академикекс.

2002—2012-це иетнестэ — Мордовия Республикань Художникень вейсэндявксонь Правлениянь председатель, 2017—2022-це иетнестэ — Правленияс совиця.

2015-це иестэ кочказь Живописень отделениянть пельде Россиянь художествань академияс почётонь совицякс, 2022-це иестэ — совицякс-корреспондентэкс.

Шкинемазо

Сехте содавикс артовксонзо: «Эрзянь озкс» триптихесь (2000 г.); «Праздник первой борозды» (2003-це ие, коцт, ой, 130х200); «Вестник Победы» (2005-це ие, коцт, ой, 80х100); «Шумбрат, фестиваль!» (2007-це ие, коцт, ой, 110х150); «В воскресный день» (2009-це ие, коцт, ой, 120х150); «Яблочная благодать, мордовские яблочки» (2011-це ие, коцт, ой, 110х115); «Левитановский Плес» (2015-це ие, коцт, ой, 90х70); «За невестой» (2019-це ие, коцт, ой, 110х130); «Львовка» (2023-це ие, коцт, ой, 50х34,5) ды лият.

Артовксонзо улить С. Д. Эрьзя лемсэ Мордовия Республикань артомань искусствань музейсэ (Саранск), И. Д. Воронин лемсэ Мордовия Республикань краеведениянь вейсэндязь музейсэ, Ушаков лемсэ Темниковань историянь-краеведениянь музейсэ; Покш Болдинань историянь-художествань музеень комплекссэ, башка ломанень пурнавкссо.

1987-це иестэ саезь эрси раськеютконь, республикань, региононь невтематнесэ. Башка невтеманзо ютасть Саранскойсэ (1997, 2000, 2009, 2015, 2018, 2020, 2022, 2025), Санкт-Петербургсо (2009, 2013), Лукояновасо (2011), Покш Болдинасо (2016, 2021), Пензасо (2019).

Казнензэ

• Мордовия Республикань раськень артыця (2019)
• Мордовия Республикань заслуженной артыця (2004)
• Мордовия Республикань Прявтонь Сюконямо лопа (2005, 2007)
• Россиянь художествань академиянь диплом (2005, 2007, 2008, 2010)
• Мордовия Республикань Прявтонь премиянь лауреат (2009)
• «Духовность-традиции-мастерство» Россиянь художествань академиянь сиянь медаль (2009, 2015)
• «Культурное достояние» раськеютконь фондонь диплом (2010)
• «Русская галерея — XXI век» национальной премиянь сиянь медаль (2011)
• Россиянь Федерациянь Культурань министерствань Почётонь грамота (2011)
• «В ознаменование 90 годовщины образования СССР» КПРФ-нь ЦК-нь ледстнема медаль(2012)
• «Духовность — традиции — мастерство» Россиянь художествань академиянь сырнень медаль (2012)
• «За заслуги. В ознаменование 1000-летия единения мордовского народа с народами Российского государства» медаль (2012)
• «За национальное согласие» медаль (2015)
• «Служение искусству» Культурань ды искусствань раськеютконь академиянь сиянь орден (2015)
• Россиянь художникень шкинемань вейсэндявксонь сырнень медаль (2015)
• Степан Эрьзя лемсэ премиянь лауреат (2021); Ф. В. Сычков лемсэ премиянь лауреат (2022)

Россиянь художествань академиянь казнеть

• Сюконямо лопа (2007)
• Сиянь медаль (2011)
• Диплом (2012)
• Почётонь грамота (2020)

Тешкставкст

Ссылкат

• Баргов Анатолий Николаевич (неопр.). rah.ru. Дата обращения: 2025-2-8.
• Баргов Анатолий Николаевич (неопр.). goloserzi.ru. Дата обращения: 2025-2-8.