Евсевьев, Макар Евсевьевич

Википедиясто материал - аорев содамкундосто
Макар Евсевьев
Макар Евсевьев 1890-це иетнестэ
Макар Евсевьев 1890-це иетнестэ
Чачомсто лемезэ Макар Евсевьевич Евсевьев
Чачома чизэ 18 (30) якшамковонь 1864
Чачома тарказо
Кулома чизэ 10 панжиковонь 1931(1931-05-10) (67 лет) или 11 панжиковонь 1931(1931-05-11)[1] (67 лет)
Кулома тарказо
Масторозо
Важодемань ёрокчизэ тонавтыця, тонавтыця, историк, этнограф
Тетязо Евсевий Тихонович Кобаев
Авазо Ирина Петровна Кобаева
Казнензэ ды медалензэ
орден Святой Анны орден Святого Станислава
Commons-logo.svg Макар Евсевьевич Евсевьев

Макар Евсевьевич Евсевьев (Кобаев[2]) (1864 иень якшамковонь 18 чистэ, Вишка Цярмун - 1931 панжиковонь 10 чи Саран ош) — эрзянь ломанень васенце[2] содавикс тонавтыця, содый. Профессор (1921). Эрзя.

Эрямонь ды важодемань кизэ

[витнемс | витнемс-петнемс лисьмапрянзо]

Макар Евсевьев чачсь 1864-це иень якшамковонь 18 чистэ (30) чистэ Вишка Цярмун велесэ[3] (рузокс Малые Кармалы[4], ветькекс Ирçе Çармăс) неень Ибресинь буень Ветькень Масторсо сокицянь-видицянь кудораськесэ, косо кастсть 14 эйкакшт. Евсевий Тихонович Кобаев тетязо - сокицяль-видицяль. Ирина Петровна авазо - кудонь азораваль, содась ламо морот, урнемат, ёвкст. Вишка Макарнэнь панжовсь тиринь келенть мазычизэ-валдозо ды те ёжомарямось ванстовсь эрямонзо перть.

Евсевьевень ульнесть домка содамочинзэ. Те содыенть лемензэ марто сюлмазь эрзянь ды мокшонь наукась, культурась ды келень тонавтнемась. Фольклоронь пурныця, коень тонавтниця, эрзянь ды мокшонь кельтнень коряс васенце тонавтнемапельнень теиця. Макар Евсевьевич Евсевьев - содыця ломань, конань эсенек ды лия масторонь наукасо вейке мельсэ лемдизь "эрзянь ды мокшонь Лённротокс" (П. Равила) ды "эрзянь ды мокшонь раськень литературань кастыцякс" (П. Домокош).

1872-це иестэ Макаронь макссызь тонавтнеме Шераутонь ушодкс училищав. Те Цярмун веленть эйстэ сисем вайгельбеть. Тонавтнесь вадрясто. Ветькетнень койсэ Евсевьевень фамилиязо сёрмадовсь тетянзо лемсэ. Истя Макар Кобаев теевсь Евсевьевекс.

1876-це иестэ Шераутсо ушодкс училищань прядомадо мейле 14 иесэ цёрынесь ялго туи Казанев тонавтыцянь семинарияв. Тесэ вадрясто максынзе экзаментнэнь ды сонзэ саизь тонавтнеме. Содамочис бажиця эрзянь цёрынесь тиринь кельдензэ башка кармась кортамо рузокс, татарокс ды ветькекс. Содась лия кельтькак.

Семинариясо тонавтнемстэ кармась Макар Евсевьев ушодсь фольклоронь пурнамо. Седе мейле, зярдо сон важодсь тонавтыцякс, кизэнь каникуласто сайниль мартонзо фотоаппарат ды туиль эрзянь ды мокшонь велева якамо. Сёрмалесь чуросто вастневиця валт, морот, ёвкст, урнемат, лайшемат. Пурнась кезэрень викшнезь панарт, пулайть, пангот, руцят, карсемапельть.

1883-це иестэ, тонавтнеманзо прядомадо мейле, Макар Евсевьевень кадызь семинарияс ушодкс классонь тонавтыцякс. 11 иеть тонавтсь эрзянь ды мокшонь эйкакштнень арифметикас, рузонь кельс, географияс. Истя сон касы-тееви ине тонавтыцякс ды методистэкс.

Се шкадонть Пётр Глухов сёрмадыцясь кортась[5]:

«Минек классонтень совась Макар Евсевьевич. Сон ульнесь арифметикань, географиянь тонавтыця… Сон миненек пек вечкевсь. Кортыль чарькодевикс кельсэ, апак капша, аволь виев вайгельсэ. Кинь лангскак зярдояк а серьгедиль. Паро тешкскеть пельдензэ получамс ульнесь пек стака… Минь содынек, бути педсоветсэ киньгак мейсэяк чумондсть, Макар Евсевьевич зярдояк а капшиль од ломаненть сёвномо, кисэст каиль лембе вал».


Макар Евсевьев сеедьстэ лездась понгомс тонавтнеме семинарияс велень эйкакштненень. Сонзэ лезксэнзэ вельде Казанень тонавтыцянь семинариянть прядызь З.Ф. Дорофеев, Е.В. Скобелев, И.Я. Бондяков, П.С. Глухов, И.Ф. Прокаев, Л.П. Кирюков, И.П. Кривошеев, С.Г. Потапкин, Т.И. Данилов, М.И. Наумкин, В.П. Ямушкин, И.И. Московкин ды лият. Неть ломантне аштесть эрзянь ды мокшонь литературанть ды журналистиканть, науканть ды просвещениянть, музыканть ды тонавтоманть ушодкссо.

М.Е. Евсевьев бажась ливтемс эрзятнень ды мокшотнень чоподачистэ. Лиякс меремс, тонавтомс сынст ловномо, сёрмадомо, эсь сельмесэ ванномо масторонть лангс. Макар Евсевьев наукань тевензэ кармась топавтомо 1880-це иетнестэ. Се шкастонть саезь весе эрямонзо алтызе наукань ды тонавтомань тевентень.

Васняяк сон домкасто ушодсь эрзянь келень тонавтнеме. Лиснесь истя: эрьва велесэ кортыть эсест койсэ, лиясто эрзятне вейкест-вейкест чарькодильть аволь пек парсте. Макар Евсевьев лездась А.Ф. Юртовнень «Образцы мордовской народной словесности. Песни на эрзянском и некоторые на мокшанском наречии» (1882) ды «Образцы мордовской народной словесности. Сказки и загадки на эрзянском наречии мордовского языка с русским переводом» (1883) книгатнень анокстамосо ды нолдамосо. А «Образецтнэнь…» - мокшонь моротнень педе-пес пурнынзе сонсь. Сынь лиссть 1896-це иестэ.

Евсевьев анокстась ды нолдась эрзянь ды мокшонь кельтнесэ букварть[6] (1892, 1897). Сынь теезельть рузонь графиканть лангс нежедезь. Зярыя уроконь ютазь теицясь-пурныцясь максы рузонь валт ды тиринь кельс сынст ютавтомаст. Истя мельсэ кирдевить рузонь 200 ламо валт. Букваренть омбоце пельксэзэ – рузонь. Тесэ максови рузонь алфавит, лотксема тешкст, ловомат, стакасто ёвтавиця гайтть ды гайтень сюлмавкст… Букваресь сёрмадозь чарькодевикс кельсэ. Эйзэнзэ совавтозь морот, ёвкст, валмеревкст, содамоёвкст. Макар Евсевьев ютавтынзе эрзянь кельс «Рассказы о двунадесятых праздниках» ды «Крещение Руси при святом князе Владимире» (1889) книгатнень. 1910-це иестэ нолдызе «Евангелиянь» ютавтоманть.

1896-це иестэ васенцеде якась этнографиянь экспедицияс. Ульнесь Обранонь, Пензань, Ульяновскоень, Тамбовонь ёнкстнэсэ. Кода финнэнь стипендиат пурнась келень, раськень шкинемань ды этнографиянь сёрмадовкст, конат совасть Х. Паасоненэнь 7-це ды 8-це томтнес.

Макар Евсевьевэнь кеврунгозо Мордовиянь государственной педагогической институт М. Е. Евсевьевэнь лемсэ, Саран ошсо

Эсь эрямонь малав 50 иетнень Макар Евсевьев алтынзе фольклоронь пурнамонь пек эрявикс тевентень ды тень пингстэ сехте покш мель явсь свадьбантень. Те домка мелесь чачсь Евсевьевень мельсэ, паряк, сестэ, зярдо сон 1883-це иестэ прядызе Казанень инородческой семинариянть ды седе тов ушодызе фольклоронь пурнамонть. Эрзянь свадьбась неявсь сонензэ покш коекс, конасонть кеместэ сюлмавсь эрзянь раськенть эрямопингезэ, эрямозо ды культуразо[7]. Вана истямо арсема ёвтась М.Е. Евсевьев:

«Свадьбань поэзиянть мон сёрмадыя Ирина Петровна авань пельде 80-це иетнестэ Симбирской губерниянь Буинской уездэнь Вишка Цярмун велесэ».[8]


Россиянь келес эсь прядонзо Макар Евсевьев васенцеде яволявтсь «Эрзянь свадьбасонзо», кона лиссь 1892-1893-це иетнестэ «Живая старина» журналсонть. «Эрзянь свадьба» книгась лиссь 1931-це[7] иестэ.

1912-це иестэ М.Е. Евсевьевень кочкизь Рузонь географиянь вейсэндявксонь совицякс-важодицякс. Кавто иень ютазь сонзэ совавтызь Казанень университетэнь археологиянь, историянь ды этнографиянь вейсэндявксос. Содыенть сёрмадовксонзо лиснесть Россиянь покш журналтнэсэ ды кулялопатнесэ. Сынь тешкстазельть Рузонь географиянь вейксэндявксонь сырнень медальсэ. Истя «онкстазельть» этнографиянь сёрмадовкстнэ. Евсевьев куроксто кундась фольклоронь ды этнографиянь, эрзятнень эрямодост материалонь пурнамонь тевентень. Тейнесь эрямосто саезь пек ламо фотот. Сехте вечкевикстнэнь кучинзе Парижень раськеютконь невтемав. Те важодеманть кис сонензэ макссть сырнень медаль.

1919-це иестэ саезь 1929-це иес важоди Татарстанонь центральной музейсэ. Теде башка ловны лекцият эрзянь кельде, этнографиядо, эрямопингеде Казанень Чилисема ёнксонь тонавтыцянь ды Коммунизмань университетсэ. Теке шкасто сонзэ лезксэнзэ вельде панжови эрзянь ды мокшонь тонавтыцянь васенце семинария Мачкасс велесэ (Саратовонь губерния, 1918), тонавтыцянь семинария Вишка Толкан велесэ (Самарань губерния), педагогикань курсат – Московсо, косо ютасть паро анокстамо эрзянь ды мокшонь тонавтыцятне. Курсатнень прявтокс ды пурныцякс ульнесь Ф.Ф. Советкин.

ХХ-це пингень 20-це иетнестэ Макар Евсевьев ульнесь профессорокс, анокстась тонавтыцят, кепедсь Равчирень раськетнень содамочист, культураст. Сон ламо важодсь эрзянь ды мокшонь культурань ды содамочинь вейсэндявксонь прявтокс. 1924-це иестэ Макар Евсевьев ульнесь эрзянь ды мокшонь тонавтыцянь весе Россиянь васенце Промксонь делегатокс, косо важодсь ветицякс.

Шкинемазо

[витнемс | витнемс-петнемс лисьмапрянзо]
  • М.Е. Евсевьевень прявт важодеманзо нолдазь революциядо мейле:
  • «Мордва Татреспублики» (Казань, 1925)
  • «Свадьба у мордвы» (Казань, 1925)
  • «Эрзянь ёвкст» (Москов, 1928)
  • «Эрзянь морот» (Москов, 1928)
  • «Основы грамматики мордовского языка» (Москов, 1929, 1931)
  • «Эрзянь-рузонь валкс» (Москов, 1931)
  • «Мордовская свадьба» (Москов, 1931)

«Основы грамматики мордовского языка» ловномапелесь васенцеде лиссь 1929-це, омбоцеде 1931-це иестэ. Эйсэнзэ домкасто невтизе чачома кельтнень потмочинь лувост. «Основы…» важодевксэнть нолдамодо икеле Макар Евсевьев ульнесь эрзянь ды мокшонь 450 ламо велесэ. Сон аволь ансяк пурнась «Живые образцы народной речи» - морот, урнемат, ёвкст, ёвтнемат, валт, валмеревкст, валонь формат, лиякс меремс, раськень се таштавксонь уликсчинть, конань лемезэ «кортамонь кель». Евсевьев ламо вийть, мельть-арсемат путсь сенень, кодат кортавкст эрявить аравтомс юрокс, конатнень перька улезт пурназь-теезь эрзянь ды мокшонь литературань кельтне. Те важодеманть питнезэ аонкставишка – сон путынзе эрзянь ды мокшонь келень лувтненень юртнэнь, тейсь ушодкс сынст сёрмадомантень. Д.В. Бубрих финнэнь-угрань содавикс кельсодыесь сёрмадсь:

("«Основы мордовской грамматики» М.Е. Евсевьевень книгазо невти раськень ёжонь кепетеманть". эрз. (1869 ие))
Оригинальной текст (руз.)

«Основы мордовской грамматики» М.Е Евсевьева представляют собой явление чрезвычайно отрадное: они являются ярким свидетельством начавшегося национального возрождения мордвы…»


«Эрзянь-рузонь валксось» лиссь 1931 иестэ Московсо. Печатьстэ лисемантень лездасть Д.В. Бубрих ды Ф.Ф. Советкин. Те валксось ушодызе эрзянь валташтавксонь лувонть ванноманзо. Валксось теезь ансяк «К» букванть видьс. Теке марто эрзянь кортавкссо сон саи неявикс тарка. Валксонтень эрзянь ламо кортавкстнэстэ пурназь 2500 валт ды валзюлмавкст. Тешкстазь, кона валось кодамо велестэ, кодамо вариантсо ды смустьсэ вастневи. Те вастневемась кемекстави валмеревкссэ, валъёвтавкссо, моросто саевкссэ.

Кулось Макар Евсевьев 1931-це иень панжиковонь 10 чистэ. Калмазель Казань ошсо. 2004-це иестэ М.Е. Евсевьевень чачома чистэнзэ 140 иетненень челькезэ ульнесь калмазь Саранскойсэ[3] С. Эрьзя керсицянть, И. Яушев морыцянть, Л. Кирюков музыкань сёрмадыцянть ваксс.

Макар Евсевьевень лемезэ максозь Мордовиянь тонавтыцянь университетэнтень. Тесэ сонзэ лемс панжозь музей. 1964 иестэ саезь ютавтовить Евсевьевень лементень алтазь ловномат. Сарансо сонзэ лемсэ ули куро, ловнома кудо, Саранонь монументально-скульптурань комплекссэ – бюстозо, республикань краеведень музейсэ – фотот, кедьчелькензэ, кедьёнксонзо.

1961-1966-це иетнестэ лиссть 5 томсо «Избранные труды М.Е. Евсевьева», 1959-це иестэ - «Мордовская свадьба». 2004-це иестэ нолдазель «М.Е. Евсевьев: жизнь мордвы в фотографиях» пусмо. Одс нолдазь «Мордовская свадьба» книгазо.

Фотот

[витнемс | витнемс-петнемс лисьмапрянзо]
  • Первоначальный учебник русского языка для мордвы-эрзи (М. Е. Евсевьев, 1897).djvu

    Рузонь келень тонавтома эрзянь ломантненень. Анокстыцязо Макар Евсевьев, нолдазь 1892 иестэ Казанонь Православиянь Миссионерэнь Вейсэндявкссо. 2-це нолдавкс.

  • Букварь для мордвы-мокши (М. Е. Евсевьев, 1897).djvu

    Мокшонь букварь. Анокстыцязо Макар Евсевьев, нолдазь 1892 иестэ Казанень Православиянь Миссионерэнь Вейсэндявкссо. 2-це нолдавкс.

  • Эрзянь ёвкст. Пурнынзе ды нолдынзе Макар Евсевьев 1928 иестэ.

    Эрзянь ёвкст. Пурнынзе ды нолдынзе Макар Евсевьев 1928 иестэ.

Ловнодо

[витнемс | витнемс-петнемс лисьмапрянзо]

Библиография

[витнемс | витнемс-петнемс лисьмапрянзо]

М. Е. Евсевьевень сёрмадовксонзо[витнемс | витнемс-петнемс лисьмапрянзо]

1888 ие

  • Крещение Руси при святом князе Владимире. На эрзянском наречии мордовского языка (В память 900-летия крещения Руси). - Казань: Изд. ПМО, 1888. — 20 с.

1892 ие

  • Букварь для мордвы-мокши с присоединением молитв и русской азбуки. — Казань: Типо-литогр. Казанского Императорского ун-та, 1892. — 53 с.
  • Букварь для мордвы-эрзи с присоединением молитв и русской азбуки-Казань; Типо-литогр. Казанского Императорского ун-та, 1892. — 47 с.
  • Мордовская свадьба // Живая старина. — СПб., 1892. Кн. 2. Вып. 2. Отд. 2. — С. 98-117.
  • Первоначальный учебник русского языка для мордвы-мокши. — Казань: Изд. ПМО, 1892. — 159 с.
  • Первоначальный учебник русского языка для мордвы-эрзи. — Казань: Изд. ПМО, 1892. — 159 с.

1893 ие

  • Мордовская свадьба // Живая старина. — СПб., 1893. Кн. 3. Вып. 2. Отд. 2. — С. 211-219.

1894 ие

  • Букварь для мордвы-эрзи с присоединением молитв и русской азбуки. 2-е изд. — Казань: Типо-литогр. Казанского Императорского ун-та, 1894. — 54 с.

1895 ие

  • Священная история Ветхого завета на эрзянском наречии мордовского языка. - Казань: Изд. ПМО, 1895. — 75 с.

1897 ие

  • Букварь для мордвы-мокши с присоединением молитв и русской азбуки. 2-е изд. — Казань: Типо-литогр. Казанского Императорского ун-та, 1897. — 56 с.
  • Молитвенник на эрзянском наречии мордовского языка. — Казань: Изд. ПМО, 1897. — 16 с.
  • Образцы мордовской народной словесности. Мокшанские песни // Известия ОАИЭ. Т.14. Вып. 1. - Казань: Типо-литография Казанского Императорского ун-та, 1897. — 32 с.
  • Первоначальный учебник русского языка для мордвы-мокши. 2-е изд. - Казань: Изд. ПМО", 1897. — 149 с.
  • Первоначальный учебник русского языка для мордвы-эрзи. 2-е изд. - Казань: Изд. ПМО, 1897. — 149 с.

1900 ие

  • Священная история Ветхого завета на мокшанском наречии мордовского языка. — Казань: Изд. ПМО, 1900. — 75 с.

1914 ие

  • Братчины и другие религиозные обряды мордвы Пензенской губернии // Живая старина. - 1914, Кн. 23. Вып. 1-2. — 44 с.
  • Отчет о командировке в Самарскую и Казанскую губернии для изучения говоров мордовского языка. — Казань, 1914. — 17 с.

1923 ие

  • Тундонь чи / Е. В. Скобелев, М. Е. Евсевьев, Г. К. Ульянов.- М.-Л: ГИЗ, 1923. — 47 с.

1925 ие

  • Мордва Татреспублики // Материалы по изучению Татарстан. - Казань, 1925. Вып. П. — С. 179-196.
  • Эрзянь и мокшень кезэрень эрямодост // Якстере теште.- М., 1925. — 21 июля.

1928 ие

  • Основы мордовской грамматики. = Эрзянь грамматика. С прилож. образцов мокшанских склонений и спряжений. — М.: Центриздат, 1928. — 446 с.
  • Эрзянь морот. — М.: Центриздат, 1928. — 184 с.
  • Эрзянь ёвкст. — М.: Центриздат, 1928. — 137 с.

1931 ие

  • Мордовская свадьба. Ульяновская (б. Симбирская) губерния, село Малые Кармалы Вып. 1.- М.: Центриздат, 1931. — 311 с.
  • Основы мордовской грамматики = Эрзянь грамматика.- 2-е изд., испр.- М.: Центриздат, 1931. — 240 с.
  • Письмо П. В. Шапошникову // Якстере Теште. − 1931. — 9 мая.
  • Эрзянь свадьба.- М.: Центриздат, 1931. - Вып. 1. — 311 с.
  • Эрзянь-рузонь валке = Мордовско-русский словарь,- М.: Центриздат, 1931. — 227 с.

1961 ие

  • Народные песни мордвы // Избр. труды: В 5 т. — Саранск: Мордов. кн. изд-во, 1961. Т.1. — 384 с.

1963 ие

  • Народные песни мордвы // Избр. труды.: В 5 т. — Саранск: Мордов. кн. изд-во, 1963. Т.2. − 527 с.
  • Основы мордовской грамматики // Избр. труды.: В 5 т. — Саранск: Мордов. кн. изд-во, 1963. Т.4. — 472 с.

1964 ие

  • Мордовские народные сказки и загадки // Избр. труды.: В 5 т. — Саранск: Мордов. кн. изд-во. 1964. Т. З. — 411 с.
  • Отчет инструктора мордовского подотдела Наркомнаца М. Евсевьева по командировке его в Чувобласть, Татреспублику и Нижегородскую губернию с 17-го декабря 1921 г. // Сов. Мордовия. 1964. - 31 января.

1966 ие

  • Братчины и другие религиозные обряды мордвы Пензенской губернии // Избр. труды.: В 5 т. — Саранск: Мордов. кн. изд-во, 1966. Т.5. — С. 342-384.
  • Мордва Татреспублики // Избр. труды.: В 5 т. — Саранск: Мордов. кн. изд-во, 1966. Т.5. — С. 385-407.
  • Мокшанская свадьба. (Вариант первый) // Избр. труды.: В 5 т. — Саранск: Мордов. кн. изд-во, 1966. Т.5. — С. 408-427.
  • Мокшанская свадьба. (Вариант второй) // Избр. пруды.: В 5 т. — Саранск: Мордов. кн. изд-ио, 1966. Т.5. — С. 428-458.
  • Мордовская свадьба // Избр. труды.: В 5 т. — Саранск: Мордов. кн. изд-во, 1966. Т.5. — С. 7-442.
  • Письма // Избр. труды.: В 5 т. — Саранск: Мордов. кн. изд-во, 1966. Т.5. — С. 459—499.

1975 ие

  • Мокшанская свадьба селений бывшего Симбирского уезда // Устно-поэтическое творчество мордовского народа: В 8 т. — Саранск, 1975. Т.6 - Ч.2. — С.343—377.
  • Level A.A. Sahmatovhoz // Medveenek a Keleti Finnugor Nepek Irodaalmanak Kistukrc Europa Konyvkiado Budapest, 1975. — C.817-822.

1982 ие

  • Как начинался Нижний Новгород // Легенды и предания мордвы. — Саранск, 1982. — С.61-63.
  • Каменная девушка // Легенды и предания мордвы. — Саранск, 1982. — С.35-36.
  • Предания о царе Тюштяне // Легенды и предания мордвы. — Саранск, 1982. — С.51-56.

1990 ие

  • Мордовская свадьба. — Саранск: Мордов. кн. изд-во, 1990. — 384 с.

М. Е. Евсевьевде литература[витнемс | витнемс-петнемс лисьмапрянзо]

  • Беззубов, В. И. Документы о жизни и научной деятельности М. Е. Евсевьева. - Саранск, 1950.
  • Беззубов, В. И. Научно-педагогическая деятельность Макара Евсевьевича Евсевьева. — Саранск: Мордов. кн. изд., 1960.
  • Бибин, М. Т., Осовский Е. Г. Макар Евсевьевич Евсевьев // Просветители и педагоги Мордовского края. — Саранск: Мордов. кн. изд-во, 1986. — С.45-59.
  • Бибин, М. Т., Осовский, Е. Г. Макар Евсевьевич Евсевьев — первый мордовский учёный, просветитель и педагог. (В помощь лектору). — Саранск, 1988.
  • Воробьев, Н. И. Макар Евсевьевич Евсевьев // СЭ. 1931. № 3/4. С. 187—189.
  • Жиганов, М. Ф. М. Е. Евсевьев — историк родного края. — Саранск: Мордов. кн. изд-во, 1990.
  • Научное наследие М. Е. Евсевьева и современность: Межвузовский сб. науч. трудов. - Саранск, 1992.
  • Научное наследие М. Е. Евсевьева в контексте национального просвещения Поволжья. — Саранск, 2004.
  • М. Е. Евсевьев: Жизнь мордвы в фотографиях: Фотоальбом. Сост. А. С. Лузгин и др. - Саранск, 2004.
  • Осовский, Е. Г., Зеткина, И. А. Макар Евсевьевич Евсевьев: просветитель, учёный, педагог / Мордов. гос. пед. ин-т. — Саранск: Тип. «Крас. Окт.», 2003. — 172 с.
  • Шахматов, А. А. О работах М. Е. Евсевьева // Отчет Императорского Русского Географического общества за 1915 г. М., 1916. - С. 72-74.
  1. ↑ Library of Congress Authorities (англ.) — Library of Congress.
  2. ↑ 1 2 Финно-угорские библиотеки России. Макар Евсевьевич ЕВСЕВЬЕВ(руз.)
  3. ↑ 1 2 Библиотека Мордовской Литературы: Евсевьев Макар Евсевьевич(руз.)
  4. ↑ Чувашская энциклопедия. Малые Кармалы(руз.)
  5. ↑ «Эрзянь Мастор», №421, Харитонова А.М «...ЭРЗЯТНЕ ЭСЕСТ КЕЛЬСЭ...».(эрз.)
  6. ↑ «Мордовский республиканский объединенный краеведческий музей им. И.Д. Воронина». Буквари М.Е. Евсевьева (руз.)
  7. ↑ 1 2 ФГУП ГТРК «Мордовия» М.Е.Евсевьевень «Эрзянь свадьба» книгань юбилеентень. (эрз.)
  8. ↑ Тиринь кель 8 класс. 21 л.(эрз.)
Саезь "https://myv.ruwiki.ru/w/index.php?title=Евсевьев,_Макар_Евсевьевич&oldid=332295"-стэ