Борин, Иван Андрианович

Иван Андрианович Борин
Иван Андрианович Борин
Чачома чизэ	1908-це иень якшамковонь 17-це чи
Чачома тарказо	Подверниха (Ташто Шайгабуе), Инсаронь уезд[d], Пензань губерния[d], Россиянь империя;
Кулома чизэ	1966-це иень якшамковонь 22-це чи (58 иеть)
Кулома тарказо	Саран ош, РСФСР[d], СССР;
Масторозо	СССР
Кодамо ушмосо	артиллеррия[d]
Служамонь иетне	1941—1945-це
Званиязо
Частезэ	гвардиянь кавалериянь; 2-це дивизиянь гвардиянь кавалериянь 7-це полк
Тюремат/войнат	Ине Отечественной война;

Ива́н Андриа́нович Бо́рин (1908—1966) — Советэнь ушман. Ине Отечествань войнасо улиця. Советэнь Союзонь Откерь (1945-це ие). Гвардиянь старшей сержант.

Эрямокизэ

Иван Андрианович Борин чачсь 1908-це иень якшамковонь 25-це чистэ Пензань губерниянь Инсаронь уездэнь Подверниха велесэ (ней — Мордовия Республикань Сыре Шайговань буе) сокицянь-видицянь кудораськесэ. Руз. Тонавтнесь ушодксонь школасо. Армияв тердемадо икеле важодсь колхозсо.

Важодицянь ды сокицянь-видицянь Якстере Армияв И. А. Борин тердезель
1941-це иень ацамковонь 25-це чистэ Мордовиянь АССР-нь Сыре Шайговань буень военной комиссариатсто. Прядсь младшей командирэнь школа. 1942-це иень умарьковсто саезь И. А. Борин младшей сержантось тюри немецень-фашистэнь ятонть каршо Чивалгомань фронтсо 16-це армиянь гвардиянь кавалериянь
1-це корпусонь гвардиянь кавалериянь 2-це дивизиянь гвардиянь кавалериянь
7-це полконь составсо^[1]. 1942-це иень умарьковонь 14-це чистэ васенце тюрематнестэ вейкесэнть Жиздра ошонть ало немецтнень покш каявомаст кирдемга Иван Андрианович невтизе ушманонь ёрокчинзэ ды алкуксонь откерьксчинзэ. Ятось ёртсь эскадрононь полконть каршо зярыя таркатнень лездамост вельде пехотань кавто батальонт. Панжадо таркас леднемапелень ливтемстэ И. А. Борин ушодсь виевстэ леднеме ятонть бронетехниканзо ды толонь нолдамонь тарканзо ланга. Боринэнь видестэ аравтозь тевензэ ды цидярдомачинзэ вельде ульнесть лоткавтозь ятонть колмо покш каявоманзо, зярдо тапазельть кавто танкат, станковой 12 пулемётт ды вейке взводто ламо пехота.

1943-це иень даволковсто Иван Андрианович ульнесь Харьковонь кис колмоце тюремасонть. Воронежень фронтонь 6-це армиянь составсо гвардиянь кавалериянь 1-це корпусонь составсо кирдсь немецень-фашистэнь ушмонь покш вачкодьс Харьковонть ало Северский Донец леенть вакссо кемекставозь таркатнесэ аштемстэ. 1943-це иень эйюрковонь 21-це чистэ Ташто Салтов веленть вакссо гвардиянь кавалериянь 7-це полконь эскадронтнэнь лангс каявсть ятонь пехотань покш вийтне, конатнеде ульнесть малав кавто батальонт 6 танкань ды самоходной артиллериянь лезкс марто. Эсь леднемапеленть куракш потс кекшезь И. А. Борин гвардиянь сержантось немецень ятонть ланга сисемксть каявомадо мейле виде ледемасо тапась
2 стака танкат, артиллериянь самоходной 1 аравтома, 6 миномётт, станковой 4 ды кедьсэ ветявиця 3 пулемётт, 6 автомашинат ды боеприпас марто 9 усксемапельть ды вермахтонь малав 50 ушмант ды офицерт, мейсэ лездась кавалеристтнэсэ саезь таркатнень кирдемстэ. 1943-це иень кизна Иван Андрианович ульнесь Юго-Западонь фронтонь Донбассонь операциясо.

Таштамковонь омбоце пельксстэ гвардиянь кавалериянь 1-це корпусось таго ульнесь максозь Воронежень фронтонтень
(1943-це иень ожоковонь 20-це чистэ саезь — Украинань 1-це фронт). И. А. Борин гвардиянь сержантось эсь подразделениянь составсо ульнесь Днепрань кис тюремасо ды леенть вить чиресэ тюрсь плацдарманть кис. 1943-це иень ожоковонь 7-це чистэ гвардиянь кавалериянь 2-це корпусонь пелькстнэ Окунинова веленть маласо ютасть Днепранть трокс^[2], а ожоковонь 9-це чистэ гвардиянь кавалериянь 7-це сонзэ дивизиясь ютызе Тетерев леенть ды саизе Затонск веленть^[3]. 1943-це иень ожоковонь
10-це чистэ корпусось гвардиянь кавалериянь 2-це ды 7-це дивизиятнень вийсэ келейгавтызе саезь плацдарманть 7 вайгельбень потс. Немецтне ёртызь кавалеристтнэнь каршо танкань 7-це ды 8-це дивизиянь часттнень. Затонск ошонть ало виев тюремасо
И. А. Борин гвардиянь сержантось пек стака тюремань ветямсто вирень ды чеядавксонь таркасо яжась «Пантера» немецень кавто танкат, пултась бронетранспортёр, тапась 4 миномётт, станковой 3 ды кедьсэ ветямонь кото пулемётт, 75 миллиметрань 1 пушка ды 40 ушмант. 1943-це иень сундерьковонь 8-це чистэ Калиновка веленть кис тюрематнесэ Иван Андрианович лездась лоткавтомс ятонть покш каявоманзо. Немецень танкатнень малав нолдамсто сон васенце ледемасо тапизе икеле молиця танканть, мейсэ кармавтынзе кадовикстнэнь потамо. Мейле, немецень пехотанть ланга певтеме виев толонь ветямсто маштсь ятонь малав
50 ушмант ды офицерт. 1943-це иень кампаниянть И. А. Борин гвардиянь сержантось прядызе Житомирэнть олякстомтомасо. Ошонь кис ушонь тюрематнесэ сонзэ расчётозо пултась вейке танка ды боеприпас марто 3 машинат, яжась пулемётонь 4 таркат ды маштсь ятонь 20-те ламо ушмант.

1944-це иень тельня — тунда Иван Андрианович эсензэ подразделениянь составсо ульнесь Вить чирень Украинань олякстомтомасо (Ровно-Луцкой операция). Ледстнемакс сонзэ туртов кадовсь Червоноармейск станциянть кис тюремась. Станциясо аштиця ятонь бронепоездэсь ветясь каршо молиця Советэнь часттнень лангс толонь виев леднема. 45 миллиметрань пушкась эзь тее покш кажо ятонь техникантень, ансяк те эзизе лоткавто Борин гвардиянь сержантонть. Эсь прянь апак жаля сон ливтизе леднемапелензэ панжадо таркас ды пек парсте ледизе бронепоездэнь пушкань стволонть, мейсэ кармавтызе ятонь машинанть бойкасто напустямс тюремань паксястонть. Станциясо Боринэнь расчётозо теде башка тапась артиллериянь самоходной 1 аравтома, 37 миллиметрань 2 пушкат, кавто боеприпас марто тягачть ды маштсь ятонь 20 ушмант. 1944-це иень даволковонь 29-це чистэ Гнидава^[4] веленть кис тюрематнесэ Стырь леенть керш пеле чиресэнть Иван Андрианович невтсь «покш виевчи, апелемачи ды смелчи», зярдо тапась вейке танка, станковой 3 ды кедьсэ ветямонь 2 пулемётт ды чавсь ятонь 20-те ламо ушмант.

И. А. Боринэнь тюремань килангсо седе тов молиця эскельксэкс кармась Львовонь-Сандомирэнь операциясь, конань ютавтомсто сонзэ расчётозо невтизе прянзо немецень группировканть маштомсто, кона куродокшнозель Броды ошонть ало. Ятось арсесь лисевемс палыця таркастонть ды ушолесь покш каявомат. 1944-це иень аштемковонь 19-це чистэ немецень солдатонь группась ютызе Боринэнь леднемапелень аштема тарканть ды арсесь куродомс сонзэ, ансяк артиллеристтнэ панжсть виев тол ды сравтнизь ятонь автоматчиктнень. Иван Андрианович ранязель, ансяк поладсь прявтонь тевтнень ветямо. Эсь участкасо ятонь каявоманть лоткавтомсто сон расчётонзо марто тапась 1 танка, стака артиллериянь леднемапель марто 3 тягачть, 3 машинат ды
военной ули-паро марто 12 леднемапельть ды крандазт. Ятонть ёмавксонзо ульнесь 20 ушмант. Немецень 5 ушмантнэ сынсь максызь пряст полонс. 1944-це иень умарьковонь пестэ Чехословакиянь чилисемань буетнесэ ушодовсь фашисттнэнь каршо кепетемась. Сыненст лезксэнь максомсто Советэнь командованиясь нурька шкас ёвтась пек эрявикс мельть-арсемат ды ютавтызе Карпатонь-Дуклинэнь операциянть. И. А. Борин гвардиянь сержантось гвардиянь кавалериянь 7-це полконь вейке эскадронсонть аштемстэ ульнесь ятонть тылтнэва корпусонь пелькстнэнь ванномасо. Поляны Словакиясо аштиця веленть кис тюремстэ (Требишовонь буе) расчётозо важодсь пелемань апак сода. Пандо ды вирь марто стака таркатнесэ ятонть кежей артиллериянь ды миномётонь толонзо ало Иван Андрианович эсь ушмантнэнь марто тапась артиллериянь самоходной 1 аравтома,
75 миллиметрань 3 пушкат, 81 миллиметрань 4 миномётт, маштсь ятонь малав 25 ушмант, мейсэ лездась эскадрононтень топавтомс тюремань аравтоматнень. Ятонть каршо тюремстэ прянть пек парсте невтеманть кис И. А. Борин кепедезель гвардиянь старшей сержантокс.

Од 1945-це иесь ушодовсь Вислань-Одерэнь покш операциянь ютавтомасо, конань лувсо Якстере Армиясь ютавтсь тевс фронтонь зярыя операцият. Украинань 1-це фронтонь Сандомирэнь-Силезской операциянть ютавтомсто Эренфорст^[5] ошонть кис тюремстэ Верце Силезиясо 1945-це иень якшамковонь 24-це чистэ леднемапелень толсо И. А. Борин гвардиянь старшей сержантось яжась станковой 4 ды кедьсэ ветямонь 2 пулемётт, автомашина ды немецень малав 20 ушмант ды офицерт. 1945-це иень якшамковонь 31-це чистэ Одер леенть трокс леднемапельтнень бойкасто ютавтомсто Борин старшей сержантось тапась ятонь леднемань
4 таркат, конат кардасть эскадрононь икелев молеманть. Плацдарманть кис тюремстэ Бергкирх^[6] веленть маласо, зярдо ранязель наводчикесь, Иван Андрианович сонсь стясь леднемапелентень. Пси тюремасо Боринэнь расчётозо лоткавтынзе ятонть покш каявоматнень, тень пингсэ тапась станковой 4 ды кедьсэ ветямонь 4 пулемётт ды вермахтонь 20-те ламо ушмант. 1945-це иень даволковсто — эйзюрковсто И. А. Борин гвардиянь сержантось ульнесь Украинань 1-це фронтонь Нижнесилезской операциясо. Пек парсте невтизе прянзо Берлинэнь операциясо.

1945-це иень чадыковонь 16-це чистэ Якстере Армиянь ушмотне ушодызь Берлинэнть лангс каявоманть. Те операциянть ютавтомсто И. А. Борин гвардиянь старшей сержантось важодсь эскадронтнэнь боевой порядкатнесэ, 57 миллиметрань леднемапелень толсо лездась эсь полконть туртов молемс икелев. 1945-це иень чадыковонь 21-це чистэ Ортранд ошонть кис тюремстэ Иван Андрианович эрямо таркатнень маласо улемстэ лоткавтызе ятонь кавто станковой пулемётонь толонть, мейсэ лездась кавалеристтнэнень саемс ошонть. Тесэ ушонь тюрематнесэ сонзэ расчётозо маштсь паровоз, 4 автомашинат ды леднемапель марто вейке крандаз ды лепштясь ятонь леднемань 6 таркат, маштсь немецень малав 20 ушмант. 1945-це иень чадыковонь 24-це чистэ Кляйнцадель (Kleinzadel) веленть маласо Эльба леенть ютамсто Майсен ошонть эйстэ пелеве ды чивалгома ёнов 5 вайгельбень таркасо Иван Андрианович ливтизе леднемапелензэ чивалгома чиренть пес ды ветясь покш леднема ятонть леднемапелензэ ланга леенть чивалгомань чиресэ, мейсэ лездась штурмонь группанть ютамонзо туртов. Борин гвардиянь старшей сержантось саезь плацдармантень васенцекс эсь батареясо ютавтсь леднемапель. Плацдармань кирдеманть тюремань шкатнестэ маштсь пулемётонь 5 таркат, 7 автомашинат ды ятонь малав 20 ушмант^[7].

Войнанть Иван Андрианович прядызе Чехословакиясо Праганть операциянть ютавтомсто.

1945-це иень аштемковонь 27-це чистэ СССР-нь Верховной Советэнь Президиумонь кармавтомасо немецень ятонть каршо виевчинь, откерьксчинь невтеманть ды прявттнэнь пельде аравтозь тевень парсте топавтомань кис Борин Иван Андрианович гвардиянь старшей сержантонтень максозель Советэнь Союзонь Откерь лемесь, конань марто тензэ казезельть Ленинэнь орденэсь ды 2861-це № ало «Сырнень Теште» медалесь.

Войнадо мейле И. А. Борин велявтсь тиринь велев. Важодсь «Ленинэнь ки» колхозсо. Пенсияв лисемадо мейле шумбрачинзэ кувалма сась эрямо Саран ошов, эрясь Посоп Саранов совиця буесэнть. Кулось 1966-це иень якшамковонь 22-це чистэ^[7]. Калмазь Сарансо.

Казнензэ

«Сырнень Теште» медаль (1945-це иень аштемковонь 27-це чи).
Ленинэнь орден (1945-це иень аштемковонь 27-це чи).
Отечествань войнань 1-це степенень орден (1945-це иень панжиковонь 18-це чи).
Славань 3-це степенень орденсэ (1944-це иень эйзюрковонь 29-це чи).
Якстере Тештень орден (1945-це иень панжиковонь 6-це чи).
Зярыя медальть, конатнень ютксо: «Отвагань кис» медалесь (1944-це иень даволковонь 13-це чи).

Ледстнема

И. А. Борин Советэнь Союзонь Откеренть лемензэ ледстнемга Саран ошонь Посопсо икелень эрямо кудосонть аравтозь ледстнемань лаз.
И. А. Борин Советэнь Союзонь Откеренть ледстнемга Саран ошсо Иркутской курось ды Иркутской курынесь лемдязельть
И. А. Боринэнь лемсэ курокс^[8].

Тешкставкст

↑ Борин Иван Андрианович
↑ Село Окуниново находилось на территории современного Козелецкого района Черниговской области Украины. Ныне затоплены Киевским водохранилищем.
↑ Село Затонск находилось на правом (южном) берегу реки Тетерев недалеко от современного села Пылява Вышгородского района Киевской области. Ныне затоплено Киевским водохранилищем.
↑ Ныне район города Луцка.
↑ Ныне село Славенцице в гмине Гура Гурувского повята Нижнесилезского воеводства Польской Республики.
↑ Ныне село Славикув в гмине Рудник Рацибурского повята Силезского воеводства Польской Республики.
↑ ¹ ² Борин, Иван Андрианович (неопр.). «Масторонь маралят» вальмась.
↑ Сельский плотник Иван Борин героически сражался с фашистами

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль: очерки и зарисовки о Героях Советского Союза — уроженцах Мордовии / сост.: В. С. Ионова, А. Д. Ширяев; под ред. М. П. Глебова. — Саранск: Мордовское кн. изд-во, 1985. — С. 57—60. — 376 с.

Тевконёвт

Общедоступный электронный банк документов «Подвиг Народа в Великой Отечественной войне 1941—1945 гг.» (неопр.) Архивировано 13 Эйзюрковонь 2012 года. № в базе данных 150003924 (неопр.). Архивировано 16 Панжиковонь 2013 года., 46806713 (неопр.). Архивировано 16 Панжиковонь 2013 года., 46807511 (неопр.). Архивировано 16 Панжиковонь 2013 года., 40805784 (неопр.). Архивировано 16 Панжиковонь 2013 года., 21255238 (неопр.). Архивировано 16 Панжиковонь 2013 года., 43947692 (неопр.). Архивировано 16 Панжиковонь 2013 года., 21095694 (неопр.). Архивировано 16 Панжиковонь 2013 года.

Ссылкат

[1] Борин Иван Андрианович

[2] Село Окуниново находилось на территории современного Козелецкого района Черниговской области Украины. Ныне затоплены Киевским водохранилищем.

[3] Село Затонск находилось на правом (южном) берегу реки Тетерев недалеко от современного села Пылява Вышгородского района Киевской области. Ныне затоплено Киевским водохранилищем.

[4] Ныне район города Луцка.

[5] Ныне село Славенцице в гмине Гура Гурувского повята Нижнесилезского воеводства Польской Республики.

[6] Ныне село Славикув в гмине Рудник Рацибурского повята Силезского воеводства Польской Республики.

[wh-7] ¹ ² Борин, Иван Андрианович (неопр.). «Масторонь маралят» вальмась.

[8] Сельский плотник Иван Борин героически сражался с фашистами

[1]

[2]

[3]

[4]

[5]

[6]

[7]

[8]