Жадейкин, Максим Степанович

Максим Степанович Жадейкин
Максим Степанович Жадейкин
Чачома чизэ	1914-це иень умарьковонь 9-це чи
Чачома тарказо	Пичале, Ардатовскяй уездсь[d], Симбирской губерния[d], Россиянь империя;
Кулома чизэ	1944-це иень якшамковонь 9-це чи (29 иеть)
Кулома тарказо	Буряки[d], СССР;
Масторозо	СССР
Кодамо ушмосо	Пехота[d]
Служамонь иетне	1941—1944
Званиязо
Частезэ	22-це гвардейской мотострелковой бригада ; (6-це гвардейской танковой корпус)
Тюремат/войнат	Ине Отечественной война;
	Максим Степанович Жадейкин

Макси́м Степа́нович Жаде́йкин (1914—1944) — Важодицянь ды сокицянь-видицянь Якстере Армиянь гвардиянь младшей сержант, Ине Отечественной войнань участник, Советской Союзонь Герой (1944-це ие).

Эрямозо

Чачсь 1914-це иень умарьковонь 9-це чистэ^[1] Налитово велесэ (ней — Мордовия Республикань Дубёнкань буень Пуркаево). Прядсь велень школа. Лелянзо марто тусть важодеме Якутияв. Важодсь строителень бригадасо. 1934-це иестэ саезь важодсь Якутиянь АССР-нь «Открытый» сырнень вешнема таркасонть, теде мейле ульнесь плотникень бригадирэкс. Ульнесь стахановской молемасо^[2].

1941-це иестэ тердезель служамо Важодицянь ды сокицянь-видицянь Якстере Армияв. Прядсь бронебойщикень курсат. Служась Дальней Востоксо. 1943-це иень медьковсто саезь — Ине Отечественной войнань фронтнэсэ. Тюрсь Брянской, Центральной, 1-це Украинань фронтнэсэ. Ульнесь Курской тюремасояк, ранязель. 1943-це иень таштамковонтень гвардиянь младшей сержантось Максим Жадейкин ветясь 22-це гвардейской мотострелковой бригадань 1-це мотострелковой батальононь танкань ледниця ружиянь отделениясонть (1-це Украинань фронт, 3-це гвардиянь танкань армия, 6-це гвардиянь танкань корпус)^[3]. Неявиксстэ прянзо невтизе Днепрань кис тюремасонть^[4].

1943-це иень таштамковонь 27-це чистэ эсензэ отделениянзо марто, ятонть певтеме толонзо лангс апак вано, ютась Великий Букрин веленть маласо Днепранть трокс ды сонзэ чивалгома пеле виень апак жаля тюрсь плацдарманть саеманзо кис. Се бойсэнть сон чавсь танк ды ятонь пулемёт. 2-це батальононь составсо колмо суткань перть идесь плацдарманть, а нилеце чистэнть муизе эсь подразделениянть, конадо сон салавсь леень трокс ютамсто ведень чудемасо. Седе тов плацдармасо молиця бойтнесэ сон чавсь 2 танкат, 3 бронетранспортёрт, малав 10 пулемётт. Киев ало бойтнесэ эсензэ отделениянзо марто поладызе пек парсте тюреманть. Истя, ансяк Попельнянть маласо сон чавсь танк ды ятонь 3 бронетранспортёрт. 1944-це иень якшамковонь 9-це чистэ Украинань ССР-нь Житомирской областень Бердичевской райононь Буряки веленть маласо чавсь немецень танка ды 3 бронетранспортёр, ансяк сонськак чавовсь.

Днепра леень ютамсто мужествань кис яволявтозь Советской Союзонь Герой лементь максомантень^[2]. 1944-це иень якшамковонь 10-це чистэ СССР-нь Верховной Советэнь Президиумонть кармавтоманзо вельде «Якстере Армиянь генералтнэнень, офицерэнь, сержантонь ды рядовой составонтень Советской Союзонь Герой званиянть максомадо» «фронтсо командованиянь боевой заданиянь парсте топавтомань кис немецень-фашистэнь захватчиктнень каршо тюремстэ ды тень пингстэ невтезь апелемачинть ды геройксчинть» кувалма куломадо мейле ульнесь казезь Советской Союзонь Герой покш лемсэнть. Истя жо казезель Ленинэнь орденсэ^[4]^[5].

Кувать лововсь кулявтомо ёмазекс. Алданской райононь Нижний Куранах школань следопыттнэсэ муезель сонзэ калмозо Житомирской областень Бердичевской райононь Буряки веленть моданзо лангсо^[2]^[6].

Свалшкас кадозь лемезэ

Жадейкинэнь лемсэ лемдезь ульцятне Дубёнкасо ды Алдан ошсо, Пуркаевасо школась. Жадейкинэнь бюстозо аравтозь Пуркаевасо^[4].

Тешкставкст

↑ Краеведческий портал Алданского района Архивень копия 15 Ацамковонь 2021 на Wayback Machine.
↑ ¹ ² ³ Бронебойщик противотанкового ружья (неопр.). Дата обращения: 27 Аштемковонь 2022. Архивировано 15 Ацамковонь 2021 года.
↑ Жадейкин Максим Степанович Архивень копия 15 Ацамковонь 2021 на Wayback Machine, Память народа
↑ ¹ ² ³ Жадейкин, Максим Степанович (неопр.). «Масторонь маралят» вальмась.
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Якшамковонь (№ 3 (263)). — С. 1.
↑ Жадейкин Максим Степанович Архивень копия 15 Ацамковонь 2021 на Wayback Machine, Память народа

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Золотые Звезды Полесья. — 3-е изд., — Киев, 1985.
Якутяне — Герои Советского Союза… — Якутск, 2005.

Ссылкат

Наш герой
Жадейкин Максим Степанович
Жадейкин Максим Степанович, Память народа

[1] Краеведческий портал Алданского района Архивень копия 15 Ацамковонь 2021 на Wayback Machine.

[автоссылка1-2] ¹ ² ³ Бронебойщик противотанкового ружья (неопр.). Дата обращения: 27 Аштемковонь 2022. Архивировано 15 Ацамковонь 2021 года.

[3] Жадейкин Максим Степанович Архивень копия 15 Ацамковонь 2021 на Wayback Machine, Память народа

[wh-4] ¹ ² ³ Жадейкин, Максим Степанович (неопр.). «Масторонь маралят» вальмась.

[5] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 Якшамковонь (№ 3 (263)). — С. 1.

[6] Жадейкин Максим Степанович Архивень копия 15 Ацамковонь 2021 на Wayback Machine, Память народа

[1]

[2]

[3]

[4]

[5]

[6]