Кашань масторлангонь чи
| Кашань масторлангонь чи | |
|---|---|
 Шотландиясо Кашань чи, 2023-це ие | |
| Официальной лемезэ | World Porridge Day |
| Аравтозь | 2009-це иестэ |
| Тешкстамонь чись | ожоковонь 10-це чи |
| Зярдо тешкстави | паро тевень теемань мероприятият, «кашань чокшнеть» |
| Ютавтомань койтне | «Mary's Meals» (эрз. «Мэринь Ярсамопелензэ») паронь теемань вейсэндявксонть туртов ярмаконь пурнамо |
Ка́шань масторла́нгонь чи (руз. Всеми́рный день ка́ши) (англ. World Porridge Day) — раськеютконь покшчи, кона алтазь прявт ярсамопельтнень эйстэ вейкентень — кашантень. Эрьва иестэ тешкстави ожоковонь 10-це чистэ.
Покшчинть ланга
Те чись кемекстазель 2009-це иестэ «Mary’s Meals» (эрз. «Мэринь Ярсамопелензэ») паронь теемань вейсэндявкссо, кона лезды пси ярсамопельсэ сехте кажов масторонь эйкакштненень. Кашась, сехте пек пинеменсесь, ловови прявт ярсамопелекс, конань макснить школасо вачочинь явавтомга, эйкакштнень якамга ды тонавтнеманть паролгавтомга. «Mary’s Meals» вейсэндявксось важоди 19 масторсо, конатнень ютксо Малави, Гаити, Индия ды Кения, максни лезэ 1,6 миллиондо ламо эйкакштненень[1].
Те чинть прявт смусттнень эйстэ вейкесь — явомс мель эйкакштнень ютксо вачочинь стакачинтень ды пурнамс ярмак школасо пандомавтомо обедтнэнь максомга. Те лезды эйкакшонтень изнямс ярсамонь стакачинть, кастомс школасо пандомавтомо обедтнэнь максоманть, секс мекс эйкакштне яксить школав ярсамонть кис, мезесь алкиньгавты тонавкстнэс якамонть ды тонавтнема таркатнестэ панеманть[2].
Мероприятиятне
Кода тешкстыть Кашань масторлангонь чинть:
- Ютавтнить паронь теемань мероприятият, саемга, «кашань чокшнеть», косо инжетненень мереви макснемс ярмак «Mary’s Meals» вейсэндявксонтень;
- Ютавтнить информациянь компаният вачочинь стакачитнень кастомга ды пиштиця эйкакштнень кирдемга;
- Анокстыть волонтёронь акцият пиштицятнень туртов ярсамопелень анокстамга, тень пингстэ анокстыть каша ды пинеместэ ярсамопельть.
Шумбрачинть туртов кашась ловови лезэвекс, секс мекс эйсэнзэ улить витаминт, минералт ды антиосидантт. Сон сюпав клетчаткасо, мезесь максы кирдемс шумбрасто пекепидемань системанть ды паролгавтомс метаболизманть.
Тешкставкст
- ↑ 10 октября — Всемирный день каши (руз.). Национальный медицинский исследовательский центр терапии и профилактической медицины (10 Ожоковонь 2024). Дата обращения: 21 Таштамковонь 2025.
- ↑ World Porridge Day (англ.). Дата обращения: 21 Таштамковонь 2025.