Кошелева, Нина Васильевна
| Кошелева Нина Васильевна | |
|---|---|
| Кувака лемезэ | |
| Чачома чизэ | 1952-це иень медьковонь 1-це чистэ |
| Чачома тарказо | Мордовия Республикань Сыре Шайговань буень Вертелим веле |
| Масторозо | |
| Профессиязо | музыкань сёрмадыця |
| Казнензэ |
  |
| ninakosheleva.narod.ru | |
Кошелева Нина Васильевна — музыкань сёрмадыця, Мордовия Республикань прявт моронь музыкань сёрмадыця[1]. Россиянь Федерациянь искусствань заслуженной важодиця (2008).
Тонавтнемань кизэ
Чачсь 1952-це иень медьковонь 1-це чистэ Вертелим велесэ, кона ней сови Мордовия Республикань Сыре Шайговань буес. Раськень коряс — мокша.
Прядызе Л. П. Кирюков лемсэ Саран ошонь музыкань училищанть, Н. Г. Жиганов лемсэ Казанень государственной консерваториянть.
1979-це иестэ саезь — Л. П. Кирюков лемсэ Саран ошонь музыкань училищань тонавтыця. 1997-це-2002-це иетнестэ — Мордовия Республикань Музыкань сёрмадыцянь правлениянь прявтонь полавтыця. 2002-це иестэ саезь — Мордовия Республикань Музыкань сёрмадыцянь правлениянь прявт. 1982-це иестэ саезь сови Россиянь Музыкань сёрмадыцянь вейсэндявксос.
Шкинемазо
Театрань путовкстнэс (сынст ютксо «Сиянь эрьке», «Ведявань апаро мельть-арсемат» ды лият) моронь, музыкань, классикань произведениянь сёрмадыця. Мордовия Республикань прявт моронь музыкань сёрмадыця («Шумбрат, Мордовия!», валтнэ Сергей Кинякинэнь). Нина Кошелевань шкинемасо покш изнявксокс ловови «Алёна Арзамасская» эрзянь ды мокшонь васенце балетэнтень музыкань сёрмадомась. Балетэсь невтневи И. М. Яушев лемсэ Саранонь музыкань театрань сценанть лангсо. 2013-це иень чадыковонь 18-це чистэ ды 2022-це иень сундерьковонь 29-це чистэ теке театрасо ютась Н. В. Кошелевань шкинемань покш чокшнезэ[2]. 2024-це иень ожоковонь 9-це чистэ Нина Кошелевань шкинеманзо вечкицятне пурнавкшность эрзянь ды мокшонь раськень драмань театрасо[3]. Музыказо гайги Мордовиясо ды сонзэ томбале: Московсо, Санкт-Петербургсо, Казаньсэ, Уфасо, Йошкар-Оласо, Ижевскойсэ, Чебоксарсо, Сыктывкарсо, Петрозаводскойсэ, Обрансо, Саратовсо, Россиянь ламо лия оштнесэ ды теде башка Финляндиясо, Венгриясо, Латвиясо, Эстониясо[4].
Почётонь лемть
- Мордовиянь комсомолонь премиянь лауреат (1986-це ие)
- Д. Д. Шостакович лемсэ Россиянь Музыкань сёрмадыцянь премиянь лауреат (1988-це ие)
- Мордовия Республикань искусствань заслуженной важодиця (1991-це ие)
- Мордовия Республикань Государственной премиянь лауреат (1995-це ие)
- Мордовия Республикань раськень артистка (2002-це ие)
- Россиянь Федерациянь искусствань заслуженной важодиця (2008-це ие) — искусствасо теевкстнэнь кис[5].
- Ялгаксчинь орден (2023-це ие) — культурас ды искусствас кастомань путовксонть, шкинемань ламо иень важодеманть кис[6].
Тешкставкст
- ↑ Кошелева Нина Васильевна
- ↑ В Саранске прошёл юбилейный концерт Нины Кошелевой
- ↑ Творческий вечер композитора Нины Кошелевой
- ↑ Кошелева Нина Васильевна
- ↑ Указ Президента Российской Федерации № 824 от 21 мая 2008 года «О награждении государственными наградами Российской Федерации». Дата обращения: 15 Таштамковонь 2018. Архивировано 14 Умарьковонь 2020 года.К:Рувики:Cite web (не указан язык)
- ↑ Владимир Путин наградил орденом Дружбы мордовского композитора Нину Кошелеву
Литература
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 727. — 840 с. — ISBN 5-7595-1662-0.
Ссылкат
- Композитор Нина Кошелева
- Гении рождаются в глубинке
- «Меня вдохновляет любовь к Родине, к своему народу, наши мордовские традиции»
- ФОЛЬКЛОР В ТВОРЧЕСТВЕ МОРДОВСКОГО КОМПОЗИТОРА НИНЫ КОШЕЛЕВОЙ. К 65-летию Н.В. Кошелевой. К юбилею композитора
- Презентация, доклад на тему композиторы Мордовии : Н. В. Кошелева