Дерябин, Алексей Никитович
| Алексей Никитович Дерябин | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||
| Чачома чизэ | 17 сундерьковонь 1915 | ||||||||||||||||||||||||||
| Чачома тарказо | |||||||||||||||||||||||||||
| Кулома чизэ | 8 сундерьковонь 1990 (74 года) | ||||||||||||||||||||||||||
| Кулома тарказо | |||||||||||||||||||||||||||
| Масторозо |
 СССР |
||||||||||||||||||||||||||
| Кодамо ушмосо | авиациянь | ||||||||||||||||||||||||||
| Служамонь иетне | 1939—1960-це | ||||||||||||||||||||||||||
| Званиязо |
  |
||||||||||||||||||||||||||
| Частезэ |
гвардиянь штурмань авиациянь 15-це полк (штурмань авиациянь 277-це дивизия) |
||||||||||||||||||||||||||
| Тюремат/войнат | |||||||||||||||||||||||||||
| Казнеть ды премият |
|
||||||||||||||||||||||||||
| Сюлмавомат |
Сысоев Василий Васильевич — коштонь ледниця: гвардиянь старшина |
||||||||||||||||||||||||||
 Алексей Никитович Дерябин | |||||||||||||||||||||||||||
Алексе́й Ники́тович Деря́бин (1915—1990) — Советской Армиянь гвардиянь капитан, Ине Отечественной войнасо улиця, Советской Союзонь Герой (1945-це ие).
Эрямокизэ
Алексей Дерябин чачсь 1915-це иень сундерьковонь 17-це чистэ Атемар велесэ (ней — Мордовия Республикань Лямбирень буе) сокицянь-видицянь кудораськесэ. Руз. Саран ошсо прядсь фабрично-заводской ученичествань школа ды аэроклуб, мейле аэроклубсо важодсь мотористэкс, седе тов кармась менельвенчень ветицякс-инструкторокс[1]. 1939-це иестэ Дерябин тердезель служамо Важодицянь ды сокицянь-видицянь Якстере Армияв ды кучозель аэродромонь ваномань батальонов.
1942-це иестэ прядызе Чкаловонь менельвенчень ветицянь военной авиациянь школанть, теде мейле кадовсь тосо менельвенчень ветицякс-инструкторокс. Пек парсте кармась содамо «Ил-2» штурмовикенть. 1943-це иень медьковсто саезь — Ине Отечественной войнань фронттнэсэ. Ульнесь Ленинградонь ды Белоруссиянь
3-це фронттнэнь тюрематнесэ. Теде башка ульнесь Ленинградонть ало тюрематнесэ, Выборгонь, Нарвань, Таллинэнь, Моонзундонь, Восточно-Прусской операциятнесэ[2].
1944-це иень сундерьковонтень Алексей Дерябин гвардиянь старшей лейтенантось ветясь Белоруссиянь 3-це фронтонь коштонь 1-це армиянь штурмань
277-це авиадивизиянь гвардиянь штурмань 15-це авиаполконь звенань прявтонь тевтнень. Се шкантень Дерябин тейсь эрий виень пурнавксонь ды ятонь техникань штурмань саемасо 111 ливтямо. Весемезэ сон тапась 39 автомашинат, 8 танкат, чугункань кинь 11 вагон, леднемапель марто 2 покш утомт, мода лангсо
1 менельвенч, 5 зданият, 1 тягач, 11 орудия, 3 миномётт, чувтосто ды модасто леднемань 5 таркат, 13 ускомапельть, 3 пулемётт, зенитэнь 4 батареят, теде башка чавсь ятонь малав 500 ушмант ды офицерт[2].
1945-це иень чадыковонь 19-це чистэ СССР-нь Верховной Президиумонь кармавтомасо «ятонть ланга штурмань вачкодематнень шкасто невтезь виевчинть ды геройксчинть кис» Алексей Дерябин гвардиянь лейтенантонтень максозель Советской Союзонь Герой покш лемесь, казезель Ленинэнь орденэсь ды
6124-це номерэнть марто «Сырнень Теште» медалесь[2].
Войнасо улемань шканть перть Дерябин весемезэ тейсь 183 ливтямот. Ульнесь Изнямонь Парадсо. Поладызе служамонзо Советской Армиясо. 1960-це иестэ капитанонь званиясо кучозель запасов. Эрясь Ленинградсо, важодсь машиностроениянь заводсо. 1982-це иестэ тусь пенсияв. Кулось 1990-це иень сундерьковонь 8-це чистэ, калмазь Санкт-Петербургонь Северной калмолангсо[2][3].
Казнензэ
Теде башка казезель Якстере Знамянь колмо орденсэ, Отечественной войнань
1-це степенень кавто орденсэ, Отечественной войнань орденсэ, Якстере Тештень кавто орденсэ, зярыя медальсэ[2].
Ледстнема
Дерябинэнь лемсэ Атемарсо ули куро[2].
Тешкставкст
- ↑ Дерябин Алексей Никитович
- ↑ 1 2 3 4 5 6
Дерябин, Алексей Никитович. «Масторонь маралят» вальмась.
- ↑ Дерябин Алексей Никитович
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Воробьёв В. П., Ефимов Н. В. Герои Советского Союза: Справочник — СПб., 2010.
- За чистое небо. — Л.: Лениздат, 1978.