Бибишев, Иван Фролович
| Иван Фролович Бибишев | |||||
|---|---|---|---|---|---|
 | |||||
| Чачома чизэ | 8 умарьковонь 1921 | ||||
| Чачома тарказо | Камакужа веле, Мокшанонь уезд, Пензань губерния, РСФСР | ||||
| Кулома чизэ | 18 якшамковонь 1943 (21 год) | ||||
| Кулома тарказо | |||||
| Масторозо |
 СССР |
||||
| Кодамо ушмосо | авиациянь | ||||
| Служамонь иетне | 1940—1943-це | ||||
| Званиязо |
 |
||||
| Тюремат/войнат | |||||
| Казнеть ды премият |
|
||||
Иван Фролович Бибишев (1921—1943) — Важодицянь ды сокицянь-видицянь Якстере Армиянь лейтенант, Ине Отечествань войнасо улиця, Советэнь Союзонь Откерь (1943-це ие).
Эрямокизэ
Иван Бибишев чачсь 1921-це иень умарьковонь 8-це чистэ Камакужа велесэ[1] сокицянь-видицянь кудораськесэ. Специальной школань прядомадо мейле важодсь метеорологокс Магнитогорск ошсо.
1940-це иестэ тердезель служамо Важодицянь ды сокицянь-видицянь Якстере Армияв. 1942-це иестэ Чкаловск ошсо (ней — Оренбург) прядызе менельвенчень ветицянь авиациянь военной школанть. 1942-це иень панжиковсто саезь — Ине Отечествань войнань фронтнэсэ. 1943-це иень якшамковонтень Бибишев лейтенантось ульнесь Дононь фронтонь коштонь 16-це армиянь штурмонь
228-це авиадивизиянь штурмонь 285-це авиаполконь эскадрильянь прявтонь полавтыцякс[2]. Пек парсте невтизе прянзо Сталинградонь тюремасонть[3].
Тюрематнень шкасто Бибишев тейсь 141 ливтямо, косо яжась ятонь 20 танкат, малав 50 автомашинат, зярыя леднемапельть, аэродромтнесэ менельвенчть.
1943-це иень якшамковонь 18-це чистэ Сталинградонть ало Гумрак ятонь аэродромонь бомбасо ёртнемань шкасто ульнесь ледезь ды палыця менельвенчензэ аравтызе немецень аштиця менельвенчтнень лангс[3][4].
1943-це иень умарьковонь 24-це чистэ СССР-нь Верховной Президиумонь кармавтомасо Иван Бибишев лейтенантонтень куломадо мейле максозель Советэнь Союзонь Откерь лемесь[3].
Теде башка казезель Якстере Знамянь[5] ды Отечествань войнань 1-це степенень ордентнэсэ.
Ледстнема
- Бибишевнень бюстось аравтозь Инсар ошонь (Мордовия Республика) Откерень аллеясо.
- Бибишевень лемензэ кандтнить Инсар ды Магнитогорск (Челяба ёнкс) оштнесэ куротне.
- Теке марто Магнитогорскойсэ Бибишевень лемензэ кандтни 8-це № средней школась, эрямо кудосонзо аравтозь ледстнемань лаз.
- Бибишевень лемезэ совавтозь Волгоградсо Откерень аллеянь стеланть лангс[3].
Тешкставкст
- ↑ Камакужа [Камакши (на карте 1870 года), Кимакуж (на карте 1941 года)] до 1925 года — в Моршанском уезде Пензенской губернии; ныне — урочище (см. на карте 1989 года) в Инсарском районе Мордовии.
- ↑ Онлайн-проект «Галерея памяти»: Инсарский район
- ↑ 1 2 3 4
Бибишев, Иван Фролович. «Масторонь маралят» вальмась.
- ↑ «Огненный таран» Ивана Бибишева: наследник Гастелло, Герой Советского Союза родом из Инсарского района
- ↑ Иван Фролович Бибишев
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Пруссаков Г. К. и коллектив. 16-я воздушная. — М: Воениздат, 1973.
- Геройская быль. — Саранск: Мордкиз, 1985.
- Сталинградская битва. Июль 1942 — февраль 1943: энциклопедия / под ред. М. М. Загорулько. — 5-е изд., испр. и доп. — Волгоград: Издатель, 2012. — С. 71. — 800 с.