Бахтин, Михаил Михайлович

Михаил Михайлович Бахтин
Михаил Михайлович Бахтин
Гражданствась	Россиянь империя; РСФСР[d]; СССР;
Калмамо тарка	Введенское кладбище[d];
Область деятельности	Эрямо койтнень содамось
Кулома тарка	Москов ош, СССР;
Учёная степень	кандидат филологических наук[d]
Тев теят	философсь, келеньсодый, сёрмадей, литературный критик, историк литературы, литературовед, теоретик искусства
Чачома чи	17 сундерьковонь 1895[…] или 16 сундерьковонь 1895
Кулома чи	7 эйзюрковонь 1975[…] (79 лет)
Школа (движение)	западная философия[d]
Чачома тарка	Орёл ош, Россиянь империя;
Эра	Современная философия[d]
Тонафнемань васта	Санкт-Петербургский государственный университет[d];
Тонафнесь	Томсон, Александр Иванович[d]
Работодатель	Н. П. Огарёв лемсэ Мордовиянь государственной университет;
Испытал влияние от	Достоевский, Фёдор Михайлович, Вячеслав Иванович Иванов[d], Мейер, Александр Александрович[d], Русская религиозная философия[d], Иммануил Кант ды Фридрих Ницше
Язык письменных произведений	Рузонь кель
	Михаил Михайлович Бахтин

Бахтин Михаил Михайлович, литературовед, лингвист, философ.

Эрямо пингезэ

Чачсь Орёл ошсо 1895-це иень сундерьковонь 4-це чистэ. Сышкань содыдеесь (учёноесь) тонавтнема кинзэ ушодызе Орёл ошонь гимназиятнестэ вейкесэнть, поладызе Вильно ошсо ды прядызе гимназиянь курсонзо Одессасо 1913-це иестэ. Секе иестэнть саезель Новороссийской (Одессань) университетэнь историко-филологической факультетэнь классической куронь 1-це курсос. 1916-це иестэ поладызе тонавтнеманзо Петербургонь университетсэ. Котьмась классической ды рузонь филологиясо, А. И. Введенской профессоронть кедь ало ламо мель явсь философиянтень. 1918-це иестэ университетсэ тонавтнеманть прядомадо мейле тусь Витебской губерниянь Невель ошов (ней Псковонь ёнкс). Важодсь тонавтыцякс 2-це ступенень вейкине (единой) трудонь школасо ды тонавтыцянь семинариясо; тейсь «Кантонь семинар» («Кантовский семинар»), косо вейсэндявсть тосконь (местной) интеллигенциянь икелепелев ваныцят-арсицят (М. И. Каган, Л. В. Пумпянский, М. В. Юдина пианисткась ды лият). 1920-це иестэ саезь – Витебскойсэ. Тонавтсь всеобщей литература тосконь пед. институтсо. Ловнось музыкань историянь ды теориянь коряс лекцият консерваториясо, ветясь публичной лекцият клубсо, воинской частьсэ, народной университетсэ ды лиясо косо. Паро мельсэ яксесь од ломанень литературань студиява. «День искусства» (1919-це ие) невельской альманахсо нолдась «Искусство и ответственность» статья. Витебск ошсо важодсь Ф. М. Достоевскойде книга лангсо ды истя жо «К философии поступка» исследования лангсо, конань пельксэкс ульнесь неень шкасто содавикс «Автор и герой в эстетической деятельности» апак прядо трактатось. 1923-це иень прядовомсто велявтсь Петроград ошов, косо анокстызе печатамс «Проблемы творчества Достоевского» (Л., 1929) книганть. 1928-це иень ацамковонь 24-це чистэ ульнесь арестувазь, чумондозь «Воскресение», марят, контрреволюционной организациясонть улемасо ды кучозь Кустанай ошов. Тесэ, экономистэкс-бухгалтерэкс роботазь, прядызе «Слово о романе» исследованиянзо, важодсь «Рабле в истории реализма» диссертациянть лангсо. Ссылкадо мейле 1936-це иень ацамковсто саезь тонавтсь А. И. Полежаев лемсэ МГПИ-нь филологиянь факультетсэ. 1937-це иестэ тусь эрямо Савёлово ошов (Москов маласо). 1945-це иень умарьковсто саезь 1961-це иень сёксес тонавтсь МГПИ-сэ (1957-це иестэ саезь – университет), ульнесь рузонь ды зарубежной литературань кафедрань прявт. Саран ошсо печатьс анокстынзе «Проблемы поэтики Достоевского» (М., 1963), «Творчество Франсуа Рабле и народная культура средневековья и Ренессанса» (М., 1965) книгатнень. Сехте покш мель Бахтин явсь философской литературоведениянтень, гуманитарной арсемантень. Достоевскойде ды Рабледе монографиятнесэ, «Слово о романе», «Роман воспитания и его значение в истории реализма», «Формы времени и хронотопа в романе», «Из предыстории романного слова», «Эпос и роман» ды лиятнесэ сон ваннось валонть. Сонзэ шкинемань тевсэнзэ сехте прявт идеясь – диалогто келей тонавтома (развёрнутое учение о диалоге). «Формы времени и хронотопа в романе. Очерки по исторической поэтике» важодемазо кандови 1937 – 38-це иетненень. Эйсэнзэ сон васенцекс совавтсь наукас «хронотоп» категория. Сон эрьва ёндо ваннызе народной ракамонь (смеховой) культурань эстетической каегориянть («Творчество Франсуа Рабле и народная культура средневековья и Ренессанса»), аштесь ломанде истямо арсеманть лангсо, косо сон (ломанесь) мирсэнть-масторсонть вейкине сюпавчи. Ютынзе Кантонь, Гегелень, Шеллингень философиянь арсемань школатнень, ансяк эзь сырга сынст киява, эзизе прима тонавтомаст, косо прок ёмавтовсь ломанесь. 1920-це иетнень ушодовомсто В. С. Соловьёвонь, П. А. Флоренскоень, Г. П. Федотовонь, Л. П. Карсавинэнь, Н. А. Бердяевень, И. А. Ильинэнь марто диалогсо бажась муемс духовной касомань эсензэ кинть ды прянь ветямо лувонть. Сон кемсь: «Нет ни первого, ни последнего слова и нет границ диалогическому контексту… Нет ничего абсолютно мёртвого: у каждого смысла будет свой праздник возрождения» (Эстетика словесного творчества, М., 1979. С.373). Кулось Московсо 1975-це иень эйсюрковонь 6-це чистэ.

Сочиненият

Вопросы литературы и эстетики : иссл. разных лет. М., 1975;
Эстетика словесного творчества. М., 1979 ; 1986 ;
Литературно-критические статьи. М., 1986 ;
Беседы Д. В. Дувакина с М. М. Бахтиным. М., 1996 ; 2001 ;
Тетралогия. М., 1997.

Литературась

Кожинов В. Михаил Михайлович Бахтин : краткий очерк жизни и деятельности / В. Кожинов, С. Конкин / / Проблемы поэтики и истории литературы. Саранск, 1973;
Бахтинский сборник. М., 1991 – 2000. Вып. 1 – 4;
Конкин С. С. Михаил Бахтин : Страницы жизни и творчества / С. С. Конкин, Л. С. Конкина. Саранск, 1993;
Бахтин в зеркале критики, М., 1995;
Мордовия : энц. Саранск, 2003. Т. 1.
Мордовия, XX век: культурная элита. Саранск, 2013. Ч. 1.

↑ Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #118505653 // Gemeinsame Normdatei (нем.) — 2012—2016.
↑ Архив изобразительного искусства — 2003.
↑ Encyclopædia Britannica (англ.)
↑ БАХТИН // Большая российская энциклопедия (руз.) — М.: Большая российская энциклопедия, 2004.
↑ Mikhail Bakhtin // Encyclopædia Britannica (англ.)
↑ Michail Michailowitsch Bachtin // Brockhaus Enzyklopädie (нем.) / Hrsg.: Bibliographisches Institut & F. A. Brockhaus, Wissen Media Verlag
↑ Бахтин Михаил Михайлович // Большая советская энциклопедия (руз.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

https://ru.wikipedia.org/wiki/%D0%91%D0%B0%D1%85%D1%82%D0%B8%D0%BD,_%D0%9C%D0%B8%D1%85%D0%B0%D0%B8%D0%BB_%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87 http://hrono.ru/biograf/bio_b/bahtinmm.php https://www.krugosvet.ru/enc/istoriya/BAHTIN_MIHAIL_MIHALOVICH.html https://w.histrf.ru/articles/article/show/bakhtin_mikhail_mikhailovich http://az.lib.ru/b/bahtin_m_m/ https://runivers.ru/philosophy/lib/authors/author106382/ https://imwerden.de/razdel-322-str-1.html http://pomnipro.ru/memorypage6926/biography http://lib.cerkov.ru/authors/1313 https://ru.wikiquote.org/wiki/%D0%9C%D0%B8%D1%85%D0%B0%D0%B8%D0%BB_%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87_%D0%91%D0%B0%D1%85%D1%82%D0%B8%D0%BD https://megabook.ru/article/%D0%91%D0%B0%D1%85%D1%82%D0%B8%D0%BD%20%D0%9C%D0%B8%D1%85%D0%B0%D0%B8%D0%BB%20%D0%9C%D0%B8%D1%85%D0%B0%D0%B9%D0%BB%D0%BE%D0%B2%D0%B8%D1%87 http://www.philol.msu.ru/~tezaurus/library.php?view=d&course=3&pers=1&label=%C1&name=%C1%E0%F5%F2%E8%ED%20%CC%E8%F5%E0%E8%EB%20%CC%E8%F5%E0%E9%EB%EE%E2%E8%F7

[_5e194008d6ab8a1b-1] Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #118505653 // Gemeinsame Normdatei (нем.) — 2012—2016.

[_9db0161b1f71daae-2] Архив изобразительного искусства — 2003.

[_af0b28ac66af0f8b-3] Encyclopædia Britannica (англ.)

[_dd36e0cdd15669d6-4] БАХТИН // Большая российская энциклопедия (руз.) — М.: Большая российская энциклопедия, 2004.

[_6c83ca38becd2dbf-5] Mikhail Bakhtin // Encyclopædia Britannica (англ.)

[_1f31241c50761c69-6] Michail Michailowitsch Bachtin // Brockhaus Enzyklopädie (нем.) / Hrsg.: Bibliographisches Institut & F. A. Brockhaus, Wissen Media Verlag

[_2f2601251f364adf-7] Бахтин Михаил Михайлович // Большая советская энциклопедия (руз.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[1]

[2]

[3]

[4]

[5]

[6]

[7]