Горячкин, Тимофей Степанович

Тимофей Степанович Горячкин
Тимофей Степанович Горячкин
Чачома чизэ	1922-це иень эйзюрковонь 4-це чи
Чачома тарказо	Чаунза, Ардатовскяй уездсь[d], Симбирской губерния[d], РСФСР[d];
Кулома чизэ	1974-це иень панжиковонь 7-це чи (52 иеть)
Кулома тарказо	Минской, Белорусскяй ССР[d], СССР;
Масторозо	СССР
Кодамо ушмосо	авиациянь
Служамонь иетне	1941—1959-це
Званиязо
Тюремат/войнат	Ине Отечественной война;

Тимофей Степанович Горячкин (1922—1974) — Советской Армиянь полковник, Ине Отечественной войнасо улиця, Советской Союзонь Герой (1946).

Эрямокизэ

Горячкинэнь калмазырезэ
Минск ошонь Восточной калмолангсо.

Тимофей Горячкин чачсь 1922-це иень эйзюрковонь
4-це чистэ Чаунза станциясо (ней — Мордовиясо ошонь кондямо посёлка) сокицянь-видицянь кудораськесэ. Прядсь школань вейксэ класст. 1941-це иестэ Горячкин тердезель служамо Важодицянь ды сокицянь-видицянь Якстере Армияв. 1943-це иестэ прядызе Энгельсэнь менельвенчень ветицянь авиациянь военной школанть. Секе иень аштемковсто саезь — Ине Отечественной войнань фронттнэсэль^[1]^[2].

Войнань прядовомантень Тимофей Горячкин гвардиянь старшей лейтенантось ульнесь Ленинградонь фронтонь коштонь 15-це армиянь гвардиянь разведкань башка 99-це авиаполконь звенань прявтокс. Тюрематнесэ улемань шкастонть топавтсь ятонь объектэнь фотонь теемань ды коштонь разведкань 101 ливтямо, ульнесь коштонь 10 тюремасо, правтсь ятонь 2 менельвенчть^[1]^[3].

1946-це иень панжиковонь 15-це чистэ СССР-нь Верховной Советэнь Президиумонь кармавтомасо «немецень ятонть каршо виевчинь ды геройксчинь невтеманть ды аравтозь тевень топавтоманть кис» Тимофей Горячкин гвардиянь старшей лейтенантонтень максозель Советэнь Союзонь Откерь покш лемесь, казезель Ленинэнь орденэсь ды 9005-це номерэнть марто «Сырнень Теште» медалесь^[1].

Войнань прядовомадо мейле Горячкин поладызе служамонзо Советской Армиясо. 1954-це иестэ прядсь Военно-воздушной академия. 1969-це иестэ Горячкин полковникень званиясо кучозель запасос. Эрясь Московсо, мейле Минскойсэ. Кулось 1974-це иень панжиковонь 7-це чистэ, калмазь Минскоень Восточной калмолангсо^[1].

Теде башка казезель Якстере Знамянь кавто орденсэ, Отечественной войнань 1-це степенень колмо орденсэ, Отечественной войнань 2-це степенень орденсэ, зярыя медальсэ. Чаунзасо Горячкинэнь лемсэ ули куро ды аравтозь бюст^[1]^[4].

Тешкставкст

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль — Саранск: Мордкиз, 1985.

Ссылкат

[wh-1] ¹ ² ³ ⁴ ⁵ Горячкин, Тимофей Степанович (неопр.). «Масторонь маралят» вальмась.

[2] Краеведческий проект «Созвездие Героев»: Горячкин Тимофей Степанович

[3] Горячкин Тимофей Степанович

[4] Выставка, посвященная юбилейным датам Героев Советского Союза - Бровцева Н.М., Горячкина Т.С., Гуреева М.Г., Жукова В.Е., Лукьянова А.Е., Чернышова А.Ф.

[1]

[2]

[3]

[4]