Инерка
| Озеро | |
| Инерка | |
|---|---|
.jpg) | |
| Эрькень морфометриянь онкстамо | |
| Сехте покш сэресь | 100 метрат |
| Размертнэ | 3 × 0,08—0,2 вайгельбеть |
| Площадесь | 0,437 вайгельбеть² |
| Сехте покш сэресь | 12 метрат |
| Куншка сэресь | 7 метрат |
| Эрькень гидрологиянь онкстамо | |
| Ванькс неявомась | 2 метрат |
| Аштема тарка | |
| 54°03′48″ с. ш. 45°53′10″ в. д.HGЯO | |
| Страна | |
| РФ-нь субъектэсь | Мордовия Республика |
| Буесь | Покш Березникень буе |
Инерка — Мордовия Республикань Сура леенть лаймесэ аштиця покш эрьке, ашти Покш Березникть веленть эйстэ 17 вайгельбень ютазь. Эрькенть лемезэ теевсь кавто валсто: «ине» ды «эрьке»[1].
Эрькенть кувалмозо малав 3 вайгельбеть, сехте покш келезэ — 215 метрат, сех покш сэрезэ — 12 метрат (куншкань сэрезэ — 7 метрат). Эрькесь ашти 44,2 гектаронь площадьсэ[2]. Инеркась — ведень ды эрозиянь типень эрьке, рисьмень эрькетнестэ вейкесь, кона теевсь Сура леень чудема таркасо. Ведесь эрькесэнть ламбамо, ванькс неявоманзо вансты кавто метрас сэрьсэ.
Инеркасонть ламо калт, улить пизэнь ламо теиця ведьга укшныця нармунть, ведьбарант, крачкат. Инерка эрькестэнть ды маласо аштиця биотоптнестэ Россиянь Якстере книгас совавтозь 10 видт[3]. 1983-це иень эйзюрковонь 6-це чистэ Мордовиянь АССР-нь Министрань Советэнь кармавтомасо эрькентень максозь республикань пертьпельксэнь памятникень смустень лем[4].
1980-це иетнень ушодовомсто содыйтне редясть, Инерканть ды Суранть ютксо теине перешейкась (1991-це иестэ ульнесь ансяк 50-60 метрат) эрьва иестэ аламолгады. Эрькесь ашти Суранть эйстэ седе вере, секскак леенть марто вейсэндявомсто Инеркасто весе ведесь туевель леень чудема таркас, ды эрькесь теевель чеядавксокс. Секскак те таркасонть Сурань леень чудема тарканть савсь полавтомс, ветямс лия ёнов 350 метрас, истямо койсэ эрькесь ульнесь идезь[1].
2023-це иестэ Инеркась кармась пек ванстовиця таркакс. Тосо а мереви охотямс, калтнэнь эряви кундсемс ансяк поплавок марто ульмасо эли спиннингсэ. Теке марто а мереви нолдавмс двигатель марто венчть, строямс кодаткак стявтовкст[5][6].
Тешкставкст
- ↑ 1 2 Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 98. — 840 с. — ISBN 5-7595-1662-0.
- ↑ Голубчик М. М., Евдокимов С. П. и др. География Мордовской АССР. Учебное пособие. — Саранск: Изд. Мордов. ун-та, 1983.
- ↑ Памятник природы «Озеро Инерка»
- ↑ Особо охраняемые природные территории Мордовии / Под общей редакцией В. И. Астрадамова. — Саранск: Мордовское книжное издательство, 1997.
- ↑ В Мордовии озеро Инерка стало особо охраняемой природной территорией
- ↑ В Мордовии утвердили режим особой охраны памятника природы «Озеро Инерка»
Ссылкат
- Виртуальное путешествие «В Мордовии, и только здесь»
- Борисов А. А., Вечканов В. С., Каменев А. Г. [и др.] Памятник природы озеро Инерка: монография / под ред. проф. В. В. Ревина, проф. А. А. Ямашкина. — Саранск: Изд-во Мордов. ун-та, 2018. — 96 с.
- Озеро Инерка
- Озеро Инерка, Мордовия
- Озеро Инерка (Республика Мордовия)
- Инерка озеро: как оно используется человеком?
- Инерка: освобождение
- Сергей Новгородов: «Совавтынк Пазонть эсь ойметнес»