Денисов, Алексей Александрович

Алексей Александрович Денисов
Алексей Александрович Денисов
Чачома чизэ	18 таштамковонь (1 ожоковонь) 1907
Чачома тарказо	Петровка, Алатырскяй уездсь[d], Симбирской губерния[d], Россиянь империя;
Кулома чизэ	14 чадыковонь 1976 (68 лет)
Кулома тарказо	Москов ош, СССР;
Масторозо	СССР
Кодамо ушмосо	СССР-нь Военно-морской флотонь Военно-воздушной вийть
Служамонь иетне	1929—1946-це
Званиязо
Частезэ	Балтийской флотонь Военно-воздушной вийть
Тюремат/войнат	Гражданскяй войнась Ипанияса[d]; Советско-финляндскяй войнась[d]; Ине Отечественной война;

Алексей Александрович Дени́сов (1907—1976) — Военно-морской флотонь Военно-воздушной вийтнень истребителень авиациянь менельвенчень Советэнь ветиця, Советэнь-финнэнь ды Ине Отечественной войнатнесэ улиця, Советской Союзонь Герой (1940-це иень чадыковонь 21-це чи). Майор (1939-це иень сундерьковонь
20-це чи)^[1].

Эрямозо

Алексей Денисов чачсь 1907-це иень таштамковонь 18-це (ожоковонь 1-це) чистэ Петровка велесэ (ней — Мордовия Республикань Дубёнкань буе) сокицянь-видицянь кудораськесэ. Прядсь ушодксонь школа. Руз. Эрясь Московсо^[2].

1929-це иень ожоковсто тердезель служамо Важодицянь ды сокицянь-видицянь Якстере Армияв. Служась Прявт артиллериянь полигононть пингстэ (Ржевка станциясь, ней Санкт-Петербург ош) таркань леднемань 15-це башка батальонсо 1930-це иень ожоковс, зярдо макссь тонавтнемас молемадо рапорт. 1933-це иестэ прядсь Склянскиень лемсэ Ленинградонь пехотань Якстере Знамянь школа ды малав пельие служась эйсэнзэ тонавтнемань взводонь командирэкс. 1932-це иестэ саезь ульнесь Советэнь Союзонь коммунистэнь (большевикень) партияс ВКП (б-с) совицякс. 1933-це иень ацамковсто ютавтызь авиацияс. 1934-це иестэ Борисоглебск ошсо прядсь Осоавиахимень лемсэ менельвенчень ветицянь Военной 2-це школа. Служась Балтиянь флотонь Военно-воздушной вийтнень авиациянь истребительной 3-це эскадрильясо менельвенчень ветицякс ды звенань командирэкс^[3].

1937-це иень ацамковсто саезь А. А. Денисов лейтенантось ульнесь Испаниянь Гражданской войнасо, «И-16» менельвенчсэ тейсь 10 ливтямот, весемезэ ливтнесь
40-де ламо част, ульнесь коштсо кемень тюремасо^[4]. 1938-це иень даволковонь
21-це чистэ стакасто ранязель, кирнявтсь парашют марто ды госпитальсэ лецямодо мейле 1938-це иень чадыковонь 24-це чистэ ильтязель чачома ёнксов^[5]. Кой-кона публикациятнень коряс 1 менельвенч яжась сонсь^[3], лиятнень — Испаниясо изнямонзо арасельть^[6].

1938-це иень медьковсто саезь Балтиянь флотонь Военно-воздушной вийтнесэ ветясь прявтонь тевтнень Балтиянь Якстере Знамянь флотонь Военно-воздушной вийтнень авиациянь эскадрильянь истребителень 61-це авиабригадасо.

Ульнесь 1939—1940-це иетнестэ Советэнь-финнэнь войнасо, конань пингстэ аравтозель Балтиянь флотонь Военно-воздушной вийтнень авиациянь
61-це бригадань истребителень 12-це башка эскадрильянь командирэкс. Финнэнь аэродромтнень, противовоздушной оборонань батареятнень ды лия эрявикс объекттнэнь яжамга топавтсь 25 ливтямот. Коштсо тюрематнесэ Денисовонь эскадрильянь менельвенчень ветицятне тапасть финнэнь 9 менельвенчть^[3].

1940-це иень чадыковонь 21-це чистэ СССР-нь Верховной Советэнь Президиумонь кармавтомасо «фронтсо ашо финнтнэнь каршо тюремстэ командованиянть пельде аравтозь боевой тевтнень парсте топавтоманть ды тень пингстэ виевчинь ды геройксчинь невтеманть кис» Алексей Денисов майоронтень максозель Советской Союзонь Герой лемесь, казезель Ленинэнь орденэсь ды 481-це номер марто «Сырнень Теште» медалесь^[3].

1940-це иестэ саезь тонавтнесь Военно-морской флотонь Военно-воздушной вийтнень ды Противовоздушной оборонань
(Од Петергоф) составонь начальникень содамочинь кастомань Высшей курсасо, косто шкадо икеле нолдазель 1941-це иень аштемковонь прядовомсто войнанть сеске ушодовомадо мейле^[7]. Теде мейле Москов ало тонавтнемань частьсэ малав ков тонавтнесь од менельвенчтнесэ.

1941-це иень умарьковсто — Ине Отечественной войнасоль, 1942-це иень якшамковс — воёвась Балтиянь флотонь Военно-воздушной виень авиациянь истребителень 13-це башка эскадрильянь командирэкс. Ульнесь Ленинградонь оборонасо. Ранязель коштсо тюремстэ.

1942-це иень эйзюрковсто ютавтозель Тихоокеанской флотонь Военно-воздушной вийтнень составс, ветясь прявтонь тевтнень авиациянь истребителень 12-це полксо (Владивосток ош)^[8]

Мейле Денисовонь велявтызь фронтов ды 1942-це иень ожоковсто саезь ацамковс сон командирэкс улемстэ таго тюрсь Якстере Знамянь Балтиянь флотонь Военно-воздушной вийтнесэ Военно-морской флотонь Военно-воздушной вийтнень авиациянь истребителень 71-це полконь эскадрильясо. Ульнесь Ленинградонь оборонасо. Топавтсь И-153 ды И-16 истребительтнесэ зярыя ливтямот, коштсо тюрематнесэ сонсь правтсь ятонь 1 менельвенч^[3].

Ансяк мейле ульнесь теезь кодамо-бути зыян эли берянь тев (домка ёвтнемат теде арасть), конань кис 1942-це иень ацамковонь 21-це чистэ А. А. Денисов валгстозель рядовоень видьс ды 3 ковс кучозель штрафонь взводов. Воёвась Ораниенбаумонь плацдармань (Ленинградонь фронт) Балтиянь флотонь штрафонь 587-це башка взводсо. 1943-це иень эйзюрковонь 26-це чистэ командованиянь боевой тевтнень топавтомсто невтезь виевчинть кис ды контрольной полонязенть кундамсто кекшемань группанть парсте ветямонзо кис олякстомтозель штрафной взводсо аштемадо, одов кемекстазель икелень правасонзо ды ильтязель Балтиянь флотонь Военной Советэнь распоряженияс^[3].

1943-це иень медьковсто саезь — Балтиянь флотонь Противовоздушной ушмотнень истребительной авиациянь коряс дивизиянь штабонь офицер. Ульнесь Ленинградонь-Новгородонь ды Выборгонь эртевемань операциятнесэ. Зенитэнь артиллериянть ды истребительной авиациянть марто топавтсь анокстамо, ятонь менельвенчтнень лангс истребительтнень аравтома.

1945-це иень умарьковсто саезь — Балтиянь флотонь Военно-воздушной вийтнень истребительной авиациянь аравтомань
730-це группань прявт. 1946-це иень эйзюрковсто саезь А. А. Денисов майорось — запассоль.

Эрясь Московсо, ульнесь Советэнь Армиянь Центральной Кудонть пингстэ военно-научной вейсэндявксос совицякс. Кулось
1976-це иень чадыковонь 14-це чистэ, калмазь Московонь Преображенской калмолангсо^[3].

Казезель Ленинэнь орденсэ (1940-це иень чадыковонь 21-це чи), Якстере Знамянь орденсэ (1938-це иень сундерьковонь 14-це чи), 1-це степенень Отечественной войнань орденсэ (1945-це иень умарьковонь 15-це чи), Якстере Тештень орденсэ (1944-це иень сундерьковонь 3-це чи), зярыя медальсэ^[3].

Петровкасо ули А. А. Денисовнень алтазь музей. Героень лементь кандтни Дубёнкасо вейке куро^[3].

Тешкставкст

↑ Воробьев Е. Морские лётчики — Герои Советского Союза. Денисов Алексей Александрович. // Морской сборник. — 2009. — № 7. — С. 79—80.
↑ Бессмертный полк. Москва. Денисов Алексей Александрович
↑ ¹ ² ³ ⁴ ⁵ ⁶ ⁷ ⁸ ⁹ Денисов, Алексей Александрович (неопр.). «Масторонь маралят» вальмась.
↑ Денисов Алексей Александрович (01.10.1907–14.04.1976)
↑ Абросов С. Воздушная война в Испании. Хроника воздушных сражений 1936—1939 гг. — М.: «ЯУЗА»,"ЭКСМО", 2008. — 608 с. — ISBN 978-5-699-25288-6. — С. 492.
↑ Абросов С. В. В небе Испании. 1936—1939 годы: О советских летчиках-истребителях, воевавших в Испании. — М., 2003. — 430 с. — ISBN 5-08-004089-0.
↑ Вабишевич Г. Э. Офицерские курсы авиации флота (1940—1960 гг.) // Военно-исторический журнал. — 2019. — № 3. — С. 19.
↑ Анохин В. А., Быков М. Ю. Все истребительные авиаполки Сталина. Первая полная энциклопедия. — Научно-популярное издание. — М.: Яуза-пресс, 2014. — 944 с. — ISBN 978-5-9955-0707-9. — С. 897.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои Советского Союза и России, полные кавалеры ордена Славы Северного АО г. Москвы. — М., 2003.
Геройская быль. — Саранск: Мордкиз, 1985.
Белорусова А. Ю. Лётчики особого назначения. — М.: АСТ, 2019. — С. 165. — 704 с. — (Фронтовой дневник (новое оформление)). — 2000 экз. — ISBN 9785171163129.

Ссылкат

[автоссылка1-1] Воробьев Е. Морские лётчики — Герои Советского Союза. Денисов Алексей Александрович. // Морской сборник. — 2009. — № 7. — С. 79—80.

[2] Бессмертный полк. Москва. Денисов Алексей Александрович

[wh-3] ¹ ² ³ ⁴ ⁵ ⁶ ⁷ ⁸ ⁹ Денисов, Алексей Александрович (неопр.). «Масторонь маралят» вальмась.

[4] Денисов Алексей Александрович (01.10.1907–14.04.1976)

[5] Абросов С. Воздушная война в Испании. Хроника воздушных сражений 1936—1939 гг. — М.: «ЯУЗА»,"ЭКСМО", 2008. — 608 с. — ISBN 978-5-699-25288-6. — С. 492.

[6] Абросов С. В. В небе Испании. 1936—1939 годы: О советских летчиках-истребителях, воевавших в Испании. — М., 2003. — 430 с. — ISBN 5-08-004089-0.

[7] Вабишевич Г. Э. Офицерские курсы авиации флота (1940—1960 гг.) // Военно-исторический журнал. — 2019. — № 3. — С. 19.

[8] Анохин В. А., Быков М. Ю. Все истребительные авиаполки Сталина. Первая полная энциклопедия. — Научно-популярное издание. — М.: Яуза-пресс, 2014. — 944 с. — ISBN 978-5-9955-0707-9. — С. 897.

[1]

[2]

[3]

[4]

[5]

[6]

[7]

[8]