Воронин, Иван Дмитриевич
| Иван Дмитриевич Воронин | |
|---|---|
 | |
| Чачома чизэ | 3 (16) таштамковонь 1905-це иень |
| Чачома тарказо | |
| Кулома чизэ | 1983-це иень панжиковонь 29-це чи (77 иеть) |
| Кулома тарказо | |
| Масторозо | |
| Наукань сферазо | литературоведение |
| Важодема тарказо | |
| Тонавтнемазо | |
| Учёной степенезэ | кандидат филологических наук |
| Учёной званиязо | профессор |
| Содави кода | прозаик, Шаблон:Краевед, Шаблон:Редактор, педагог |
| Казнензэ ды премиянзо | |
Ива́н Дми́триевич Воро́нин (1905—1983) — содый-литературовед, сёрмадыця ды краеведениянь ветиця, тонавтыця, редактор, общественной важодиця. Мордовия неень шкань краеведениянь тонавтниця. Нолдынде Саран ошонть ланга историянь ды краеведениянь коряс васенце важодематнень, тонавтневсь ды наукас совавтсь архивень тевконёвсто ламо эрьва кодат ёнкст. Кедензэ алдо лиссть 14 книгат,
300-то ламо очеркть ды сёрмадовкст.
Эрямокизэ
Чачсь 1905-це иень таштамковонь 16-це чистэ Саран ошсо сокицянь-видицянь кудораськесэ.
1929-це-1937-це иетнестэ Важодемань ды сокицянь-видицянь армиясо служамодо мейле ветясь хозяйствань ды комсомолонь тевть Оренбург ошсо, Куйбышевсэ ды Мордовиясо.
1938-це иестэ экстернань лувсо «ветес» прядызе Саран ошсо А. И. Полежаев лемсэ МГПИ-нть[1], тоско важодсь литературань тонавтыцякс.
Ине Отечествань войнань шкасто ульнесь Московсо СССР-нь чугункань кинь ушмотнесэ печатень коряс политикань куронь инструкторокс.
1946-це-1951-це иетнестэ важодсь Мордовиянь Правительстванть пингстэ келень, литературань, историянь, экономикань коряс наукань ды ванномань институтсо, тонавтсь педагогикань институтсо ды Мордовиянь партийной школасо, ульнесь «Литературань Мордовия» альманахонь витницякс.
1951-це-1959-це иетнестэ ульнесь Мордовиянь Сёрмадыцянь вейсэндявксонь прявтокс.
1957-це иестэ саезь таго важодсь педагогикань институтонь преподавателекс, седе тов кармась важодеме Мордовиянь государственной университетсэ. 1961-це-1970-це иетнестэ ветясь рузонь ды омбомасторонь литературань кафедрань прявтонь тевтнень.
Кулось 1983-це иень панжиковонь 29-це чистэ Сарансо.
Почётонь лемть ды казнеть
- РСФСР-нь культурань заслуженной важодиця (1975-це иень таштамковонь 30-це чи)
- Мордовиянь АССР-нь культурань заслуженной важодиця
- СССР-нь Сёрмадыцянь вейсэндявксос совиця
- Саран ошонь почётной эриця
- Трудонь Якстере Знамянь орден
- Чугункань кинь почётной важодиця
Ланганзо ледстнема
И. Д. Воронинэнь лемензэ кандтни Саран ошсо Мордовиянь республикань краеведениянь вейсэндязь музеесь.
Прявт важодеманзо
- Воронин И. Д. Литературные деятели и литературные места в Мордовии / Оформление В. Климова. — 2-е изд., доп. — Саранск: Мордовское кн. изд-во, 1976. — 336, [16] с. — 7000 экз. (1-е издание — 1951).
Тешкставкст
- ↑ Истямокс ульнесь 1957-це иес, мейле сон кармась Мордовиянь государственной университетэкс
Литература
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 583. — ISBN 5-7595-1662-0.
Ссылкат
- Воронин Иван Дмитриевич «Чувашиянь энциклопедиясо» сёрмадовкс
- Воронин Иван Дмитриевич Н. П.Огарёв лемсэ Мордовиянь государственной университетэнь историянь ды социологиянь сайтсэ сёрмадовкс