Гагарин, Пётр Петрович

Пётр Петрович Гагарин
Пётр Петрович Гагарин
Чачома чизэ	1909-це иень якшамковонь 20-це чи
Чачома тарказо	Старый Город (Чополтбуе), Темниковань уезд[d], Тамбовонь губерния[d], Россиянь империя;
Кулома чизэ	1962-це иень чадыковонь 16-це чи (53 иеть)
Кулома тарказо	Старый Город (Чополтбуе), Темниковань буе, Мордовиянь Автономной Советской Социалистической Республика[d], РСФСР[d], СССР;
Масторозо	СССР
Кодамо ушмосо	инженерные войска[d]
Служамонь иетне	1941—1945-це
Званиязо	Младшей сержант
Частезэ	• 32-це армиянь инженерэнь башка 31-це батальон;; • инженерэнь-сапёронь; 51-це бригада
Тюремат/войнат	Ине Отечественной война;

Пётр Петрович Гагарин (1909—1962) — Советской ушман. Ине Отечественной войнасо улиця. Советской Союзонь Герой (1945-це ие). Младшей сержант.

Эрямокизэ

Пётр Петрович Гагарин чачсь 1909-це иестэ Тамбовонь губерниянь Темниковонь уездэнь Старый город велесэ (ней — Мордовия Республикань Темниковонь буесэ веле) сокицянь-видицянь кудораськесэ. Мокша^[1]. Тонавтнемазо ушодксонь. Важодсь сокицянь-видицянь эсь хозяйствасонзо. Мейле кармась раскулаченноекс, секс мекс ульнесь эсеyзэ ведьгевезэ, ды ансяк пек вишка эйдензэ улеманть кис эзизь пане ссылкав. Кудосто малавикс раськензэ панизь, ды Гагаринттнэнень савсь теке кудосонть эрямс ярмакто. Зярдо весемесь лоткавтовсь, Пётр Петрович мольсь колхозов ды тосо важодсь военной служамонь тердемас.

Важодицянь ды сокицянь-видицянь Якстере Армияв П. П. Гагарин тердезель
1941-це иень аштемковонь 24-це чистэ Темниковонь буень военкоматсто. Немецень-фашистэнь ятонть каршо тюрематнесэ 1942-це иень даволковсто саезь П. П. Гагарин рядовоесь ульнесь Карелиянь фронтсо 32-це армиянь инженерэнь башка
31-це батальонсо. 1942-це иень даволковонь 22-це чистэ Пётр Петрович ульнесь ранязь, ансяк велявтсь стройс бойкасто. 1942-це иень ожоковсто сапёронь батальонось кучозель одов пурнамос Архангельскоенть алов ды совась инженерэнь-сапёронь 52-це бригадас, а Гагарин Якстере Армиясо служицянть ютавтызь инженерэнь-сапёронь 4-це батальононь 2 ротас. 1943-це иень эйзюрковсто саезь Пётр Петрович ульнесь Юго-Западонь фронтсо, косо бригадань сапёртнэ топавтсть эрьва кодат подразделениятнень туртов путовкст: строясть укрепленият, тейнеть пирявкст, путнесть минат, ятонть минань паксятнесэ тейнесть якамонь кить, лездасть ютамс инженерэнь пирявкстнэнь.

1943-це иень ожоковсто саезь ацамковс ульнесь гвардиянь 1-це армиянь
51-це бригадасо Донбассонь лепштямонь операциясо, конань пингстэ 1943-це иень таштамковонь 6-це чистэ Пётр Петрович стакасто ранязель. Украинань
3-це фронтонь гвардиянь 3-це армиясо улемстэ велявтсь эсь частев 1943-це иень ацамковсто. 1944-це иень якшамковсто — даволковсто П. П. Гагарин Якстере Армиясо служицясь ульнесь Никопольско-Криворожской операциясо. Теде мейле
46-це армиясо улемстэ олякстомтсь Вить чирень Украинанть Березнеговато-Снигирёвской ды Одессань операциятнень ютавтомсто. Южной Буг леенть саемстэ ятонь толонть ало П. П. Гагарин Якстере Армиясо служицясь тейсь 22 рейст, истя леенть вить чирев ютавтсь 162 ушмант. 1944-це иень умарьковонь 21-це чистэ саезь 22-це чис вестэнть Аккерман ошонть лембе ёнксонть пельде (ней Украинань Одесса ёнксонь Белгород-Днестровский ош) Днестрань лиман усиянть саемстэ Пётр Петрович ютавтынзе леднемань подразделениятнень, тейсь ятонь уськень пирявтонть эйсэ ютамонь кавто таркат, теде мейле пехотанть марто ульнесь немецень таркатнень штурмасо саемасонть.

1944-це иень умарьковсто-таштамковсто П. П. Гагарин ульнесь Ясско-Кишинёвской операциясо, Румыниянть ды Болгариянть фашизмадо олякстомтомасо. Таштамковонь 20-це чистэ 46-це армиясь аштесь Украинань 2-це фронтонть ало ды ульнесь Дебреценэнь операциясо. 1944-це иень ожоковсто ушодовсь Будапештэнь операциясь, конань пингстэ Украинань 2-це фронтонь ушмотне ятонть виев кирдеманзо сезевемадо мейле 1944-це иень ацамковсто лиссть Дунаентень. 46-це армиянь подразделениятненень эрявсь ютамс леенть Эрчи Венгриясо аштиця ошонть маласо Будапештэнть эйстэ 20 вайгельбень ютазь.
1944-це иень ацамковонь 4-це чистэ саезь 5-це чис вестэнть ятонь виев толонть ало улемстэ Гагарин рядовоенть расчётозо ваксенцекс кармась туеме десантниктнень марто Дунаень керш чиренть эйстэ, истя тейсь невтема десантонь лия группатненень^[2]. Пётр Петровичень венчезэ васенцекс пачкодсь керш чирес. Десанттнэнь валгстомадо мейле Гагарин Якстере Армиясо служицясь эсь расчётонть марто тюрсь плацдармань кемекстамонть кис. Десантонь весе группатнень валгстомадо мейле сапёртнэ кармасть велявтомо мекев, ансяк Гагаринэнь венчезэ ваявтозель, а расчётсо сонзэ кавто ушмантнэ ранязельть. Пётр Петровичень лиссь идемс кавонест ялгатнень, теде мейле лия расчётсо улемстэ сон поладызе Дунаенть пачк леднемань подразделениятнень ютавтоманть, веньберть тейсь 18 рейст ды ютавтсь 380 ломанть, 25 пулемётт, расчёттнэнь ды леднемапельтнень марто
17 миномётт.

1945-це иень эйзюрковонь 24-це чистэ СССР-нь Верховной Президиумонь кармавтомасо Пётр Петрович Гагарин Якстере Армиянь служицянтень максозель Советской Союзонь Откерь лемесь^[3]. Седе тов Пётр Петрович ульнесь Венань ды Прагань операциятнесэ. Тюремань кинзэ прядызе 1945-це иень панжиковонь 11-це чистэ Чехословакиясо Ческе-Будеёвице ошонть вакссо. 1945-це иень таштамковсто младшей сержантонь званиясо П. П. Гагарин демобилизовазель. Велявтсь тиринь велев, важодсь колхозсо^[4].
1962-це иень чадыковонь 15-це чистэ Пётр Петрович кулось. Калмазь Темниковонь буень Старый Город велесэ.

Казнензэ

«Сырнень теште» медаль (СССР) (1945-це иень эйзюрковонь 24-це чи);
Ленинэнь орден (1945-це иень эйзюрковонь 24-це чи);
Якстерь Тештень орден (1944-це иень чадыковонь 5-це чи);
Славань 3-це степенень орден (1944-це иень ожоковонь 5-це чи);
медальть, конатнень ютксо:

«Боевой теевкстнэнь кис» медаль (1943-це иень даволковонь 2-це чи).

Ледстнема

П. П. Гагарин Советской Союзонь Героенть лемсэ лемдязь Мордовия Республикань Старый Город ошсо куро.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль: очерки и зарисовки о Героях Советского Союза — уроженцах Мордовии / сост.: В. С. Ионова, А. Д. Ширяев; под ред. М. П. Глебова. — Саранск: Мордовское кн. изд-во, 1985. — С. 90—93. — 376 с.

Тешкставкст

↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382. — С. 302.
↑ Гагарин Пётр Петрович
↑ Бессмертный полк. Саранск. Гагарин Пётр Петрович
↑ Краеведческий проект «Созвездие Героев»: Гагарин Пётр Петрович

Тевконёвт

Общедоступный электронный банк документов «Подвиг Народа в Великой Отечественной войне 1941—1945 гг.» (неопр.) Архивировано 13 Эйзюрковонь 2012 года.

Ссылкат

[1] Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382. — С. 302.

[2] Гагарин Пётр Петрович

[3] Бессмертный полк. Саранск. Гагарин Пётр Петрович

[4] Краеведческий проект «Созвездие Героев»: Гагарин Пётр Петрович

[1]

[2]

[3]

[4]