Гарута, Люция
| Люция Гарута Lūcija Garūta | |
|---|---|
| Лувонь информациясь | |
| Чачома чи | 1902-це иень панжиковонь 14-це чи |
| Чачома тарка | |
| Кулома чи | 1977-це иень даволковонь 15-це чи (74 иеть) |
| Кулома тарка | |
| Мастор | |
| Важодемат | седийсёрмадей, седиця, седийень тонавтый, пианинасо налксий, валморозей |
| Седий кедьёнкст | орган[d], фортепиано[d] ды орган[d] |
| Жанрат | классическая музыка[d] |
| Казнеть |
 |
Лю́ция (Люция Я́новна) Гару́та (латонь Lūcija Garūta; 1902 панжиковонь 14 чи, Рига ош — 1977 даволковонь 15 чи тоско жо) — латвиянь пианистсэ налксий ды седидей. Латвиянь ССР-нь заслуженной искусствань ветий (1962).
Эрямопингензэ
Прядызе Латвиянь консерваториянть композициянь классонть Язепэнь Витолань кедьсэ 1924 иестэ ды фортепианасо Людмила Гомане-Домбровскоень иень ютазь. Теде мейле эсинзэ ёрокчинзэ виевгавтызе Париж ошсо, тосо тонавтнесь фортепианасо Альфредэнь Корто кедьсэ ды Поль Дюкань композициянь коряс. Кода седий ды налксиця максь ламо концертт Латвиясо ды томбалеяк. Мейле, середеманзо коряс кармась важодеме ансяк композиция лангсо. 1940 иесэ саезь тонавтсь седямонь ды композициянь теориянть Латвиянь прявт консерваториясо, саезь 1973 иестэ — профессор.
Калмазь Рига ошсо Вирень калмазырьсэ.
Латвиясо ульнесь теезь Гарутань Фонд, кона сравты сонзэ мачинть седямонзо.
Шкинемазо
Гарутань сёрмадовксонзо пек совавсть эсист юрос романтизмань ды Скрябинэнь седийтнень. Пек содавиксэв кармась «Господь, Твоя земля в огне!» (латонь Dievs, Tava zeme deg!) оратория тенортненэнь, баритонтненэнь, хортненэнь ды органонтень, кона сёрмадозь 1943 иестэ Андрей Эглитисэнь валонзо лангс. Васенцедэ ораториянть маризь 1944 иень эйзюрковонь 15 чистэ Ине Гертрудань ригань соборсо. Седицякс ульнесь Теодоронь Рейтерэнь кедьсэ ветиця хорось, мрыцятне Адолфс Кактыньш ды Марис Ветра, органсо седясь сонсь Люция Гарута. Советэнь шкасто ораториясь лововсь ёмазь, ансяк 1982 иестэ Лонгинс Апкалнс седидеесь ды седийветий муизе те аудиосёрмадовксось немецень радиостанциятнень архивсэ; 1982 иень панжиковонь 8 чистэ ораториясь одс ульнесь седязь Стокгольм ошсо. СССР-сэ ораториянть од маризь 1988 иестэ, сонзэ морызе «Ave Sol» хорось Иманта Кокарань ветицянть. Неень шкасто ораториясь «Господь, Твоя земля в огне!» совавтозь Латвиянь шкинемань канонс[1].
Сёрмадовксонзо
- Оперась «Сиянь нармунь» (Sidrabotais putns; 1938, омбоце витнемазо 1960)
- Концертэсь фортепиананэ оркестр марто (1951)
- Оркестрантень
- «Арсема» (1934)
- «Монь Тиринь Мастор», симфониянь вариацият (Manā dzimtenē; 1936)
- «Сырнень лишме», симфониянь поэмась (Zelta zirgs; 1959)
- 70 седе ламо сёрмадовкст хортнень ды оркестратнень туртов
- Камерной седямо
- Колмо циклат фортепианас (1921, 1933, 1951), прелюдият, раськень моронь одс теезь рояль туртов.
- Сонатась фортепианань туртов (1924)
- Сонатась скрипкань дыфортепианань туртов (1927)
Библиографиясь
С. Стумбре. Звёзды и земля: жизнь и творчество Люции Гаруты (Zvaigznes un zeme: Lūcija Garūta dzīves un daiļrades gaitā). — Рига, 1969
|
Те лопанть ушодовкс о композиторе. |