Коновалов, Фёдор Федулович

Фёдор Федулович Коновалов
Фёдор Федулович Коновалов
Чачома чизэ	12 таштамковонь 1918
Чачома тарказо	Булдыга, Темникововонь уезд[d], Тамбовонь губерния[d], Москов ёнкс[d], РСФСР[d];
Кулома чизэ	20 якшамковонь 1980 (61 год)
Кулома тарказо	Ковдор[d], Мурманонь ёнкс, РСФСР[d], СССР;
Масторозо	СССР
Кодамо ушмосо	инженерэнь
Служамонь иетне	1941—1946-це
Званиязо
Тюремат/войнат	Ине Отечественной война;

Фёдор Феду́лович Конова́лов (1918—1980) — Важодицянь ды сокицянь-видицянь Якстере Армиянь лейтенант, Ине Отечественной войнасо улиця, Советской Союзонь Герой (1944-це ие)^[1].

Эрямо кизэ

Фёдор Коновалов чачсь 1918-це иень таштамковонь 12-це чистэ Булдыга велесэ (ней — Мордовия Республикань Атюрьевань буе). Руз. Тонавтнесь ушодкс школасо, теде мейле коллективизациясо панезесь, кода сонзэ велень ламот лия ломантне, тусь Московов ды важодсь слесарекс заводтнэсэ вейкесэнть^[2]. 1939-це иестэ Коновалов саезель служамо Важодицянь ды сокицянь-видицянь Якстере Армияв. Служась Киевень военной округсо, секскак фронтов понгсь Ине Отечественной войнань ушодовомсто. Киевенть ало потамсто сон идесь ламо эйкакшт, лездась сынст ютавтомс Днепра леенть трокс тылэнтень. 1944-це иестэ сон прядызе Мичуринэнь военно-инженерной училищанть, теде мейле ульнесь Прибалтикань 1-це фронтонь гвардиянь 6-це армиянь гвардиянь леднемань 71-це дивизиянь гвардиянь сапёронь 82-це башка батальононь взводонь прявтокс. Парсте невтизе прянзо Западной Двина леенть саемстэ^[3].

1944-це иень аштемковонь 25-це чистэ кедь ало улиця лездамопельтнень эйстэ тейсь плот, теде мейле Белоруссиянь ССР-нь Витебск ёнксонь Бешенковичень буень Мамойки веленть маласо уевтсь лангсонзо леднемапельтнень ды боеприпастнэнь марто 300-до ламо ушмант ды командирт, мезесь лездась плацдармань парсте саемантень ды леенть чивалгомань чирензэ ёно кирдемантень^[3]^[4].

1944-це иень медьковонь 22-це чистэ Верховной Советэнь Президиумонь кармавтомасо Фёдор Коновалов лейтенантонтень максозель Советкой Союзонь Героень покш лемесь, казезель Ленинэнь орденэнь ды «Сырнень Теште» медалесь^[3].

1946-це иестэ Коновалов гвардиянь лейтенантонь званиясо кучозель запасос. Эрясь ды важодсь Мурманск ёнксонь Ковдор ошсо, кулось 1980-це иень якшамковонь
20-це чистэ^[3], сонзэ фамилиясо ульнесь лемдезь ошонь вейке курось.

Теде башка казезель Отечественной войнань 2-це степенень орденсэ ды зярыя медальсэ^[3].

Тешкставкст

↑ Музей Победы. Коновалов Фёдор Федулович
↑ Коновалов Фёдор Федулович (12.09.1918–20.01.1980)
↑ ¹ ² ³ ⁴ ⁵ Коновалов Фёдор Федулович (руз.). AZ Library. Дата обращения: 17 Медьковонь 2013.
↑ Из подручных средств сделал плот и обеспечил переправу на плацдарм. Подвиг лейтенанта Фёдора Коновалова

Литература

Коновалов, Фёдор Федулович (неопр.). «Масторонь маралят» вальмась.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Ссылкат

[1] Музей Победы. Коновалов Фёдор Федулович

[2] Коновалов Фёдор Федулович (12.09.1918–20.01.1980)

[кфф-3] ¹ ² ³ ⁴ ⁵ Коновалов Фёдор Федулович (руз.). AZ Library. Дата обращения: 17 Медьковонь 2013.

[4] Из подручных средств сделал плот и обеспечил переправу на плацдарм. Подвиг лейтенанта Фёдора Коновалова

[1]

[2]

[3]

[4]