Измайлов, Энвер
| Измайлов, Энвер | |
|---|---|
| укр. Енвер Ізмайлов | |
 | |
| чачома чи | 12 аштемковонь 1955 (69 лет) |
| Чачома тарка | |
| Мастор | |
| Важодема ёрокчизе | джазмен, гитарист, джаз-гитарист |
| казнеть ды медальть | |
| вальма | enverizmaylov.com |
 Энвер Измайлов | |
Энвер Измайлов (крымоньтат. Enver Server oğlu İzmaylov; чачсь 1955 иестэ Киргули, Фергана, Узбекень ССР) — Крымень татаронь фолк ды джаз гитаристэсь. Тевс нолды токшемань седямонь лув (tapping).
Важодемань кись
Энвер Измайлов чачсь Ферганасо, Узбекень ССР-сэ. Тозонь сонзэ раськезэ панезель Крымстэ 1944 иестэ. Сынь велявтсть мекев ансяк 1989 иестэ.
Сон кармась гитарасо седямо 15 иесэ. Теде икеле тонавтнесь фаготсо седямо Ферганань музыкань школасо, конанть прядызе 1973 иестэ.
"Сато" ансамблясо. Мейле сон велявтсь тонавтнемас ды прядызе Ташкентсэ Университетэнть ды кармась седямо ськамонзо.
1995 иестэ сон изнизе Европань Гитарасо Седицятнень ютксо Васенце пелькстамонть Лозаннасо, Швейцариясо. Секе иестэ сон лемдязель Иень Музыкантокс Украинань критиктнень ютксо. Ульнесь эрьва кодамо фестивальсэ Украинасо, Рузонь, Эстэнь Масторсо, Молдавиясо, Болгариясо, Финляндиясо, Норвегиясо, Шведень масторсо, Даниясо, Бельгиясо, Италиясо, Германиясо, Турциясо, Америкасо.
Соло альбомтнень башка, важодсь дуэтсэ французонь седиця марто - Хавьер Гарсиа, мейле Туркань - Бурхан Очал марто, англань саксофонист марто - Джофф Варен. Измайлов истяжо киргапарень техникасо морыця. Тейсь трио-ансамбля, косо сондензэ башка седясь Бари Рустем ды Наркет Рамазанов.
Игорь Николаевич Пупенко марто сёрмады зярыя соло программат, косо невтезель сонзэ этноджазовой синтэзэнь чарькодемачизэ.
Седямонь техникась
Измайлов седи тэппинг (токшемань) лувсо. Токши гитаранть суронь песэ, кода клавиатурасо. Тень ёнов молиця техникасо седи джаз гитаристэсь Стэнли Джордан.
Измайлов седи крымень татаронь раськень музыка, истяжо кода туркань, узбекень, балканонь. Теде башка седи джаз ды классика.
Сонзэ гитаразо колмо-киргань, теезель тензэ Киевсэ. Сон нолды тевс кавто стандартстэ лисиця тюнинг: (алце ды верьце) E, B, E, E, B, E ды C, C, G, C, C, C
Энверень тейтерезэ Лени Измайлова содавикс морыця крымень татартнэнь ютксо. Сонзэ морамосо пурнась секе шкане фолк, джаз ды поп музкась.
Дискографиязо
- Ферганань базарсо (1991)
- Black See, Бурхан Очал марто 1992
- Dancing Over the Moon Джофф Ворен марто, 1995
- Art of the Duo (1996)
- Yarimada/Peninsula, 1997 (RDM)
- The Eastern Legend (Boheme, 1998)
- Minaret (Boheme, 2001)
- With My Best Wishes!, 2004
- Around the Black Sea, 2007
- Meganon, 2012