Котов, Александр Григорьевич

Александр Григорьевич Котов
Александр Григорьевич Котов
Чачома чизэ	1918-це иень ожоковонь 19-це чи
Чачома тарказо	Троицк (Мордовия), Краснослободскоень уезд[d], Пензань губерния[d], РСФСР[d];
Кулома чизэ	2005-це иень аштемковонь 25-це чи (86 иеть)
Кулома тарказо	Троицк (Мордовия), Ковылкинань буе, Мордовия Республика, Россиянь Федерация;
Масторозо	СССР
Кодамо ушмосо	СССР-нь Военно-воздушной вийтне
Служамонь иетне	1938—1943-це, 1946—1953-це
Званиязо	; гвардиянь капитан
Частезэ	гвардиянь истребителень авиациянь ; 32-це полк
Тюремат/войнат	Ине Отечественной война;

Алекса́ндр Григо́рьевич Ко́тов (1918-це иень ожоковонь 19-це чи, Троицк веле — 2005-це иень аштемковонь 25-це чи, Троицк веле) — Советской военной ливтниця, гвардиянь капитан. Советской Союзонь Герой (1943-це ие).

Эрямокизэ

Александр Котов чачсь 1918-це иень ожоковонь 19-це чистэ Троицк велесэ (ней — Мордовия Республикань Ковылкинань буе)^[1]. Школань сисем классонь ды фабрикань-заводонь ученичествань школань (руз.) (эрз. прядомадо мейле важодсь сюлмонь теицякс Москов ёнкссо Монинань камвольной комбинатсо.

1938-це иестэ Котов саезель служамо Важодицянь ды сокицянь-видицянь Якстере Армияв^[2]. 1940-це иестэ прядызе А. Ф. Мясников лемсэ Качинэнь Якстере Знамянь военной авиациянь школанть. 1941-це иень аштемковсто саезь — Ине Отечественной войнань фронттнэсэ. 1943-це иень якшамковонь 22-це чинтень Александр Котов гвардиянь старшей лейтенантось ульнесь Калининэнь фронтонь коштонь 3-це армиянь истребителень авиациянь 1-це корпусонь истребителень 210-це авиадивизиянь гвардиянь истребителень 32-це авиаполконь эскадрильянь командирэнь полавтыцякс^[2]. 1943-це иень чадыковонтень тейсь 256 ливтямот ды коштонь 129 тюрематнесэ правтсь ятонь 16 менельвенчть^[3]. Неть подвигтнень кис аравтозь Советской Союзонь Героень лемень максомас. М. Ю. Быковонь содамонзо коряс, Котов сонсь правтсь ятонь 11 ды группасо 4 менельвенчть^[4].

1943-це иень даволковонь 22-це чистэ «Якстере Армиянь Военно-Воздушной вийтнень прявтонь составонтень Советской Союзонь Героень лементь максомадо» СССР-нь Верховной Советэнь (руз.) (эрз. Президиумонь кармавтомасо «фронтсо немецень ятонть каршо виевчинь ды геройксчинь невтеманть ды командованиянть пельде аравтозь тевень топавтоманть кис» максозель Советской Союзонь Героень покш лемесь, казезель Ленинэнь орденэнь ды 813-це номерэнть марто «Сырнень теште» медалесь^[2]^[5].

1943-це иень чадыковонь ушодовомсто стакасто ранязель апак учо тевень коряс. 1943-це иень умарьковсто Котов инвалидностень коряс кучозель запасос.

1946—1953-це иетнестэ таго служась Советской Армиясо, отставкав тусь капитанонь званиясо. Велявтсь тиринь велев, косо васня важодсь электротехникекс, мейле ламо колхозтнэнь ютксо гидроэлектростанциянь (ГЭС-нь) прявтокс^[2].

Казезь Ленинэнь кавто орденсэ, Якстере Знамянь ды Отечественной войнань
1-це степенень ордентнэсэ^[2], «Киевень идеманть кис», «Московонь идеманть кис», «Сталинградонь идеманть кис», «Ине Отечественной войнасо Германиянть лангсо изнямонть кис», СССР-нь ды РФ-нь медальтнесэ. Мордовия Республикань Почётной эриця (руз.) (эрз. Мордовия Республикань почётной эриця (2000-це ие). Ковылкинань буень почётной эриця.

2000-це иень чадыковонь 27-це чистэ Россиянь Федерациянь Вооруженной вийтнень Верховной Главнокомандующеень 2-це № кармавтомасо Александр Котовнень максозь майоронь войнской лемесь.

Кулось 2005-це иень аштемковонь 25-це чистэ эрямонь 87-це иень молемстэ. Калмазь Троицк велесэ.

Ледстнема

Александр Котовонь лемензэ кандтни Троицкоень школась. Се кудосонть, косо эрясь Героесь, аравтозь ледстнемань лаз.

Тешкставкст

↑ Ней — Ковылкинань буесэ, Мордовия Республика, Россия.
↑ ¹ ² ³ ⁴ ⁵ Котов, Александр Григорьевич (неопр.). «Масторонь маралят» вальмась.
↑ Представление на присвоение А. Г. Котову звания Героя Советского Союза // ОБД «Память народа» (руз.). Дата обращения: 11 Таштамковонь 2025. Архивировано 17 Чадыковонь 2019 года.
↑ Быков М. Ю. Все асы Сталина. 1936—1953. — М.: Яуза, 2014. — С. 606—607. — (Элитная энциклопедия ВВС). — ISBN 978-5-9955-0712-3.
↑ Указ Президиума Верховного Совета СССР «О присвоении звания Героя Советского Союза начальствующему составу Военно-Воздушных сил Красной Армии» от 22 февраля 1943 года // Ведомости Верховного Совета Союза Советских Социалистических Республик : газета. — 1943. — 23 Даволковонь (№ 9 (215)). — С. 1. Архивировано 19 Сундерьковонь 2021 года.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.

Ссылкат

[1] Ней — Ковылкинань буесэ, Мордовия Республика, Россия.

[wh-2] ¹ ² ³ ⁴ ⁵ Котов, Александр Григорьевич (неопр.). «Масторонь маралят» вальмась.

[3] Представление на присвоение А. Г. Котову звания Героя Советского Союза // ОБД «Память народа» (руз.). Дата обращения: 11 Таштамковонь 2025. Архивировано 17 Чадыковонь 2019 года.

[4] Быков М. Ю. Все асы Сталина. 1936—1953. — М.: Яуза, 2014. — С. 606—607. — (Элитная энциклопедия ВВС). — ISBN 978-5-9955-0712-3.

[5] Указ Президиума Верховного Совета СССР «О присвоении звания Героя Советского Союза начальствующему составу Военно-Воздушных сил Красной Армии» от 22 февраля 1943 года // Ведомости Верховного Совета Союза Советских Социалистических Республик : газета. — 1943. — 23 Даволковонь (№ 9 (215)). — С. 1. Архивировано 19 Сундерьковонь 2021 года.

[1]

[2]

[3]

[4]

[5]