Жуков, Василий Егорович

Василий Егорович Жуков
Василий Егорович Жуков
Чачома чизэ	1918-це иень эйзюрковонь 15-це чи
Чачома тарказо	Плужное, Краснослободскоень уезд[d], Пензань губерния[d], РСФСР[d];
Кулома чизэ	1997-це иень сундерьковонь 8-це чи (79 иеть)
Кулома тарказо	Пенза, Россиянь Федерация;
Масторозо	СССР
Кодамо ушмосо	артиллеррия[d]
Служамонь иетне	1939—1946
Званиязо	Шаблон:РККА, Старшей сержант
Частезэ	59-це артиллерийской полк
Тюремат/войнат	Ине Отечественной война;
Служамосто туемадо мейле	паровозонь машинист

Васи́лий Его́рович Жу́ков (1918—1997) — Ине Отечественной войнань участник, Воронежской фронтонь 47-це армиянь 30-це стрелковой дивизиянь 59-це артиллерийской полконь орудиянь наводчик, якстереармеец. Советской Союзонь Герой.

Эрямозо

Чачсь 1918-це иень эйсюрковонь 15-це чистэ Плужное велесэ (ней - Мордовиянь Краснослободский район) сокицянь-видицянь семиясо. Руз.

Образованиязо ушодксонь школань. Важодсь колхозсо, мейле Горький ошсо автозаводонь стявтомасо, седе тов Свердловскойсэ эрьва кодамо объектэнь стройкасо.

Якстере Армиясо 1939-це иестэнть. Ине Отечественной войнасо 1941-це иень аштемковсто саезь. КПСС-нь член 1944-це иестэ саезь.

59-це артиллерийской полконь орудиянь наводчикесь, КПСС-с совиця кандидатось, рядовоесь Василий Жуков неявиксстэ прянзо невтизе 1943-це иень умарьковонь 27-це чистэ Карпиловка веленть маласо бойсэнть (Украинской ССР-нь Сумской областень Ахтырской район). Зярдо ятонть танканзо каршо тюремстэ стройстэ лиссть весе расчётонь номертнэ, сон, ськамонзо кадовозь, чавсь 2 танкат ды маштсь малав ятонь солдатонь рота ды офицерт.

1946-це иестэ старшей сержантось Жуков демобилизовазель.

Эрясь Пензасо. Важодсь заводсо, мейле депосо Пенза станциянь паровозонь машинистэкс^[1].

Кулось 1997-це иень сундерьковонь 8-це чистэ^[2]. Калмазь Пензань Новозападноень калмазырьс.

Казнензэ

Советской Союзонь Герой лемесь максозель 1943-це иень ацамковонь 24-це чистэ.
Казезь Ленинэнь орденсэ, кавто 1-це степенень Отечественной войнань орденсэ ды зярыя медальсэ.

Свалшкас кадовозь лемезэ

Пензасо Урицкиень лемсэ куронь 18-це эрий кудосонть, конасо 1981-це иестэ саезь 1997-це иес эрясь В. Е. Жуков, понгавтозь сонзэ лемс мемориальной лаз.
Ледстнемань лаз Жуков Василий Егоровичнень чавозель Краснослободскоень Изнямонь площадьсэ Ине Отечественной войнасо чавовозь ушмантнэнень мемориальной комплекссэнть. Лутазель 2019-це иестэ, зярдо аравтозель героенть бюстозо.

Бюст В. Е. Жукова (площадь Победы, Краснослободск)
Мемориальная доска В. Е. Жукову в Пензе

Тешкставкст

↑ Жуков Василий Егорович.
↑ Жуков Василий Егорович (неопр.). Дата обращения: 24 Эйзюрковонь 2013. Архивировано 4 Эйзюрковонь 2016 года.

Литература

Полубояров М. С. Жуков Василий Егорович // Пензенская энциклопедия. — М.: Большая Российская энциклопедия, 2001.

Ссылкат

Леонид Шейнман. Жуков, Василий Егорович (неопр.). «Масторонь маралят» вальмась. Дата обращения: 10 Даволковонь 2015.
Наши знаменитые земляки

[1] Жуков Василий Егорович.

[2] Жуков Василий Егорович (неопр.). Дата обращения: 24 Эйзюрковонь 2013. Архивировано 4 Эйзюрковонь 2016 года.

[1]

[2]