Глушкова (Мордовия)
| Веле | |
| Глушкова | |
|---|---|
| руз. Глушково | |
.jpg) | |
| 54°01′29″ с. ш. 44°15′32″ в. д.HGЯO | |
| Масторось |
 Россия |
| Федерациянь субъектэсь | Мордовия |
| Муниципальный район | Кадошкинань буе |
| Велень поселениясь | Паёвань |
| Историясь ды географиясь | |
| Часовой поясось | UTC+3:00 |
| Эрицятне | |
| Зяро эрицят | 214 ломанть |
| Официальной келесь | эрзянь, мокшонь, рузонь |
| Цифровой идентификатортнэ | |
| Почтань индексэсь | 431902 |
| Объектэнь административно-территориальной явовомань Весе Россиянь классификаторонь кодось | 89228813001 |
| Муниципальной образованиянь территориянь Весе Россиянь классификаторонь кодось | 89628413101 |
| Географиянь лемтнень государственной каталогсо номерэсь | 0085176 |
| Лия | |
 |
|
|
|
|
Глушко́ва (руз. Глушко́во) — Россиянь Федерациянь Мордовия Республикань Кадошкинань буесэ веле. Сови Паёвань велень поселенияс[1].
Ашти буень куншканть эйстэ 23 вайгельбень ды 558-це вайгельбень ардтнеманть эйстэ 5 вайгельбень ютазь.
Веленть ланга
Веленть лемезэ — антропоним: Инсаронь кородома киксэнть лангсо Глушковт служиця ломантнень ульнесть тесэ модаст. «Пензань губерниянь эрямо таркань спискасонть» (1869-це иестэ) Глушковась — Инсаронь уездэнь 58 кудосто (423 ломанть) казённой веле.
ХХ-це пингенть ушодкссто тесэ стявтозель Никольской храм, ансяк сон ашти каладозь. Служамось ютавтневи башка таркасо, кона светязь кода Никольской ознома кудо[2].
1913-це иестэ велесэнть ульнесть 130 кудот (964 ломанть); тесэ аштесь Столыпинэнь имениязо; важодсь земствань школа, кирдевсть 3 варма ведьгевть, оень пивтемань 3 таркат, суронь ваткамонь 3 таркат, понань судрямо тарка, 2 кузницят. 1931-це иестэ пурназель «Ленинонь киге» (эрз. «Ленинэнь киява»; прявтось — Чупейкин) колхозось. 1938-це иестэ Глушковасо эрясть 1046 ломанть.
1996-це иестэ икелень колхозонть таркасо теезель «Глушковский» велень хозяйствань производственной кооперативесь, седе тов — «Глушковское» киртязь ответственность марто вейсэндявксось. Прявт тевтне — товзюронь кастома, сюракшов ракшань трямо[3].
Глушковасо чачсть А. В. Климкина партиянь важодицясь, Р. В. Климкина филологиянь наукань кандидатось, Берлинсэ, Потсдамсо СССР-нь Государственной зыянтомочинь комитетсэ, Мордовиянь АССР-нь зыянтомочинь комитетсэ кельстэ кельс ютавтыцясь, Р. В. Бабушкина Мордовия Республикань Государственной премиянь лауреатось, кельсодыесь, А. В. Корнеев пограничникесь, Н. В. Палаткина Мордовия Республикань заслуженной артисткась[4].
Велесэнть колмо курот: Центральной, Луговой ды А. Корнеев лемсэ. Вейсэндявомадо икеле 2019-це иес Глушковань велень поселениясь ульнесь административной куншкакурокс[1], седе мейле совась Паёвань велень поселенияс[5].
Глушкова велесэ ульнесь «Пайгоня» (эрз. «Баягине») фольклоронь морокуро, конанень шкань ютазь максозь «раськень» лемесь. Коллективесь морсесь мокшонь морот. Неень шкасто морокурось важодеманзо лоткавтызе.
Велесэнть ули 1941-1945-це иетнестэ Ине Отечественной войнань шкасто чавовозь ушмантнэнень обелиск. Объектэсь ловови региононь смустень историянь памятникекс. 2025-це иень панжиковсто обелискенть вакссо панжозельть ледстнемань лазт велесэ чачозетненень — Андрей Палаткиннэнь, Олег Синякиннэнь, Сергей Агеевнень, конат чавовсть Специальной военной операциясо ды казезь Мужествань Орденсэ (куломадо мейле)[6].
Эрицятне
| 2002[7] | 2010[8] | 2016[9] | 2020 |
|---|---|---|---|
| 348 | ↘234 | ↘225 | ↗252 |
2025-це иестэ Глушкова велень эрицятнеде — 214 ломанть[10].
Тешкставкст
- ↑ 1 2 Закон Республики Мордовия от 28 декабря 2004 года № 120-З «Об установлении границ муниципальных образований Кадошкинского муниципального района, Кадошкинского муниципального района и наделении их статусом сельского поселения, городского поселения и муниципального района» (руз.). docs.cntd.ru (28 Ацамковонь 2004). Дата обращения: 11 Ожоковонь 2025.
- ↑ с. Глушково (руз.). Природное и культурное наследие Мордовии. Дата обращения: 11 Ожоковонь 2025.
- ↑ Социально-экономическое положение с. Глушково Кадошкинского района Республики Мордовия (руз.). kadoshkino-rm.ru. Дата обращения: 11 Ожоковонь 2025.
- ↑ Павел Грачев. Надежда Палаткина - гордость земли Глушковской! (руз.). Одноклассники (10 Чадыковонь 2022). Дата обращения: 11 Ожоковонь 2025.
- ↑ Закон Республики Мордовия от 24 апреля 2019 года № 28-З «О преобразовании Глушковского и Паевского сельских поселений Кадошкинского муниципального района, Глушковского и Паевского сельсоветов Кадошкинского района Республики Мордовия и о внесении изменений в некоторые законы Республики Мордовия» (руз.). docs.cntd.ru (24 Чадыковонь 2019). Дата обращения: 11 Ожоковонь 2025.
- ↑ В Кадошкинском районе открыли мемориальные плиты уроженцам села Глушково (руз.). mordov.er.ru (12 Панжиковонь 2025). Дата обращения: 11 Ожоковонь 2025.
- ↑ http://www.perepis2002.ru/content.html?id=11&docid=10715289081460.
- ↑ https://rosstat.gov.ru/free_doc/new_site/perepis2010/croc/perepis_itogi1612.htm.
- ↑ http://web.archive.org/web/20210508043701/http://www.gks.ru/free_doc/doc_2016/bul_dr/mun_obr2016.rar.
- ↑ Население села Глушково Кадошкинского района Республики Мордовия (руз.). bdex.ru. Дата обращения: 11 Ожоковонь 2025.
Литература
- «Мордовия» энциклопедия, Т. И. Янгайкина.
Ссылкат
- Глушково — не глухомань?
- 12 октября 2023 г. в рамках мероприятий, приуроченных к месячнику пожилых людей, администрацией Паёвского сельского поселения Кадошкинского муниципального района для жителей с. Глушково и с. Паёво было организовано торжественное мероприятие
- Жители села Глушково Мордовии спасли инвалида из огня и локализовали пожар
- 20 мая в селе Глушково Кадошкинского района состоялось долгожданное и радостное событие
Кадошкинань буень эрямо таркатне | |
|---|---|
