Касаткин, Николай Яковлевич
| Николай Яковлевич Касаткин | |||||
|---|---|---|---|---|---|
 | |||||
| Чачома чизэ |
1924-це иень ацамковонь 23-це чи |
||||
| Чачома тарказо | Ромоданова посёлка, Саранонь уезд, Пензань губерния, РСФСР, СССР | ||||
| Кулома чизэ |
1945-це иень эйзюрковонь 27-це чи (20 иеть) |
||||
| Кулома тарказо | Польша | ||||
| Масторозо |
 СССР |
||||
| Кодамо ушмосо | Пехота[d] | ||||
| Служамонь иетне | 1942—1945-це | ||||
| Званиязо |
 |
||||
| Тюремат/войнат | Ине Отечественной война | ||||
| Казнеть ды премият |
|
||||
Николай Яковлевич Каса́ткин (1924-це иень ацамковонь 23-це чи — 1945-це иень эйзюрковонь 27-це чи) — Важодицянь ды сокицянь-видицянь Якстере Армиянь гвардиянь лейтенант, Ине Отечественной войнань улиця, Советской Союзонь Герой (1945-це ие).
Эрямозо
Николай Касаткин чачсь 1924-це иень ацамковонь 23-це чистэ Ромоданова велесэ (ней — Мордовия Республикань Ромодановань буе). Руз. Школань сисем классонь прядомадо мейле 1938-це иестэ важодсь телеграфонь коряс мастерэнь тонавтницякс Казанень чугункань кисэ. 1942-це иень таштамковсто тердезель Важодицянь ды сокицянь-видицянь Якстере Армияв. 1943-це иестэ прядызе Саранонь военной пехотань училищанть. Теке иень таштамковсто саезь — Ине Отечественной войнань фронттнэсэ[1]. 1945-це иень якшамковсто саезь Николай Касаткин гвардиянь лейтенантось ульнесь Белоруссиянь 1-це фронтонь гвардиянь танкань 2-це армиянь гвардиянь танкань 2-це корпусонь гвардиянь танкань 65-це бригадань автоматчикень взводонь прявтокс. Парсте невтизе прянзо Польшань олякстомсто[2].
1945-це иень якшамковонь 12-це чистэ саезь 25-це чис Николай Касаткин ульнесь танкань десантонть составсо Быдгощ ошонть маласо. Эсь взводонзо марто сон саизе леенть трокс ютамонть ды сонзэ кис тюрематнень пингстэ маштсь немецень
100-до ламо ушмант ды офицерт, 4 автомашинат, теке марто сайсь полонс 1 офицер ды ятонь 5 ушмант[2][3].
Казнензэ
1945-це иень эйзюрковонь 24-це чистэ СССР-нь Верховной Советэнь Президиумонь кармавтомасо Николай Касаткин гвардиянь лейтенантонтень максозель Советской Союзонь Героень покш лемесь. Ленинэнь Орденэнть ды «Сырнень Теште» медаленть тензэ каземс эзть кенере, секс мекс 1945-це иень эйзюроковонь 27-це чистэ кулось госпитальсэ тюремань шкасто ранявоматнеде[4]. Калмазь Польшасо Липяно ошонь Западно-Поморской воеводствань куншкань площадьсэ[2].
Теде башка казезель Отечественной войнань 2-це степенень ды Якстере Тештень ордентнэсэ[2].
Тешкставкст
- ↑ Касаткин Николай Яковлевич
- ↑ 1 2 3 4 Касаткин Николай Яковлевич. AZ Library. Дата обращения: 1 Аштемковонь 2013.
- ↑ Краеведческий проект «Созвездие Героев»: Касаткин Николай Яковлевич
- ↑ Война: Мордовия 1941–1945 гг
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Ссылкат
- Касаткин Николай Яковлевич
- В Ромоданове открыта «Парта героя» в честь Героя Советского Союза Николая Касаткина
- В Ромодановском районе Мордовии установлена мемориальная доска в честь Героя Советского Союза Н. Я. Касаткина
- Касаткин Николай Яковлевич
- Выставка «Герои Отечества»
- Выписки из личных и наградных дел Героев Советского Союза, уроженцев Мордовии. Касаткин Николай Яковлевич. 5 марта 1945 г.