Кащеев, Тихон Гаврилович
| Тихон Гаврилович Кащеев | ||||
|---|---|---|---|---|
 | ||||
| Чачома чизэ |
1903-це иень аштемковонь 18-це чи |
|||
| Чачома тарказо | ||||
| Кулома чизэ |
1972-це иень чадыковонь 3-це чи |
|||
| Кулома тарказо | ||||
| Масторозо |
 СССР |
|||
| Кодамо ушмосо | Пехота[d] | |||
| Служамонь иетне | 1941—1945-це | |||
| Званиязо | младшей сержант | |||
| Частезэ |
гвардиянь леднемань 25-це дивизиянь гвардиянь леднемань 78-це полк |
|||
| Тюремат/войнат | ||||
| Казнеть ды премият |
|
|||
Тихон Гаврилович Кащеев (1903—1972) — Важодицянь ды сокицянь-видицянь Якстере Армиянь младшей сержант, Ине Отечественной войнасо улиця, Советской Союзонь Герой (1944-це ие).
Эрямо кизэ
Тихон Кащеев чачсь 1903-це иень аштемковонь 18-це чистэ Мокшонь Кара велесэ (ней — Мордовия Республикань Ельникень буе)[1]. Тонавтнесь ушодксонь школасо, теде мейле важодсь колхозсо. 1941-це иень таштамковсто саезель служамо Важодицянь ды сокицянь-видицянь Якстере Армияв; секе иень умарьковсто саезь — Ине Отечественной войнань фронттнэсэ. 1943-це иень таштамковс Тихон Кащеев гвардиянь младшей сержантось ульнесь Юго-Западонь фронтонь 6-це армиянь гвардиянь леднемань 25-це дивизиянь гвардиянь леднемань 78-це полконь отделениянь прявтокс. Парсте невтизе прязо Днепра леенть кисэ тюремасо[2][3].
1943-це иень таштамковонь 25-це чистэ саезь 26-це чис вестэнть Зевахин гвардиянь старшей лейтенантонть отрядсо улемстэ Кащеев ютась Днепранть трокс Украинань ССР-нь Днепропетровск ёнксонь Солонянской буень Войсковое веленть маласо. Группась ёртызе ятонть саезь траншеятнестэ ды 130,3 сэрьстэ саизе плацдарманть. Таштамковонь 26-це чинь валскестэнть немецень ушмотне ветексть каявкшность группань таркатнень лангс, ансяк весе каявоматне парсте кирдезельть. Зярдо стройстэ лиссь взводонь прявтось, Кащеев полавтызе сонзэ ды кепедизе взводонть каявомас, сонсь чавсь ятонь малав 10 солдатт ды офицерт[2].
1944-це иень эйзюрковонь 19-це чистэ СССР-нь Верховной Советэнь Президиумонь кармавтомасо «Днепра леень вить чиренть ёно плацдармань кирдемасо ды саемасо мужествань ды героизмань невтемань кис» Тихон Кащеев гвардиянь младшей сержантонтень максозель Советской Союзонь Героень покш лемесь, казезель Ленинэнь орденэсь ды 5899-це номерэнть марто «Сырнень Теште» медалесь[2].
1945-це иестэ Кащеев нолдазель армиясто. Велявтсь тиринь масторов, важодсь колхозсо. Кулось 1972-це иень чадыковонь 3-це чистэ[1].
Теке марто казезель Якстере Знамянь орденсэ ды зярыя медальсэ[2].
Тешкставкст
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Геройская быль. — Саранск: Мордкиз, 1985.
- Мордовия. Энциклопедия. — Саранск, 2007.