Девятаев, Михаил Петрович

Википедиясто материал - аорев содамкундосто
Михаил Петрович Девятаев
Файла:Михаил Петрович Девятаев.jpg
Чачома чизэ 1917-це иень медьковонь 8-це чи
Чачома тарказо Торбеева важодемань посёлка, Спасскоень уезд, Тамбовонь губерния, Россиянь империя
Кулома чизэ 2002-це иень сундерьковонь 24-це чи
Кулома тарказо Казань, Россиянь Федерация
Масторозо СССРFlag of the Soviet Union.svg СССР
Кодамо ушмосо ВВС
Служамонь иетне 1938—1945
Званиязо Старший лейтенант ВВС СССР
Частезэ 104-й гвардейский истребительный авиационный полк
Тюремат/войнат Ине Отечествань война
Казнеть ды премият
Служамосто туемадо мейле с ноября 1945
Логотип РУВИКИ.Медиа Михаил Петрович Девятаев

Михаил Петрович Девятаев (1917-це иень медьковонь 8-це чи , Торбеева важодемань посёлка, Спассонь уезд, Тамбовонь губерния, Россиянь империя, ней — Мордовия Республика, Россиянь Федерация — 2002-це иень сундерьковонь 24-це чи, Казань ош, Россиянь Федерация) — гвардиянь старшей лейтенант, ливтниця-истребитель, Советэнь Союзонь Откерь (1957).

Бомбань ёртниця салазь менельвенчсэ оргодсь немецень концентрациянь легерьстэ.

Эрямокизэ

Михаил Девятаев чачсь 1917-це иень медьковонь 8-це чистэ Тамбовонь губерниянь Спасскоень уездэнь Торбеева посёлкасо сокицянь-видицянь кудораськесэ ды ульнесь 13-це эйкакшокс. Раськень коряс — мокша. 1933-це иестэ прядсь 7 класст. 1934-це иень умарьковсто колхозонь ули-паронь саламонть ды уголовной тевень панжомадо пелеманть кис (валонзо коряс, паксясо розьпрятнень пурнамонть кис сонзэ лангс сёрмадозель протоколонь конёв) оргодсь Казанев. Кармась тонавтнеме Казанень леень техникумсо, конань прядызе 1938-це иестэ, тоско якась аэроклубов. Важодсь Рав ланга якиця баркасонь ветицянь лездыцякс.

Военной ливтниця

1938-це иестэ Казань ошсо Сведлововонь буень комиссариатсо тердезель Якстере Армияв. 1940-це иестэ прядызе К. Е. Ворошилов лемсэ Чкаловонь военной авиациянь ливтницянь васенце училищанть[1].

Фронтсо

Фронтсо ульнесь 1941-це иень аштемковонь 22-це чистэ саезь[2]. Воёвась Чивалгомань, Обед ёнкс марто чивалгома ёнксонь, Куншкань, Степень, Украинань 2-це фронтсо.

Ливтнематнень ушодынзе аштемковонь 26-це чистэ, зярдо Минск ошонть ало правтсь «Junkers Ju 87» бомбань ёртниця менельвенч. Курок эсь прянь парсте невтицятнень тердизь Могилёв ошсто Московов. Лиятнень марто казезель Якстере Знамянь орденсэ.

1941-це иень таштамковонь 10-це чистэ Ромны ошонь пелеве ёнкссо (Як-1 менельвенчсэ истребителень авиациянь 237-це полксо улемсэ) правтсь «Ju-88» менельвенч.

Весемезэ 1941-це иень аштемковонь 23-це чистэ саезь 1941-це иень таштамковонь 16-це чис Девятаев тейсь 180 ливтямот, конатнесэ правтсь ятонь 9 менельвенчть[3].

1941-це иень таштамковонь 23-це чистэ Киев алдо велявтомадо мейле лангозонзо каявсть немецень истребительть. Вейкенть правтызе, ансяк сонськак ранязель пильгес. Госпитальде мейле лецицянь комиссиясь сонзэ ютавтызе сэтьме авиацияв. Служась бомбардировщикень вень полксо, седе тов санитаронь авиациясо. Ансяк 1944-це иень панжиковсто А. И. Покрышкин Советэнь ушмодеенть марто вастовомадо мейле таго кармась истребителекс.

1944-це иень медьковонь 13-це чистэ гвардицянь истребителень авиациянь полконь (истребителень авиациянь гвардиянь 9-це дивизия, коштонь 2-це армия, Украинань 1-це фронт) гвардиянь звенань прявтокс улемстэ Девятаев гвардиянь старшей лейтенантось «Горохов» ошонть маласо правтсь «FW-190» менельвенч, ансяк правтозель сонськак ды понгсь полонс[1].

Полон

1944-це иень медьковонь 13-це чистэ чокшне В. Бобров майоронть прявтсо «Bell P-39 Airacobra» истребителень куронть ютксо ливтясь ятонь каявоманзо идеманть каршо. Львов ошонть маласо коштонь тюремасо Девятаевень менельвенчезэ правтозель ды кирвазсь; ливтницясь кенерсь кадомс бомбань ёртниця менельвензэ парашютсо, ансяк кирнявтомсто вачкодевсь менельвенчень стабилизаторонтень. Ёжовтомо муезель немецтнесэ саезь модатнесэ, понгсь полонс[4].

Менельвенчень марканть коряс неень шкас молить пелькстамот. Девятаев ледстни «Bell P-63 Kingcobra» менельвенчте, ансяк те шкасто саезь 1945-це иень панжиковонь 9-це чис тевс нолдазель «Bell P-39 Airacobra» менельвенчесь.

Кевкстнемань ютавтомадо мейле М. Девятаевень кучизь абвер Германиянь армиянь разведкань курос, тосто — Лодзь Польшань ошсо полонс понгозетнень лагерев, косто 1944-це иень умарьковонь 13-це чистэ полонсо аштиця лия ливтницятнень марто васенцеде варчась оргодемс мода алга чувозь янганть. Ансяк оргодицятне кундазельть, яволявтозельть прянь куловтыцякс (смертникекс) ды кучозельть Заксенхаузен куломань лагерев. Тосо лагерень парикмахерэнть вельде (Девятаевень ледстнеманзо коряс, полонс понгомадо икеле те пекстазесь ульнесь Советэнь офицерэкс-танкистэкс), кона полавтызе оршамонь номерэнь ставксонть, Девятаев полавтызе «прянь куловтыцянь» лементь «штрафникень» статусонть лангс. Седе тов Степан Григорьевич Никитенко лементь ало сон кучозель Узедом усиясо концлагерьс[1], косо Пенемюнде ракетань куншкакуросо мольсть «Фау-1» крылатой ракетань ды «Фау-2» баллистической ракетань — Колмоце Рейхень од леднемапелень варчнемат.

Советэнь официальной тевконёвтнень коряс, Девятаев велявтсь полонсто 1945-це иень даволковонь 8-це чистэ[5][6].

Менельвенчсэ оргодема

1945-це иень даволковонь 8-це чистэ полонсо аштиця Советэнь 10 ушмантнэ саизь эсест кедьс «Heinkel He 111 H-22» бомбань ёртниця немецень менельвенченть ды оргодсть эйсэнзэ Узедом усиянь (Германия) концлагерьстэ. Менельвенченть ветясь Девятаев. Немецтне сасамга кучсть бомбань ёртницянь истямо менельвенч, конань ветясь Гюнтер Хобом (нем. Günter Hobohm[7]) оберлейтенантось, Кшнинь кавто крёстонь орденэнь кавалерэсь ды Сырнесэ Немецень крёстонь казезесь, ансяк менельвенчень ливтямо тарканть асодамось кемевтсь ансяк апак учонь муемантень. Менельвенченть муизе Даль Вальтер полковникесь, кона велявтсь тевень топавтомасто, ансяк «правтомс ськамонзо ливтиця „Хейнкеленть“» сонзэ эзь лисе прядовозь леднемапельтнень кис.

Фронтонь линиянть ёнкссо менельвенченть леднизь Советэнь зенитэнь леднемапельтне, савсь озамс апак учо. «Хейнкелесь» озась «пекензэ» лангс Голлин веленть лембе ёнкссо (арсематнень коряс ней те Польшасо Голина ош) Советэнь 61-це армиянь артиллериянь пелькссэ аштемасо[8]. Лисни, 300-то аволь седе аламо вайгельбень ливтязь, Девятаев пачтясь прявттнэнень пек эрявикс содамочить Узедомсо салавань куншкакуродо, косо теевсь ды ванновсь немецень ракетань леднемапель, «Фау-2» ушодксонь установкатнень таркадо, кона аштесь иневедень чиреванть. Девятаевень пельде ёвтазь содамочитне ульнесть пек видекс ды сынст вельде топавтозель Узедомонь полигононть лангс коштонь каявома.

Полонс понгомань ды полонсто оргодемань коряс весементь домкасто содамга Девятаев озавтозель СССР-нь ванномань-фильтрациянь лагерьс — НКВД-нь «7-це № спецлагерьс» (те ульнесь «Заксенхаузен» немецень икелень лагересь), косо икеле ютавтневсть кевкстнемат ды ванномат[9].

1945-це иень эйзюрковонь прядовомсто, ванномадо ды лецямодо мейле, оргодемань кемень ломантнестэ сисемтне (Соколов, Кутергин, Урбанович, Сердюков, Олейник, Адамов, Немченко) ульнесть совавтозь ледтнемань 777-це полконь ротатнестэ вейкентень (лия даннойтнень коряс — Пинской леднемань полконь 61-це армиянь леднемань 397-це дивизиянь леднемань 447-це полконь 3-це батальононь леднемань 7-це ротас[10]) ды кучозельть фронтов[прим 1] (мик вейке сельмензэ ёмавтыця Немченко вешсь кучомс эсь прянзо фронтс леднемань ротань санитарокс).

Чадыковонь 14-це ды 16-це читнестэ 397-це дивизиясь кавксь арсесь ютамс Одер леенть пачк, ансяк мезеяк эзь лисе. Неть читнестэ маштовсть: Пётр Кутергин, Тимофей Сердюков, Владимир Соколов ды Николай Урбанович. Фёдор Адамов ранязель ды седе тов эзь воёва. Лия читнестэ дивизиянть лиссь ютамс Одерэнь пачк, кемекставсь ды седе тов ушодсь молеме чивалгома ёнов, саизе Фалькенберг ошонть. Чадыковонь 21-це чистэ неть тюрематнесэ маштовсь Иван Олейник, чадыковонь 24-це чистэ — Владимир Немченко (ансяк, Девятаевень валонзо коряс, Олейник маштовсь Дальней Востоксо, Советэнь-Япононь войнасо)[11].

Лисни, 1945-це иень панжиковонтень кемень оргодицятнень эйстэ живстэ кадовсть ансяк нилетне: ранявомань коряс госпитальсэ аштиця Фёдор Адамов ды колмо офицертнэ — Девятаев, Кривоногов ды Емец — ульнесть кучозь «СМЕРШ» Горьковской леднемань запасной 1-це дивизиянь контрразведкань организациянь курос, косо сынь аштесть войнань прядовомас ды учость эсь воинской званиятнень кемекстамонть[10].

1945-це иень таштамковсто Сергей Королёв Советэнь содыесь, кона аравтозель Советэнь программасо домкасто содавтовомс немецень ракетань техниканть марто, тердизе Девятаевень Пенемюндев консультациянь ютавтомо[12]. Девятаев служась аэродромонь командасо, ракетань полигонось ульнесь седе васоло, секскак мезеяк салавачинь кодаткак кулят сон эзь ёвтаво, ансяк невтинзе усиясо аштиця строявкстнэнь ды лия эрьва кодат объекттнэнь.

Войнадо мейле

1945-це иень сундерьковсто Девятаев ютавтозель запасос (теде икеле сон аволь куватьс аштесь Псков ёнксонь Невель станциянь колониянь-поселениянь лагерьсэ) ды сонзэ кода полонс понгозенть ламо шка ульнесть стакачить важодемань вешнеманть марто.

Эсь ледстнематнесэ Михаил Девятаевень тейтерезэ ды цёразо кортыть, 1945-це иень ацамковсто[13][14] сон велявтсь Казанев (лия даннойтнень коряс, сон велявтсь ансяк 1950-це иетнень ушодкссто) ды кармась важодеме Казанень леень портсо вокзалга дежурноекс, седе тов тонавтнесь капитанокс-механикекс, ансяк кодамо-бути шка укшнось ансяк служебной катерсэ[15]. 1949-це иестэ саезь важодсь «Огонёк» баркассо ветицянь полавтыцякс, 1955-це иестэ саезь ульнесь ютавтозь теплоходонь прявтокс[16]. Ансяй кой-кона сёрмадовкстнэсэ ёвтневи, се шкастонть Девятаев ульнесь судязь «Тиринь масторонь миеманть кис» ды кучозель лагертнес, 9 иень ютазь понгсь амнистияс[9].

1957-це иестэ Девятаевень подвигензэ ланга васенцекс ёвтнесь Ян Винецкий «Советская Татария» кулялопань корреспондентэсь.

1950-це иетнень прядовомсто Девятаевнень максозельть кармавтомат ютавтомс варчнемат «Ракета» — Советэнь вейке покш венченть марто; Девятаев ламо иеть важодсь леень венчтнень прявтокс ды кармась «Метеор» теплоходонь васенце прявтокс[15]. Эрямонь прядовомас топавтсь общественной тевть, ёвтнесь ледстнеманзо, аволь весть ливтнесь Узедом усияв ды вастневсь вейсэнь оргодемань лия ушмантнэнь марто, нолдась «Чипаентень ливтямо» («Полёт к солнцу») (1972) ды «Адсто оргодема» («Побег из ада») (1988) автобиографиянь кавто книгат.

1959-це иестэ саезь ульнесь Советэнь Союзонь Коммунистэнь Партияс (КПСС-с) совицякс, меельце иетнес эрясь Казаньсэ. Важодсь зярс сатотсть виензэ. 2002-це иень кизна ланганзо документальной фильмань снимамонь шкасто сась Пенемюнде аэродромс, путсь штатолт вейсэнь ялгатнень валдо лемест ледстнемга ды вастовсь Г. Хобомонь марто (кона кучозель оргодицятнень мельга правтомс «Хейнкеленть»).

Арской калмолангсо Девятаевень калмозо (Казань ош)

Кулось Михаил Петрович Девятаев 2022-це иень сундерьковонь 24-це чистэ Казаньстэ 85 иесэ. Калмазь Казань ошонь Арскоень калмолангсо, косо ашти Ине Отечествань войнань ушманонь ледстнемань комплексэсь.

Казнеть

1957-це иень умарьковонь 15-це чистэ С. П. Королёвонь вешеманзо коряс Михаил Девятаевнень максозель «Советэнь Союзонь Откерь» лемесь[17] (кой-кона даннойтнень коряс, казнесь максозель Советэнь ракетань строямонть, «Фау-2» немецень ракетанть лангс нежедезь «Р-1» Советэнь васенце ракетанть теемасо лездамонть кис).

Казель Ленинэнь орденсэ ды «Сырнень теште» медальсэ, Якстере Знамянь кавто орденсэ (02.1944)[18], Якстере Знамянь орденсэ (?)[19], I-це (1985)[20] ды II-це степенень Отечествань войнань орденсэ (05.1944)[21][2], омбомасторонь казнесэ (сынст ютксо сиясо «Отечестванть икеле теевкстнэнь кис» 2-й степенень медальсэ (ГДР)[22].

Мордовия Республикань Почётной эриця, ды теке марто Казань ошонь (Россия), Волгаст ды Цинновиц (Германия) оштнень Почётной эриця[1].

Откерде ледстнема

Девятаев М. П. Изнямонь Парконь ледстнемань Пантеонсо (Казань ош)
  • Михаил Девятаев нолдась «Полёт к солнцу» (1972) ды «Побег из ада» (1988) автобиографиянь кавто книгат.
  • Николай Стуриковонь «Сотый шанс» повестезэ.
  • 1975-це иень панжиковонь 8-це чистэ Мордовия Республикань Торбеева важодемань посёлкань Октябрянь буесэ панжозь М. П. Девятаев Советэнь Союзонь Откеренть кудо-музей[23].
  • Мордовия Республикань центральной аэроклубось кандтни М. П. Девятаев Советэнь Союзонь Откеренть лемензэ.
  • Казанень Арской калмолангонь М. П. Девятаевень калмонзо лангсо аравтозь бюстозо (фотось вить ёно).
  • «Восход-72» ведьалонь сёлмосо покш венчесь кандтни «Герой Михаил Девятаев» лементь[24]. Неень шкасто а важоди.
  • «Волга-3» ломанень усксицянь катамаранось кандтни «Герой Девятаев» лементь.
  • Казанень Изнямонь парконь Свал палыця толонть перька аштиця Пантеонсо аравтозь М. П. Девятевень ланга сёрмадовкс, косо ледстневи, Советэнь Союзонь Откерень лемесь ушманонень максозель ансяк 1957-це иестэ.
  • 2002-це иестэ ушодовсть «Побег в небо. Девятаев» художественной фильмань снимамотне. Весементь зярыяксть аравтнизь лия шкас, васня 2007-це иес, мейле 2012-це ды 2015-це иетнес. 2017-це иестэ, 15 иень ютазь, теварсевксэсь ульнесь пекстазь[25].
  • Вологдасо стявтозь «Побег из ада» кеврунго.
  • 2020-це иестэ Саран ошсо стявтозь «Побег из ада» ледстнеманень тешкс[26].
  • Полтава ошсо стявтозь «Побег из ада» оргодицятнень лемест марто стелань кондямо кеврунго.
  • 2017-це иестэ, Михаил Девятаевень чачома чистэнзэ 100 иень топодемстэ, откеренть ланга лиссть «Побег с острова Узедом» ды «Крылатая Казань» документальной кавто од фильматне. 1963-це иестэ саезь Михаил Девятаевень эрямонзо ды подвигензэ ланга снимазь 14 фильмат, конатнень ютксо: Николай Скомороховонь «Речники-Герои» фильмазо, Константин Орозалиевень «Догнать и уничтожить» фильмазо ды лият[27][28].
  • 2020-це иень даволковонь 8-це чистэ Пенемюндесэ (ФРГ) ютась покш промкс, кона алтазель Михаил Девятаев Советэнь Союзонь Откеренть прявтсо полонсо аштиця куронь подвигентень. Ледстнемань вастовомань ютавтыцякс кармась Александр Печерскиень Фондось, промксось ютавтовсь «Непокорённые. Сопротивление в фашистских концлагерях» теварсевксэнть лувсо[29].
  • 2020-це иень даволковсто-эйзюрковсто ушодовсть «Фау-2. Побег из ада» художествань фильмань снимамотне (седе тов фильманть полавтызь «Девятаев» лементь лангс), конасонть ёвтневи Михаил Девятаевень оргодеманзо ланга. Фильмань консультантокс кармась Александр Девятаев Казанень медицинань государственной университетэнь профессорось, откеренть цёразо[30]. Россиянь Федерациянь кинотеатратнесэ фильманть ушодсть невтеме 2021-це иень чадыковонь 29-це чистэ саезь.
  • 2021-це иестэ Оренбургонь ине ливтницянть лемензэ кандтниця 39-це школанть вакссо скверсэнть аравтозь бюст, косо Михаил Девятаев невтеви Оренбургонь ливтницянь военной училищань од курсантокс[31].
  • 2023-це иень таштамковонь 1-це чистэ Саран ошсо панжовсь «Высота» тонавтнемань куншкакурось, М. П. Девятаев Советэнь Союзонь Откеренть лемсэ 15-це школась[32][33][34].

Теке марто вант

  • Лошаков Николай Кузьмич — Советэнь ливтниця-истребитель. 1943-це иестэ полонгс понгомсто оргодсь немецень менельвенчсэ.
  • Боб Гувер — Америкасто полонсо аштиця, кона салась «Fw 190» бомбань ёртниця ташто менельвенч ды оргодсь эйсэнзэ Нидердандав; неень шкань аэробатикань ушодыцятнестэ вейкесь.

Тешкставкст

Мельполадкст
  1. ↑ Кой-кона сёрмадовкстнэсэ кортави, цёратнень кучизь штрафонь батальонс, ансяк невтезь частесь штрафноекс эзь ловово.
Тевс нолдазь литературась ды лисьмапрятне
  1. ↑ 1 2 3 4 Кисин С. 95 лет исполняется летчику Девятаеву, сбежавшему из концлагеря на самолёте Архивень копия 28 Сундерьковонь 2020 на Wayback Machine // Российская газета. ЮФО
  2. ↑ 1 2 Наградной лист в электронном банке документов «Подвиг народа» (архивные материалы ЦАМО. Ф. 33. Оп. 690155. Д. 355. Л. 18-19).
  3. ↑ Наградной лист Михаила Девятаева на орден Красное Знамя от 20 декабря 1943 года. Дата обращения: 7 Панжиковонь 2021. Архивировано 7 Панжиковонь 2021 года.
  4. ↑ Покрышкин А. И. Гвардия громит врага // Познать себя в бою. — М. : ДОСААФ, 1986. — 492 с. — 95 000 экз.
  5. ↑ https://obd-memorial.ru/html/imagelink?path=0ad0aa35-6414-4547-b03d-62e2570e833d
  6. ↑ Девятаев Михаил Петрович, ст. лейтенант Архивень копия 25 Чадыковонь 2021 на Wayback Machine // ОБД Мемориал
  7. ↑ HOBOHM, Günter (англ.). TracesOfWar. Дата обращения: 5 Аштемковонь 2021. Архивировано 14 Якшамковонь 2013 года.
  8. ↑ Михаил Девятаев и He-111H-22 Архивень копия 16 Аштемковонь 2020 на Wayback Machine.
  9. ↑ 1 2 Беспалова Н., Черепанов М. Личный враг фюрера. Герой Советского Союза Михаил Девятаев пострадал из-за дамского каприза. «Российская газета» — Волга — Урал (16 Ацамковонь 2003). Дата обращения: 2011-це иень якшамковонь 11-це чистэ. Архивировано 13 Сундерьковонь 2011 года.
  10. ↑ 1 2 Побег из Пенемюнде (руз.). warspot.ru. Дата обращения: 23 Чадыковонь 2021. Архивировано 23 Чадыковонь 2021 года.
  11. ↑ Девятаев, 1972, с. 270.
  12. ↑ Сонсь Советэнь ракетань сыця шкань Генеральной конструкторось ульнесь олякстомтозь пекстамосто ансяк неть событиятнень ютавтомадо пельиеде икеле.
  13. ↑ Девятаев, 2015, с. 203.
  14. ↑ Зотикова В. Побег в небо. Сын легендарного летчика Михаила Девятаева рассказал "РГ" о неизвестных фактах биографии отца. Российская газета-Неделя-Средняя Волга (19 Эйзюрковонь 2015). Дата обращения: 2020-це иень аштемковонь 18-це чистэ. Архивировано 22 Аштемковонь 2020 года.
  15. ↑ 1 2 Кривоногов, 1963, с. 188.
  16. ↑ Девятаев, 2015, с. 160.
  17. ↑ Михаил Черепанов. Тайна подвига Девятаева // Казанские ведомости : газета. — 2012. — № 98 от 6 июля.
  18. ↑ Девятаев Михаил Петрович :: Память народа. pamyat-naroda.ru. Дата обращения: 5 Ожоковонь 2021. Архивировано 5 Ожоковонь 2021 года.
  19. ↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 686044. Д. 4402. Л. 9-10).
  20. ↑ Девятаев Михаил Петрович :: Память народа. pamyat-naroda.ru. Дата обращения: 5 Ожоковонь 2021. Архивировано 5 Ожоковонь 2021 года.
  21. ↑ Девятаев Михаил Петрович :: Память народа. pamyat-naroda.ru. Дата обращения: 5 Ожоковонь 2021. Архивировано 5 Ожоковонь 2021 года.
  22. ↑ Девятаев Михаил Петрович :: Память народа. pamyat-naroda.ru. Дата обращения: 5 Ожоковонь 2021. Архивировано 5 Ожоковонь 2021 года.
  23. ↑ Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 325. — ISBN 5-7595-1662-0.
  24. ↑ Теплоход «Герой Михаил Девятаев» Архивень копия 2 Чадыковонь 2019 на Wayback Machine на сайте «Водный транспорт».
  25. ↑ Фильм о Герое Советского Союза из Мордовии стал поводом для заказного убийства?! (руз.). Столица С. Дата обращения: 2020-це иень чадыковонь 27-це чистэ.
  26. ↑ Памятный знак «Побег из ада» в Саранске Архивень копия 6 Якшамковонь 2014 на Wayback Machine.
  27. ↑ В Казани презентовали два новых фильма о Михаиле Девятаеве (руз.). www.tatar-inform.ru. Дата обращения: 2020-це иень чадыковонь 27-це чистэ.
  28. ↑ На крыле. История Михаила Девятаева. Вечерняя Москва. Дата обращения: 2020-це иень чадыковонь 27-це чистэ.
  29. ↑ В Германии отметили годовщину побега группы Девятаева из концлагеря (руз.). РИА Новости (20200208T1708+0300). Дата обращения: 2020-це иень чадыковонь 12-це чистэ. Архивировано 12 Чадыковонь 2020 года.
  30. ↑ Чередниченко А. Вертикальный взлёт. В Кронштадте стартовали съёмки фильма «ФАУ. Побег из ада» Архивень копия 24 Эйзюрковонь 2020 на Wayback Machine // Санкт-Петербургские ведомости, 2020-це иень эйзюрковонь 19-це чи.
  31. ↑ В Оренбурге увековечили память летчика-истребителя Михаила Девятаева. Интернет-портал «Российской газеты» (2021-це иень таштамковонь 29-це чи). Дата обращения: 2021-це иень ожоковонь 1-це чистэ. Архивировано 1 Ожоковонь 2021 года.
  32. ↑ «Набираем высоту!» - в Саранске открылся центр образования № 15 «Высота» имени Героя Советского Союза Михаила Девятаева
  33. ↑ В Саранске открылся центр образования №15 «Высота» им. Героя Советского Союза М.П. Девятаева
  34. ↑ Центр образования № 15 "Высота" имени Героя Советского Союза М.П. Девятаева

Литература

  • Михаил Девятаев. Побег из ада. На самолёте врага из немецко-фашистского плена. — ОСЛН Москва, 2015. — 232 с. — ISBN 978-5-902484-72-1.
  • Девятаев М. П. Полёт к солнцу / Литературная запись А. М. Хорунжего. — М.: ДОСААФ, 1972. — 272 с. — 150 000 экз.
  • Девятаев М. П. Побег из ада. — Казань: Татарское книжное издательство, 1988 / 2000. — 192 с.
  • Девятаев М. П. Воспоминания, отклики, публицистика, хроника. — Саранск: тип. Красный Октябрь, 2007. — 248 с.
  • Кривоногов И. П. Родина зовёт. Записки офицера советской армии / Литературная запись Ирины Сидоровой.. — Горький: Горьковское книжное издательство, 1963. — 192 с. — 75 000 экз.
  • Стуриков Н. А. Сотый шанс. — Чебоксары: Чувашское книжное издательство, 1978.
  • Захар Сорокин. Идём в атаку. — М.: ДОСААФ, 1970.
  • Черепанов М. В. Побег, остановивший «ангела смерти» // Зачем живым Долина Смерти? — Казань: Хэтер, 2006. — 368 с.
  • Девятаев М. П. Побег из ада. Издание четвёртое. — Саранск: Мордовское книжное издательство, 1978.

Ссылкат

Саезь "https://myv.ruwiki.ru/w/index.php?title=Девятаев,_Михаил_Петрович&oldid=541657"-стэ