Дикопольцев, Евгений Александрович
| Евгений Александрович Дикопольцев | ||||
|---|---|---|---|---|
 | ||||
| Чачома чизэ |
1921-це иень ацамковонь 2-це чи |
|||
| Чачома тарказо |
Орданьбуе ош, Орданьбуень уезд, Симбирской губерния[1] |
|||
| Кулома чизэ |
1943-це иень ожоковонь 17-це чи |
|||
| Кулома тарказо | Украинань ССР, СССР[2] | |||
| Масторозо |
 СССР |
|||
| Кодамо ушмосо | связень ушмот | |||
| Служамонь иетне | 1942—1943-це | |||
| Званиязо | гвардиянь сержант | |||
| Тюремат/войнат |
Ине Отечественной война Днепрань кис тюрема |
|||
| Казнеть ды премият |
|
|||
Евге́ний Алекса́ндрович Дикопо́льцев (1921-це ие ацамковонь 2-це чи —
1943-це иень ожоковонь 17-це чи) — Ине Отечественной войнасо улиця, Степной фронтонь гвардиянь 7-це армиянь гвардиянь леднемань 81-це дивизиянь гвардиянь леднемань 235-це полконь связень ротань отделениянь прявт, Советской Союзонь Герой, гвардиянь сержант.
Эрямопингезэ
Чачсь 1921-це иень ацамковонь 2-це чистэ Симбирской губерниянь Орданьбуень уездэнь Орданьбуе ошсо (ней Мордовия Республикань Ардатовань буень куншка)[3]. Эйкакшокс улемстэ кудораськензэ марто сась эрямо Дальней Востоков, Дальневосточной (1938-це иестэ саезь — Хабаровской) краень Нанайской буень Троицкой велев. Руз. Ленинэнь од ломанень коммунистэнь Весе Союзонь вейсэндявксос (ВЛКСМ-с) совиця. Амур лангсо Комсомольск ошсо прядызе 1-це № школанть, тонавтнесь Хабаровскоень тонавтыцянь институтсо.
Якстере Армиясо 1942-це иень чадыковсто саезь. Дальней Востоксо запасонь полксо улемстэ тонавтнизе связистэнь специальностенть, получась сержантонь звания, седе тов сонзэ аравтызь связень ротань отделениянь прявтокс. 1942-це иень кизна ушмантнэ-дальневосточниктне тусть фронтов.
Васенце покш тюреманть Дикопольцев сержантось ютавтызе Сталинградонть ало. Ушманонтень максозель «Отвагань кис» медалесь ды цёрась теевсь гвардеецекс. Кизна Дикопольцев связистэсь воёвась Белгородонть ды Харьковонть ало. Тосо ранязель пряс ды лецясь госпитальсэ. Шкань ютазь гвардиянь сержантось сасызе эсь полконть.
Днепрань леень саеманть кис 1943-це иень таштамковонь 25-це чистэ саезь 26-це чис вестэнть Дикопольцев прявттнэнь кармавтоманть топавтомсто невтсь покш виевчи: эсь дежурямонь 6 часонь перть виев леднема ало витнесь связень линиянь
12 сезевемат.
1943-це иень таштамковонь 30-це чистэ Днепропетровск ёнксонь Верхнеднепровской буень Бородаевка веленть маласо ятонь снарядтнэнь эйстэ кото таркасо ульнесь сезезь связень линиясь. Ятось апак лотксе кайсевсь гвардиянь леднемань 235-це полконь леднемань 1-це батальононть лангс. Теевсь управлениянь ёмавтомань тандадома. Сестэ Дикопольцев гвардиянь сержантось ятонть пельде виев артиллериянть лангс апак вано комадо пачкодсь сезевеманть таркас ды теизе линиянть, истя витизе полконь прявтонть ды батальононть ютксо связенть. Днепрань саемстэ плацдармань кирдемасо виевчинь невтеманть кис Дикопольцев гвардиянь сержантось аравтозель Советской Союзонь Герой лемень максомантень. Плацдарманть лангс ятонть пельде каявоматне поладовсть седе товгак.
1943-це иень ожоковонь 16-це ды 17-це читнестэ стака тюремасо Дикопольцев кавто чить эзь тукшно связень линиянть эйстэ, кона сезевкшнесь немецень артиллериянь апак лотксе леднеманть эйстэ[4].
1943-це иень ожоковонь 17-це чистэ ятонь снарядонть эйстэ сезезь кабеленть ускомсто Евгений Дикопольцев стакасто ранязель. Ёжонзо ёмавтомсто связистэсь лепштинзе кабелень петнень пейсэ, истя витизе связенть мик куломадонзо мейлеяк...
1943-це иень ожоковонь 26-це чистэ СССР-нь Верховной Советэнь Президиумонь кармавтомасо немецень-фашистэнь ятонть каршо виевчинь ды геройксчинь невтеманть ды аравтозь тевень топавтоманть кис Евгений Александрович Дикопольцев гвардиянь сержантонтень максозель Советской Союзонь Герой лемесь (фактонь коряс — куломадо мейле).
Калмазь Героесь Полтава ёнксонь Кобеляконь буень Радянской велень вейсэнь калмолангсо.
Казнензэ
- Советской Союзонь Героень «Сырнень Теште» медаль;
- Ленинэнь орден;
- медальть.
Ледстнемазо
- Советской Союзонь Героенть лемензэ кандтнить куротне Хабаровскоень краень оштнесэ: Хабаровскойсэ, Амур лангсо Комсомольскойсэ, Вяземскойсэ[5].
- Школань ды тонавтыцянь институтонь зданиятнесэ[6], косо тонавтнесь Дикопольцев, аравтозь ледстнемань лазт, Евгений Дикопольцевень лемензэ кандтниця Амур лангсо Комсомольскоень 1-це № гимназиясо теезь сонзэ боевой славань музей.
- СССР-нь оборонань министрань кармавтомасо Е. А. Дикопольцев свалшкас сёрмадозь воинской 52752-це частень личной составонь спискатнес[7].
Тешктавкст
- ↑ Ней Орданьбуе, Ордатовань буе, Мордовия, Россия.
- ↑ Ней Украина.
- ↑ Число, месяц и год, а также место рождения указаны в соответствии с записью акта о рождении Ардатовского отдела ЗАГС. Источник Архивень копия 30 Ацамковонь 2012 на Wayback Machine
- ↑ Дикопольцев Евгений Александрович
- ↑ Улица героя: Евгений Дикопольцев
- ↑ Ней Дальневосточной гуманитарной государственной университет.
- ↑ Краеведческий проект «Созвездие Героев»: Дикопольцев Евгений Александрович
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Ссылкат
- «В ожесточённом бою… двое суток не выходил с линии связи»: история подвига связиста Дикопольцева
- Последний бросок. Рассказ о Герое Советского Союза Евгении Дикопольцеве
- Биография Е. Дикопольцева
- Герои нашей войны: подвиг связиста
- «История короткой жизни Евгения Дикопольцева, его подвиг — лучший учебник жизни»
- Бессмертный полк. Брянск. Дикопольцев Евгений Александрович
- Дикопольцев Евгений Александрович
- Галерея памяти участников ВОВ
- 100-летие со дня рождения Героя Советского Союза Е.А. Дикопольцева