Бровцев, Николай Михайлович

Николай Михайлович Бровцев
Николай Михайлович Бровцев
Чачома чизэ	30 эйзюрковонь 1915
Чачома тарказо	Тыргак, Алатырскяй уездсь[d], Симбирской губерния[d], Россиянь империя;
Кулома чизэ	15 чадыковонь 1945 (30 лет)
Кулома тарказо	Янтарной посёлка, Калининград ёнкс
Масторозо	СССР
Кодамо ушмосо	Пехота[d]
Служамонь иетне	1937—1945-це
Званиязо
Тюремат/войнат	Ине Отечественной война;

Николай Михайлович Бровцев (1915-це иень эйзюрковонь 30-це чи, Россиянь империя, Симбирской губерния, Алатырень уезд, Тыргак (Дубёнкань буе) веле — 1945-це иень чадыковонь 15-це чи, Калининград ёнкс, Янтарной посёлка) — Важодицянь ды сокицянь-видицянь Якстере Армиянь капитан, Ине Отечественной войнасо улиця, Советской Союзонь Герой (1945-це ие).

Эрямокизэ

Николай Бровцев чачсь 1915-це иень эйзюрковонь 30-це чистэ Тыргак велесэ (ней — Мордовия Республикань Дубёнкань буе) сокиця-видицянь кудораськесэ. Эрзя.
1932-це иестэ теке буень Кобале велесэ прядсь школань сисем класст, мейле важодсь слесарекс Обран ёнксонь Дзержинск ошонь «Химмаш» заводсо^[1]. 1937-це иень ожоковсто Дзержинскоень буень военной комиссариатонть пельде тердезель служамо Важодицянь ды сокицянь-видицянь Якстере Армияв. Прядсь полковой школа, мейле младшей лейтенантонь курсат. 1941-це иень аштемковонь 27-це чистэ саезь — Ине Отечественной войнань фронттнэсэ. Ульнесь Северэнь, Карелэнь, Западонь, Белоруссиянь 3-це фронтнэсэ. Теке марто ульнесь финнэнь ушмантнэнь каршо тюрематнесэ, Смоленск ёнксонь олякстомтомасо. Котоксть ранязель.
1945-це иень чадыковонтень Николай Бровцев капитанось ульнесь леднемань
923-це полконь леднемань батальононь (Белоруссиянь 3-це фронтонь гвардиянь
2-це армиянь леднемань 251-це дивизия) прявтокс. Пек парсте невтизе прянзо Восточной Пруссиясо^[2] тюремстэ.

1945-це иень чадыковонь 15-це чистэ Пальмникен (ней — Калининград ёнксонь Янтарной посёлка) эрямо тарканть эйстэ обедъёнкс марто чилисема ёнксов немецень ушмонь покш пехотань ды танкань вийтне ушодсть Флангервальд вирьсэнть Советэнь подразделениятнень каршо покш каявома, конань пингстэ арсесть лисемс тенст тылс. Те тюремасонть Бровцевень батальонозо кандсь покш ёмавкст. Аволь покш ледницянь группань прявтокс улемстэ Бровцев кемекставсь сэрей таркасо ды пурнась-тейсь круговой оборона, каршо молицятнень ланга леднесь пулемётсто. Чавовсь теке тюремасонть^[3]. Калмазь Калининград ёнксонь Зеленоградонь буень Русское велесэ^[2].

Казнензэ

1945-це иень аштемковонь 29-це чистэ СССР-нь Верховной Советэнь Президиумонть кармавтомасо «батальононть парсте ветямонзо кис, апелемачинть ды геройксчинть кис, конат невтезельть Восточно-Прусской операциясонть» Николай Бровцев капитанонтень куломадо мейле максозель Советской Союзонь Герой покш лемесь. Теке марто казезель Ленинэнь, Якстере Знамянь, Суворовонь 3-це степенень, Отечественной войнань 2-це степенень ды Якстере Тештень ордентнэсэ, зярыя медальсэ.

Ледстнема

Бровцевень лементь кандтнить Дубёнка велесэ ды Зеленоградск ошсо куротне ды теде башка калонь кундамонь траулерэсь^[2].

Тешкставкст

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Тюльников Л. К., Басович Я. И. Герои Советского Союза — горьковчане. — Горький, 1981.

Ссылкат

[1] История великой Победы: ко дню рождения Героя Советского Союза Н.М. Бровцева

[wh-2] ¹ ² ³ Бровцев, Николай Михайлович (неопр.). «Масторонь маралят» вальмась.

[3] Бровцев Николай Михайлович (30.03.1915–15.04.1945)

[1]

[2]

[3]