Кляйн, Ева

Ева Кляйн
Ева Кляйн
	мад. Eva Klein
	;
Чачомсто лемезэ	мад. Fischer Éva
Чачома чизэ	1925-це иень якшамковонь 22-це чи
Чачома тарказо	Будапешт, Королевство Венгрия[d];
Кулома чизэ	2025-це иень якшамковонь 19-це чи (99 иеть)
Кулома тарказо	Lidingö[d], Лидингэ[d], Стокгольм[d], Швеция Мастор;
Масторозо	Швеция Мастор; Мадьяронь Мастор;
Наукань сферазо	биология
Важодема тарказо	Каролинский институт[d];
Тонавтнемазо	Будапештэнь университет[d] (1948); Каролинский институт[d] (1953);
Содави кода	раконь иммунолог
Казнензэ ды премиянзо	премия Вильяма Коли[d] (1975-це иень) премия Бьёркена[d] (1978-це иень) Eric K. Fernströms Nordiska Pris[d] (1983-це иень)

Е́ва Кляйн (мад. Eva Klein; 1925-це иень якшамковонь 22-це чи, Будапешт — 2025-це иень якшамковонь 19-це чи, Lidingö^[d], Стокгольм^[d]) — венгерань-шведэнь содый-иммунолог, содавкис теке 1960-це итенестэ клеткань-киллерэнь васенце панжицятнень ютксо улиця ^[2]^[3].

Эрямо кизэ

Ушодкс иетне

Ева Фишер чачсь 1925-це иень якшамковонь 22-це чистэ Будапештсэ — Венгрия масторонь прявтошосо — сюпав евреень кудораськесэ. Сон якась частной школав, косо мелезэнзэ тукшность спортось, театрась ды наукась; мелензэ кепедсь Мария Кюринь (руз.) (эрз. эрямозо ды шкинемазо. Профессиянь кочкамось ульнесь стака, секс мекс евреень ундокс марто тейтерькантень политкань ситуациясь сестэ масторсо ульнесь а шожда: Венгриясо се иетнестэ прянзо кепедизе антисемитизмась ды евреень пансемась; мейле государстванть саизе оккупацияс Колмоце рейхесь малав сеске, кода Фишер прядызе средней школанзо.

Ева Фишер тонавтнесь Будапештэнь университетсэ медицинань школасо; Омбоце весемасторонь войнань пингстэ, 1944—1945-це итенестэ, сон ды сонзэ кудораськень зярыя ломантне идевсть куломадо, кекшсть университетэнь гистологиянь Институтсо. Сыненст лездась Янош Ширмай, конанть мейле лемдизь «масторонь раськетнень праведник», конась теде башка тейсь поддельной документт семиянтень. Ве шкасто Фишер лоткавтынзе медицинань исследованиязо ды арсесь поступамс театрас — ансяк курок велявтсь медицинас.

Ева лись мирденень Джордж Кляйн студентэнть экшс, кадызе Венгриянть ды тусь Швецияв 1947-це иестэ. 1955-це иестэ сон прядызе медицинань факультетэнть Стокгольмань Каролинской институтсо. Теде башка, Кляйнонтень макссть учёноень степенть Небраски Университетэсь (1993) ды Огайо штатонь Университетэсь (2003).

Исследователень карьерась

1948-це иестэ Кляйн кармась улеме доцентэкс Каролинань институтсо, пачкодсь полной профессоронь званияс 1979-це иестэ. 1948-це иестэ саезь сон ушодызе эсь исследованиянзо, мелензэ кирдизе Торбьёрн Касперссон (руз.) (эрз. Каролинань институтонь исследованиянь ды генетикань отделстэ. Весе карьеранзо перть Кляйн кирдсь проффессиональной сюлмот эсь мирдензэ марто. Важодеманзо перть Ева Кляйн печатась малав 500 статьят, теде башка важодсь «Seminars in Cancer Biology» журналонть научной редакторокс (руз. «Семинары по биологии рака»).

Меельце иетне

Пенсияс лисемадо мейле Кляйн виензэ коряс лездась эсь студентнэнень ды теде башка поладынзе профессор-эмеритэнь эсь исследованиянзо аволь покшке исследователень куронзо марто. Лия вечкевикс тевезэ ульнесь ютавтнемс венгриянь поэзиянть шведэнь кельс. 2015-це иень сундерьковсто шведэнь радиосо сон яволявтсь, келя важодемась максы вийть сонензэ эрямонь 90-це иестэ.

Кулось 2025-це иень якшамковонь 19-це чистэ 99 иесэ^[4]^[5].

Кудораськезэ

Ева ды Джордж Кляйн кудораськесэ ульнесть колмо эйкакшт: покш цёрась кармась математикекс, кавто тейтерьтне врачокс ды драматургокс. Сонсь Ева Кляйн идизе кандидатской диссертациянзо, зярдо пекесэ кавксоце ков кандтнесь омбоце эйкакшсонзо. Сон кортась, келя мирдезэ зярдояк эзь яво мель кудоютконь тевтненень ды эйкакштнень мельга якамонтень.

Прявт изнявксонзо ды башкачизэ

Кляйн кудораськесь, вейсэ ды эрьвась башка, ютавтсь келей ды новаторонь тона пингстэ важодема раконь иммунологиянь коряс, муйсть зярыя кевкстемат, кода злокачественной раконь клеткатне лепштявить шумбра клеткань генатнесэ.

1960-це иетнестэ Ева Кляйн муинзе-арсинзе Беркитта лимфомасто клеткань линиятнень, конатнень тевс нолдыть течияк. 1970-це иетнестэ Кляйн группатне тейсть исследованият, ули-арась лимфоцитнэнь ды опухоленькаршонь реакциянть ютксо тевтеема. Тень пингстэ Ева ванкшнызе областенть, конантень лия исследовательтне эзть яво покш мель. Сонзэ исследованиятне панжизь уникальной лимфоцитонь типенть (ашо клеткат), конатне кирдить спонтанной цитотоксичностенть — маштомачить «чавномс» опухолень клеткатнень ды вируссо инфицировазь клеткатнень. Кляйн лемдинзе сынст «естественной киллерт».

Кляйн умок яви мель вирусологиянтень, теде башка иммунологиянтень, ванкшны Эпштейна-Барр вирусонь ролензэ Беркитта лимфомасо. Сон кармась улеме Шведэнь королевской наукань академиянтень совицякс (руз.) (эрз. 1987-це иестэ, теде башка Венгерань наукань академиясь соватызе сонзэ эсь ломантнень юткс 1993-це иестэ. 2013-це иестэ сонензэ максозель Американской онкологиянь исследованиятнень премиясь.

1975-це иестэ Американь научно-исследовательской раконь институтось яволявтсь Вильяма Б. Коули лемсэ премия основной ды опухолевой иммунологиянь областьсэ ине исследованиятнень кис: инаугурациянь казненть явизь 16 содыйть, конатне лововсть «онкологической иммунологиянь арсицякс» — сынст ютксо ульнесть Кляйн кудораськенть кавто ломантне. Сынь казнесэ сёрмадозель «ливтниця чеертнень опухолеспецифической антигентнэнь панжомась, ломанень рак сэредеманть келей иммунологической ды Беркитта лимфоманть анализ».

2005-це иестэ, Кляйн 80-це иень чачома чистэнзэ, учёные из Каролинань институтонь содыйтне панжсть Джордж ды Евы Кляйнтнэнь Фонд. 2010-це иестэ Кляйн казязель Каролинань институтонь медицинань исследованиятнень областьсэ Сиянь медальсэ.

Тешкставкст

↑ ¹ ² LIBRIS — 2015.
↑ Hargittai, 2015, с. 44—48.
↑ Klein Foundation, 2016.
↑ Életének 99. évében, 3 nappal 100. születésnapja előtt elhunyt Klein Éva, az MTA külső tagja, MTA.hu (21 Якшамков 2025). Ваннозь 18 Ожоковонь 2025.
↑ Не стало великого шведского иммунолога Евы Кляйн (руз.). Городская ритуальная служба. Дата обращения: 18 Ожоковонь 2025.

Литература

Hargittai, Magdolna. Women Scientists: Reflections, Challenges, and Breaking Boundaries. — Oxford University Press, 2015. — ISBN 978-0199359981.
About the George and Eva Klein Foundation // GE Klein Foundation. — 2016.

[_3db6f379f0506790-1] ¹ ² LIBRIS — 2015.

[_cff8c0f37feff274-2] Hargittai, 2015, с. 44—48.

[_d809d95d58652e54-3] Klein Foundation, 2016.

[4] Életének 99. évében, 3 nappal 100. születésnapja előtt elhunyt Klein Éva, az MTA külső tagja, MTA.hu (21 Якшамков 2025). Ваннозь 18 Ожоковонь 2025.

[5] Не стало великого шведского иммунолога Евы Кляйн (руз.). Городская ритуальная служба. Дата обращения: 18 Ожоковонь 2025.

[1]

[2]

[3]

[4]

[5]