Борискин, Анатолий Васильевич

Анатолий Васильевич Борискин
Анатолий Васильевич Борискин
Чачома чизэ	14 сундерьковонь 1919
Чачома тарказо	Николаевка (Ташто Шайгабуе), Инсаронь уезд[d], Пензань губерния[d], РСФСР[d];
Кулома чизэ	18 чадыковонь 2000 (80 лет)
Кулома тарказо	Куйбышев[d], Одсибирень ёнкс, Россиянь Федерация;
Масторозо	СССР
Кодамо ушмосо	Пехота[d]
Служамонь иетне	1939—1945-це
Званиязо
Тюремат/войнат	Ине Отечественной война;

Анатолий Васильевич Борискин (1919—2000) — Важодицянь ды сокицянь-видицянь Якстере Армиянь капитан, Ине Отечествань войнасо улиця, Советэнь Союзонь Откерь (1944-це ие). Руз.

Эрямокизэ

Чачсь 1919-це иень сундерьковонь 14-це чистэ Николаевка велесэ (ней — Мордовия Республикань Сыре Шайговань буе) сокицянь-видицянь кудораськесэ. 1925-це иестэ кудораськензэ марто ютась эрямо Новосибирск ёнксонь Северэнь буев. Прядсь школань сисем класст, Новосибирск ёнксонь Куйбышев ошсо кармась тонавтнеме тонавтыцянь училищасо, прядызе сонзэ 1938-це иестэ, теде мейле Северэнь буень Ново-Елизарова велень школасо важодсь ушодксонь школань тонавтыцякс^[1].

1939-це иень ожоковсто Северэнь буень военной комиссариатонть пельде тердезель служамо Важодицянь ды сокицянь-видицянь Якстере Армияв. Полконь школань прядомадо мейле максозель сержант званиясь, служась Туркестанонь военной округонь леднемань полксо, ульнесь отделениянь прявтокс, седе тов разведкань взводонь прявтокс. Ине Отечествань войнань ушодкссто эсь частенть марто ульнесь Ирансо. 1941-це иень умарьковсто саезь — Ине Отечествань войнань фронттнэсэ. Ульнесь Закавказской, Северо-Кавказской, Степной ды Украинань 2-це фронтонь тюрематнесэ. 1943-це иестэ совась Советэнь Союзонь коммунистэнь партияс.
1943-це иень таштамковонтень Анатолий Борискин гвардиянь старшей сержантось ульнесь Степной фронтонь 37-це армиянь гвардиянь леднемань 110-це дивизиянь гвардиянь башка 106-це разведротань взводонь прявтокс. Пек парсте невтизе прянзо Днепранть кис тюремань шкасто^[2].

1943-це иень таштамковонь 29-це чистэ ятонь толонть лангс апак вано ушманонь группанть марто кармась саеме Днепра леенть Украинань ССР-нь Кировоград ёнксонь Онуфриевской буень Куцеволовка веленть маласо^[3]. Оборонань разведкань ютавтомадо мейле яжизе ятонь миномётонь расчётонть. Разведкасто велявтомсто гранатасо яжизе ятонь штабонь машинанть, тень пингстэ чавсь немецень 3 офицерт ды сайсь пек питней конёвт. 1943-це иень ожоковонь 8-це чистэ саезь 9-це чис вестэнть сайсь полонс радиостанция марто немецень 2 связистт^[2]^[4].

1944-це иень даволковонь 22-це чистэ «Якстере Армиянь офицерэнь, сержантонь ды рядовой составонтень Советэнь Союзонь откерень лементь максомадо» СССР-нь Верховной Президиумонь кармавтомасо «Днепранть саемстэ леенть вить чиресэ прявттнэнь пельде кармавтоматнень парсте топавтоманть, кастоманть ды тень пингстэ невтезь виевчинть ды откерьксчинть кис» максозель Советэнь Союзонь Откерь лемесь, конань марто казезельть Ленинэнь орденэсь ды 2528-це № ало «Сырнень Теште» медалесь^[2]^[5].

1945-це иень якшамковсто капитанонь званиясо кучозель запасос. Эрясь Новосибирск ёнксонь Куйбышев ошсо, важодсь «Сельхозтехника» Куйбышевень буень вейсэндявксонь кадрань отделсэ, седе тов — «Ведьстэ идемань вейсэндявксонь» ошонь комитетэнь прявтокс.

Кулось 2000-це иень чадыковонь 18-це чистэ^[2].

Теде башка казезель Якстере Знямянь кавто орденсэ ды Отечествань войнань 1-це степенень кавто орденсэ, зярыя медальсэ^[2].

Тешкставкст

↑ Борискин Анатолий Васильевич
↑ ¹ ² ³ ⁴ ⁵ Борискин, Анатолий Васильевич (неопр.). «Масторонь маралят» вальмась.
↑ Галерея памяти участниково ВОВ
↑ Краеведческий проект «Созвездие Героев»: Борискин Анатолий Васильевич
↑ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 Эйзюрковонь (№ 13 (273)). — С. 1. Архивировано 3 Даволковонь 2022 года.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.

Ссылкат

[1] Борискин Анатолий Васильевич

[wh-2] ¹ ² ³ ⁴ ⁵ Борискин, Анатолий Васильевич (неопр.). «Масторонь маралят» вальмась.

[3] Галерея памяти участниково ВОВ

[4] Краеведческий проект «Созвездие Героев»: Борискин Анатолий Васильевич

[5] Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 Эйзюрковонь (№ 13 (273)). — С. 1. Архивировано 3 Даволковонь 2022 года.

[1]

[2]

[3]

[4]

[5]