Котельников, Николай Александрович
| Николай Александрович Котельников | |||||||
|---|---|---|---|---|---|---|---|
 | |||||||
| Чачома чизэ | 1912-це иень ожоковонь 19-це чи | ||||||
| Чачома тарказо | |||||||
| Кулома чизэ | 1975-це иень таштамковонь 7-це чи (62 иеть) | ||||||
| Кулома тарказо | |||||||
| Масторозо |
 СССР |
||||||
| Кодамо ушмосо | артиллеррия[d] | ||||||
| Служамонь иетне | 1932—1960-це | ||||||
| Званиязо |
 |
||||||
| Тюремат/войнат | |||||||
| Казнеть ды премият |
|
||||||
Никола́й Алекса́ндрович Коте́льников (1912-це иень ожоковонь 19-це чи, Карсун, Симбирской губерния — 1975-це иень таштамковонь 7-це чи, Саран ош) — Советской Армиянь подполковник, Ине Отечественной войнасо улиця, Советской Союзонь Герой (1946-це ие)[1].
Эрямо кизэ
Николай Котельников чачсь 1912-це иень ожоковонь 19-це чистэ Карсун посёлкасо (ней — Ульяновск ёнкс)[2]. Руз. Школань кемень классонь прядомадо мейле важодсь сберегательной кассасо. 1932-це иестэ Котельников саезель служамо Важодицянь ды сокицянь-видицянь Якстере Армияв. 1936-це иестэ прядсь пограничной военной школа[3]. 1942-це иень сундерьковсто саезь — Ине Отечественной войнань фронттнэсэ. 1945-це иень чадыковонтень Николай Котельников капитанось ульнесь Белоруссиянь фронтонь вачкодемань 1-це армиянь артиллериянь прорывень
6-це корпусонь артиллериянь 14-це дивизиянь шожда артиллериянь
169-це бригадань шожда артиллериянь 1137-це полконь дивизиононь прявтокс. Парсте невтизе прянзо Берлинэнь операциянь ютавтома шкасто.
1945-це иень чадыковонь 22-30-це читнестэ Котельниковонь дивизионось ульнесь Кюстрин ошонть эйстэ северо-запад ёнов плацдармань келейгавтоманть кис тюрематнесэ, косо яжасть 20-те ламо танкат, самоходонь артиллериянь 3 установкат, ятонь солдатонь ды офицерэнь малав рота. Сонсь Котельников яжась немецень
2 танкат.
1946-це иень панжиковонь 15-це чистэ СССР-нь Верховной Советэнь Президиумонь кармавтомасо Николай Котельников капитанонтень максозель Советской Союзонь Героень покш лемесь, казезель Ленинэнь орденэсь ды «Сырнень теште» медалесь.
Войнань прядовомадо мейле поладызе Советской Армиясо служамонзо;
1952-це иестэ прядызе Военно-педагогикань институтонть. 1960-це иестэ подполковникень званиясо Николай Александрович Котельников кучозель запасос. Эрясь Саран ошсо, важодсь Мордовиянь государственной университетэнь военной кафедрань тонавтыцякс, мейле — гражданской оборонань инженерэкс. Кулось
1975-це иень таштамковонь 7-це чистэ.
Теде башка казезель Якстере Знамянь кавто орденсэ, Александр Невскиень ды Якстере Тештень ордентнэсэ, зярыя медальсэ.
Тешкставкст
Литература
Шейнман Л. Котельников, Николай Александрович. «Масторонь маралят» вальмась. Дата обращения: 7 Якшамковонь 2015.- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
